Skessuhorn - 18.11.2015, Blaðsíða 30

MIÐVIKUDAGUR 18. NÓVEMBER 201530
„Hver er þín uppáhalds
jólakökusort?“
Spurning
vikunnar
(spurt á Akranesi)
Kristján Hafberg Elínarson:
„Súkkulaðibitakökur.“
Kristófer Arnar Jónsson:
„Lakkrístoppar, ekki spurning.“
Margrét Gunnarsdóttir:
„Því er auðsvarað, það eru
mömmukökurnar.“
Adda Guðmundsdóttir:
„Hvíta lagkakan.“
Björk Elva Jónasdóttir:
„Lakkrístoppar.“
Rúnar Geirmundsson kraftlyft-
ingaþjálfari er margfaldur Evrópu-
og Íslandsmeistari í sínum þyngd-
arflokki í kraftlyftingum. Auk þess
er hann söngvari þungarokkssveit-
arinnar Endless Dark. Rúnar var
með vel sótta kraftlyftingakennslu
í Jöklagymi í Ólafsvík á laugardag-
inn. Eigendur Jöklagyms eru þeir
bræður Mímir og Oddur Brynj-
arsynir. Mímir sagði í samtali við
Skessuhorn að þessi kennsla hafi
verið kærkomin og ekki verra að fá
fagmann til að kenna réttu hand-
tökin. „Við lærðum tækni, öndun
og hvernig er best að bera sig að
við æfingar,“ segir Mímir og bæt-
ir við að þeir sem mættu hafi verið
ánægðir með kennsluna hjá Rúnari.
Hafi menn og konur farið með
bros á vör heim eftir þessa kennslu
margs fróðri um tækni og annað
sem við kemur kraftlyftingum.
Mímir segir að það séu marg-
ir sem æfa í Jöklagymi og fari þeim
fjölgandi sem æfi hjá þeim bræðr-
um. „Enda erum við alltaf að bæta
við tækjum og tólum og erum með
metnað til þess að gera góða stöð
betri. Hjá okkur er opið alla daga
vikunnar.“
af
Kraftlyftingakennsla naut vinsælda í Ólafsvík
Vel sótt kraftlyftingakennsla í Ólafsvík. Rúnar ásamt öflugum hópi í Jöklagymi.
Rúnar Geirmundsson margfaldur Íslands- og Evrópumeistari í kraftlyftingum
sýnir hvernig best að framkvæma hnébeygjur.
Á föstudaginn þann 20. nóvem-
ber hefst haustmótið í hópfimleikum
og stendur frá kl. 17:00. Lýkur því á
sunnudeginum 22. nóvember um kl.
17:00. Alls koma 850 iðkendur eða
67 lið víðs vegar af landinu og keppa í
4.-1. flokki. Mótið er samtals sex hlut-
ar.
Mót þetta er á vegum FSÍ í umsjón
FIMA. Mikil vinna hefur falist í und-
irbúningi fyrir mótið en skipuð var
mótanefnd í haust og eru það Gunn-
ur Hjálmsdóttir, Sigurrós Ingimars-
dóttir, Friðbjörg Sigvaldadóttir, Mar-
en Ósk Elíasdóttir og Lóa Guðrún
Gísladóttir sem hafa staðið í ströngu
að undirbúa það. En til að mótið gangi
sem allra farsælast eru það iðkendur
félagsins og foreldrar/aðstandendur
þeirra sem vinna ómetanleg sjálfboða-
liða störf. Án þeirra væri þetta ekki
hægt, en margar vaktir og störf þarf að
manna og gengur það ágætlega, enn
vantar þó að manna nokkrar vaktir.
Haustmótið telur til deildameist-
aratitils og það lið sem sigrar verða
Haustmótsmeistari í sínum flokki.
