Morgunblaðið - 13.07.2019, Blaðsíða 11

FRÉTTIR 11Innlent
MORGUNBLAÐIÐ LAUGARDAGUR 13. JÚLÍ 2019
Helgi Bjarnason
helgi@mbl.is
Fyrsta rafdrifna skemmtiferðaskip
heims, norska skipið Roald
Amundsen, kemur við í Reykjavík
í byrjun ágúst í fyrsta leiðangri
sínum á norðurslóðir. Það fer síðar
í Suður-Íshafið þar sem því verður
formlega gefið nafn að hætti
Amundsen.
Norska fyrirtækið Hurtigruten,
sem annast siglingar með farþega
með strönd Noregs og rekur
skemmtiferðaskip sem meðal ann-
ars sigla til Íslands og með strönd-
um landsins, lét smíða tvíorku (hy-
brid) skemmtiferðaskip sem
verður í haust gefið nafn norska
landkönnuðarins. Það er með mikl-
ar rafhlöður en einnig vélar sem
ganga fyrir jarðefnaeldsneyti. Út-
blástur gróðurhúsalofttegunda á
að vera 20% minni en á hefð-
bundnum skemmtiferðaskipum af
sömu stærð.
Í Reykjavík 6. ágúst
Skipið er 140 metra langt. Það
tekur 530 gesti og 150 manns eru í
áhöfn þess. Systurskip er í smíð-
um og það mun fá nafn annars
norsks landkönnuðar og vísinda-
manns, Fridtjof Nansen.
Eftir jómfrúarferð þar sem
fjöldi staða í Noregi er heimsóttur
verður skipinu stefnt á norðurslóð-
ir, til Svalbarða og Íslands. Það
leggst að bryggju við Skarfabakka
snemma að morgni 6. ágúst og fer
af stað áleiðis til Grænlands um
kvöldið. Síðan verður norðvestur-
leiðin farin, en Roald Amundsen
stjórnaði fyrsta leiðangrinum sem
fór þá leið til Kyrrahafs. Áfram
verður haldið meðfram ströndum
Bandaríkjanna og Suður-Ameríku-
landa til Suðurskautslandsins.
Siglingin er til heiðurs Amund-
sen, sem stýrði fyrsta leiðangr-
inum sem náði Suðurpólnum. Skip-
inu verður gefið nafn í nóvember
og þá verður ekki brotin kampa-
vínsflaska á stefni þess heldur ís-
klumpur. Það er í anda Amund-
sens, sem það gerði þegar hann
gaf heimskautaskútu sinni, Maud,
nafn árið 1917.
Siglt undir nafni Amundsens
 Norðmenn stefna fyrsta rafdrifna skemmtiferðaskipinu til Íslands í byrjun
ágúst  Fær formlega nafn landkönnuðarins í Suður-Íshafinu í nóvember
Ljósmynd/Hurtigruten
Glæsiskip Skipið sem fær nafn Roalds Amundsens er rafdrifið og mengar minna en önnur skip af þessari stærð.
Opið
laugardag
10-15
STÓRÚTSALA
30-70% AFSLÁTTUR
Skoðið LAXDAL.is
Skipholti 29b • S. 551 4422
Sumaryfirhafnir - Gæðafatnaður
Engjateigi 5 // 581 2141 // hjahrafnhildi.is
Góður gangur er í framkvæmdum við byggingu
knatthúss sem FH er nú að reisa á félagssvæði
sínu í Kaplakrika í Hafnafirði. Húsið verður 8.400
fermetrar að flatarmáli og svo bætist við 300 fer-
metra búnings- og félagsaðstaða. Vænst er að
snemma í september megi hefja æfingar í húsinu,
en það verður svo tekið formlega í notkun 15. októ-
ber í haust, en þá verður FH 90 ára.
„Þessi bygging og frábæra aðstaða verður mikil
lyftistöng fyrir allt knattspyrnustarf okkar og
mun nýtast fyrir æfingar allra aldursflokka og
beggja kynja,“ segir Viðar Halldórsson, formaður
FH, í samtali við Morgunblaðið. Knatthúsið nýja
er 22 metra há stálgrindarbygging með boga sem
sterkur PVC-plastdúkur er strengdur á. Undir
honum er gervigrasvöllur í löglegri stærð
keppnisvalla, það er 68x105 m, en honum má svo
skipta upp í minni einingar eftir æfingum og atvik-
um hverju sinni.
Viðar segir húsið munu nýtast vel til dæmis fyr-
ir æfingar yngri flokka í knattspyrnunni og að
jafnaði megi búast við 600-800 iðkendum á degi
hverjum. „Hér verður öflugt starf alveg frá klukk-
an tvö á daginn og fram á ellefta tímann á kvöldin.
