Morgunblaðið - 12.08.2019, Blaðsíða 24

24 ÍÞRÓTTIR
MORGUNBLAÐIÐ MÁNUDAGUR 12. ÁGÚST 2019
Smiðjuvegi 66 • 580 5800 • landvelar.is
STIMPILPRESSUR
Loftpressur af öllum
stærðum og gerðum
Mikið úrval af aukahlutum
HANDBOLTI
HM U19 karla
Leikið í Norður-Makedóníu:
D-riðill:
Serbía – Ísland...................................... 22:26
Þýskaland – Brasilía ............................ 28:22
Portúgal – Túnis ................................... 30:24
 Portúgal 8, Þýskaland 6, Ísland 6, Serbía
2, Túnis 2, Brasilía 0. Ísland mætir Þýska-
landi í lokaumferð riðilsins í dag.
EM U17 kvenna
B-keppni á Ítalíu:
Undanúrslit:
Pólland – Ísland.................................... 23:25
Úrslitaleikur:
Tékkland – Ísland................................. 32:31
Forkeppni EM karla 2021
H-riðill:
Ísland – Sviss ........................................ 83:82
Staðan:
Sviss 2 1 1 159:155 3
Ísland 2 1 1 162:162 3
Portúgal 2 1 1 152:156 3
 Ísland mætir Portúgal á heimavelli 17.
ágúst og Sviss á útivelli 21. ágúst. Sigurlið-
ið kemst í undankeppni EM og leikur í riðli
með Serbíu, Finnlandi og Georgíu.
E-riðill:
Danmörk – Albanía .............................. 95:73
 Danmörk 4, Hvíta-Rússland 3, Albanía 2.
F-riðill:
Rúmenía – Slóvakía.............................. 85:68
 Rúmenía 4, Slóvakía 3, Kýpur 2.
G-riðill:
Bretland – Lúxemborg ........................ 71:54
 Bretland 4, Lúxemborg 3, Kósóvó 2.
EM U20 kvenna
B-deild í Kósóvó:
Keppni um sæti 9-12:
Úkraína – Ísland................................... 61:47
Kósóvó – Grikkland.............................. 55:79
 Lokastaðan: Úkraína 6, Ísland 5, Grikk-
land 2, Kósóvó 2.
EM U16 karla
B-deild í Svartfjallalandi:
C-riðill:
Danmörk – Ísland................................. 83:51
Sviss – Úkraína..................................... 55:88
Hvíta-Rússland – Svartfjallaland ....... 51:71
 Danmörk 6, Svartfjallaland 6, Ísland 5,
Úkraína 4, Hvíta-Rússland 3, Sviss 3. Ís-
land mætir Svartfjallalandi í dag.
KÖRFUBOLTI
KNATTSPYRNA
Úrvalsdeild karla, Pepsi Max-deildin:
Würth-völlur: Fylkir – Grindavík ....... 19.15
Í KVÖLD!
Í GRAFARHOLTI
Sindri Sverrisson
sindris@mbl.is
„Ég á flug kl. 7.20 [í dag]. Skutlar þú
mér ekki upp á völl?“ segir Guðrún
létt í bragði. Guðmundur brosir og
tekur vel í það. Það er í nógu að snú-
ast hjá golfparinu og atvinnukylfing-
unum Guðrúnu Ágústu Björgvins-
dóttur og Guðmundi Ágústi
Kristjánssyni sem í gærkvöld gátu
fagnað Íslandsmeistaratitlunum í
golfi á iðagrænum Grafarholtsvelli.
Guðrún Brá varði þar með titilinn
frá því í Vestmannaeyjum í fyrra og
Guðmundur Ágúst vann mótið í
fyrsta sinn og varð þar með 37. karl-
inn til þess að landa Íslandsmeist-
aratitli í höggleik. Segja má að þeim
hafi gengið flest í hag á golfvellinum
síðasta árið, hvort sem það tengist því
eitthvað að þau hófu einmitt samband
sitt fyrir rúmu ári. Það hlýtur að vera
einsdæmi að kærustupar hampi Ís-
landsmeistarabikurunum saman:
„Þegar við löbbuðum upp að 17.
flöt spurði ég einmitt mömmu hvort
að hún héldi að par hefði orðið Ís-
landsmeistari á sama tíma. Hún hló
nú bara,“ segir Guðrún eftir að þau
Guðmundur settust niður með Morg-
unblaðinu í Grafarholtinu í gær. „Ég
vonaði auðvitað bara að hann myndi
vinna og ég vona að hann hafi hugsað
það sama,“ bætir hún við létt, þegar
talið berst að því hvort þau hafi eitt-
hvað náð að fylgjast með gengi hvort
annars yfir helgina. „Mér fannst ég
ekkert þurfa að fylgjast með hvað
hún væri að gera. Hefði ég mátt það
þá hefði ég sett pening á að hún
myndi vinna,“ segir Guðmundur.
Gott að hafa einhvern sem
segir hlutina eins og þeir eru
Bæði segja þau það gott vera í
sambandi við annan atvinnukylfing:
„Við skiptumst kannski eitthvað
aðeins á ráðum,“ segir Guðmundur.
„Ég held að fyrst og fremst hjálpi svo
mikið til að það er fullkominn skiln-
ingur á milli okkar, á því sem við er-
um að gera,“ segir Guðrún, og Guð-
mundur er fljótur að taka undir: „Það
er þægilegt að hafa einhvern sem
segir manni hlutina eins og þeir eru,
og er ekkert að gera of mikið úr því
þó að maður eigi einn frábæran
hring. Maður verður að geta púslað
þessu saman í heilt mót.“ „Maður veit
líka sjálfur að þegar manni gengur
illa þá vill maður fá frið. Skilning-
urinn er það sem hjálpar okkur,“ seg-
ir Guðrún.
