Skessuhorn - 07.01.2015, Blaðsíða 13

13MIÐVIKUDAGUR 7. JANÚAR 2015
að komi óneitanlega upp í hugann að ófrið-
ur færðist í aukana á árinu. Stríðið í Sýrlandi
hafi haldið áfram og þá hafi heimurinn feng-
ið að sjá eina af miður skemmtilegu afurð-
um þess hildarleiks, hið svokallaða íslamska
ríki. „Átök Ísraela og Palestínumanna héldu
sömuleiðis áfram með hryðjuverkum og inn-
rás á Gaza svæðið. Erfitt verður að sjá hvort
sú deila muni nokkurn tíma leysast. Þá var
allt í hers höndum í Úkraínu eftir að Rússar
innlimuðu í reynd Krímskaga í ríki sitt. Mað-
ur vonar því að heimurinn verði ögn friðsam-
legri á nýju ári,“ segir Heiðar Lind Hansson.
Fékk nóg af rigningu
Skessuhorn heyrði í Gunnari Ragnarssyni
verslunarstjóra í Grundarfirði og spurði hann
hvað stæði upp úr á árinu 2014. „Í byrjun
árs 2014 missti ég föður minn sem var orð-
inn fullorðinn. Um vorið fermdist svo son-
ur minn, sem var æðislegt,“ segir Gunnar.
Hann nefnir einnig að golf ferð til Spánar
standi uppúr. „Í haust fór ég í frábæra ferð
með vinahópi mínum, GT hópnum. Það var
æðislega gaman,“ rifjar hann upp. Hann seg-
ist hafa fengið yfir sig nóg af rigningu á ný-
liðnu ári. „Ég er ánægður með veðrið eins
og það var í desember. Það var fínt að fá smá
vetur, þó það hafi verið ófærð. Ég var kom-
inn með hundleið á þessari rigningu, maður
sá varla til fjalla allt árið.“ Þá nefnir Gunnar
að fjölgun ferðamanna og eldgosið í Bárðar-
bungu hafi einnig verið hápunktar á árinu. „Í
haust sá maður alveg gasið í loftinu. Á golf-
vellinum hérna rétt fyrir utan bæinn sást bær-
inn varla fyrir blámóðunni. En Eyjafjallagos-
ið hafði líka mikil áhrif á allt og alla á sínum
tíma,“ segir hann.
Nýja árið leggst mjög vel í Gunnar. „Þetta
leggst æðislega vel í mig. Það er alltaf eitt-
hvað skemmtilegt framundan. Ég á stóraf-
mæli á árinu og svo vonast ég til að veðrið
verði betra. Þetta verður skemmtilegt ár.“
Fíflagangur á Alþingi
Ævar Gestsson hjá gistiheimilinu Sunda-
bakka í Stykkishólmi segir það standa upp úr
á árinu að mikið var að gera á gistiheimilinu
síðastliðið sumar enda hafi verið mjög mik-
il aukning ferðamanna á svæðinu. „En ann-
ars er veðrið búið að vera ómögulegt í haust
og sumar. Þetta er annað árið í röð sem er
svona óvenjulegt veðurfar hérna; blautt, kalt
og leiðinlegt,“ segir Ævar um árið sem er ný-
liðið. Þá nefnir hann einnig honum líki ekki
við fíflagang á Alþingi. „Maður er búinn að
missa allt álit á þessu fólki. Það átti að koma
þarna nýtt fólk og ástandið átti að lagast en
breytingin er engin. Ég er nú fylgismaður
ríkisstjórnarinnar en það er eins og fólkið sé
ekki að vinna fyrir þjóðina. Bæði hvernig tek-
ið er á málunum og almenningur situr uppi
með að borga skuldir fjárglæframanna. Svo
er búið að bjóða til sölu gögn sem geta flett
ofan af þessum kvikindum en einhvers stað-
ar er kippt í spotta. Ein vitleysan tekur við af
annarri,“ segir hann alvarlegur í bragði.
