Morgunblaðið - 24.05.2019, Side 19

MINNINGAR 19
MORGUNBLAÐIÐ FÖSTUDAGUR 24. MAÍ 2019
✝ Grétar ÞórFriðriksson
fæddist á Sauðár-
króki 16. júní
1959. Hann lést
12. maí 2019.
Foreldrar hans
eru Guðrún
Þórðardóttir, f.
21. maí 1939, og
Friðrik Valgeir
Antonsson, f. 31.
janúar 1933, d. 17.
júlí 2017. Grétar Þór var elst-
ur fimm systkina. Systur
hans eru: Þórleif Valgerður,
f. 7. júní 1961, maki Hólm-
geir Einarsson. Guðný Þóra,
f. 13. maí 1966, maki Jón
Hálfdan Árnason. Anna
Steinunn, f. 19. ágúst 1971,
maki Sigurður Árnason. Elfa
Hrönn, f. 30. janúar 1978,
maki Árni Birgisson. Grétar
Höfða á Höfðaströnd í Skaga-
firði í faðmi stórfjölskyld-
unnar. Hann gekk í barna-
skóla á Hlíðarhúsinu í
Óslandshlíð og fór síðan í ung-
lingadeild á Hofsósi. Grétar
lauk landsprófi frá Reykjum í
Hrútafirði vorið 1975. Vorið
1983 útskrifaðist Grétar með
samvinnuskólapróf frá Bifröst
í Borgarfirði.
Grétar Þór fór ungur að
vinna. Hann vann sem ung-
lingur hjá Vegagerð ríkisins
og var til sjós hjá Útgerðar-
félagi Skagfirðinga á togar-
anum Skafta SK3. Haustið
1983 réð hann sig sem fram-
kvæmdastjóra til Útgerðar-
félags Norður-Þingeyinga og
starfaði þar næstu árin. Eftir
flutninga á höfuðborgar-
svæðið tók hann við stöðu
framkvæmdastjóra hjá Fisk-
markaði Hafnarfjarðar. Grét-
ar starfaði svo hjá Essó, á sjó
og nú síðast hjá Jarðborunum
hf.
Útför Grétars Þórs fer fram
frá Lindakirkju í dag, 24. maí
2019, klukkan 11.
Þór lætur eftir sig
tvö börn og
fósturson. Börn
hans eru Sandra
Rún, f. 15. nóvem-
ber 1998, og
Andri Þór, f. 15.
nóvember 1998.
Fóstursonur Grét-
ars Þórs er Ingv-
ar Þór Kale, f. 8.
desember 1983.
Sambýliskona
Ingvars Þórs er Elsa Hrafn-
hildur. Börn Ingvars Þórs
eru: Hekla Rán, Jóhanna
Kristín, Katla María og Krist-
ófer Bjarni. Fóstursonur Ingv-
ars Þórs er Helgi Hrafn.
Barnsmóðir Grétars Þórs og
fyrrverandi sambýliskona er
Jóhanna Ingvarsdóttir, f. 26.
júní 1961.
Grétar Þór ólst upp á
Sonur minn, sofðu í ró!
Söngfuglar blunda í mó.
Vorkvöldið hreimþýðum hljóm
hjalar við dreymandi blóm.
Kvöldbjarmans himneska hönd
heillar í draumfögur lönd.
Svefninn þér sígur á brá,
sofðu, ég vaki þér hjá.
(Guðmundur E. Geirdal)
Þakka þér öll árin okkar sam-
an, elsku Grétar minn.
Þín
mamma.
Elsku Grétar.
Minningar um þig frá bernsku
okkar systra eru á margan hátt
ólíkar þar sem þú fékkst okkur
fjórar inn í líf þitt á löngum tíma.
Það hentaði þér vel, þú varst alltaf
rólegheitamaður. Þú hristir höfuð-
ið yfir hverri stelpunni sem fædd-
ist og varst áfram einkasonurinn á
Höfða.
