Víkurfréttir - 03.10.2019, Blaðsíða 4

VILJA RÍFA ORLIK VIÐ NORÐURGARÐ NJARÐVÍKURHAFNAR
Vegna óvæntra aðstæðna sem upp komu við förgun rússneska togarans
Orlik hefur verið sótt um breytingu á undanþágunni varðandi staðsetningu
framkvæmdar. Nú er óskað eftir því að fá að rífa togarann á þeim stað
þar sem honum hefur verið komið fyrir eða við norðurgarð Njarðvíkur-
hafnar. Framkvæmdalýsing er að mestu leyti óbreytt en þó eru breytingar
á uppsetningu mengunarvarnarbúnaðar, segir í umsókn um starfsleyfi til
Umhverfis- og auðlindaráðuneytisins.
Fulltrúar Umhverfisstofnunar komu
í eftirlit þann 3. september, skoðuðu
starfssvæðið og skipið og áttu fund
með fulltrúa heilbrigðiseftirlits
Suðurnesja og hafnarstjóra Reykja-
neshafnar. Einnig hefur stofnunin
fundað með Hringrás í Reykjavík.
Umhverfisstofnun telur að niður-
rif skipsins sé hafið við norðurgarð
Njarðvíkurhafnar. Undanþága frá
starfsleyfi gildir fyrir niðurrif við
Skipasmíðastöð Njarðvíkur. Stofnunin
ákvað að stöðva niðurrif á skipinu þar
til tilskilinna leyfa hefur verið aflað.
Upphaflega var gert ráð fyrir að rífa
skipið á athafnasvæði Skipasmíða-
stöðvar Njarðvíkur. Þegar hefja átti
undirbúning kom í ljós að þar er
klöpp en samkvæmt fyrirliggjandi
upplýsingum var talið að botninn
væri möl og hægt væri að dýpka
rennuna. Skipið er stórt og þungt
og ristir of djúpt til að hægt sé að
koma því að stöðinni. Ákveðið var að
undirbúningur niðurrifs færi fram
við norðurgarð í Njarðvíkurhöfn, þar
sem að skipið yrði létt. Ekki var talið
öruggt að vinna í og við skipið þar sem
það stóð áður við bryggju. Hætta var
á að skipið sykki og mikil áhætta að
hafa það lengur við bryggjuna.
Þann 31. ágúst var skipið fært að
norðurgarði en þá var stórstraums-
fjara, sem var forsenda þess að hægt
væri að færa skipið. Útbúin hefur
verið renna við hlið norðurgarðs og
tímabundinn garður settur meðfram
skipinu til að hægt sé að komast að því
báðum megin frá. Hafist var handa
við að létta skipið. Byrjað var á að
fjarlægja lausamuni og síðan átti að
fjarlægja spilliefni og asbest. Því næst
stóð til að fjarlægja allt stál ofan þil-
fars, brú, gálga og annan búnað. Til
stóð að fleyta skipinu að tilbúnum
garði við Skipasmíðastöð Njarðvíkur
þegar búið væri að létta það.
Sett hefur verið flotgirðing aftan við
skipið. Unnið er að því að fjarlægja
lausamuni og spilliefni úr skipinu.
Frekari vinna við skipið mun bíða
niðurstöðu í leyfismálum. Vinna við
tímabundinn garð hjá Skipasmíðastöð
Njarðvíkur er ekki hafinn.
Framkvæmdin á þeim stað þar sem
skipið er núna staðsett er að mestu
sambærileg þeirri sem lýst var í mats-
skyldufyrirspurn Skipasmíðastöðvar
Njarðvíkur frá júlí 2019. Munurinn
felst í staðsetningu inni í höfninni
og því að mengunarvarnarbúnaður
verður settur upp tímabundið á
hafnarkantinum. Núverandi stað-
setning hefur þann kost að vera inni
í höfninni og minni öldugangur er
þar en við Skipasmíðastöðina, segir
í umsókninni til ráðuneytisins.
