Víkurfréttir - 03.10.2019, Page 18

Störf við hreinsun í flugskýlinu í Keflavík
Viðhaldsstöð okkar í Keflavík leitar að starfsfólki í hreinsunarstörf.
Annarsvegar er um að ræða störf við þrif
flugvéla að innan og húsnæðis.
Vinnutíminn er 07:45-15:45.
Hinsvegar er um að ræða vaktavinnu við
hreinsun í skýli, á íhlutum og flugvélum.
Unnið er aðra vikuna 7:45-15:45 mán-fös
og hina vikuna 16:00-1:00 mán-fim.
Hæfniskröfur:
| Sjálfstæð vinnubrögð
| Aldurstakmark 18 ár
Nánari upplýsingar veitir: Sveina Berglind Jónsdóttir,
mannauðsstjóri sveinaj@icelandair.is
Umsóknir óskast fylltar út á heimasíðu Icelandair,
www.icelandair.is/umsokn, fyrir 9. október 2019.
Veiði báta fremur
dræm í september
Þá er enn einn mánuðurinn kominn á enda og er það september, frekar
óvenjulegur september. Í það minnsta hjá línubátunum. Iðulega þá
hefur september verið nokkuð góður aflamánuður hjá þeim en í þetta
skipti var veiði bátanna frekar dræm. Engin mokveiði.
Bara sem dæmi að þá var enginn
bátur að 15 tonnum sem náði yfir
10 tonn í einni löndun og eru þá
líka bátar utan Suðurnesjanna
taldir með. Ekki eru allar lokatölur
komnar inn þegar þetta er skrifað en
þá var staðan þannig að Páll Jónsson
GK og Jóhanna Gísladóttir GK voru
saman með sitthvor 355 tonn. Sturla
GK 342 tonn, Sighvatur GK 341 tonn,
Fjölnir GK 334 tonn. Sturla GK hefur
fengið sinn afla í sex róðrum sem
er frekar mikið og mest aðeins 67
tonn í einni löndun sem er frekar
lítið miðað við hvað báturinn hefur
komið mest með í land.
Veiðar dragnótabáta var nokkuð
góð. Siggi Bjarna GK með 195 tonn í
sautján róðrum. Benni Sæm GK 170
tonn í 17 róðrum. Maggý VE 96 tonn
í 15 róðrum en báturinn landaði
mestu af afla sínum í Grindavík og
Sandgerði. Sigurfari GK nýi með 88
tonn í 14 róðrum.
Það má geta þess að Siggi Bjarna
GK og Benni Sæm GK eru það sem
kallað er bugtarbátar sem þýðir
að þeir mega veiða inn í Faxaflóa.
Aðalbjörg RE er líka þannig bátur
og fiskaði Aðalbjörg RE mjög vel,
var með 164 tonn í 13 róðrum en
landaði öllum aflanum sínum í
Reykjavík.
Annars er þessi pistill skrifaður frá
Akureyri, fór þangað með hand-
knattleikslið sem var að spila þar.
Hægt er að finna mjög margar teng-
ingar við Akureyri og Suðurnesin.
Á Akureyri er mjög öflug skipa-
smíðastöð og slippur og á árum áður
þá voru mjög margir bátar, flestir
stálbátar eru smíðaðir þar en þar
var líka skipasmíðastöðin Vör sem
meðal annars smíðaði marga 30
tonna eikarbáta, og nokkrir þeirra
voru lengi gerðir út frá Keflavík og
Sandgerði, t.d Sæljón RE, Eyvindur
KE, Reykjarborg RE, Haförn KE svo
dæmi séu tekin.
Í Slippnum á Akureyri voru þrjú
skip þar stærst sem voru smíðuð og
nokkuð merkilegt er að tvö þeirra
tengdust Sandgerði ansi mikið. Hér
skal fjallað um fyrra og síðan verður
fjallað um seinna skipið.
Árið 1975 kom til Sandgerðis togar-
inn Guðmundur Jónsson GK 475
en hann var smíðaður á Akureyri
fyrir Rafn Hf sem þá var mjög stórt
útgerðar- og fiskvinnslufyrirtæki
í Sandgerði. Guðmundur Jónsson
GK var þannig útbúinn að hann
stundaði loðnuveiðar og landaði
meðal annars loðnu í Sandgerði og
samkvæmt aflaskýrslum sem ég hef
séð þá kom hann með í kringum
820 tonn í einni löndun af loðnu og
á þeim tíma var þetta mjög mikið
magn.
Þessi togari var því miður ekki
gerður lengi út frá Sandgerði því
hann var seldur til Vestmannaeyja
árið 1978 og fékk þar nafnið Breki
VE og var gerður út með því nafni
í hátt í þrjátíu ár. Það má geta þess
að það var Sandgerðingur sem var
lengi skipstjóri á bátnum, Magni
Jóhannsson, sem í dag á smábát
sem heitir Tjúlla GK.
Faðir minn, Reynir Sveinsson,
myndaði Guðmund Jónsson GK
þegar hann kom til Sandgerðis árið
1975 og fylgir myndin hér með.
