Skessuhorn - 07.01.2015, Blaðsíða 8

8 MIÐVIKUDAGUR 7. JANÚAR 2015
Lyfjakostnaður sjúklinga lækkar
LANDIÐ: Hlutur sjúkratryggðra í lyfjakostnaði lækkaði 1. janúar sl.
samkvæmt reglugerð sem heilbrigðisráðherra gaf út. Þak á árlegum
hámarkskostnaði lyfjanotenda lækkar um 10%; fer hjá almennum not-
endum úr 69.416 kr. í 62.000 kr. og hjá börnum og lífeyrisþegum
og ungmennum yngri en 22 ára úr 46.277 kr. í 41.000 kr. Jafnframt
því sem hámarksþak lyfjakostnaðar á tólf mánaða tímabili lækkar um
10% lækka að sama skapi fjárhæðir afsláttarþrepa í lyfjagreiðslukerf-
inu. Lyfjagreiðslukerfið miðast við að notendur borgi lyf sín að fullu
þar til ákveðinni fjárhæð er náð, en eftir það greiða sjúkratryggingar
85% af verði lyfjanna á móti 15% hlutdeildar sjúklings. Full greiðslu-
þátttaka almenns lyfjanotanda miðast nú við 24.075 kr. en lækkar nið-
ur í 22.000 kr. og hjá börnum og lífeyrisþegum fer þessi fjárhæð úr
16.050 kr. í 14.500 kr. Auk þessara breytinga lækkar virðisaukaskattur
á lyf úr 25,5% í 24%. –mm
Kærður vegna óvarlegrar
meðferðar skotelda
VESTURLAND: Maður á sextugsaldri hefur verið kærður til lög-
reglu fyrir óvarlega meðferð skotelda á gamlárskvöld. Á hann að hafa
skotið viljandi nokkrum flugeldum að og í hús nágranna síns í Hval-
fjarðarsveit, þar sem þeir sprungu með tilheyrandi hávaða og eldglær-
ingum. Hafði lögreglan tal af manninum sem kenndi vindinum um
hvernig fór og hló að öllu saman. Málið er í frekari rannsókn hjá lög-
reglu. Einn ökumaður var tekinn fyrir ölvun við akstur í umdæmi lög-
reglunnar á Vesturlandi í liðinni viku. Alls urðu sex umferðaróhöpp
í umdæminu, tvö á Akranesi, tvö í Borgarbyggð, eitt í Borgarnesi og
eitt í Grundarfirði. Óhöppin voru öll án teljandi meiðsla að sögn lög-
reglu. -þá
Árið kvatt í blíðskaparveðri
Ágætt veður var á gamlárskvöld og margir sem notuðu stundina
um miðnætti til að kveðja gamla árið og fagna nýju úti undir berum
himni. Flugeldar nutu sín ágætlega eins og sjá má á þessum myndum
sem ljósmyndarar tóku á Snæfellsnesi.
Íþróttamaður Borgarfjarðar 2014
Laugardaginn 10. janúar kl. 14:00 fer fram í Hjálmakletti Borgarnesi
verðlaunaafhending í kjöri íþróttamanns Borgarfjarðar 2014
Veittar verða ýmsar viðurkenningar og verðlaun til þess íþróttafólks sem náð hefur
góðum árangri á árinu 2014

