Skessuhorn - 28.01.2015, Síða 6

6 MIÐVIKUDAGUR 28. JANÚAR 2015
Álitlegir stóðhest-
ar væntanlegir
VESTURLAND: Stjórn
Hrossaræktarsambands Vestur­
lands skrifaði í síðustu viku á
vef sinn að nú styttist í að listi
um stóðhesta næsta sumar verði
birtur. Þeir hestar sem nú þegar
er staðfest að verði til notkun­
ar í landshlutanum eru: Loki frá
Selfossi, Þorlákur frá Prestsbæ,
Snillingur frá Íbishóli, Eldjárn
frá Tjaldhólum, Jarl frá Árbæj­
arhjáleigu II, Brennir frá Efri­
Fitjum, Hrafn frá Efri­Rauða­
læk og Farsæll frá Litla­Garði.
Þá segir að myndir af stóðhest­
unum og nánari upplýsing­
ar megik finna á facebooksíðu
Hrossvest.
-mm
Samstarfssamn-
ingar í endur-
skoðun
AKRANES: Á fundi bæjarráðs
Akranes 15. janúar sl. var tekið
fyrir erindi sveitarstjórnar Hval­
fjarðarsveitar frá því í desember
þar sem samningum er sagt upp
frá og með áramótum og óskað
endurskoðunar á þeim. Um er
að ræða samkomulag um rekst­
ur tónlistarskóla og samstarfs­
samningar um félagsstarf aldr­
aðra og um ýmis málefni á sviði
félags­ og íþróttamála. Bæjarráð
vísaði erindinu til meðferðar í
fagráðum Akraneskaupstaðar. Í
bókun frá fundum segir að bæj­
arráð telji eðlilegt að samstarfs­
samningar séu sífellt í endur­
skoðun og leggur áherslu á að
bæði sveitarfélögin noti þetta
tækifæri til að efla og þróa sam­
starfið áfram.
–þá
Fjöldi myndaður
vegna hraðaksturs
VESTURLAND: Samtals
voru 146 ökumenn myndaðir
fyrir of hraðan akstur í umdæmi
lögreglunnar á Vesturlandi í
liðinni viku. Flest hraðabrot­
in voru mynduð í Hvalfjarð­
argöngunum og við Fiskilæk.
Fimm umferðaróhöpp urðu
í umdæminu í vikunni, flest
vegna vetrarfærðar og nær öll
án teljandi meiðsla. Ökumað­
ur sendibifreiðar sem fór útaf
og valt nokkrar veltur á Útnes­
vegi á Snæfellsnesi sl. fimmtu­
dag kvartaði yfir eymslum í
baki. Var hann fluttur á heilsu­
gæslustöðina í Ólafsvík og það­
an til Reykjavíkur til frekari
rannsóknar. Krapi og hálka var
á veginum. Einn ökumaður var
tekinn ölvaður við akstur og
annar undir áhrifum fíkniefna í
umdæmi lögreglunnar á Vestur­
landi í liðinni viku.
–þá
Bíll brann
NORÐURÁRDALUR: Síð­
degis á miðvikudaginn í liðinni
viku kom upp eldur í mannlaus­
um fólksbíl sem stóð skammt
frá íbúðarhúsi ofan við Hreða­
vatnsskála í Norðurárdal. Í
fyrstu var mikill viðbúnaður
enda stóð bíllinn nálægt hús­
inu og vindur stóð á það. Bif­
rastardeild Slökkviliðs Borgar­
byggðar fór strax á vettvang og
náði að halda eldinum í skefjun
þar til aukin aðstoð barst með
slökkviliðsmönnum úr Borg­
arnesi. Betur fór en á horfðist
með húsið en bíllinn er gjöró­
nýtur eftir brunann. –mm
Verslunarstjóra-
skipti í Bónus
BORGARNES: Verslunar­
stjóraskipti hafa orðið í versl­
un Bónuss í Borgarnesi og fleiri
breytingar einnig verið gerð­
ar í starfsliði. Skessuhorn hafði
að beiðni viðskiptavina sam­
band við Guðmund Marteins­
son framkvæmdastjóra og leit­
aði svara við ástæðu breyting­
anna: „Það var samkomulag á
milli okkar Stefáns Haralds­
sonar að hann léti af störfum á
þessum tímapunkti og nýr versl­
unarstjóri tæki við. Bjarni Sig­
urðsson hefur verð ráðinn inn
sem verslunarstjóri og nokkrar
breytingar aðrar orðið á hópn­
um í Borgarnesi eins og gengur
og gerist með nýjum stjórnend­
um, einhverjir hætta og aðrir
koma inn í staðinn,“ segir Guð­
mundur Marteinsson.
