Skessuhorn - 28.01.2015, Síða 8

8 MIÐVIKUDAGUR 28. JANÚAR 2015
Atvinnuleysi var
4,3% í desember
LANDIÐ: Samkvæmt Vinnu­
markaðsrannsókn Hagstofu Ís­
lands voru að jafnaði 183.700
á aldrinum 16­74 ára á vinnu­
markaði í desember 2014, sem
jafngildir 80% atvinnuþátttöku.
Af þeim voru 175.800 starfandi
og 7.900 án vinnu og í atvinnu­
leit. Hlutfall starfandi af mann­
fjölda var 76,6% og hlutfall at­
vinnulausra af vinnuafli var
4,3%. Samanburður mælinga
í desember 2013 og 2014 sýn­
ir að vinnuaflið minnkaði um
1.400 manns, atvinnuþátttakan
minnkaði því um 0,8 prósentu­
stig. Fjöldi starfandi minnk­
aði um 1.100 og hlutfallið um
0,7 stig. Atvinnulausum fækk­
aði um 300 manns og hlutfall
þeirra minnkaði um 0,1 stig,
segir í frétt Hagstofunnar.
–mm
Aflatölur fyrir
Vesturland
17. - 23. janúar.
Tölur (í kílóum)
frá Fiskistofu:
Akranes 3 bátar.
Heildarlöndun: 24.221 kg.
Mestur afli: Akraberg ÓF:
14.215 kg í fjórum löndunum.
Arnarstapi 5 bátar.
Heildarlöndun: 26.368 kg.
Mestur afli: Guðbjartur SH:
17.948 kg í tveimur löndunum.
Grundarfjörður 12 bátar.
Heildarlöndun: 361.032 kg.
Mestur afli: Jóhanna Gísla­
dóttir GK: 78.723 kg í einni
löndun.
Ólafsvík 20 bátar.
Heildarlöndun: 275.141 kg.
Mestur afli: Kristinn SH:
46.644 kg í fimm löndunum.
Rif 21 bátur.
Heildarlöndun: 588.801 kg.
Mestur afli: Tjaldur SH:
94.383 kg í tveimur löndunum.
Stykkishólmur 6 bátar.
Heildarlöndun: 106.882 kg.
Mestur afli: Þórsnes SH:
50.153 kg í þremur löndunum.
Topp fimm landanir á tíma-
bilinu:
1. Örvar SH – RIF:
79.707 kg. 21. janúar
2. Jóhanna Gísladóttir GK –
GRU: 78.723 kg. 21. janúar
3. Tjaldur SH – RIF:
66.939 kg. 23. janúar
4. Drangavík VE – GRU:
52.502 kg. 20. janúar
5. Hringur SH – GRU:
50.481 kg. 21. janúar
mþh
Ótakmarkað
gagnamagn
LANDIÐ: Fjarskiptafyrirtæk­
ið Hringdu býður nú viðskipta­
vinum sínum upp á ótakmarkað
gagnamagn á öllum nettenging­
um sínum. Þetta þýðir að þeir
sem hlaða niður miklu efni af
netinu, t.d. kvikmyndum, tón­
list, tölvuleikjum og öðru stærra
efni hafa ótvíræðan hag af slíkri
þjónustu. Síðastliðið sumar hóf
Hringdu sölu á ADSL­tenging­
um með ótakmörkuðu gagna­
magni. Nú hefur þessu verið
fylgt eftir til fulls með því að
hefja sölu á ljósneti og ljósleið­
ara með ótakmörkuðu gagna­
magni. Þar með þurfa notendur
ekki lengur að leiða hugann að
því hvaðan eða hversu mikið af
gögnum er sótt eða sent. Greitt
er fast gjald og engin aukagjöld.
„Á meðan helstu keppinautar
okkar eru byrjaðir að telja allt
gagnamagn höfum við ákveð­
ið að hætta því,“ er haft eft­
ir Kristni Péturssyni, forstöðu­
manni sölu­ og þjónustusviðs
Hringdu, í tilkynningu frá fyr­
irtækinu. „Við fetum þannig í
fótspor frænda okkar á Norð­
urlöndunum sem lengi hafa selt
hraða fram yfir gagnamagn,“
segir Kristinn.
