Skessuhorn - 28.01.2015, Síða 11

11MIÐVIKUDAGUR 28. JANÚAR 2015
Borgfirskir
briddsarar
BORGARFJ: Síðastliðið
mánudagskvöld hófst sveita­
keppni Briddsfélags Borg­
arfjarðar. Til leiks mættu
átta sveitir sem formað­
ur félagsins hafði sett sam­
an af mikilli reiknikúnst til
að gera keppnina sem jafn­
asta. Spilaðir voru þrír leik­
ir og átta spil í leik. Not­
ast var við Patton útreikn­
ing og því skiptust 32 stig á
milli sveitanna. Eftir kvöld­
ið eru það „Telpurnar“ sem
leiða mótið með 64 stig en í
þeirri sveit spila Hvanneyr­
ingarnir Björk Lárusdótt­
ir og Anna Heiða Baldurs­
dóttir ásamt Sveinbirni Eyj­
ólfsyni og Lárusi Péturs­
syni. Í öðru sæti, með 62
stig, eru „Dóra og brýnin“
en þar eru á ferðinni Dóra
Axelsdóttir, Rúnar Ragn­
arsson, Jóhann Oddsson og
Kristján Axelsson. „Skalla­
poppararnir“ eru í þriðja
sæti með 59 stig. Þar eru á
ferðinni Ásgeir Ásgeirsson,
Guðmundur Kristinsson,
Jón Eyjólfsson og Bald­
ur Björnsson. Keppninni
verður framhaldið næstu
fjögur mánudagskvöld og
eru áhorfendur velkomnir.
Briddsfélagið hefur hug á
að halda byrjendanámskeið
í bridds ef einhver vill læra.
Áhugasamir hafi samband
við Ingimund zetorinn@
visir.is og sími 861­5171 og
staður og stund ákveðin síð­
ar í samráði við lærlinga.
–ij
Reitun bætir
lánshæfismat á
Orkuveitunni
SV-LAND: „Áframhald­
andi styrking á fjárhags­
stöðu Orkuveitunnar
Reykjavíkur, trúverðug fjár­
hagsáætlun ásamt góðum
árangri í að ná markmiðum
Plansins eru ástæður þess
að lánhæfisfyrirtækið Reit­
un hefur breytt lánshæfis­
einkunn OR í þá veru að nú
eru horfur metnar jákvæð­
ar. Einkunn Orkuveitunn­
ar er áfram i.A3,“ segir í til­
kynningu frá Orkuveitunni.
Í mati Reitunar kemur fram
að samhliða batnandi fjár­
hagsstöðu Orkuveitunnar
og minni áhættu sýni fjár­
hagsáætlun fyrirtækisins
að áfram sé unnið að því
að styrkja lausafjárstöðu
og veltufjárhlutfall. „Láns­
hæfi Orkuveitunnar ætti að
styrkjast samhliða auknu
fjárhagslegu svigrúmi,“ seg­
ir í matinu. Moody‘s gerði
nýverið samskonar breyt­
ingar í mati þess á láns­
hæfi Orkuveitunnar. Áætl­
anir OR og markmiðin sem
sett voru með Planinu hafa
gengið eftir og gott betur. Í
lok þriðja ársfjórðungs 2014
var uppsafnaður árangur
Plansins orðinn 48,2 millj­
arðar króna. Þannig hefur
rekstrarkostnaður lækkað
að raungildi frá árinu 2010.
Tekjur hafa hinsvegar vaxið
um rúm 40% frá árinu 2010,
úr 27,9 ma.kr. í 39,2 ma.kr. í
árslok 2013, en tveir áfangar
við Hellisheiðarvirkjun hafa
verið teknir í notkun á þessu
tímabili. –mm
Afurðir íslenskra mjólkurkúa eru
sífellt að aukast enda ræktunarstarf
mikið, aðbúnaður fer batnandi í
fjósum og fóðuröflun­ og verkun
sífellt að eflast. Alls skiluðu 22 kýr
á landinu afurðum yfir 11.000 kíló
og þar af sjö yfir 12.000 kg. Kýrin
Laufa í Flatey á Mýrum í Horna­
firði mjólkaði 13.121 kg á síðasta
ári með 3,33% fitu og 3,19% pró­
tein. Laufa er eins og gefur að skilja
gríðarlega góð mjólkurkýr, fór hæst
í 48,6 kg dagsnyt á liðnu ári og
skráðar æviafurðir hennar eru um
69 þúsund kg. en fyrsta kálfi sínum
bar hún vorið 2006, þá rétt ríflega
tveggja ára. Önnur í röðinni árið
2014 var Stytta 336 á Kotlaugum
í Hrunamannahreppi. Þriðja nyt­
hæsta kýrin var Drottning 324 í
Geirshlíð í Flókadal í Borgarfirði,
undan Fonti 98027, en nyt hennar
á árinu var 12.567 kg. á síðasta ári
með 4,69% fitu og 3,30% prótein.
