Morgunblaðið - 01.05.2019, Qupperneq 10

VIÐTAL
Sigurður Bogi Sævarsson
sbs@mbl.is
„Stéttarfélögin þurfa að beita sér á
miklu fleiri sviðum samfélagsins en
verið hefur síðustu árin. Eitt er að
tryggja verkafólki mannsæmandi
laun og að réttindi þess séu virt í hví-
vetna. En við þurfum að vera virkari
í mörgu fleiru, svo sem velferðar-
málum í sinni víðustu mynd,“ segir
Guðbjörg Kristmunsdóttir, nýr for-
maður Verkalýðs- og sjómannna-
félags Keflavíkur.
„Í raun er fátt ef nokkuð í sam-
félagi okkar sem er verkalýðshreyf-
ingunni óviðkomandi. Hér á Suður-
nesjum hefur fólki fjölgað mikið á
undanförnum árum og senn mynd-
ast hér húsnæðisskortur. Framboð á
íbúðum á viðráðanlegu verði þarf að
vera meira og þar mun verkalýðs-
hreyfingin stíga inn með leiguíbúð-
um sem Bjarg, húsnæðissamvinnu-
félag ætlar að reisa. Sömuleiðis
rennur okkur til rifja hvernig búið er
að öldruðum, fólki sem margt var í
félaginu okkar alla sína starfsævi.
Verkefnin eru í raun óþrjótandi. “
Lítil þátttaka
er umhugsunarverð
Í mars síðastliðnum tók Guðbjörg
Kristmundsdóttir við formennsku í
VSKF, en hún leiddi framboðslista
kjörstjórnar, sem var sá eini sem
fram kom. Við formennskunni tók
Guðbjörg af Kristjáni Gunnarssyni
sem hafði verið í framvarðasveitinni
í tæp þrjátíu ár. Alls eru í félaginu,
sem nær yfir Reykjanesbæ, Garð og
Voga, um 5.000 manns og um 70%
þeirra starfa við flug- og ferðaþjón-
ustu, meðal annars á Keflavíkur-
flugvelli. Tæpur þriðjungur fé-
lagsfólks er svo sjómenn eða
ófaglært starfsfólk í iðnaði og ýms-
um þjónustustörfum. Gjarnan sinnir
þessum störfum fólk af erlendum
uppruna, en það er um helmingur fé-
lagsmanna.
„Fólk frá útlöndum er satt að
segja ekki mjög virkt í starfi félags-
ins og því viljum við breyta. Fá
raunar sem flesta til þátttöku, því
það er umhugsunarvert að í at-
kvæðagreiðslu um nýjan kjarasamn-
ing á dögum tóku aðeins 7,8% fé-
lagsmanna þátt – og rúmlega 81%
samþykkti,“ segir Guðbjörg sem tel-
ur lífskjarasamninginn sínu fólki að
flestu leyti hagfelldan.
„Gagnvart okkar viðsemjendum
fórum við jafn langt og komast
mátti. Gjaldþrot WOW air undir lok
samningalotunnar þýddi að allir sem
að borðinu komu urðu að breyta um
áherslur, slá af ýtrustu kröfum og
nálgast viðfangsefnið á nýjan hátt.
Að bæta stöðu þeirra sem lægst hafa
launin var áherslumál og þar kom-
umst við nokkuð áleiðis. Lægsti
mánaðartaxtinn í okkar félagi hefur
verið 267 þúsund krónur, en hækkar
nú um 17 þúsund krónur. Með tekju-
tryggingu ættu flestir því að ná 300
þúsund krónum á mánuði sem er
áfangasigur, þó slíkar tekjur dugi
fjölskyldum ekki til framfærslu. Að
samkomulagið sem náðist milli
verkalýðshreyfingarinnar, atvinnu-
rekenda og stjórnvalda skuli nefnt
lífskjarasamningur er ekki úr vegi.
Þarna eru inni í breytunni mun fleiri
atriði en áður hafa sést í kjarasamn-
ingum, svo sem skattar, vaxtastefna,
samkeppnishæfni atvinnulífsins,
stytting vinnutímans og margt
fleira.“
Viðbúið að harðni á dalnum
Áhrifin af gjaldþroti WOW air
segir Guðbjörg enn ekki að fullu
komin fram. Fyrirtæki í ferðaþjón-
ustunni hafi ekki sagt upp starfsfólki
í neinum verulegum mæli, en haldi
jafnframt að sér höndum við ráðn-
ingu sumarstarfsmanna.
„En við þurfum á næstu mánuðum
að vera viðbúin því að eitthvað
harðni á dalnum. Að undanförnu
höfum við verið í samtali við fé-
lagsþjónustuna í Reykjanesbæ, Mið-
stöð símenntunar á Suðurnesjum,
Virk - starfsendurhæfingu, heil-
brigðisstofnunina hér og fleiri um að
þétta velferðarnetið hér á svæðinu.
Að sjálfsögðu tökum við þátt í því
starfi; verkalýðsfélögin eiga að
standa með sínu fólki. En við þurfum
líka að vera sýnilegri og því þurfum
við í VSFK að vera duglegri í vinnu-
staðaheimsóknum og trúnaðar-
mannakerfi okkar þarf að efla. Það
verður verkefni haustsins hjá okkur
í félaginu.“
Vettvangur til áhrifa
Guðbjörg Kristmundsdóttir kom
til starfa í verkalýðshreyfingunni ár-
ið 2012, það er á þjónustumiðstöð
sem nokkur stéttarfélög settu á fót í
Reykjanesbæ til að sinna fólki í at-
vinnuleit. Þegar því verkefni lauk
kom hún til starfa á skrifstofu VFSK
– og valdist þar fljótt til trúnaðar-
starfa. Var fyrst kjörin ritari stjórn-
ar, þá varaformaður og við foryst-
unni tók hún í lok mars sl. „Starf í
verkalýðshreyfingunni er áhuga-
verður vettvangur til þess að hafa
áhrif á samfélagið,“ segir Guðbjörg
sem er að mennt grunnskólakennari
og námsráðgjafi og starfaði lengi
sem slík. Er í grunninn landsbyggð-
arbarn; bjó víða á Norður- og Aust-
urlandi fyrr á árum og sinnti þar
fjölbreyttum störfum.