„Ég held að maður verði að dingla með,
árið leggst svo sem ekki illa í mig,“ segir
hann aðspurður um hvernig nýja árið leggist í
hann. „Reyndar hér í Hólminum er talað um
að auka skattlagningu sem leiðir til þess að
við sem rekum gistingar í heimahúsum þurf-
um að borga þrefaldan skatt. Það verður til
þess að smærri einingar hætta. Við erum hér
með fjögur herbergi og búin að vera í þessu
í fimmtán ár en með aukinni skattlagningu
eiga margir eftir að gefast upp. Fólk verður
að hafa eitthvað út úr þessu, þetta er mikil
vinna. En það þýðir samt ekki að fara með
neikvætt hugarfar inn í næsta ár. Veðrið getur
allavega ekki versnað mjög mikið.“
Tók á móti fyrsta
barnabarninu
Lovísa Olga Sævarsdóttir í Ólafsvík segir að
það sé auðvelt að rifja upp hvað stóð uppúr á
nýliðnu ári. „Fyrsta barnabarnið mitt fædd-
ist á árinu. Ég fékk að taka á móti og vera
eins og pabbinn í heila viku, á meðan hann
var erlendis,“ segir hún stolt. Lovísa Olga
býr á Arnarstapa á Snæfellsnesi yfir sumar-
tímann og segist hún hafa orðið vör við mikið
af ferðamönnum á árinu. „Ég var sérstaklega
vör við það þarna á Stapa. Mér finnst að þetta
mætti varla vera meira.“
Aðspurð um væntingar til nýja ársins segir
hún að árið leggist vel í sig. „Svo vona ég bara
að það verði farið í frekari lagfæringar á Arn-
arstapa, svo sem að bílastæði verði lagfærð og
klósettmál færð til betri vegar.“
Uppáhaldslagið vann
„Í fyrsta skipti í fjölmörg ár vann uppáhalds
lagið mitt í Eurovision. Það hefur bara varla
gerst áður svo ég muni,“ segir Ásta Björns-
dóttir bókavörður á Bókasafni Akraness
um nýliðið ár. Hún segist einnig vera mik-
il áhugamanneskja um jarðskjálfta og eldgos.
„Það var af nægu að taka þar á árinu, þann-
ig að ég fylgdist mikið með því. Í desemb-
ermánuði tók ég svo á móti yfir tvöhundruð
leikskólabörnum á bókasafninu og las fyrir
þau jólasögu. Það var alveg yndislegt, þetta
er svo dásamlegur hópur,“ bætir hún við. Þá
rifjar hún einnig upp að gaman hafi verið á
dúllustundum á bókasafninu, þar sem hóp-
ur kvenna hittist vikulega og heklaði dúllur.
„Þetta er góður hópur og orðinn mér kær.
Við erum enn að hittast og eigum eftir að
ganga frá dúllunum. Svo hef ég átt margar
ljúfar stundir með fjölskyldu og vinum. Og
ekki má gleyma því að hún Skotta mín er orð-
inn Rauða kross hundur. Það þýðir að hún er
heimsóknarhundur RKÍ og við í heimsókn
á Höfða hálfsmánaðarlega allt síðasta ár og
munum halda því áfram á þessu ári.“
Ásta er fullviss um að árið sem framundan
er verði ágætt. „Það verður samt að vera betra
veður næsta sumar. Við vonum bara að þetta
verði fínt ár, jákvætt og betra á allan máta.“
Fríin með fjölskyldunni
„Ég vann mikið á árinu þannig að það sem
stóð uppúr voru fríin, að vera með fjöl-
skyldunni í fríi. Við fórum á ýmis fótbolta-
mót með börnunum,“ segir Heiðar Magnús-
son sjómaður á Brynju SH í Ólafsvík. Heið-
ar tók þátt í makrílveislunni á liðnu sumri og
náði að verða makrílkóngur, varð aflahæst-
ur. „Þetta voru tveir mánuðir í törn. En við
náðum að bæta okkur frá árinu áður og þá
er maður sáttur.“ Hann nefnir einnig að eld-
gosið í Holuhrauni standi uppúr á árinu sem
var að líða. „Það er gaman að fá eldgos, það
gerist ekki á hverju ári. Svo er bara spurning
hvað það verður lengi núna.“
Nýja árið leggst mjög vel í Heiðar. „Maður
vonar að það verði enn betra en árið á und-
an. Ég reikna með að maður fari á makríl eitt
sumar í viðbót og á fótboltamót. Markmið-
ið er svo að ná sér í einn mánuð í sumarfrí,“
segir hann að lokum.
Spánarveður á Ströndum
Svava Ragnarsdóttir deildarritari á HVE á
Akranesi segir að ýmis ferðalög sem hún fór
í standi uppúr á árinu sem leið. „Ég fór með
fjölskyldunni á Strandirnar í æðislega ferð
um verslunarmannahelgina. Ég er ættuð
þaðan og fer þangað á hverju ári. Við tjöld-
um alltaf hjá ferðaþjónustunni Urðartind í
Norðurfirði, en þar er tjaldsvæði og gisting.
