Morgunblaðið - 08.07.2019, Side 25

ÍÞRÓTTIR 25
MORGUNBLAÐIÐ MÁNUDAGUR 8. JÚLÍ 2019
KNATTSPYRNA
Úrvalsdeild karla, Pepsi Max-deildin:
Kaplakriki: FH – Víkingur R .............. 19.15
Úrvalsdeild kvenna, Pepsi Max-deildin:
Nettóvöllur: Keflavík – Valur.............. 19.15
1. deild kvenna, Inkasso-deildin:
Sauðárkrókur: Tindastóll – Grindavík 19.15
2. deild kvenna:
Boginn: Hamrarnir – Völsungur......... 19.15
Í KVÖLD!
HANDBOLTI
Vináttuleikir U17 kvenna
Slóvakía – Ísland .................................. 29:20
Slóvakía – Ísland .................................. 23:23
EM U18 kvenna
B-keppni, leikin í Makedóníu:
Portúgal – Ísland.................................. 65:49
 Staðan: Tyrkland 6, Portúgal 5, Sviss 3,
Búlgaría 2, Ísland 2. Ísland mætir Sviss á
morgun og Búlgaríu á miðvikudaginn.
EM kvenna
Undanúrslit:
Frakkland – Bretland .......................... 63:56
Spánn – Serbía...................................... 71:66
Úrslitaleikur:
Spánn – Frakkland............................... 86:66
Bronsleikur:
Serbía – Bretland ................................. 81:55
Leikur um 5. sætið:
Belgía – Ungverjaland......................... 72:56
Leikur um 6. sætið:
Rússland – Svíþjóð ............................... 52:57
KÖRFUBOLTI
Aron Bjarnason,
leikmaður
Breiðabliks í
knattspyrnu,
mun yfirgefa lið-
ið 22. júlí og
ganga í raðir Új-
pest frá Ung-
verjalandi. Blik-
ar tilkynntu á
dögunum að þeir
hefðu samþykkt
tilboð ungverska félagsins og Aron
hefur samið um kaup og kjör. Hann
fer hins vegar ekki út fyrr en eftir
leiki Blika við Vaduz frá Liechten-
stein í 1. umferð forkeppni Evrópu-
deildarinnar 11. og 18. júlí.
Aron fer eftir
Evrópuleikina
Aron
Bjarnason
HM 2019
Andri Yrkill Valsson
yrkill@mbl.is
Bandaríska kvennalandsliðið heldur
áfram að skrifa nýja kafla í knatt-
spyrnusöguna, en liðið undirstrikaði
ótrúlega yfirburði sína með öðrum
heimsmeistaratitlinum í röð eftir
2:0-sigur á Evrópumeisturum Hol-
lands í úrslitaleik HM í Frakklandi í
gær.
Þetta var fjórði heimsmeistaratit-
ill bandaríska liðsins síðan fyrsta
mótið í kvennaflokki var haldið árið
1991. Bandaríkin hafa nú unnið tvö-
falt fleiri titla en öll önnur landslið
til samans, en Þýskaland á tvo titla
að baki og Noregur og Japan einn
hvort. Síðan Bandaríkin gerðu jafn-
tefli í öðrum leik sínum í riðlakeppni
HM 2015 hefur liðið unnið 12 leiki í
röð á heimsmeistaramóti og unnið
tvo titla. Það er sigurganga sem
engu liði, hvorki í karla- né kvenna-
flokki, hefur áður tekist í sögu HM.
Til þess að fullkomna yfirburði
sína endanlega þá setti bandaríska
liðið nýtt markamet á mótinu. Eftir
að Rapinoe kom Bandaríkjunum yfir
í úrslitaleiknum bætti Rose Lavelle
við marki og innsiglaði sigurinn.
Bandaríkin skoruðu því alls 26 mörk
í leikjunum sjö og hefur ekkert
kvennalið skorað fleiri í sögu HM.