Fyrsta systirin var tveimur ár-
um yngri og þú varst hennar besti
vinur og fyrirmynd. Hún apaði eft-
ir öllu sem þú gerðir, þér ekki allt-
af til gleði og ánægju. Ein af fyrstu
minningum hennar var þegar ver-
ið var að kenna þér að lesa. Þú sast
við stofuborðið með ömmu, sem
notaði prjón til að benda á stafina.
Þetta fannst henni ósanngjörn at-
hygli og sat því á móti ykkur við
borðið og drakk í sig fróðleikinn
með stafina á hvolfi.
Önnur systirin var sjö árum
yngri. Þú hafðir áhuga á tónlist og
áttir stórt plötusafn. Dylan, Bowie
og Bubbi voru í uppáhaldi. Þegar
þú varst á sjó eyddi hún löngum
stundum í að spila plöturnar þínar.
Hún reyndi að sannfæra þig um
ágæti Duran Duran og Wham í
þeirri von að þú keyptir plöturnar
en þú hristir bara höfuðið í van-
þóknun. Einn daginn var plata
með Supertramp komin í safnið.
Eftir á að hyggja heldur hún að þú
hafir ekki keypt hana fyrir sjálfan
þig.
Þriðja systirin var tólf árum
yngri. Hún man þegar þú komst
heim á bláa Willys-jeppanum með
hvítu blæjunni, þá nýkominn með
bílpróf. Daginn eftir var farið í
kaupstaðarferð á Krókinn. Það
var góður dagur, hún, mamma og
stóri bróðir saman á flotta blæju-
bílnum. Daginn þar á eftir veltir
þú bílnum en það fór nú betur en á
horfðist. Þrátt fyrir það átti eng-
inn flottari bróður þó að blæjubíll-
inn væri úr sögunni.
Fjórða systirin var 19 árum
yngri. Þú keyrðir mömmu á
sjúkrahúsið þar sem hún fæddist
og varst því strax stór hluti af lífi
hennar. Hún dýrkaði þig og dáði
og ekki skemmdi fyrir hvað þú
varst góður við hana og komst iðu-
lega færandi hendi úr siglingum.
Gafst henni m.a. dúkkuvagn sem
þú varst búinn að setja saman og
beið hennar einn morguninn þegar
hún vaknaði.
Þú ólst upp í faðmi stórfjöl-
skyldunnar og varst eftirlæti allra.
Lífið var leikur, skólaganga á vet-
urna og á vorin komu frændsystk-
in og vinir til sumardvalar. Fót-
bolta- og frjálsíþróttaæfingar á
eyrinni, silungsveiði í vatni og sjó.
Sauðburður, heyskapur, göngur
og réttir. Þú spilaðir fótbolta með
Höfðstrendingi og fylgdist alla tíð
vel með íþróttum. Manchester
United var þitt lið. Þú varst áhuga-
maður um veiðiskap og eignaðist
snemma þitt eigið net. Síðar áttir
þú góðar stundir með frændum og
vinum við stangveiði. Foreldra-
hlutverkið hófst þegar Ingvar kom
inn í líf þitt og þegar Andri og
Sandra fæddust komst þú okkur
systrunum á óvart. Þú varst nat-
inn og þolinmóður eins og þú hefð-
ir aldrei gert annað en að hugsa
um ungbörn. Þú varst dulur,
þrjóskur en jafnframt fullur af
húmor og á góðum stundum sagð-
irðu sögur af mikilli snilld, oft á
kostnað okkar systra. Þú varst
stríðinn og hafðir gaman af að æsa
okkur upp og þá var tilganginum
náð. Þú elskaðir börnin þín, fjöl-
skylduna, fótbolta, veiðiskap og
Höfða á Höfðaströnd. Þú fórst allt
of snemma frá okkur, stakkst okk-
ur af eins og þú reyndir oft að gera
í bernsku. Við geymum góðar
minningar um þann frábæra mann
sem þú hafðir að geyma. Þökkum
fyrir samveruna, kæri bróðir, þín
verður sárt saknað.
Þínar systur,
Þórleif, Guðný, Anna
Steinunn, Elfa.