Við fengum þarna sannkallað Mallorca veð-
ur, og hver dagur toppaður með því að fara
í Krossneslaug sem er í fjöruborðinu. Frek-
ar ljúft með vatnsbrúsann á sundlaugarbakk-
anum,“ segir hún. Þá bætir hún við að hún
hafi einnig farið til Danmerkur með dætrum
sínum um páskana og svo með manni sínum
til Tenerife síðasta haust. „Annað sem stend-
ur uppúr er að miðbarnið mitt útskrifaðist
úr 10. bekk í Brekkubæjarskóla í maí og fór
í fjölbrautaskóla í haust. Svo fékk ég systur
mína heim frá Danmörku. Hún flutti heim
til Íslands aftur eftir að hafa búið í ellefu ár
úti. Það stendur einnig uppúr,“ segir Svava.
Svava segist hafa góðar væntingar til árs-
ins 2015. „Yngsta dóttir mín fermist og ég
ætla eitthvað erlendis á árinu. Svo ætlum við
aftur á Strandirnar um verslunarmannahelg-
ina ef vel viðrar,“ segir Svava að endingu.
Þakklæti efst í huga
Þakklæti er Guðveigu Eyglóardóttur í Borg-
arnesi ofarlega í huga eftir árið 2014. „Þakk-
læti fyrir að eiga heilbrigð börn og fjölskyldu
fyrst og fremst. Samveran við vini og fjöl-
skyldu. Ríkidæmið sem felst í þeim lífsgæð-
um sem maður býr við. Við búum við ótrú-
lega mikil lífsgæði, sem maður tekur ekki
alltaf eftir og tekur sem sjálfsögðum hlut.
Það eru þessir einföldu hlutir sem skipta
svo miklu máli. Það er svo dýrmætt að vera
með heilbrigð börn í kringum sig og sjá fjöl-
skylduna stækka,“ segir Guðveig um það sem
stendur uppúr á árinu.
Nýtt ár leggst mjög vel í Guðveigu og seg-
ist hún ætla að nota árið til betrumbóta. „Ég
finn fyrir því að maður ætlar sér að verða betri
á morgun en í gær. Maður ætlar að hugsa bet-
ur um heilsuna, njóta lífsins, nöldra minna og
hafa meira gaman af lífinu. Njóta stundarinn-
ar og rækta sál og líkama,“ segir Guðveig að
lokum um væntingar til ársins 2015.
Vikufrí með börnunum
Gísli Guðmundsson rakari á Akranesi seg-
ir sumarfríið hafa staðið uppúr á árinu 2014
hjá honum. „Ég tók mér í fyrsta skipti vikufrí
einn með börnunum mínum. Við fórum á
Ísafjörð og þetta var alveg geggjað. Við áttum
frábæra viku saman og gerðum bara það sem
við vildum, vöknuðum snemma á morgnanna
og fórum í sund, fórum í siglingu og fleira,“
segir Gísli. Hann bætir því við að hann hafi
einnig farið í fyrsta skipti í langt sumarfrí á
liðnu sumri. „Þetta var í fyrsta skipti í tíu ár
sem ég fór í tveggja vikna frí samfellt, án þess
að koma í vinnuna. Það var æðislegt. En ann-
ars gekk allt vel á árinu, allir glaðir og kátir.
Þetta var mjög gott ár.“
Aðspurður um væntingar til nýja ársins
segir hann að það leggist æðislega vel í sig.
„Ég stefni á að hjóla í einum rykk frá Akra-
nesi til Ísafjarðar í sumar. Svo bara að hafa
það sem best. Að allir séu við góða heilsu og
öllum líði vel, það er það sem skiptir máli,“
segir Gísli um árið 2015. grþ
Gunnar Ragnarsson verslunarstjóri í Grundar-
firði.
Ævar Gestsson í Stykkishólmi.
Lovísa Olga Sævarsdóttir Snæfellsbæ.
Ásta Björnsdóttir
Heiðar Magnússon sjómaður í Snæfellsbæ.
Svava Ragnarsdóttir deildarritari á Akranesi.
Guðveig Eyglóardóttir í Borgarbyggð.
Gísli Guðmundsson rakari á Akranesi.