Bæði nýtist aðstaðan okkur í FH en svo munu
krakkar úr öðrum félögum einnig koma hingað til
æfinga, til dæmis úr Haukum. Annars er starfið í
FH afar öflugt og börn og ungmenni yngri en 18
ára sem æfa knattspyrnu með félaginu eru nærri
eitt þúsund,“ segir Viðar.
Áætlaður kostnaður við byggingu knatthússins
nýja er um 800 milljónir króna og er greiddur af
FH. Tæmdist félaginu fé með sölu nokkurra bygg-
inga í Kaplakrika til Hafnafjarðarbæjar en áskilið
var í samningum við bæinn að FH verði andvirð-
inu í fyrrgreint verkefni. Með þeirri ráðstöfun
stendur fjármögnunin nánast á sléttu, segir for-
maðurinn. sbs@mbl.is
Knatthús FH í notkun í haust
 Stórframkvæmd í Kaplakrikanum  1.000 ungmenni æfa knattspyrnu með FH
Morgunblaðið/Eggert
Kaplakriki Lyftistöng, segir Viðar Halldórsson,
formaður FH, hér með nýbygginguna í baksýn.
Helgi Bjarnason
helgi@mbl.is
Formaður Sambands sunnlenskra
sveitarfélaga segir að sveitar-
stjórnarfólk taki illa í hugmyndir
samgönguráðuneytisins um að
stofnað verði sameiginleg félag
ríkisins og landshlutasamtaka um
rekstur almenningssamgangna.
Eva Björk Harðardóttir segir að
með því fyrirkomulagi væri verið að
láta sveitarfélögin taka yfir helming
ábyrgðar á rekstri sem sé á verk-
sviði ríkisins.
Taprekstur hefur verið á almenn-
ingssamgöngum á landsbyggðinni.
Eva Björk segir að hallinn hafi ekki
verið gerður upp við sveitarfélögin
sem átt hafi að gera.
Samgönguráðuneytið hefur sent
fulltrúum landshlutasamtaka hug-
myndir um það hvernig sé hægt að
eyða óvissu um ábyrgð á þjónustu og
kostnaði. Annars vegar er nefnt að
Vegagerðin taki þjónustuna alfarið
yfir. Hins vegar að stofnað verði
sameiginlegt félag ríkis og lands-
hlutasamtaka. Gert er ráð fyrir því
að sveitarfélögin eigi tæpan helming
á móti ríkinu og taki á sig ábyrgð á
kostnaði í samræmi við það.
Finna þarf nýjar leiðir
Málið var rætt á stjórnarfundi hjá
Samtökum sunnlenskra sveitarfé-
laga og fengu tillögur um stofnun
sameiginlegs félags ekki undir-
tektir. Stjórnin taldi að tillagan
myndi ekki hljóta brautargengi hjá
sveitarfélögunum. Bent er á að sam-
göngur á milli sveitarfélaga séu á
ábyrgð ríkisins og hafi verið fjár-
magnaðar af því. „Með þessu er ver-
ið að velta ábyrgðinni yfir á sveit-
arfélögin. Okkur líst ekki á það,“
segir Eva.
Hún segir að þjónustan sé nauð-
synleg og sveitarstjórnarmenn séu
reiðubúnir að koma að skipulagn-
ingu hennar enda þekki þeir nær-
samfélag sitt og þarfir íbúanna. Hún
telur að endurhugsa þurfi almenn-
ingssamgöngurnar frá grunni í ljósi
taprekstrar og finna nýjar leiðir.
„Það er verið að keyra stórar rútur
hálftómar um allt land og tapið
eykst stöðugt,“ segir Eva.
Hafna félagi með ríkinu
 Vilja ekki taka
ábyrgð á almenn-
ingssamgöngum
Morgunblaðið/Árni Sæberg
Samgöngur Gengið með farangur inn í Selfossstrætó í Mjódd.
Skötumessa 2019 verður haldin í
Gerðaskóla í Garði kl. 19 miðviku-
daginn 17. júlí. Þetta er í fyrsta sinn
sem messan er haldin í nýju sveitar-
félagi, Suðurnesjabæ.
Fjölbreytt skemmtiatriði eru á
dagskrá, m.a. munu Halldór Gunn-
ar Fjallabróðir og Sverrir Berg-
mann flytja tónlist. Sigríður Á.
Andersen, ættuð frá Móakoti í
Garði, er ræðumaður kvöldsins.
Allur ágóði rennur til góðra mál-
efna á Suðurnesjum.
Miðinn kostar 5.000 kr. og er
hægt að greiða fyrir fram á reikn-
ing 0142-05-70506, kt. 580711-0650.
Skötumessa 2019
í Suðurnesjabæ