Skessuhorn - 30.11.2016, Side 20

MIÐVIKUDAGUR 30. NÓVEMBER 201620
Haldið var upp á 70 ára afmæli
Íþróttabandalags Akraness síðast-
liðinn laugardag. Samhliða því var
auk þess haldið upp á 40 ára af-
mæli íþróttahússins við Vesturgötu
á Akranesi. Mikið var um að vera á
hátíðinni en bæjarbúum var boðið
að skoða aðstöðuna í íþróttahúsinu,
aðildarfélög ÍA kynntu starfsemi sína
og gestum gafst kostur á að spreyta
sig í fjölmörgum greinum. Þá voru
nokkur félög með sýningu á sínum
greinum. Að sögn Hildar Karenar
Aðalsteinsdóttur íþróttafulltrúa ÍA
fór dagskráin vel fram og lagði fjöldi
fólks leið sína í íþróttahúsið.
„Afmælishátíðin var mjög vel sótt.
Ég reikna með að það hafi komið
á bilinu 800 til 1000 manns,“ seg-
ir hún. Regína Ásvaldsdóttir bæjar-
stjóri á Akranesi hélt erindi á hátíð-
inni og kom þar fram að bæjarstjórn
hafi ákveðið að færa ÍA 500 þúsund
krónur að gjöf til eflingar Minning-
arsjóðs Guðmundar Sveinbjörns-
sonar, en sjóðurinn styrkir íþrótta-
líf í bæjarfélaginu. Gjöfin var afhent
á hátíðarfundi ÍA síðastliðið vor.
Hún sagði byggingu íþróttahússins
hafa verið mikið stórvirki á sínum
tíma sem nýst hafi vel en nú sé far-
ið að huga að næstu framkvæmdum
á íþróttasviðinu eftir nokkurra ára
hlé. Þá færði hún Helgu Sjöfn Jó-
hannesdóttur formanni ÍA, Herði
Kára Jóhannessyni forstöðumanni
íþróttamannvirkja Akraneskaup-
staðar og Hildi Karen Aðalsteins-
dóttur íþróttafulltrúa blómvönd í
þakklætisskyni auk þess sem Herði
var fært gjafabréf til að endurnýja
öryggisbúnað í íþróttahúsinu.
Þá minnti Helga Sjöfn Jóhannes-
dóttir, formaður stjórnar ÍA, á hið
mikla gildi sem ÍA hefur í samfé-
laginu á Akranesi, með bráðum 19
aðildarfélög og á þriðja þúsund iðk-
endur. Sagði hún meðal annars leit-
un vera að öðru eins félagi, með jafn
fjölbreytta og öfluga starfsemi og að
mikilvægt væri að halda merki ÍA
hátt á lofti. Hildur Karen segir vel
heppnaða afmælishátíð sem þessa
einmitt vera grundvallaða á samstarfi
fjölmargra aðila og félaga. „Við fær-
um forsvarsmönnum aðildarfélaga
ÍA og starfsmönnum íþróttamann-
virkja Akraneskaupstaðar bestu
þakkir fyrir frábært samstarf.“
grþ / Ljósm. jho.
Vel var mætt á afmælishátíð ÍA og íþróttahússins við Vesturgötu
Afhjúpaður var myndaveggur með íþróttaljóði eftir Sigurbjörgu Þrastardóttur og
notaði hún Hávamál sem fyrirmynd. Hér má sjá skáldið ásamt fjórum erindum af
sjö.
Regína Ásvaldsdóttir, Helga Sjöfn Jóhannesdóttur með dóttur sína Unni Guðrúnu, Hörður Kári Jóhannesson og Hildur Karen
Aðalsteinsdóttir.
Regína Ásvaldsdóttir fyrsti kvenkyns bæjarstjóri Akraneskaupstaðar, Hildur
Karen Aðalsteinsdóttir fyrsti kvenkyns íþróttafulltrúi ÍA, Helga Sjöfn Jó-
hannesdóttir fyrsta konan sem er formaður ÍA og Hulda Birna Baldursdóttir, sem
er önnur konan til að gegna framkvæmdastjórastöðu í knattspyrnufélaginu.
Spilað og sungið.
Skotfélagið var eitt af aðildarfélögum ÍA sem bauð upp á afþreyingu.
Fjölmenni mætti í íþróttahúsið við Vesturgötu og þessi unga dama klæddi sig upp
fyrir afmælið.
Hægt var að prófa tæki og tól á opnu húsi.
Stórir og smáir mættu á afmælishá-
tíðina.
Karatefélagið sýndi listir sínar á
afmælishátíðinni.
Klifurveggurinn mátaður.