Morgunblaðið - 08.07.2019, Page 13

FRÉTTIR 13Erlent
MORGUNBLAÐIÐ MÁNUDAGUR 8. JÚLÍ 2019
Norðlingabraut 8
110 Reykjavík
S: 530-2005
Bíldshöfði 16
110 Reykjavík
S: 530-2002
Tryggvabraut 24
600 Akureyri
S: 461-4800
&530 2000
www.wurth.is
Verkfæri – Festingar – Fatnaður – Persónuhlífar – Efnavara – Bílaperur – Rafmagnsvörur
Léttur dúnjakki
• 90% dúnn/10% fiður, þéttvafið nylon efni
• Einstaklega þægilegir, hlýir og léttir,
ferðapoki fylgir hverjum dúnjakka
• 5 mismunandi litir
• Stærðir: XS - 4XL – henta báðum kynjum
Vnr: 1899 707
Verð: 13.480 kr.
Veronika S. Magnúsdóttir
veronika@mbl.is
Forsætisráðherra Grikklands, Alexis
Tsipras, játaði sig sigraðan í þing-
kosningum Grikklands í gær og þar
með féll vinstristjórn Syriza-flokks-
ins. Hægri miðjuflokkurinn Nýi lýð-
veldisflokkurinn vann öruggan sigur í
kosningunum og bentu nýjustu tölur
til þess að leiðtogi flokksins, Kyriakos
Mitsotakis, muni leiða hreinan meiri-
hluta á næsta þingtímabili, þegar
Morgunblaðið fór í prentun. Þá höfðu
atkvæði verið talin í meirihluta um-
dæma og var Nýi lýðveldisflokkurinn
með 39,7% atkvæða og Syriza-flokk-
urinn með 31,6% atkvæða. Kjörsókn
var aðeins um 57%.
Fráfarandi fjármálaráðherra
Grikklands, Euclid Tsakalotos, sagði í
samtali við fréttastofu TV ERT: „Það
er ljóst hver niðurstaðan er. En okkar
tími mun koma,“ að því er AFP grein-
ir frá.
Verði lokatölurnar sem áður segir
munu 158 þingmenn Nýja lýðveldis-
flokksins taka sæti á þinginu, þar sem
alls sitja 300 þingmenn. Flokkur frá-
farandi forsætisráðherrans, Tsipras,
myndi fá 86 þingsæti. Sigurvegari
kosninganna fær 50 sæti aukalega og
því fengi Nýi lýðveldisflokkurinn
hreinan meirihluta á þingi.
Nýi lýðveldisflokkurinn tekur við
stjórnarkeflinu eftir að hafa setið í
stjórnarandstöðu í fjögur ár en síðast
sat hann í ríkisstjórn árið 2014 með
Gríska sósíalistaflokknum. Mitsotak-
is, leiðtogi Nýja lýðveldisflokksins,
útskrifaðist úr Harvard og er fyrrver-
andi ráðgjafi hjá McKinsey. Hann er
og sonur fyrrverandi forsætisráð-
herrans Constantine Mitsotakis, sem
hefur setið einna lengst allra lands-
manna á þingi.
Nýi lýðveldis-
flokkurinn sigraði
 Gríska ríkis-
stjórnin fallin
 Afgerandi sigur
AFP
Sigur Almenningur þarf nú að
leggja nafn Mitsotakis minnið.
Fjöldi manns fagnaði hinsegin dögum á götum úti víða í Evrópu um
helgina. Skipuleggjendur hinsegin daga í London sögðu að hundruð þús-
unda hefðu látið sjá sig, en gestir voru fjölskrúðugir og margir hverjir vel
skreyttir öllum litum regnbogans. Í Madríd söfnuðust fjögur hundruð þús-
und manns á laugardag á lestarstöðinni Atocha og lagði mannfjöldinn af
stað í Gay Pride-gönguna þaðan. Aðgerðasinnar segja að hatur gegn hin-
segin fólki fari vaxandi í Evrópu þar sem ráðamenn í Póllandi, Ungverja-
landi og fleiri Evrópulöndum telji réttindi hinsegin fólks brjóta í bága við
fjölskyldugildi. Því eigi baráttan enn langt í land, þrátt fyrir áunninn ár-
angur.