Fráfall frænda míns er mikið
áfall, meira en orð fá lýst. Saga
okkar nær aftur í barnæsku og
urðum við strax mjög nánir. Ég
kom flest sumur norður á Höfða og
allt snerist um veiðiskap hjá okkur,
vitja um og leggja net í vatnið og
renna fyrir silfraða sjóbleikju á
mölinni þess á milli. Í matinn var
svo oftar en ekki silungur sem
amma Steinunn stappaði með kart-
öflum og smjöri og færði okkur í
stigann og öllu skolað niður með
ískaldri mjólk. Ýmislegt var brall-
að í sveitinni, má nefna svaðilför
mikla út í Þórðarhöfða þar sem við
gleymdum okkur við veiðar í
Gerðisvíkinni. Sóttist heimferðin
seint yfir mölina og við svangir og
hraktir, þá var okkar heitasta ósk
sú að fjöllin breyttust í lummur og
brúntertur!
Þetta voru dásamlegir tímar á
Höfða umvafðir hlýju og væntum-
þykju. Þarna myndaðist taug á
milli okkar sem aldrei rofnaði held-
ur styrktist. Þú varst örlátur við
þína nánustu og fór ég ekki var-
hluta af því. Þegar ég var við nám í
Skotlandi komst þú í heimsókn og
bauðst minni fyrrverandi með. Á
þrítugsafmælinu mínu gafstu mér
ferð til London á Arsenal-leik og
fórum við ásamt Einari Sævars-
syni vini þínum i ógleymanlega
ferð. Í nokkur ár bjó ég í Keldu-
hverfi og þá varst þú fram-
kvæmdastjóri fyrir togarann Stak-
fell á Þórshöfn og heimsóttum við
hvor annan reglulega. Einhverju
sinni varst þú í helgarheimsókn,
viku seinna kom sendiferðabíll
heim á hlað með nýja þvottavél.
Þér fannst fjölskyldunni ekki veita
af almennilegri þvottavél!
Þú varðst þeirrar gæfu aðnjót-
andi að eignast tvíbura með Jó-
hönnu Ingvarsdóttir, þau Andra
Þór og Söndru Rún, og varst þú
ákaflega stoltur af þeim myndar-
börnum. Jóhanna átti son, Ingvar
Þór Kale, og gekkst þú honum í föð-
urstað og reyndist honum ákaflega
vel. Ótal veiðiferðir koma upp í hug-
ann og eftirminnileg draugaferð
vestur á Snæfellsnes með Friðriki
Þór frænda okkar, minningar sem
ekki gleymast. Fráfall föður þíns
fyrir tveimur árum reyndist þér
þungbært og kom á erfiðum tíma í
lífi þínu og þú sagðir mér fyrir
stuttu að síðustu árin hefði ykkar
gæðastund verið að yfirfara girð-
ingarnar á Höfða, þú saknaðir
hans. Þú varst alltaf til staðar fyrir
mig þegar ég átti erfitt og sýndir
mér stuðning og hjálpsemi og ég
reyndi að gera slíkt hið sama. Auð-
vitað vorum við ekki alltaf sammála
og oftar en ekki var það þitt hlut-
skipti að draga mig niður úr skýj-
unum á jörðina þegar ég fékk ein-
hverja frábæra hugmynd, þú varst
skynsamur og varkár að eðlisfari.
Að lokum vil ég nefna að við
mamma heimsóttum Höfða síðast-
liðið haust, Skagafjörðurinn skart-
aði sínu fegursta og þú og mamma
þín snerust í kringum okkur.
Veðrið dásamlegt (þrátt fyrir
slæma spá) og andi liðinna tíma
sveif yfir vötnum, ferð sem seint
gleymist. Kæri frændi (bróðir), það
er komið að kveðjustund en ég er
þess fullviss að við hittumst aftur í
næsta lífi á Höfða (hvar annars
staðar?). Ég á eftir að sakna þín svo
mikið en minningin um góðan
dreng lifir.
Elsku Gurra, Andri Þór, Sandra
Rún, Ingvar Þór Kale og systur, ég
sendi mínar dýpstu samúðar-
kveðjur.