Að lokum, í síðasta pistli var að-
eins fjallað um Tomma á Hafnar-
berginu RE og þar var sagt að hann
héti Tómas Tómasson en rétt nafn
er Tómas Sæmundsson. Er beðist
velvirðingar á þessum ruglingi.
AFLAFRÉTTIR Á SUÐURNESJUM
Gísli Reynisson
gisli@aflafrettir.is
AFLA
FRÉTTIR
Minningarorð
Grétar Einarsson (f. 11/10 ‘64, d. 16/9 ‘19)
frá Old Boys Keflavík-Víðir
Markaskorarinn mikli Grétar Einarsson er fallinn frá. Það er gríðarleg
eftirsjá í því fyrir okkur eldri knattspyrnumenn Keflavíkur og Víðis.
Grétar var afgerandi maður að kynnast og jafnvel þótt hann væri grjót-
harður á velli var ávallt stutt í grínið og jákvæðnina. Grétar var einmitt
maður af þeim toga sem átti erfitt með að leggja frá sér ástríðuna sem
felst í því að leika knattspyrnu, jafnvel þótt aldurinn og þyngdaraflið sé
farið af hafa örlítil meiri áhrif á leikinn.
Við félagar hans í flokki „eldri
drengja“ (Old Boys), sem nú erum
fjörutíu talsins, hittumst vikulega til
þess að deila þessari ástríðu, gleði og
umhyggju sem fylgir að vera hluti
af góðum hópi. Það eru forréttindi
að geta það og það eru forréttindi
að hafa fengið að kynnast Grétari
í þessu umhverfi sem hann unni
sér svo vel í.
Eftir farsælan knattspyrnuferil í
deild hinna bestu á Íslandi átti
Grétar góðar stundir í þessum hópi
eldri drengja. Þar átti hann meðal
annars þátt í að skila heim þremur
Íslandsmeistaratitlum, þar á meðal
tveimur titlum í hópi 50 ára og eldri.
Grétar var mikill markaskorari og
sigurvegari í hugarfari. Hann var
einnig góður félagi og vék sér aldrei
undan því að taka að sér önnur hlut-
verk ef á þurfti að halda. Okkur er
það sérstaklega minnisstætt þegar
Grétar tók að sér markmannshlut-
verkið í forföllum aðalmarkmannins
og á ögurstund í Íslandsmóti 50+
hópsins sem á endanum skilaði
liðinu Íslandsmeistaratitli.
Við félagar hans í þessum hópi
sjáum nú á eftir Grétari sem er þriðji
leikmaðurinn í hópi okkar sem fellur
frá, á eftir þeim Ragnari Margeirs-
syni og Elís Kristjánssyni. Það er
erfið hugsun og oft á tíðum óbæri-
legt að sjá á eftir félögum sínum
svo langt um aldur fram. En svona
er lífið hverfult og minnir okkur á
að njóta hverrar stundar með þeim
sem við kjósum að lifa með. Við „Old
Boys-arar“ munum minnast Grétars
og annarra vina okkar með þeim
hætti sem sameinar okkur alla, en
það er ástríðan fyrir fótboltanum.
Blessuð sé minning þessa góða
drengs.
f.h. eldri drengja Keflavíkur-Víðis
Sigurður Garðarsson.
BEST HJÁ GRINDVÍKINGUM Á FALLÁRI
Útför Grétars Einarssonar, fv. knattspyrnumanns, var gerð frá Útskálakirkju
síðastliðinn föstudag. Fjölmennt var í útförinni og bekkir Útskálakirkju
þétt setnir. Þá var hægt að fylgjast með útsendingu frá útförinni í Miðgarði
í Gerðaskóla og á síðunni Garðmenn og Garðurinn á Facebook.
Þorsteinn Grétar Einarsson var
fæddur 11. október 1964 í Silfurtúni
í Garði. Hann lést á Heilbrigðisstofnun
Suðurnesja 16. september 2019. Grétar
giftist Erlu Dögg Gunnarsdóttur (f. 19.
ágúst 1967) þann 30. júní 2008. Börn
Grétars og Erlu eru Sunna Rós (f. 14.
janúar 1987)hennar maki er Svavar
Ingi Lárusson (f. 30. desember 1994)
sonur þeirra er óskírður Svavarsson
(f. 31. ágúst 2019). Ásgeir (f. 4 ágúst
1995) og Árni Gunnar (f. 7. janúar
1997) kærasta hans er Olivia Anna
Canete Apas (f. 28. ágúst 2001).
Sr. Sigurður Grétar Sigurðsson jarð-
söng. Organisti var Arnór Vilbergsson.
Arnar Dór Hannesson og Lísa Einars-
dóttir sungu einsöng.
ÚTFÖR GRÉTARS EINARSSONAR FRÁ ÚTSKÁLAKIRKJU
FIMMTUDAGSKVÖLD KL. 20:30
Á HRINGBRAUT OG VF.IS
magasínS U Ð U R N E S J A
18 ÍÞRÓTTIR Á SUÐURNESJUM