Það vill oft verða svo að allir
muna eftir sigurvegaranum en tap-
liðin í úrslitaleikjum gleymast. Hol-
lenska liðið á þó sannarlega skilið að
verða minnst fyrir framgöngu sína,
en þetta var aðeins í annað sinn sem
liðið kemst inn á lokakeppni heims-
meistaramóts. Það að vera ríkjandi
Evrópumeistari þýðir ekki að liðið
eigi sér langa sögu, því sá titill
vannst á aðeins þriðja Evrópumóti í
sögu Hollands. Uppgangurinn hefur
því verið magnaður. En Bandaríkin
eru einfaldlega í sérflokki.
Rapinoe er á allra vörum
Sá leikmaður sem óhætt er að
segja að hafi stolið senunni á
mótinu var Megan Rapinoe, fyr-
irliði bandaríska liðsins. Hún skor-
aði fyrra mark liðsins í úrslita-
leiknum í gær úr vítaspyrnu, en
það var hennar sjötta mark á
mótinu í ár sem jafnframt tryggði
henni gullskóinn. Þá var hún valin
besti leikmaður úrslitaleiksins og
besti leikmaður mótsins, en hún
var í byrjunarliðinu í þriðja úrslita-
leik HM í röð sem er nokkuð sem
aðeins hin þýska Birgit Prinz hefur
áður afrekað.
Það sem Rapinoe hefur ekki síð-
ur gert til þess að vekja athygli er
hversu opinská og hreinskilin hún
hefur verið í viðtölum. Daginn fyrir
úrslitaleikinn gagnrýndi hún Al-
þjóðaknattspyrnusambandið,
FIFA, harðlega fyrir það að láta
leikinn ekki eiga sviðið á al-
þjóðavísu. Úrslitaleikir Ameríku-
bikarsins og Gullbikarsins, meist-
arakeppni Norður- og
Mið-Ameríku, fóru einnig fram í
gær og sagði Rapione það vera lít-
ilsvirðingu fyrir konur í íþróttinni.
Þá talaði hún einnig hreint út um
óréttlætið sem fylgir lægra verð-
launafé á HM kvenna.
Þá náði Rapinoe að reita Donald
Trump Bandaríkjaforseta til reiði
fyrr í mótinu fyrir ummæli sín um
að vilja ekki fara í heiðursheimsókn
í Hvíta húsið ef Bandaríkin yrðu
heimsmeistarar. Trump sagði það
óvirðingu og að hún ætti fremur að
einbeita sér að því að vinna titilinn
en að spá í heimsókn til sín. Óhætt
er að segja að Rapinoe hafi tekið
Trump á orðinu.
Þriðja bronsið til Svíþjóðar
Það voru svo Svíar sem hrepptu
bronsið eftir 2:1-sigur á Englandi í
leiknum um þriðja sætið á laug-
ardag. Kosovare Asllani og Sofia
Jakobsson komu Svíum í tveggja
marka forystu áður en Francesca
Kirby minnkaði muninn fyrir Eng-
land. Þetta var í þriðja sinn sem
Svíar vinna bronsið, en liðið gerði
það einnig á HM 2011 og 1991. Þá
á liðið einnig silfurverðlaun í safni
sínu frá HM 2003 eftir tap fyrir
Þýskalandi í úrslitaleik.
Enska liðið taldi sig þó heldur
hlunnfarið í leiknum, en mark sem
Ellen White skoraði var síðar
dæmt af eftir að myndbands-
upptökur voru skoðaðar. Raunar
voru tvö mörk dæmd af White á
mótinu, en hún skoraði engu að
síður sex mörk eins og Rapinoe.
White spilaði hins vegar fleiri leiki
og gaf enga stoðsendingu og fékk
því bronsskóinn.
England vann fyrstu fimm leiki
sína á mótinu, í fyrsta sinn í sögu
sinni á HM, en tapaði tveimur þýð-
ingarmestu leikjunum í kjölfarið.
Enska liðið fer því heim án þess að
hafa náð í sín fyrstu verðlaun á
heimsmeistaramóti.
AFP
Heimsmeistarar Fyrirliðinn Megan Rapinoe lyftir heimsmeistarabikarnum á loft og fagnar með félögum sínum í bandaríska landsliðinu í Frakklandi í gær.
Ótrúlegir meistarar
 Bandaríkin hafa nú unnið tvöfalt fleiri heimsmeistaratitla en önnur landslið
 Megan Rapinoe markahæst og valin best og tók Bandaríkjaforseta á orðinu