Ólafur Þór.
Grétar Þór
Friðriksson
 Fleiri minningargreinar
um Grétar Þór Friðriks-
son bíða birtingar og munu
birtast í blaðinu næstu daga.
✝ Sigurlaug R.Líndal Karls-
dóttir fæddist í
Reykjavík 26.
september 1932.
Hún lést á Land-
spítalanum 15. maí
2019.
Foreldrar henn-
ar voru Karl Gísla-
son, f. 1897, d.
1975, og Guðríður
Lilja Sumarrós
Kristjánsdóttir, f. 1903, d. 1952.
Systkini Sigurlaugar voru
Petrea K. Líndal, f. 1925, d.
2015, Gísli Líndal, f. 1926, d.
1927, Sesselja Jóna Líndal, f.
1927, d. 2017, Gísli Kristján
Líndal, f.1929, d. 2002, Guð-
mundur Ragnar Líndal, f. 1930,
Matthildur Líndal, f. 1931, d.
2001, Lilja Líndal, f. 1934, d.
1934, og Karl Emil Líndal, f.
1937, d. 1939.
Fyrrverandi eiginmaður
f. 1959, börn hans eru Ásdís, f.
1981, og Linda, f. 1992. 5) Guð-
björg Líndal, f. 1961, maki Hall-
grímur Atlason, f. 1959, börn
Jón Árni, f. 1981, Gísli Már, f.
1985, Margret Thelma Líndal, f.
1993, og Einar Atli, f. 1996, 6)
Grétar, f. 1963, maki Þórlaug
Steingrímsdóttir, f. 1962, börn
Grétars eru Jón Karl Líndal, f.
1989, Hinrik, f. 1992, og Grétar
Örn, f. 2000. 7) Rúnar Har-
aldur, f. 1971. Barnabörn
Sigurlaugar eru 18 og lang-
ömmubörn 23.
Sigurlaug ólst upp i Reykja-
vík og gekk í Miðbæjarskóla,
lengst af bjuggu Sigurlaug og
Jón á Holtsgötu 6 í Hafnarfirði,
síðari árin bjó hún á Hring-
braut 2b. Sigurlaug vann ýmis
störf ásamt því að halda stórt
heimili, vann hún t.d. við póst-
burð og einnig vann hún við
saumaskap á bólstrunarverk-
stæði sem þau Jón ráku. Eftir
að þau hættu með verkstæðið
fór hún að vinna í Hafnarborg
við þrif og annað og lét af störf-
um 1994.
Útför Sigurlaugar fer fram
frá Hafnarfjarðarkirkju í dag,
24. maí 2019, klukkan 13.
Sigurlaugar var
Hafsteinn Magn-
ússon, f. 1931, d.
1987, þau skildu.
Börn þeirra eru: 1)
Kristinn Líndal, f.
1951, d. 2010, börn
hans eru Sigurður,
f. 1971, og Ragn-
hildur Líndal, f.
1974, 2) Kristín
Líndal, f. 1954,
maki Hörður Odd-
geirsson, f. 1951, börn þeirra
eru Hrönn, f. 1975, Heiða Krist-
ín Líndal, f. 1980, Harpa Rut, f.
1981, og Hrafnhildur, f. 1989.
3) Karlotta Líndal, f. 1957,
maki Sigurður Friðfinnsson, f.
1954, börn þeirra eru Lilja Lín-
dal, f. 1977, Íris Líndal, f. 1983,
og Signý Líndal, f. 1990.
Seinni eiginmaður Sigur-
laugar var Jón Árni Haralds-
son, f. 1923, d. 2012. Börn
þeirra eru: 4) Guðmundur Örn,
Elsku mamma mín, það er
skrýtin tilfinning að hugsa til
þess að þú sért farin, þetta gerð-
ist svo snöggt og við náðum ekki
að kveðja þig. Eftir sitja margar
og góðar minningar um þig. Þú
varst þessi klassíska húsmóðir
með allan barnaskarann og
þurftir að láta hlutina ganga upp
á stóru heimili.