Nemendur frá Tónlistarskóla Borgarfjarðar
koma fram og flytja tónlistaratriði

Boðið verður upp á veitingar
Ungmennasamband Borgarfjarðar - Borgarbraut 61 - 310 Borgarnesi Sími 437 1411 - www.umsb.is
SK
ES
SU
H
O
R
N
2
01
5
Ungmennasamband Borgarfjarðar
Dregið í jólamynda- og krossgátu Skessuhorns
Í Jólablaði Skessuhorns birtist
myndagáta og stór krossgáta sem
lesendur gátu glímt við yfir há-
tíðirnar. Ekki stóð á svörum við
báðum þessum gátum og bár-
ust um 200 lausnir sem heppn-
ir vinningshafar voru dregnir úr.
Eftirfarandi nöfn komu úr pott-
inum:
Krossgáta. Þar voru lausnar-
orðið „Gleðskapur.“ Vinnings-
hafinn er Þórólfur Ævar Sig-
urðsson, Laugarbraut 7 á Akra-
nesi. Hlýtur hann að launum
þrjár valdar bækur frá Skessu-
horni auk gjafabréfs í gistingu og
morgunverð á góðu hóteli.
Myndagátan. Þar var lausnin:
„Rigningarsumarið síðasta verð-
ur Vestlendingum lengi minn-
isstætt.“ Rétta lausn hafði Ásta
Jónsdóttir, Sundabakka 5 í Stykk-
ishólmi. Hlýtur hún sömuleið-
is að launum þrjár valdar bækur
frá Skessuhorni auk gistingar og
morgunverðar á góðu hóteli.
Vinningshöfum er óskað til
hamingju og öllum öðrum þökk-
uð þátttakan. mm
Varð vélarvana í smástund nálægt landi
Björgunarsveitir á Snæfellsnesi
voru kallaður út í hádeginu síðast-
liðinn laugardag vegna neyðarkalls
af sjó, en farþegabáturinn Brimr-
ún frá Grundarfirði var þá vélar-
vana við norðanvert Snæfellsnes.
Voru skip og bátar björgunarsveita
á norðanverðu Snæfellsnesi kallað-
ar út með hraði enda báturinn ná-
lægt landi þegar dó á vélunum. 22
farþegar voru um borð í bátnum
auk áhafnar. Um hálftíma eftir að
útkallið barst hafði tekist að koma
annarri vél Brimrúnar í gang og
búið að sigla fjær landi og áleiðis til
Grundarfjarðar. Brimrúnu var þó
fylgt af björgunarbátum til lands.
Á meðfylgjandi mynd er Brimr-
ún komin til hafnar í Grundarfirði
heilu og höldnu. mm/ Ljósm. tfk.
Sjö kindur sóttar á afrétt Lunddælinga
Í lok ársins, nánar tiltekið 27. des-
ember, voru sjö kindur sóttar á af-
rétt Lunddælinga í Borgarfirði. Þá
var farið á þremur vélsleðum með
kerrum inn á afréttina en vitað var af
kindunum sem urðu eftir við seinni
leitir í haust. Að sögn Björns Björns-
sonar frá Snartarstöðum voru kind-
urnar ekki eins langt inn á afréttin-
um og reiknað hafði verið með. Þær
voru við Gullberastaðasel og því
ekki um langa ferð að ræða og kom-
ist á milli í björtu. Björn sagði að
vel hafi gengið að ná fénu á sleðana.
Það hefði verið allvel fram gengið
þótt vetrartíðar hafi gætt að undan-
förnu. Fjórar kindanna voru frá Hóli
og þrjár frá Hesti og voru þetta fjór-
ar fullorðnar ær og þrjú lömb.
þá/ Ljósm. Gunnhildur Birna
Björnsdóttir.
Um miðnætti á gamlárskvöld í Grundarfirði. Ljósm. sk.
Ármótin fóru vel fram í Snæfellsbæ og á gamlársdag fór fram hin árlega
áramótabrenna á Breiðinni og var að venju margir sem tóku þátt í gleðinni.
Höfðu brottfluttir Snæfellbæingar á orði að þetta væri með stærri brennum
sem þeir höfðu séð og stærri en á höfuðborgarsvæðinu. Að brennu lokinni
tók við flugeldasýning björgunarsveitarinnar Lífsbjargar og urðu gestir ekki
fyrir vonbrigðum með sýninguna. Að sögn Viðars Hafseinssonar formanns
Lífsbjargar var talsverð aukning á sölu flugelda hjá sveitinni. Ljósm. af.
Skemmtileg áramótakveðja frá Sumarliða Ásgeirssyni ljósmyndara í
Stykkishólmi.