Níunda á listanum yfir afurðahæstu
kýr landsins er kýrin 446 frá Geirs­
hlíð, en sú mjólkaði 11.717 kg.
Fjórða nythæsta kýrin var Agla 361
í Viðvík í Viðvíkursveit í Skagafirði
og fimmta Ausa 306 í Garðakoti í
Hjaltadal í Skagafirði.
Afurðahæsta kúabú landsins er
að Brúsastöðum á Suðurlandi. Í
þriðja sæti er Lyngbrekka 2 í Döl­
um, bú Kristjáns Hans Sigurðsson­
ar. Árskýr í hans eigu eru 11,1 og
var meðalnyt 7.807 kg. Fleiri vest­
lensk bú eru að skila hárri meðal­
nyt og má nefna að í sjötta sæti er
Hraunháls, bú Sigurðar og Báru
á Lyngbrekku er í áttunda sæti og
Stakkhamar II í ellefta sæti á lista
yfir nythæstu kúabú landsins.
mm
Hálfsmánaðarlega fær heimilisfólk
á hjúkrunar­ og dvalarheimilinu
Höfða á Akranesi góða gesti. Þá
kemur tíkin Skotta, heimsóknar­
hundur Rauða krossins, í heimsókn
með eiganda sínum, Ástu Björns­
dóttur. Heimsóknarvinur með
hund er eitt af verkefnum heim­
sóknarvina RKÍ. Heimsóknarvinir
af þessu tagi, þar sem hundurinn er
í aðalhlutverki, eru þekktir víða um
heim og sumsstaðar taka hundarnir
virkan þátt í þjálfun og endurhæf­
ingu sjúklinga. Svo er ekki í tilfelli
Skottu en heimilis­ og starfsfólk á
Höfða hafa engu að síður gaman af
því að fá hana í heimsókn.
Fær hundanammi
og kleinu
Skotta er níu ára gömul og hvers
manns hugljúfi. Hún er blending­
ur af guðs náð og með eindæm­
um ljúf og róleg. Að sögn Ástu hef­
ur Skotta verið heimsóknarvinur
á Höfða í tæplega eitt ár og allt­
af hafa heimsóknirnar gengið vel.
Skotta er farin að þekkja leiðina að
Höfða og ýlfrar og tvístígur í bíln­
um af tilhlökkun þegar þær nálgast
dvalarheimilið. „Hún fær svo mik­
ið nammi í þessum heimsóknum að
þetta eru henni ánægjulegar stund­
ir,“ segir Ásta og hlær. Skotta er vel
merkt í heimsóknum sínum, með
rauðan smekk um hálsinn. Þeg­
ar inn er komið þurrkar Ásta vel
af fótum hennar og svo fara þær í
fatahengið. Á meðan Ásta tekur af
sér situr Skotta róleg á stól og svo
er henni greitt með bursta. Þá er
hún tilbúin til að ganga hringinn
og heilsa upp á þá sem vilja klappa
henni og jafnvel gefa henni hunda­
nammi eða kleinubita.
Hentaði vel í verkefnið
Þónokkur undirbúningur liggur að
baki því að verða heimsóknarhund­
ur. Eigendur hundanna þurfa að
byrja á því að fara á námskeið fyrir
almenna heimsóknarvini og einn­
ig á námskeið sem er sér sniðið að
hundaheimsóknum. „Eftir það þarf
að láta meta hundinn til að ganga
úr skugga um að hann henti í verk­
efnið. Það þarf meðal annars að at­
huga hvernig hún bregst við ókunn­
ugum, hvort henni bregði auðveld­
lega og t.d. var skoðað hvort hún
væri sátt við að fara í lyftu,“ seg­
ir Ásta. Eftir matið kom í ljós að
Skotta hentaði vel í verkefnið, enda
hafa heimsóknir hennar verið öðr­
um og henni sjálfri til ánægju. „Fólk
hefur verið mjög ánægt með að fá
hana í heimsókn. Hún er búin að
eignast góða vini hérna, sem taka
henni fagnandi og fá hana aðeins í
fangið. Svo lauma ég hundanammi
að fólkinu sem gefur henni. Sumir
gauka að henni smá kleinubita, sem
er í miklu uppáhaldi hjá henni. En
auðvitað eru einhverjir sem kæra
sig ekkert um hunda og sleppa því
þá bara að heilsa upp á hana. Það
hefur aldrei verið neitt mál og eng­
inn hefur sett sig upp á móti því að
fá hana í heimsókn, þvert á móti.“
Tveir á biðlista
Ásta hefur hug á því að halda
heimsóknum Skottu áfram. Hver
heimsókn tekur um klukkustund
og ganga þær um dvalarheimilið
á meðan á heimsókninni stend­
ur. Skotta er í ól á meðan á heim­
sókninni stendur og trítlar ró­
leg við hlið eiganda síns. „Við
höfum ósköp gaman af þessu og
hlökkum alltaf til heimsóknanna
á Höfða annan hvern þriðjudag.