Á hverju ári annan í jólum
hittumst við öll heima hjá ykkur
pabba í jólakaffi, þú varst búin að
baka og búa til súkkulaði, það var
harðbannað að kalla þennan
drykk kakó, súkkulaði er það
kallað. Punktur.
Þið pabbi voruð einstaklega
dugleg að ferðast með okkur
þegar við vorum lítil og við sváf-
um í tjaldi við vatn eða við ár-
bakkann og fórum að veiða. Fór-
um hringveginn 1974 þegar hann
var opnaður og margar ferðirnar
upp á Skaga og upp á Reyn.
Á hverjum einasta sunnudegi
var stórsteik á borðum kl. 12,
þegar þú varst búin að hlusta á
messuna í útvarpinu og við
krakkarnir klædd í sparifötin.
Ófáar voru ferðirnar upp í
sumarbústað á Reyn þar sem þið
pabbi byggðuð bústaðinn og var
og er sannkallaður fjölskyldu-
reitur. Öll komum við saman um
verslunarmannahelgina á hverju
einasta ári og héldum okkar fjöl-
skylduhátíð, fórum í pílukeppni,
ratleik, búningakeppni og fleiri
leiki.
Þín verður sárt saknað, elsku
mamma mín, skilaðu kveðju til
pabba.
Elsku mamma, einnig viljum
eiga stund við beðinn þinn.
Núna er hljótt, er hér við skiljum,
hjörtun klökkna nú um sinn.
Muna blíða bernsku kæra
börnin þín og þakkir nú
fyrir ást og allt það kæra
okkur, sem að veittir þú.
(Borgfjörð)
Guðmundur, Grétar
og Rúnar.
Í dag kveð ég móður mína. Við
andlát og útför hennar hellist yf-
ir mann sár söknuður og ljúfar
minningar og þakklæti fyrir að
hafa átt hana að öll þessi ár.
Mamma kom okkur sjö syst-
kinum öllum á legg og gerði vel.
Margar eru minningarnar
sem hellast yfir mig, bæði frá
góðri barnæsku minni og svo eft-
ir að ég varð sjálf mamma, þá
varst þú alltaf tilbúin til að
hjálpa og gefa góð ráð, svona
gæti ég haldið áfram en minn-
ingar mínar geymi ég í hjarta
mínu og með mínum börnum og
ömmubörnum.
Þú skilur eftir þig stórt tóm,
elsku mamma mín, og mun ég
sakna þess mikið að geta ekki
kíkt til þín í kaffi, en nú ertu
komin í draumalandið í faðm
pabba og Kristins bróður.
Takk fyrir allt, elsku mamma,
þú verður ávallt mín fyrirmynd í
lífinu.
Blessuð vertu baugalín.
Blíður Jesú gæti þín,
elskulega móðir mín;
mælir það hún dóttir þín.
(Ágústína J. Eyjólfsdóttir)
Ástarkveðja,
Karlotta.
Kveðjuorð til mömmu minnar.
Þú ert gull og gersemi,
góða besta mamma mín.
Dyggðir þínar dásami,
eilíflega dóttir þín.
Vandvirkni og vinnusemi
væntumþykja úr augum skín.
Hugrekki og hugulsemi
og huggun þegar hún er brýn.
Þrautseigja og þolinmæði –
kostir sem að prýða þig.
Bjölluhlátur, birtuljómi, barlóm,
lætur eiga sig.
Trygglynd, trú, já algjört æði.
(Anna Þóra, af sol.heimsnet.is)
Takk fyrir að eiga mig.
Kristín Líndal.
Elsku mamma og tengda-
mamma.
Þú komst okkur verulega á
óvart hinn 15. maí, fórst upp á
spítala um morguninn og varst
látin kl. 14.30 öllum að óvörum
og náðum við systkinin ekki til
þín til að kveðja áður en þú
kvaddir.
Þú varst búin að standa þig
ótrúlega vel undanfarin ár og
standa oft upp úr erfiðum veik-
indum.
Þið pabbi hófuð sambúð ’58 og
bjuggum við lengst af á Holts-
götunni í Hafnarfirði og eigum
við mjög góðar minningar þaðan.