–mþh
Nýjar lóðir
stofnaðar
BORGARBYGGÐ: Á fundi
Byggðarráðs Borgarbyggðar 15.
janúar síðastliðinn voru lagð­
ar fram nokkrar umsóknir um
stofnun lóða. Samþykkt var að
lóð úr landi Lundar 3 í Lund­
arreykjadal yrði stofnuð og lóð
úr landi Traða. Þá var einnig
lögð fram umsókn um stofnun
þriggja lóða úr landi Nýja­Bæj­
ar. Um er að ræða tvær íbúðar­
húsalóðir ásamt lóð fyrir gripa­
hús og var samþykkt að þær
yrðu stofnaðar. Einnig komu
lóðamál til tals á fundi byggðar­
ráðs 22. janúar. Þar var rætt um
umsókn sem borist hefur um
lóðirnar að Borgarbraut 57 og
59 í Borgarnesi. Samþykkt var
á fundinum að úthluta lóðunum
ekki að svo stöddu, þar sem eft­
ir er að auglýsa þær samkvæmt
vinnureglum Borgarbyggðar
um úthlutun lóða. Forstöðu­
manni umhverfis­ og skipulags­
sviðs var falið að auglýsa allar
lausar lóðir í eigu sveitarfélags­
ins.
–grþ
Bæjarvefur til-
nefndur til
verðlauna
AKRANES: Nýlegur vefur
Akraneskaupstaðar hlaut til­
nefningu til vefverðlauna SVEF
sem besti opinberi vefurinn hér
á landi. Það er sjö manna dóm­
nefnd sem vefakademían skipar
á hverju ári sem velur fimm vefi
í 15 flokkum og í ár bárust um
150 tilnefningar í heildina. Aðr­
ir vefir sem eru tilnefndir í sama
flokki og vefur Akraneskaup­
staðar eru vefir lögreglunn­
ar, Rannís, Samgöngustofu og
Markaðsstofu Vestfjarða. Það
er Stefna sem hannaði vefinn í
samstarfi við Akraneskaupstað
en Sædís Alexía Sigurmunds­
dóttir verkefnastjóri leiddi vinn­
una fyrir hönd kaupstaðarins.
Verðlaunaafhendingin fer fram
föstudaginn 30. janúar í Gamla
Bíói í Reykjavík. –mm
Samninganefnd Starfsgreinasam­
bands Íslands afhenti síðastliðinn
mánudag Samtökum atvinnulífs­
ins kröfugerð sína vegna komandi
kjarasamninga. Kröfurnar mótuð­
ust á fundum í verkalýðsfélögum
og á vinnustöðum um land allt og
með hliðsjón af niðurstöðu við­
horfskannana. Þá ber kröfugerð­
in óneitanlega keim þeirra samn­
inga sem nýverið hafa verið gerð­
ir á vinnumarkaði, meðal annars í
samningum sveitarfélaga við kenn­
ara og ríkisins við lækna. Fram hef­
ur komið í viðtölum við forsvars­
menn launþegahreyfingarinnar að
hjá þeim samningum verði ekki
litið í kröfugerðinni nú. Í tilkynn­
ingu frá SGS segir að kröfugerð­
in hafi orðið til í víðtæku, lýðræð­
islegu ferli í verkalýðshreyfingunni
þar sem öllum félagsmönnum gafst
kostur á að koma sjónarmiðum sín­
um á framfæri og hafa áhrif. Megin­
kröfur Starfsgreinasambandsins eru
að miða krónutöluhækkanir á laun
við að lægsti taxti verði 300 þúsund
krónur á mánuði innan þriggja ára
og sérstaklega verði horft til gjald­
eyrisskapandi atvinnugreina við
launahækkanir. Samninganefnd
Starfsgreinasamband Íslands hef­
ur samningsumboð 16 verkalýðs­
félaga innan SGS. Flóafélögin þrjú
fara sjálf með sitt umboð. SGS er
stærsta landssambandið innan Al­
þýðusambands Íslands og hefur um
50.000 félagsmenn innan sinna vé­
banda í 19 félögum.