AFP
Hundruð þúsunda fögnuðu hinsegin dögum í London
Veronika S. Magnúsdóttir
veronika@mbl.is
Írönsk stjórnvöld tilkynntu á blaða-
mannafundi í gær að „innan fárra
stunda“ yrði úran auðgað umfram
það sem kjarnorkusamningur ríkis-
ins við stórveldin kveður á um. Nú er
61 dagur liðinn síðan írönsk stjórn-
völd óskuðu eftir virkri aðstoð stór-
veldanna, Bretlands, Frakklands,
Þýskalands, Rússlands og Kína
vegna viðskiptaþvingana Banda-
ríkjamanna. Dygði aðstoðin ekki til,
innan 60 daga, myndu þau auka
framleiðslu úrans.
Varautanríkisráðherra Írans, Ab-
bas Araqchi, gagnrýndi Evrópuþjóð-
ir fyrir að hafa ekki staðið við skuld-
bindingar þess efnis að grípa inn í og
minnka áhrif viðskiptaþvingana
Bandaríkjanna, sem skóku íranskt
hagkerfi. Hann sagði að meginvandi
landsins væru erfiðleikar í olíuvið-
skiptum og áhrif refsiaðgerða
Bandaríkjanna.
Þá hafa írönsk stjórnvöld þegar
hótað því að halda áfram að safna
birgðum af þungavatni til kjarnorku-
framleiðslu í borginni Arak í Íran.
„Þriðja skrefið eftir 60 daga“
Andað hefur köldu á milli Írans og
Bandaríkjanna að undanförnu. Yfir-
völd í Washington hafa sakað Íran um
fjölda árása á bandarísk olíuskip auk
þess af hafa skotið niður eftirlits-
dróna á vegum Bandaríkjanna í Te-
heran í júní síðastliðinn.
„Við vonumst til að ná sáttum í mál-
inu en ef ekki þá tökum við þriðja
skrefið eftir 60 daga,“ sagði hann og
bætti við að nánari upplýsingar bær-
ust frá Teheran á „hverri stundu“.
Araqchi í sagði að Íranar væru enn
viljugir til að ganga til samninga en
hjálparúrræði Evrópusambandsins
hafi ekki dugað til þess. Evrópusam-
bandið setti á fót sérstaka leið, INS-
TEX, til þess að veita Írönum aðstoð
vegna afleiðinga refsiaðgerða Banda-
ríkjanna. Fjárveitingar voru hafnar í
lok júní síðastliðins.
Fram úr í síðustu viku
Samkvæmt skilmálum kjarnorku-
samkomulagsins frá árinu 2015 er land-
inu heimilt að auðga úran upp að 3,67%.
Landið fór fram úr því magni, 300 kíló-
grömmum, sem samkomulagið heimil-
ar að eiga af auðguðu úrani, í síðustu
viku. Úran til kjarnorkuvopnafram-
leiðslu þarf að vera auðgað um 90% eða
meira.
Aðgerðir íranskra stjórnvalda eru
þvert á vilja Evrópusambandsins og
Bandaríkjanna. Bandaríkin hættu aðild
að kjarnorkusamkomulaginu árið 2018.
Fara enn gegn kjarnorkusamningi
 Írönsk stjórnvöld tilkynntu í gærmorgun að úran yrði enn auðgað umfram samningsákvæði „innan
fárra klukkustunda“ Íranar vilja semja, líklega ekki fyrr en Bandaríkin aflétta viðskiptaþvingunum
AFP
Ávarp Abbas Araghchi sagði að Ír-
an myndi fara gegn samningnum.
Bandaríski millj-
arðamæring-
urinn og fjárfest-
irinn Jeffrey
Epstein hefur
verið handtekinn
og ákærður fyrir
mansal. Ákær-
urnar tengjast
ásökunum sem
áður hafa komið
fram að því er fram kemur á
fréttavef BBC.
Epstein var handtekinn í New
York og mun mæta fyrir dóm í
dag.
Lögmaður Epsteins hefur ekki
tjáð sig um ákærurnar. Hinn 66
ára Epstein hefur áður verið kærð-
ur fyrir að beita fjölda tánings-
stúlkna kynferðislegu ofbeldi. Árið
2008 játaði hann að hafa nálgast
og greitt ólögráða einstaklingi fyr-
ir vændi. Hann náði dómsátt og sat
því í 13 mánuði í fangelsi og varð
skráður barnaníðingur en slapp
við lífstíðardóm vegna tilslakana
dómara. Fyrr á árinu kom fram að
saksóknarar í málinu brutu lög
með því að upplýsa ekki fórnar-
lömb Epsteins um tilslakanirnar.
Epstein aftur hand-
tekinn fyrir mansal
BANDARÍKIN
Jeffrey Epstein