Bæði unnu þau af öryggi í gær.
Guðrún, sem leikur fyrir GK, var með
fjögurra högga forskot á Sögu
Traustadóttur úr GR fyrir lokahring-
inn. Þrátt fyrir að hafa átt sinn sísta
hring í lokin, +1 högg, jók Guðrún
forskotið í sjö högg en hún lék sam-
tals á -3 höggum. Nína Björk Geirs-
dóttir úr GM varð í 3. sæti.
„Mér leið alveg vel [í gær], þó að ég
tæki smádýfu á miðjum hring, en ég
er bara ánægð með hvernig ég sneri
því við og kláraði dæmið vel,“ segir
Guðrún. Guðmundur lék samtals á -9
höggum og hans besti hringur var
lokahringurinn sem hann fór á -4
höggum. Þrír urðu jafnir í 2. sæti,
fimm höggum á eftir Guðmundi, þeir
Arnar Snær hákonarson, Rúnar Arn-
órsson og Haraldur Franklín Magn-
ús.
„Ég átti stressandi pútt á 14. flöt
og eins stressandi, langt högg inn á
fimmtándu, en eftir fuglinn sem ég
fékk á sextándu var þetta nokkuð
þægilegt. Það er frábært að kóróna
þetta ár hér heima með þessu, á
heimavelli,“ segir Guðmundur.
Eins og fyrr segir er í nógu að snú-
ast hjá þeim báðum. Guðrún er á leið
á mót í Frakklandi á LET Access
mótaröðinni, og Guðmundur leikur á
móti á Nordic Tour í vikunni en hann
hefur unnið þrjú mót á mótaröðinni á
þessu ári og komið sér inn á Áskor-
endamótaröð Evrópu:
„Það er mikill munur hjá mér mið-
að við síðasta ár. Ég var mjög jafn og
traustur í fyrra, oftast að spila við
parið eða kannski á fimm höggum
undir pari. Núna er þetta aðeins mis-
jafnara en á góðu mótunum dett ég í
10-15 högg undir pari, sem er mun-
urinn á því að vera í einhverju miðju-
moði eða að berjast um sigur. Ég er
búinn að leggja mikla vinnu í þetta
síðustu þrjú ár, sérstaklega tæknina í
sveiflunni, og það er að skila sér í
nánast öllum þáttum leiksins,“ segir
Guðmundur og Guðrún tekur í sama
streng:
„Þetta var fyrsta árið mitt sem at-
vinnumaður í fyrra þannig að mér
kannski líður betur að spila núna og
er búin að læra inn á hlutina; hvað er
gott að gera og hvað ekki. Rétt eins
og hjá Gumma þá er auðvitað mjög
mikil vinna á bakvið þetta og hún er
að skila sér núna.“
Parið átti sviðið í Grafarholti
 Guðrún varði Íslandsmeistaratitilinn af öryggi  Guðmundur stóðst álagið
fullkomlega og vann sinn fyrsta  Njóta fullkomins skilnings hvort annars
Ljósmynd/seth@golf.is
Íslandsmeistarar Guðrún Brá Björgvinsdóttir og Guðmundur Ágúst Kristjánsson með verðlaunagripina sína.
Íslenska karlalandsliðið í körfubolta vann sérstaklega sætan 83:82-
sigur á Sviss í forkeppni Evrópumótsins 2021 í Laugardalshöll á laug-
ardaginn. Sviss var yfir stærstan hluta leiks, en íslenska liðið neitaði
að gefast upp og svellkaldur Martin Hermannsson tryggði liðinu sigur
með körfu í þann mund sem leiktíminn rann út. Leikurinn spilaðist á
svipaðan hátt og leikurinn gegn Portúgal síðasta miðvikudag og réð-
ust úrslitin á síðasta skotinu. Sem betur fer féll það okkar megin í
þetta skiptið. Clint Capela, leikmaður Houston Rockets í NBA-
körfuboltanum í Bandaríkjunum, lék með Sviss í leiknum, en það var
Martin sem stal senunni. Hann var þó ekki einn síns liðs því margir
leikmenn íslenska liðsins spiluðu vel. Tryggvi Snær Hlinason verður
betri með hverjum landsleiknum, Jón Axel Guðmundsson var mjög
sprækur og óhræddur við að láta til skarar skríða og Pavel Ermol-
inskij setti mikilvægar þriggja stiga körfur. Sigurinn var sérstaklega
sætur í ljósi þess að það vantaði menn eins og Hauk Helga Pálsson og
Kristófer Acox í liðið.
Sigurinn er gríðarlega mikilvægur í H-riðlinum. Ísland, Sviss og
Portúgal eru öll með þrjú stig eftir tvo leiki og er allt hnífjafnt fyrir
síðari leikina. Ísland mætir Portúgal á heimavelli næsta laugardag og
svo Sviss á útivelli miðvikudaginn 21. ágúst. Takist íslenska liðinu að
vinna Portúgal á heimavelli og endurtaka leikinn gegn Sviss, tryggir
liðið sér sæti í undankeppninni. Þar bíða Finnland, Georgía og Serbía.
Martin stal senunni af Capela
Morgunblaðið/Kristinn Magnúss
Sigur Martin Hermannsson skorar með Svisslendinga fyrir framan sig.