Í kröfugerðinni er einnig far­
ið fram á endurskoðun launatafla
þannig að starfsreynsla og mennt­
un séu metin til hærri launa, des­
ember­ og orlofsuppbætur hækki,
vaktaálag verði endurskoðað og
samræmt kjarasamningum á opin­
berum vinnumarkaði, lágmarks­
bónus verði tryggður í fiskvinnslu
og skilgreind verði ný starfsheiti
í launatöflu. „Gerðir hafa verið
kjarasamningar við einstaka starfs­
stéttir undanfarnar vikur og mán­
uði, sem hljóta almennt að vísa
launafólki veginn. Samhljómur er
meðal aðildarfélaga SGS um að
sú launastefna, sem hefur mótast í
samfélaginu, endurspeglist í kjara­
samningum SGS við Samtök at­
vinnulífsins. Grundvallaratriði sé
að fólk lifi af dagvinnulaunum í stað
þess að ganga sér til húðar í yfir­
vinnu, aukavinnu og akkorði til að
framfleyta sér og sínum. Langur
vinnudagur og mikið álag dregur
úr framleiðni og eykur samfélags­
legan kostnað. Þá á launafólk að
njóta þess í launum þegar það öðl­
ast meiri færni í starfi með reynslu
og menntun, segir í tilkynningu
SGS.
Orðin langþreytt á lág-
launastefnunni
Sigurður A Guðmundsson for­
maður Verkalýðsfélags Snæfellinga
segir fólk verða orðið langþreytt á
láglaunastefnunni í þjóðfélaginu.
„Verkafólk er alveg búið að fá upp í
kok á þeim skilaboðum ráðamanna
að það sé að setja allt á hliðina ef það
fari fram á mannsæmandi laun. Það
er alltaf talað eins og fólk á lægstu
laununum beri ábyrgð á verðbólgu
og stöðugleikanum í þjóðfélaginu.
En svo er það talið verjandi að aðr­
ar stéttir fái kauphækkanir jafnvel
sem nemur mánaðarlaunum verka­
manna. Okkur finnst að þá sé það
orðið ansi svart. Láglaunastefnan
hefur áhrif út um allt samfélagið.
Fólk verður útslitið og það kall­
ar meðal annars á fjölgun öryrkja
og annað slíkt og þá um leið meiri
kostnað fyrir ríkið,“ segir Sigurð­
ur. Hann segir að full samstaða sé
innan Starfagreinasambandsins og
fólk sé einhuga um að berjast fyr­
ir bættum kjörum. Hann segist
sammála því að leggja áherslurnar
á krónutöluhækkanir í kjarasamn­
ingnum. „Við lifum ekki á prósent­
um og ég hef fulla trú á því að sam­
staða verði líka hjá Flóabandalag­
inu,“ segir Sigurður.
Samstaða og þörf á
stuðningi þjóðarinnar
Vilhjálmur Birgisson, formað­
ur Verkalýðsfélags Akraness, seg­
ir kröfugerðina metnaðarfulla en
samt sem áður hógværa og réttláta,
enda byggist hún á að stigin verði
jöfn og ákveðin skref í átt að því að
dagvinnulaun verkafólks dugi fyr­
ir lágmarksframfærslu samkvæmt
þeim viðmiðum sem hið opinbera
hefur gefið út. Vilhjálmur segir það
nöturlegt að hlusta á málflutning
Samtaka atvinnulífsins þar sem tal­
að er nánast um stórfellt efnahags­
hrun ef að lágmarkstaxtar á Íslandi
hækka um 33.000 kr. á mánuði
næstu þrjú árin og verði komin upp
í 300.000 kr. í lok samningstím­
ans. „Það liggur fyrir að allir hóp­
ar sem hafa samið að undanförnu
hafa verið að semja um þetta frá
50.000 og upp í allt að 200.000 kr.
hækkun á mánaðarlaunum og næg­
ir þar að nefna læknastéttina, kenn­
arana, flugstjórana, flugvirkjana og
svo framvegis,“ segir Vilhjálmur.
