Morgunblaðið - 17.05.2019, Qupperneq 28

28 MENNING
MORGUNBLAÐIÐ FÖSTUDAGUR 17. MAÍ 2019
Rósa Margrét Tryggvadóttir
rosa@mbl.is
Rapparinn Joey Christ, réttu nafni
Jóhann Kristófer Stefánsson, gaf út
sína þriðju plötu, Joey 2, í lok apríl.
Jóhann er að verða 27 ára og á lang-
an feril að baki þrátt fyrir ungan
aldur því hann stofnaði aðeins tíu
ára rapphljómsveit með vinum sín-
um, keppti í Rímnaflæði sem er
keppni í texta-
gerð og takti og
kom líka fram í
Stundinni okkar.
Jóhann segist
hafa byrjað að
vinna að Joey 2
fljótlega eftir að
hann gaf út fyrstu plöturnar sínar
tvær, Anxiety City og Joey, árið
2017. „Ég byrjaði að vinna hana í
september. Þetta er samstarfsverk-
efni okkar Marteins Hjartarssonar
eða BNGR BOY eins og hann er
kallaður. Við ákváðum snemma að
við ætluðum að vinna plötuna alla
saman,“ segir Jóhann.
Langt síðan geisladiskurinn dó
„Við unnum að henni út 2017 og
svo tókum við okkur smá hlé. Ég
var að sinna öðrum verkefnum allt
árið 2018. Það var ekki fyrr en undir
lok árs í kringum nóvember, desem-
ber sem við byrjuðum aftur að pæla
í henni og þá breyttist mikið,“ segir
Jóhann. „Ég var orðinn skýrari í
hugsun um hvað ég vildi segja í lög-
unum og orðinn betri í að tjá mig í
gegnum þau. Þetta varð aðeins per-
sónulegra, hitt var dálítið meira
grín. Ég er mikill húmoristi og
finnst gaman að grínast og það var
það sem einkenndi hin tvö verk-
efnin,“ segir Jóhann. Hann gefi
gríninu smáhlé í nokkrum lögum á
plötunni þar sem hann kanni í meira
mæli eigin hugarheim.
Ekki í föstu formi
Joey 2 er fyrsta platan sem Jó-
hann gefur út í samstarfi við Sony
en hann er með dreifingarsamning
við fyrirtækið. Spurður um dreif-
ingu plötunnar segir hann að hún
komi ekki út í áþreifanlegu formi,
aðeins á tónlistarveitunni Spotify.
Segir hann dreifingu tónlistar á net-
inu vera framtíðina. „Það er orðið
dálítið langt síðan geisladiskurinn
dó,“ segir Jóhann og bætir við að
hann nenni ekki að gefa út vínyl-
plötu eins og tíðkast gjarnan hjá
tónlistarmönnum í dag. Aðspurður
hvað aðgreini hann sem tónlistar-
mann og rappara frá öðrum segir
Jóhann að hann segi að mörgu leyti
annað en aðrir rapparar. Hann telur
húmor enn vera eitt helsta einkenni
þeirrar tónlistar sem hann semur en
á erfitt með að átta sig á því hvað
geri hann ólíkan öðrum röppurum.
Hann sé til að mynda eldri en marg-
ir aðrir íslenskir rapparar og hafi
upplifað aðra hluti og það end-
urspeglist í tónlistinni. „Svo ólst ég
ekki upp á Snapchat,“ bætir hann
við og hlær en það er snjall-
símasmáforrit sem hefur verið sér-
staklega vinsælt meðal unglinga.
„Mér finnst rappið mitt hljóma
öðruvísi. Ég er að segja aðra hluti.
Mér finnst það einhvern veginn
vera fyndnara. Ég er að reyna að
fjalla um minn reynsluheim og ég
held að það sé hann sem er aðeins
öðruvísi en margt annað,“ segir Jó-
hann.
Hann staðfestir að á nýju plöt-
unni megi finna skírskotanir í ís-
lenskan samtíma. „Það er allt orðið
svo ótrúlega ýkt í dag. Maður getur
ekki annað en brugðist við því. Mað-
ur bregst einhvern veginn við öllu
því sem maður verður vitni að. Mér
finnst það koma skýrt fram í text-
unum hvernig ég sé hlutina.“
Mikill andans maður
Aðspurður um ástæður á bak við
listamannsnafnið Joey Christ segir
Jóhann Kristófer að það sé bæði
túlkun á eiginnafni hans og einnig
einhvers konar endurspeglun á við-
horfum hans. „Ég er skírður í kaþ-
ólsku kirkjunni og tek mitt fyrsta
sakramenti þar. Ég er reyndar ekki
kaþólskur en ég er trúaður samt,“
segir hann. Hann segist ekki sækja
kirkju reglulega en að hann sé
meira andlega þenkjandi, stundi
jóga og sé mikill andans maður. Jó-
hann segir að trúarviðhorf hans
endurspeglist til dæmis í því að
hann reyni að vera alltaf til staðar.