Um 1974 byggðuð þið pabbi
sumarbústað á Vestri-Reyni hjá
Bensa frænda.
Þangað var farið um hverja
helgi um sumartímann og á
páskum og helst öll stórfjöl-
skyldan saman.
Á ég þaðan mjög góðar minn-
ingar, sérstaklega með Jóni
Árna og Gísla Má þegar þeir
voru ungir, en þið voruð einstak-
lega hjálpsöm við mig á þeim
tíma.
Í gegnum tíðina voruð þið
pabbi alltaf boðin og búin að
passa krakkana okkar og að-
stoða á allan hátt.
Eftir að pabbi féll frá 2012 var
Rúnar bróðir þín stoð og stytta
og aðstoðaði við allar útréttingar
og höfðuð þið mikinn félagsskap
hvort af öðru.
Að leiðarlokum óskum við þér
góðrar ferðar í Sumarlandið
fagra.
Þar sem englarnir syngja sefur þú
sefur í djúpinu væra.
Við hin sem lifum, lifum í trú
að ljósið bjarta skæra
veki þig með sól að morgni.
(Bubbi Morthens)
Takk fyrir allt, elsku mamma,
þín verður sárt saknað.
Guðbjörg og Hallgrímur
(Halli).
Mikið líður tíminn hratt, elsku
Gógó mín. Fyrir fjörutíu og sex
árum fór ég á dansleik og kynnt-
ist þar ungri stúlku sem náði að
heilla mig upp úr skónum. Þessi
stúlka reyndist vera dóttir þín og
var ég fljótlega kynntur fyrir þér
og eignaðist upp frá því þig sem
sem tengdamömmu. Þú varðst
síðar amma barnanna minna og
seinna langamma. Það voru því
nokkuð margir titlarnir sem þú
nældir þér í, bara út af þessum
eina dansleik.
Kynni okkar urðu löng og góð
og verð ég þér ávallt þakklátur
fyrir að leyfa okkur Stínu og
stelpunum að búa hjá ykkur Jóni
á Holtsgötunni þegar við vorum
að byggja Ljósabergið.
Bestu samverustundirnar
voru hins vegar þegar við vorum
með ykkur Jóni uppi í sumarbú-
staðnum Réttarási. Þar var oft
fjölmennt, hvort sem það var
inni í bústað, úti á palli eða inni í
tjaldi sem var búið að setja upp
svo allir gætu notið þess að vera
saman á þessum góða stað. Það
var oft mikið fjör og læti þegar
allir voru komnir saman þarna í
sveitinni sem þýddi að þú þurftir
oft að brýna raustina við okkur
skrílinn þegar lætin urðu sem
mest. En við tengdasynirnir vor-
um hins vegar yfirleitt í náðinni
og einhvern veginn held ég að
Jón hafi alltaf náð að leiða skark-
alann og lætin hjá sér.
Þú varðst hins vegar meyrari
með árunum og í stað þess að
standa og stjórna fólkinu í kring-
um þig naustu þess að sitja til
hliðar og dást að því sem þú
varst búin að áorka yfir árin og
maður fann að þú varst þakklát
fyrir samveruna með fjölskyld-
unni, þrátt fyrir öll lætin sem
fylgdu okkur.
En núna ertu farin í síðustu
ferðina þína og eflaust tekur
hann Jón þinn á móti þér og bið
ég þig að skila kveðju til hans frá
mér.
Núna fer ég niður í kirkju og
kveð þig í síðasta sinn og heiðra
þig í þínu síðasta kökuboði. Ég
þakka þér kærlega fyrir allar
samverustundirnar, minning þín
lifir áfram með hjartans þökk
fyrir okkar góðu kynni.
Saknaðarkveðja, þinn tengda-
sonur,
Hörður Ágúst.
Sigurlaug R.
Líndal Karlsdóttir
 Fleiri minningargreinar
um Sigurlaugu R. Líndal
Karlsdóttur bíða birtingar og
munu birtast í blaðinu næstu
daga.