Einnig skiptast liðin í deildir eftir ár-
angri á þessu móti, t.d. A, B og C
deild. Allir vilja lenda í A deild en þar
er möguleiki á Íslandsmeistaratitli og
deildameistaratitli. Því er von á hörku
baráttu. Á komandi haustmóti keppa
ellefu fleiri lið en í fyrra og er það al-
veg hreint stórkostleg aukning en fim-
leikaheimur á Íslandi hefur ört vax-
ið á síðastliðnum árum. FIMA hlakk-
ar ótrúlega til að taka á móti öllu fim-
leikafólki og upprennandi stjörnum
Íslands sem og áhorfendum.
Haustmótið er fjáröflun fyrir Fim-
leikafélag Akraness en það er orð-
ið stórt batterý. Um 450 iðkendur
stunda einhverskonar fimleika við fé-
lagið. Félagið er að sprengja utan af
sér húsnæðið en hefur fengið tíma-
bundna aðstöðu í gamla ÞÞÞ húsinu
við Dalbraut. Sú aðstaða er einung-
is lítil brú yfir stórt bil – félagið kall-
ar á vakningu í bæjarfélaginu eftir
nýju húsi. Þar sem hægt er að hafa alla
starfsemi undir sama þaki. En í dag
eru iðkendur félagsins að æfa a.m.k.
þremur klukkustundum minna í viku
en jafnaldrar þeirra í öðrum félögum.
Þrátt fyrir það er fimleikafélagið að
sýna frábæran árangur og eignaðist
m.a. nokkra Íslandsmeistara á Íslands-
mótinu í stökkfimi þann 31. októ-
ber síðastliðinn. Félagið er með mjög
flotta yngri flokka og er að reyna að
viðhalda meistaraflokki sem er virki-
lega erfitt í núverandi aðstöðu.
Við hvetjum bæjarbúa og nærsveit-
unga til að kíkja á haustmótið um
helgina, en þar verður m.a. sjoppa
til styrktar félaginu sem og allur að-
gangseyrir. Einnig viljum við sérstak-
lega að bæjarstjórn Akraneskaupstað-
ar og stjórn ÍA sjái sér fært að koma og
kíkja á mótið.
Áfram FIMA!
-Fréttatilkynning frá stjórn.
Haustmót í hópfimleikum
framundan á Akranesi
Blaklið Ungmennafélags Grundar-
fjarðar tók á móti KA í efstu deild
kvenna í blaki laugardaginn 14.
nóvember. Norðanstúlkur byrjuðu af
miklum krafti og unnu fyrstu hrinuna
25-17. Heimastúlkur tóku aðeins við
sér í annarri hrinu en það dugði ekki til
því að KA kláraði hana 25-21. Í þriðju
hrinu benti allt til þess að KA ætlaði að
kafsigla Grundfirðinga og voru komn-
ar í 20-6 þegar Grundarfjörður vakn-
aði til lífsins. Þær söxuðu niður forskot
KA en náðu þó ekki að knýja fram nýja
hrinu því KA sigraði 25-21 aftur og
vann þar með leikinn 3-0. Grundar-
fjörður á næst heimaleik gegn Stjörn-
unni fimmtudaginn 19. nóvember.
tfk
Fengu skell gegn norðankonum
Knattspyrnufélag ÍA hefur fram-
lengt um eitt ár samninga sína
við Heiði Heimisdóttur og Vero-
nicu Líf Þórðardóttur. Munu þær
því leika með liðinu í Pepsideild
kvenna á næsta keppnistímabili.
Heiður er 22ja ára framherji og
hefur á ferli sínum skorað 20 mörk
í 41 leik fyrir ÍA. Veronica er 18 ára
kantmaður sem á að baki 15 leiki
fyrir meistaraflokk. Báðar komu
þær reglulega við sögu á liðnu
sumri þegar ÍA tryggði sér að nýju
sæti í efstu deild eftir eitt tímabil í
1. deildinni.
kgk
Heiður og Veronica framlengja við ÍA
F.v. Magnús Guðmundsson, formaður KFÍA, Heiður Heimisdóttir, Veronica Líf
Þórðardóttir og Þórður Þórðarson þjálfari. Ljósm. kfia.is.