Þetta hefur vakið mikla lukku og
eru afskaplega ljúfar stundir“ seg­
ir Ásta. „Núna eru tveir hundar
að bíða eftir mati til þess að verða
heimsóknarhundar hér á Akra­
nesi. Þeir munu hugsanlega fara
í heimsóknir á sambýlin eða/og
Fjöliðjuna og svo gæti vel verið að
einhverjir vildu bara fá þá í heim­
sókn heim til sín. Það er því ljóst
að þetta verkefni Heimsóknar­
hundar Rauða krossins er komið
til að vera hér á Akranesi,“ bætir
hún við að endingu.
grþ
Á fundi bæjarráðs Stykkishólms síð­
astliðinn fimmtudag voru kynnt til­
boð í húseignir sem Stykkishólms­
bær auglýsti fyrir skömmu og er
sala þeirra liður í að afla bæjarsjóði
tekna til að sameina skólastarf og
bókasöfn í bænum undir eitt þak,
með stækkun húsnæðis Grunns­
skóla Stykkishólms sem lengi hefur
verið stefnt að. Í Hafnargötu 7 þar
sem Amtbókasafnið er komu fjögur
tilboð og í Skólastíg 11 kom eitt til­
boð. Þar er Tónlistarskóli Stykkis­
hólms til húsa.
Hæsta tilboð í Hafnargötu 7 átti
Gistiver ehf, rekstaraðili Egils­
húss. Tilboðið er upp á 33 millj­
ónir króna. Næsthæsta boðið kom
frá Bókaverslun Breiðafjarðar kr.
27 milljónir. Kristján Kristjánsson
bauð rúmar 19 milljónir og Sveinn
Arnar Davíðsson og fleiri vegna
óstofnaðs félags 17,1 milljón. Varð­
andi Skólastíg 11 og 11 a, húsnæði
Tónlistarskólans, lögðu forsvars­
menn Skipavíkur fram hugmynd
að samstarfi um byggingu hótels og
fleira, en peningaupphæð ekki til­
greind.
Í bókun frá fundinum segir að
bæjarráð þakki þeim sem sendu inn
tilboð í eignirnar og feli bæjarstjóra
að undirbúa viðræður við hæstbjóð­
anda í Hafnargötu 7 sem er Gisti­
ver ehf. og hins vegar Skipavík ehf.
sem býður í eignirnar við Skóla­
stíg 11 og 11a og kallað verði eft­
ir hugmyndum þeirra um nýtingu
húsa og lóða sem tilboð byggja á.
Einnig verði kallað eftir upplýsing­
um um áætlun um nýtingu húss og
lóðar frá Bókaverslun Breiðafjarð­
ar ehf. sem er með næst hæsta til­
boð í Hafnargötu 7. Bæjarráð legg­
ur áherslu á nauðsyn þess að hugs­
anlegar viðbætur, breytingar og
nýbyggingar á umræddum lóðum
falli vel að byggðinni við Skólastíg,
Hafnargötu og aðliggjandi svæði.
Bjóðendur verði kallaðir til fund­
ar með bæjarráði og bæjarstjóra við
fyrstu hentugleika. þá
Drottning 324 frá Geirshlíð í Flókadal var þriðja nythæsta kýr landsins á síðasta
ári, mjólkaði 12.567 kg.
Nythæstu kýr landsins
gætu fóðrað heilt þorp
Tilboð kynnt í sölu eigna
hjá Stykkishólmsbæ
Frá Stykkishólmi. Grunnskólinn næst á mynd en fjær uppi á hæðinni er gamli
barnaskólinn, núverandi húsnæði Tónlistarskólans, sem stendur til að selja og
fjármagna stækkun núverandi grunnskóla. Ljósm. úr safni: ÞÞ.
Skotta með smekkinn sinn fína, ásamt Ástu eiganda sínum. Ljósm. grþ.
Skotta heimsækir fólkið á Höfða
Skotta vekur mikla lukku á Höfða. Ljósm. mþh.