Framkvæmdin sem um ræðir er tíma-
bundin og felur í sér að rússneski
togarinn Orlik verði rifinn þar sem
hann stendur nú við norðurgarð í
Njarðvíkurhöfn. Mengunarvarnir eru
til staðar til að uppfylla kröfur sem
gerðar eru til starfseminnar, s.s. olíu-
skilja, geymslur fyrir hættuleg efni og
viðbúnaður vegna mengunaróhappa.
Gert er ráð fyrir að niðurrif togarans
taki tvo til þrjá mánuði.
Nú er beðið eftir svari Umhverfis- og
auðlindaráðuneytis við beiðni um
breytingu á undanþágu en ráðuneytið
hefur óskað umsagnar Reykjanes-
hafnar og óskar eftir að höfnin svari
eigi síðar en 7. október nk.
Óskað eftir tilnefningum til menningarverðlauna Reykjanesbæjar
Menningar- og atvinnuráð Reykja-
nesbæjar óskar eftir tilnefningum
vegna Súlunnar, menningarverð-
launa Reykjanesbæjar árið 2019.
Tilnefningar þarf að senda fyrir
12.  október á netfangið sulan@
reykjanesbaer.is eða í Ráðhúsið,
Tjarnargötu 12.
Tilnefna skal einstakling, hóp eða
fyrirtæki sem unnið hafa vel að
menningarmálum í bæjarfélaginu.
Rökstuðningur þarf að fylgja til-
nefningu.
Listakonunni Sossu Björnsdóttur voru
veitt menningarverðlaun Reykjanesbæjar
árið 2018. Hún sést hér taka við
verðlaunum úr höndum Kjartans Más
Kjartanssonar, bæjarstjóra.
Störf í boði
hjá Reykjanesbæ
Fjörheimar – starfsmaður í Skjólið
Velferðarsvið – félagsráðgjafi í barnavernd
Velferðarsvið – starf við liðveislu
Akurkóli – íslenskukennari, tímabundið starf í
70% starfshlutfalli
Umsóknir í auglýst störf skulu berast rafrænt gegnum
vef Reykjanesbæjar, Stjórnsýsla: Laus störf. Þar eru
jafnframt nánari upplýsingar um auglýst störf.
Hægt er að leggja inn almenna umsókn á sama stað.
Þeim er komið til stofnana sem eru í leit að starfsfólki.
Almennar umsóknir fyrnast að sex mánuðum liðnum.
Viðburðir
í Reykjanesbæ
Heilsu- og forvarnarvika 2019 - í fullum gangi
Minnum á heilsu- og forvarnarvikuna! Dagskrá má nálgast
á www.reykjanesbaer.is
Bókasafn Reykjanesbæjar - dagskrá framundan
Miðvikudagurinn 2. október. Opin kóræfing hjá Kór
Keflavíkurkirkju kl. 17.00-18.00.
Laugardagurinn 5. október. Krakkajóga kl 11.30-12.00
með Sigurbjörgu Gunnarsdóttur leikskólakennara og
jógaleiðbeinanda í tilefni heilsu- og forvarnarviku.
Pólsk menningarhátíð - Dzień Kultury Polskiej
Undirbúningur er farinn vel af stað en óskað er eftir fleiri
sjálboðaliðum. Áhugasamir hafið samband við Hilmu,
s. 421 6700 eða hilma.h.sigurdardottir@reykjanesbaer.is
Framkvæmdin á þeim stað þar sem skipið er núna
staðsett er að mestu sambærileg þeirri sem lýst var
í matsskyldufyrirspurn Skipasmíðastöðvar Njarðvíkur
frá júlí 2019. Munurinn felst í staðsetningu inni í
höfninni og því að mengunarvarnarbúnaður verður
settur upp tímabundið á hafnarkantinum. Núverandi
staðsetning hefur þann kost að vera inni í höfninni
og minni öldugangur er þar en við Skipasmíðastöðina,
segir í umsókninni til ráðuneytisins.
Stórvirkar vinnuvélar halda við togarann Orlik þegar honum var komið fyrir við norðurgarðinn í Njarðvíkurhöfn. VF-myndir: hbb
4 FRÉTTIR Á SUÐURNESJUM f immtudagur 3. október 2019 // 37. tbl. // 40. árg.