–mm
Kanna betur
flóasiglingar
AKRANES/RVK: Eins og ít­
arlega var kynnt í síðasta tölu­
blaði Skessuhorns höfðu Faxa­
flóahafnir frumkvæði að forat­
hugun á rekstrarlegum forsend­
um þess að hafnar yrðu reglu­
bundnar siglingar milli Reykja­
víkur og Akraness með hrað­
skreiðum farþegabáti. Niður­
staða þeirrar skýrslu var í gróf­
um dráttum á þá lund að verk­
efnið gæti reynst rekstrarlega
hagkvæmt en myndi trauðla
standa undir afborgunum af
stofnkostnaði. Niðurstaðan var
engu að síður nógu jákvæð til
þess að undir lok síðustu viku
undirrituðu Dagur B. Eggerts­
son borgarstjóri og Regína Ás­
valdsdóttir bæjarstjóri á Akra­
nesi viljayfirlýsingu þess efn­
is að sveitarfélögin hefji sam­
eiginlega skoðun á því hvort
flóasiglingar á milli Akraness
og Reykjavíkur geti verið góð­
ur valkostur í almenningssam­
göngum. Þetta kemur fram í til­
kynningu frá Reykjavíkurborg.
-mm
Aðalmeðferð lokið í þjóðlendumálinu
og beðið úrskurðar
Aðalmeðferð í þjóðlendumálum
sem snúa að sveitarfélaginu Borg­
arbyggð og einstökum landeigend­
um lauk í desembermánuði. Óðinn
Sigþórsson í Einarsnesi, sem vann
að málinu fyrir heimaaðila í Borg­
arfirði, segir að reikna megi með
að það taki óbyggðanefnd allt upp
undir ár að kveða upp úrskurð í
málunum sem eru fimm er lúta að
lendum í Borgarbyggð. Óðinn seg­
ir að fyrir aðalmeðferð hafi komið
fram gögn sem styrki stöðu heima­
aðila verulega gagnvart ríkinu og
enn séu að berast gögn í málinu.
Óðinn telur það þó galla á máls­
meðferðinni að gagnaöflun sé ekki
lokið fyrir kröfugerð og aðalmeð­
ferð.
Varðandi kröfugerð ríkisins segir
Óðinn, eins og reyndar hefur kom­
ið fram áður í Skessuhorni, að ríkið
geri kröfu um nánast allt fjalllendi
utan jarða í Mýrasýslu og Borgar­
fjarðarsýslu norðan Skarðsheiðar
og einnig einstakar jarðar og lands­
svæði þeim fylgjandi, svo sem Kal­
manstungu og Kjarardal. Óðinn
segir það ánægjuefni að í nýlegum
úrskurði Óbyggðanefndar varðandi
þjóðlendur í Húnavatnssýslum var
viðurkenndur eignarréttur heima­
aðila á mjög landmiklum jörðum
en ríkið hafði gert kröfur í þá hluta
þeirra sem lagðir höfðu verið undir
afréttarnot.
þá
Sólarsport opnað á efri hæð sundlaugarinnar
Rekið til Þverárréttar í Eyja- og Miklaholtshreppi. Myndin er ekki beint tengd efni
fréttarinnar. Ljósm. tfk.
Margt var um manninn á opnu húsi
síðasta laugardag þegar Sólarsport
í Ólafsvík opnaði nýja og glæsilega
aðstöðu á efri hæð sundlaugarinnar.
Um 200 manns mættu á opna hús­
ið til að skoða aðstöðuna, gæða sér
á ljúffengum veitingum og gleðj­
ast með þeim hjónakornum Jó­
hönnu Hjelm og Gylfa Scheving
sem eiga og reka Sólarsport. Hafa
þau staðið í rekstri í 30 ár. Jóhanna,
eða Jóa eins og hún er kölluð, átti
og rak fyrst Sólarnes sólbaðstofuna
í kjallaranum heima hjá sér. Það var
svo árið 1998 sem þau fluttu nið­
ur á Ólafsbraut og opnuðu Sólar­
sport. Voru þau mjög ánægð með
móttökurnar og hlakka til að halda
áfram á nýja staðnum.
þa
Afhenti afrakstur sölu vitasokka
Hilmar Sigvaldason vitavörður í
Akranesvita afhenti nýverið fyrsta
afraksturinn af sölu Akranesvita­
sokka til Vesturlandsvaktarinn­
ar, Hollvinasamtaka HVE. Sölu­
virðið var 65 þúsund krónur. Það
var sokkaverksmiðjan Trico sokk­
ar á Akranesi sem framleiðir þessa
sokka og hafa þeir verið til sölu
í Versluninni Bjargi og hjá Ey­
mundsson á Akranesi. „Salan hef­
ur farið fram úr björtustu vonum
og hef ég þegar pantað um 200 pör
til viðbótar,“ segir Hilmar. Hann
vill koma á framfæri að dagana 20.
og 21. desember síðastliðinn voru
haldnir tónleikar í Akranesvita til
styrktar Vesturlandsvaktinni. Fjöldi
tónlistarmanna kom fram og allir
gáfu vinnu sína. Tónleikarnir tók­
ust mjög vel og gat fólk sett frjáls
framlög í kassa í anddyri vitans. Þar
söfnuðust 56 þúsund krónur. „Ég
vil líka koma á framfæri þökkum til
allra sem að tónleikunum komu og
þeim sem gáfu sitt framlag til Vest­
urlandsvaktarinnar.“
mm Hilmar með Akranesvita-sokkana.