„Ég á marga vini sem vita að þeir
geta leitað til mín ef þeir eru í ein-
hverjum vandræðum.“
Jóhann segir líklegt að eitthvað af
trúarlegum viðhorfum hans end-
urspeglist í tónlistinni en að það sé
ekki eitthvað sem hann taki meðvit-
aða ákvörðun um. „Það er kannski
meira svona heildarmyndin frekar
en smáatriðin,“ segir hann.
Ólst ekki upp á Snapchat
Morgunblaðið/Kristinn Magnússon
Viðbragð „„Það er allt orðið svo ótrúlega ýkt í dag. Maður getur ekki annað
en brugðist við því,“ segir Jóhann Kristófer sem kallar sig Joey Christ.
 Þriðja plata Joey Christ, Joey 2, er persónulegri en fyrri plötur hans  Dreg-
ur aðeins úr gríninu  Fyrsta platan sem Jóhann gefur út í samstarfi við Sony
Stjórnendur hins mikla Metropolit-
an-safns í New York hafa tilkynnt
að það muni hætta að taka við
styrkjum frá Sackler-fjölskyldunni
sem um áratuga skeið hefur styrkt
fjölda safna og listastofnana beggja
vegna Atlantshafs með veglegum
hætti. Ástæðan er eignarhald hluta
fjölskyldunnar á lyfjafyrirtækinu
sem framleiðir ópíóðalyfið Oxy-
Contin sem er kennt um dauða þús-
unda manna. Áður höfðu meðal
annarra stjórnendur Tate Modern í
London og Guggenheim-safnsins í
New York ákveðið að þiggja ekki
styrki frá fjölskyldunni og þá
ákváðu stjórnendur Náttúrugripa-
safnsins í New York í vikunni að
gera það ekki heldur. Ein álma
Metropolitan-safnsins nefnist „The
Sackler Wing“, í þakklætisskyni við
fjölskylduna, og mun heita það
áfram, að sögn stjórnenda þar.
Eitt safn til hafnar
Sackler-styrkjum
Metropolitan Safnið hættir að þiggja
styrki frá Sackler-fjölskyldunni.
Sýningin Old Orchard, mál-
verkainnsetning kanadísku lista-
konunnar Mir-
anda Crabtree,
verður opnuð í
Listastofunni,
Hringbraut 119, í
dag, föstudag,
klukkan 17.
Í tilkynningu
segir að málverk
listakonunnar,
sem er frá Tor-
onto, sýni konur
sem einstaka kjarna í landslagi, þar
sem þær fáist við að safna, flokka,
vernda, leika eða gæta að ávöxtum
jarðar. Crabtree noti hugmyndir
um gamlan ávaxtatrjáalund sem
upphafið rými fortíðar, þar sem
fantasía, draumar og þrár geti
blómstrað.
Gamall ávaxta-
lundur Crabtree
Old orchard
Eins og margir sérfræðingar í
hræringum myndlistarheimsins
höfðu spáð var metfé greitt á upp-
boði hjá Sotheby’s í New York fyrir
gljándi stálskúlptúr, „Kanínu“, eft-
ir Jeff Koons. Listhöndlarinn Ro-
bert E. Mnuchin, sem er faðir við-
skiptaráðherra Bandaríkjanna,
greiddi 91,1 milljón dala fyrir verk-
ið, um 11,2 milljarða króna. Aldrei
fyrr hefur jafn hátt verð verið
greitt fyrir myndlistarverk eftir lif-
andi listamann. Fyrra metið var
sett í fyrra en stórt málverk eftir
David Hockney frá 1972 var selt á
uppboði fyrir 90,2 milljónir dala.
Þriðja dýrasta verkið eftir lifandi
listamann er einnig skúlptúr eftir
Koons, „Balloon Dog (Orange)“ en
það var slegið hæstbjóðanda á upp-
boði fyrir sex árum fyrir 58,4 millj-
ónir dala.
„Kanínan“ er mótuð eftir upp-
blásnu barnaleikfangi og er upp-
lagsverk frá 1986 en Koons gerði
fjögur eintök. Verkið kom úr dán-
arbúi S.I. Newhouse, útgefanda
Vogue-tímaritanna.
AFP
Kanína Koons dýrasta
verk lifandi listamanns
 Seld á uppboði fyrir 11,2 milljarða
Verðmætt Öryggisvörður
gætti Kanínunar fyrir
uppboðið hjá Sotheby’s.
WWW.S IGN . I S
Fornubúðum 12 · Hafnar f i rð i · s ign@s ign . i s · S : 555 0800
G
U
LL
O
G
D
EM
A
N
TA
R