Hann bætir við að fullur einhug­
ur sé meðal verkafólk og samstöðu
fyrir bættum kjörum. Nú þurfi al­
þýðan á stuðningi þjóðarinnar að
halda til að bæta kjörin. „Kjör sem
í raun og veru kosta íslenskt sam­
félag gríðarlega fjármuni vegna
þeirra afleiðinga sem bág kjör geta
valdið. Nægir að nefna þar verri
heilsu, aukið álag á heilbrigðiskerf­
ið, velferðarkerfið og félagslega
kerfið og jafnvel stóraukna örorku­
byrði vegna verri lýðheilsu. Það er
alveg ljóst að það verður að lag­
færa kjör íslensks verkafólks til að
fólk geti haldið mannlegri reisn og
það liggur hvellskýrt fyrir að það
er nægt svigrúm til slíkra leiðrétt­
inga,“ segir Vilhjálmur. Nægi þar
að nefna ofsagróða íslenskra út­
flutningsfyrirtækja eins og til dæm­
is í ferðaþjónustunni, stóriðjunni
og svo ekki sé talað um í fiskvinnsl­
unni þar sem hagnaður og arð­
greiðslur eru gríðarlegar um þess­
ar mundir.
Ekki náðist í Signýju Jóhannes­
dóttir formann Stéttarfélags Vest­
urlands í gær við vinnslu fréttar­
innar, til fá álit hennar til kröfu­
gerðar SGS, en hún á sæti í fram­
kvæmdastjórn sambandsins. þá
Netnotkun Íslendinga eykst um
tæp tvö prósent á milli áranna
2013 og 2014 og teljast nú 97%
íbúa landsins til reglulegra netnot­
enda. Í samantekt Hagstofunnar,
sem birt er í Hagtíðindum, kem­
ur fram að þetta sé hæsta hlutfall
sem mælist í Evrópu, en meðal­
tal reglulegra netnotenda í lönd­
um Evrópusambandsins er 75%.
Mikil aukning hefur orðið í notkun
einstaklinga á farsímum og snjall­
símum til að tengjast netinu utan
heimilis og vinnu, og á það nú við
um 59% netnotenda. Verslun ein­
staklinga á netinu jókst einnig mik­
ið á milli ára, en 67% netnotenda
höfðu nú verslað á netinu ári fram
að rannsókn. Aukning netverslun­
ar er mest við lönd utan Evrópu­
sambandsins og Bandaríkjanna.
Netverslun hefur aukist á kvik­
myndum og tónlist sem og tölvum
og jaðartækjum en hins vegar dróst
netverslun verulega saman á milli
ára á bókum, tímaritum og fjar­
skiptaþjónustu.
Árið 2014 höfðu 8% netnot­
enda greitt fyrir tölvuskýsþjón­
ustu til að geyma rafrænt efni eða
deila því með öðrum, en árið 2013
höfðu tæp 4% svarenda greitt fyr­
ir geymslurými á netinu. Þá hafa
24% netnotenda notað tölvuforrit
sem keyrð eru í gegnum netið, fyr­
ir ritvinnslu, töflureikni eða glæru­
kynningar.
Þriðjungur íslenskra fyrirtækja
selja vörur og þjónustu í gegnum
netið eða önnur vefkerfi og er það
hæsta hlutfall sem mælist á Evr­
ópska efnahagssvæðinu. Þá keyptu
43% fyrirtækja á Íslandi einhvers­
konar tölvuskýsþjónustu af netinu
en ónæg þekking á tölvuskýjum
kemur í veg fyrir að 29% fyrirtækja
nýti sér þá þjónustu.
mm
Veruleg aukning í netverslun utan
Evrópu og Bandaríkjanna
Vilhjálmur Birgisson formaður Verka-
lýðsfélags Akraness.
Setja fram kröfu um að lægstu laun
verði 300 þúsund innan þriggja ára
Sigurður A Guðmundsson formaður
Verkalýðsfélags Snæfellinga.