Morgunblaðið - 13.07.2019, Qupperneq 53

MENNING 53
MORGUNBLAÐIÐ LAUGARDAGUR 13. JÚLÍ 2019
Glæsilegir skartgripir
innblásnir af íslenskri sögu
G U L L S M I Ð U R & S K A R T G R I PA H Ö N N U Ð U R
Skólavörðustíg 18 – www.fridaskart.is
» Jazz með útsýni er yfirskrift sumardagskrár Múlans í Hörpu þetta árið. Ívikunni var komið að hljómsveitinni Skuggamyndum frá Býsans að gleðja
djassunnendur. Sveitina skipa Haukur Gröndal á klarínett, Ásgeir Ásgeirsson
á strengjahljóðfæri, Þorgrímur Jónsson á bassa og Erik Qvick á slagverk.
Sveitin kemur fram á tónleikum í Hallgrímskirkju í Saurbæ á morgun, sunnu-
dag, kl. 16 og leikur þjóðlög frá m.a. Grikklandi, Búlgaríu og Makedóníu.
Skuggamyndir frá Býsans hita upp í Hörpu og Saurbæ fyrir tónleikaferð til Makedóníu
Morgunblaðið/Árni Sæberg
Markmaðurinn og hafið erþriðja bók norskabarnabókarithöfund-arins Mariu Parr. Bók-
in heitir á frummálinu Keeperen og
havet og er í ágætri þýðingu Sig-
urðar Helgasonar.
Norræna ráðherranefndin veitti
styrk til þýðingar bókarinnar, sem
gefin var út af Bókaorminum. Parr,
sem fædd er 1981, hefur þegar hlot-
ið verðlaun fyrir bækur sínar og
hefur verið sögð blanda af Anne-
Cath. Vestly og Astrid Lindgren.
Það er kraftur í Markmanninum
og hafinu en bókin fjallar um vinina
Trilla og Lenu sem eru 12 ára og
búa á Skelli-Matthildi. Bókin gerist
á einu ári og segir frá uppátækjum
Trilla og Lenu, lífinu sjálfu, sorgum
og sigrum. Lena berst fyrir því að
hæfileikar hennar sem markmanns í
strákaliði séu metnir burtséð frá
kynferði. Trilli upplifir sína fyrstu
hvolpaást og lendir í togstreitu þeg-
ar kemur að því hversu langt vinir
ganga í stuðningi hver við annan.
Afi sækir sjóinn eins og áður án
þess að taka með í reikninginn að
hann sé að eldast og baráttan um
athygli nýju stelpunnar í bekknum
tekur sitt pláss í bókinni.
Markaðurinn og hafið er ævintýri
út í eitt og þar
berjast aðalsögu-
persónurnar við
óblíð náttúru-
öflin, gera það
sem þau eiga
ekki að gera,
sýna manndóm í
erfiðum að-
stæðum og kunna
að njóta þess að vera til, vaxa og
þroskast.
Það er með ólíkindum hvað tekið
er á mörgum málum í kilju sem tel-
ur rúmar 200 blaðsíður.
Tekið er á kynjamisrétti, klíku-
skap, einelti, þröngsýni og víðsýni
sem fæst með því að ferðast og
kynnast nýju fólki. Sorgin fær sitt
pláss, gleðin, söknuðurinn, vanda-
mál tengd ellinni og æskunni, vin-
átta, keppni, feimni, fyrsta ástin, af-
brýðisemi, fordómar og fordóma-
leysi og hvernig kvíðinn getur
haldið aftur af hæfileikaríkum ein-
staklingum.
Markmaðurinn og hafið er góð
bók fyrir börn. Hún gefur börnum
og fullorðnum tækifæri til þess að
opna á og ræða ýmis mál. Bókin er
líka hressandi og skemmtileg lesn-
ing um kraftmikla krakka í litlu
samfélagi og baráttu þeirra við dag-
lega lífið og náttúruna.
Ljósmynd/Andrew Amorim
Tækifæri Bókin „gefur börnum og
fullorðnum tækifæri til þess að opna
á og ræða ýmis mál,“ segir í rýni um
nýja bók eftir Mariu Parr.
Barnabók
Markmaðurinn og hafið bbbmn
Eftir Mariu Parr
Íslensk þýðing: Sigurður Helgason.
Bókaormurinn, bókaútgáfa, 2018. Kilja,
229 bls.
GUÐRÚN
ERLINGSDÓTTIR
BÆKUR
Ævintýri kröftugra krakka
„Langt fyrir utan ystu skóga“ er
yfirskrift tónleika á tónlistarhátíð-
inni Englar og menn í Strandar-
kirkju sem haldnir verða á morgun,
sunnudag, kl. 14. Fram koma
Hrafnhildur Árnadóttir Hafstað
sópran, Þorsteinn Freyr Sigurðs-
son tenór og Matthildur Anna
Gísladóttir, sem leikur á harm-
óníum og píanó. Á efnisskránni eru
ítalskar antík-aríur og íslenskar
alþýðuperlur eftir meðal annars
Caccini, Caldara, Giordani, Sigfús
Halldórsson, Atla Heimi Sveinsson,
Jón Ásgeirsson, Böðvar Guðmunds-
son og Ingibjörgu Þorbergs.
Hrafnhildur lauk meistaranámi í
óperusöng frá Hollensku óperu-
akademíunni í Amsterdam 2015.
Hún hefur komið fram á fjölda tón-
leika og óperusýninga erlendis og
hérlendis og söng hlutverk Anninu
í La Traviata eftir Verdi hjá
Íslensku óperunni. Matthildur lauk
bachelor-námi í einleik frá Lista-
háskóla Íslands 2007. Einnig lauk
hún meistaranámi í meðleik við
Royal Academy of Music í London
með Andrew West og mastersnámi
í óperuþjálfun frá Alexander Gib-
son Opera School í Royal Conserva-
toire of Scotland og hlaut þar
James H. Geddes Repetiteur-
verðlaunin. Þorsteinn lauk meist-
aragráðu í óperusöng 2013 við
Hanns Eisler í Berlín og hóf ári síð-
ar störf við Óperuhúsið Theater
Ulm í Suður-Þýskalandi til ársins
2017 þar sem hann söng fjölmörg
aðalhlutverk í óperum.
Langt fyrir utan ystu skóga í Strandarkirkju á morgun
Hrafnhildur Árnadóttir Hafstað