„Forystufólk í verkalýðsfélagi
þarf af eigin raun að þekkja að-
stæður umbjóðenda sinna. Sjálf
þekki ég þetta vel; sem ung og ein-
stæð móður á Siglufirði vann ég í
rækjuvinnslunni á nóttinni og var
svo við flökunarboðið í frystihúsinu
fram að hádegi. Þannig sá ég mér og
barninu mínu farborða og get því vel
sett mig í spor fólksins sem vinnur
erfið störf fyrir lág laun. Fyrir þessu
fólki og hátíðisdegi þess – 1. maí –
ber ég mikla virðingu.“
Morgunblaðið/Sigurður Bogi
Leiðtogi Gagnvart okkar viðsemjendum fórum við jafn langt og komast
mátti við gerð lífskjarasamninganna, segir Guðbjörg Kristmundsdóttir.
Mikilvægt að þekkja
aðstæður félagsmanna
 Nýr formaður VSFK  Stéttarfélögin verði virkari
10 FRÉTTIRInnlent
MORGUNBLAÐIÐ MIÐVIKUDAGUR 1. MAÍ 2019
VILTU TAKAVIÐ
GREIÐSLUMÁNETINU?
KORTA býður uppá fjölbreytta þjónustu sem hentar
bæði minni og stærri fyrirtækjum. Kannaðu málið.
Suðurlandsbraut 30, 108 Reykjavík, 558 8000 / korta@korta.is / korta.is
Guðmundur Magnússon
gudmundur@mbl.is
Vespa sem þrettán ára drengur ók á
bifreið í Keflavík um síðustu helgi
var án búnaðar sem takmarkar
hraða við 25 km/klst. Nokkur brögð
eru að því að slíkur búnaður sé fjar-
lægður en breytingarnar leiða til
þess að ökutækið kemst í annan flokk
þar sem krafist er bifhjólaprófs og 15
ára lágmarksaldurs eða öku-
skírteinis.
Á vespunni sátu auk ökumannsins
unga tveir félagar hans. Ekið var
gegn einstefnu og á bifreið sem kom
á móti. Til allrar mildi slasaðist eng-
inn, hvorki ökumaður bifreiðarinnar
né piltarnir. Atvikið var hins vegar
tilkynnt forráðamönnum drengjanna
og til barnaverndarnefndar í Reykja-
nesbæ.
Í grein Kolbrúnar G. Þorsteins-
dóttur, sérfræðings í öryggis- og
fræðsludeild Samgöngustofu, hér í
blaðinu 16. apríl kom fram að vin-
sældir léttra bifhjóla hafa aukist mik-
ið hér á landi og sérstaklega hjá
börnum og ungmennum. Hjólin eru í
tveimur flokkum og í hinum fyrri eru
rafvespur, sem þykja þægilegur
ferðamáti og líka gagnleg, umhverf-
isvæn og skemmtileg tæki, ef þau eru
notuð rétt. Þær ná ekki meiri hraða
en 25 km/klst hvort sem þær eru raf-
eða bensíndrifnar. Ökumaður verður
að vera orðinn 13 ára en ekki er gerð
krafa um bifhjólapróf. Ökumönnum
er skylt skv. lögum að vera með
hjálm. Ökumaður yngri en 20 ára má
ekki aka með farþega á hjólinu.
Forráðamenn barna eru ekki alltaf
meðvitaðir um möguleikana á að
breyta vespum svo þær komist hrað-
ar en 25 km/klst. en mikilvægt þykir
að þeir fylgist með þessu.
Fram kemur í greininni að heimilt
er að aka vespum á gangstétt, hjóla-
stíg eða gangstíg svo framarlega sem
það veldur ekki hættu eða óþæg-
indum fyrir gangandi vegfarendur
eða ef lagt hefur verið bann við því.
Þar sem hámarkshraði þeirra er 25
km/klst er ekki mælt með því að þær
séu notaðar í almennri umferð þar
sem hraði er meiri en 50 km/klst. –
þótt það sé heimilt. Á gangstétt eða
gangstíg skal víkja fyrir gangandi
vegfarendum og ef hjólastígur er
samhliða gangstétt eða gangstíg er
skylt að aka vespunni á hjólastígnum.
Ef ökumaður þverar akbraut frá
gangstíg skal hann ekki aka hraðar
en sem nemur venjulegum göngu-
hraða.
Slysahætta sé
vespum breytt
 Brögð að því að búnaður sem tak-
markar hraða í vespum sé fjarlægður
Morgunblaðið/Hari
Á vespu Vespur geta verið sniðugur ferðamáti, en mikilvægt er að fylgja
öllum reglum, sérstaklega að gæta að hámarkshraða sem er 25 km/klst.
Vespur í umferðinni
» Létt bifhjól sem eiga ekki að
komast hraðar en 25 km/klst
njóta síaukinna vinsælda með-
al ungmenna hér á landi.
» Sérstakur búnaður kemur í
veg fyrir að ekið sé hraðar en
við er miðað.
» Brögð eru að því að bún-
aðurinn sé fjarlægður, oftast
án vitneskju forráðamanna
ungmenna sem verða þá
skaðabótaskyldir við tjón.