Morgunblaðið - Sunnudagur - 01.09.2019, Blaðsíða 15

Árið 1960 var Friðþór kominn á skólaaldur
og afréðu Kristbjörn og Steinunn að flytja til
Ísafjarðar. Kristbjörn sagði starfi sínu hjá rat-
sjársveitinni lausu í ágúst en um sama leyti
ákvað Bandaríkjaher að hætta starfsemi
stöðvarinnar í sparnaðarskyni. Kristbjörn
keypti vörubíl og hóf að starfa á honum á Ísa-
firði en Steinunn gerðist kennari í heimilis-
fræði við Gagnfræðaskóla Ísafjarðar. Fjöl-
skyldan bjó í Hnífsdal fyrsta árið en settist
síðan að á Ísafirði.
Spurður hvort erfitt hafi verið að yfirgefa
æskustöðvarnar öðru sinni svarar Kristbjörn
neitandi. „Nei, ekki þannig lagað. Það var tíma-
bært að róa á önnur mið. En ég hugsa hlýlega til
Aðalvíkur meðan ég lifi. Og Grunnavíkur líka.“
Í september 1962 fæddist þriðji sonurinn,
Halldór Páll, og tveimur árum síðar flutti fjöl-
skyldan í nýreist hús á Engjavegi 17 á Ísafirði.
Undir lok sjöunda áratugarins hóf Krist-
björn útgerð rækjubáts á Ísafirði í samstarfi
við aðra og var skipstjóri á nokkrum bátum
þar til þau hjónin fluttu til Reykjavíkur um
1980. Þar starfaði Kristbjörn hjá skrifstofu
Áfengisverslunar ríkisins og Steinunn, sem
menntað hafði sig til sérkennslu, kenndi við
Austurbæjarskólann.
Líst afskaplega vel á unga fólkið
Kristbjörn er af kynslóð sem upplifði ótrúleg-
ar breytingar á íslensku samfélagi sem á
undraskömmum tíma fór frá örbirgð til bjarg-
álna. „Samfélagið hefur þróast ágætlega,“
byrjar hann, spurður út í þetta. „Mér líst af-
skaplega vel á unga fólkið okkar í dag. Það er
tápmikið og duglegt. Þegar maður horfir út í
heim veit ég hins vegar ekki hvort þið eigið
einhverja framtíð,“ bætir hann við og horfir á
okkur yngri mennina þrjá í stofunni.
– Hvað áttu við með því?
„Ja, þú sérð til dæmis hvað er að gerast í
Hong Kong. Hvað ætla Kínverjarnir að gera?
Og vestan hafsins segir Trump þetta ekki
koma sér við.“
– Hvernig líst þér annars á Trump?
„Engan veginn. Mér líst mun betur á Guðna
forseta. Ég skrapp til Færeyja í fyrra og lenti
þá í því að taka í höndina á honum. Hef þó ekki
ennþá hitt hann á Íslandi.“
– Fylgistu eitthvað með pólitíkinni hérna
heima?
„Já, ég hlusta en megnið af því fer inn um
annað og út um hitt. En af fréttum má ég alls
ekki missa; ég er algjör fréttafíkill.“
Sonur hans grípur boltann á lofti: „Láttu
mig þekkja það. Eftir að ég hætti sem upplýs-
ingafulltrúi hef ég verið að reyna að hætta að
hlusta á fréttir en þá hringir hann og fræðir
mig.“
Þeir hlæja.
Kristbjörn hefur alltaf haft gaman af ferða-
lögum og er síður en svo hættur að ferðast
kominn á tíræðisaldurinn. „Bráðum legg ég
leið mína í Dalina í Svíþjóð, þar sem ég mun
dveljast hjá sonarsyni mínum. Svo á ég systur
í Washingtonríki í Bandaríkjunum og heim-
sæki hana reglulega,“ segir Kristbjörn og
Friðþór bætir við að þeir feðgar og sonardóttir
hafi líka skellt sér á endurfundi ratsjárher-
manna sem voru á Íslandi í Missouri 2007.
„Árið áður komu nokkrir þeirra hingað og
við fórum með þá í Aðalvík, þar sem við hjónin
gáfum þeim holusteikt lambalæri.“
Spurður hvernig skrokkurinn þoli þetta
flandur glottir Kristbjörn í kampinn. „Þokka-
lega. Ég viðurkenni samt að ég er ekki eins
góður í bakinu og þegar ég svaf á hurðinni!“
Já, það er víst.
Æskuslóðir eiginkonunnar og sumardval-
arstaður í hálfa öld, Grunnavík í mynni Jökul-
fjarða. Fv. prestssetrið Staður, í fjarska, sum-
arhúsin í Sætúni II, Oddsflöt fjær og rústir
steinhússins í Sætúni. Þá Sútarabúðir og sum-
arhús í Sætúni, nær, og nýtt sumarhús á Sút-
arabúðum fjær. Spilin í forgrunni notuðu
menn til að setja upp bátana og vísa til fyrri
tíma þegar sveitin iðaði af lífi.
Prestssetrið og kirkjan að Stað í Grunnavík. Kirkjunni er vel við haldið af Átthagafélagi Grunnvík-
inga á Ísafirði. Kristbjörn og hans fólk koma á hverju sumri í Grunnavík, rétt eins og Aðalvík.
Rúmin eru heldur mýkri nú en forðum. Kristbjörn sefur alltaf í sama rúminu í bústaðnum.
Hluti af ættleggnum saman kominn á Ystabæ. Fremst t.v. Halldór Páll Eydal, Óttar Örn Jónsson,
Tinna Björg Friðþórsdóttir með dótturina Klöru Sóllilju Sævarsdóttur, Guðmundur Eydal, Sigríður
Hróðmarsdóttir og Kristbjörn. Aftar standa Hrefna Kristjánsdóttir og Friðþór Eydal.
Á leið til sjávar með langafa. Friðþór Eydal, Kristbjörn og Klara Sóllilja Sævarsdóttir.
1.9. 2019 MORGUNBLAÐIÐ SUNNUDAGUR 15