Skessuhorn - 30.11.2016, Blaðsíða 10

MIÐVIKUDAGUR 30. NÓVEMBER 201610
Umsækjandi Heiti verkefnis Styrkupphæð
Sigríður Theódóra Sigbjörnsdóttir Theodóra 300.000 kr.
Valgerður Jónsdóttir Travel Tunes Iceland 300.000 kr.
Sigríður Þóra Óðinsdóttir Undirbúnings- og þróunarstyrkur /
Menningarsetur í Brákarey
300.000 kr.
Reynir Guðbrandsson Iceland up Close - vetur og myrkur í Haukadal 500.000 kr.
Ræktunarstöðin Lágafelli ehf. Snæfellska kryddið Sæhvönn 500.000 kr.
Hestamiðstöðin Borgartún ehf. Afþreying tengd hestamennsku á Akranesi 600.000 kr.
Anna Rún Kristbjörnsdóttir Blue shell of Iceland 600.000 kr.
Valdís Gunnarsdóttir Dalahestar, hestaleiga í Búðardal 600.000 kr.
Bjarteyjarsandur sf. Hvalfjörður, jarðfræðisafn undir berum himni 600.000 kr.
Lavaland ehf. Lavaland - hagleikssmiðja í Grundarfirði 600.000 kr.
Jóreykir ehf. Visiting HorseFarm 600.000 kr.
Heimir Berg Vilhjálmsson Wonplay 600.000 kr.
Kaja organic ehf. 8 lífrænjar raw Kaju tertur 700.000 kr.
Rebecca Catherin Kaad Ostenfeld Dýragarðurinn á Hólum í Dalabyggð 700.000 kr.
Heiðar Mar Björnsson Portland - nýsköpunarskrifstofa 800.000 kr.
Ingimar Oddsson Dularfulla búðin - Handan við sundin blá 1.000.000 kr.
Traust þekking ehf. Markaðssetning á Protein Tec 1.000.000 kr.
Vör sjávarrannsóknarsetur við
Breiðafjörð
Fjöruvísir fyrir Breiðafjörð, handa nemendum
grunn- og framhaldsskóla
1.500.000 kr.
Asco Harvester ehf. Lokafrágangur á smíði Sigra 1.500.000 kr.
Alls: 13.300.000 kr.
Samhliða Degi nýsköpunar, sem
haldinn var í Landnámssetrinu í
Borgarnesi síðasta miðvikudag, fór
fram úthlutun styrkja til nýsköp-
unar í atvinnulífi úr Uppbygging-
arsjóði Vesturlands fyrir árið 2016.
Sjóðurinn úthlutar árlega styrkjum
til nýsköpunar í atvinnulífi og til
menningarmála en styrkjum til at-
vinnuþróunar og nýsköpunar er út-
hlutað tvisvar á ári. Var því um aðra
úthlutun ársins að ræða úr þeim
hluta sjóðsins síðastliðin miðviku-
dag. Helga Guðjónsdóttir, stjórn-
armaður í Uppbyggingarsjóði og
Ólafur Sveinsson, forstöðumað-
ur atvinnuráðgjafar SSV, gerðu
grein fyrir úthlutunum og afhentu
umsækjendum styrkina. Samtals
barst sjóðnum 31 umsókn til verk-
efna með heildarkostnað að upp-
hæð 177 milljónir króna. Sótt var
um samtals 55 milljónir í styrki en
13,3 milljónir voru til skiptanna og
skiptust þær á milli 19 umsóknarað-
ila. „Vonum við að þetta verði hvati
til þess að verkefni þeirra geti kom-
ist af stað,“ sagði Ólafur. Verkefni
tengd ferðaþjónustu voru að hans
sögn áberandi, bæði í umsóknum
og úthlutunum. Styrkupphæðir
voru á bilinu 300 þúsund krónur til
1,5 milljón króna. Hæstu einstöku
styrkirnir voru veittir Vör - sjávar-
rannsóknarsetri við Breiðafjörð og
Asco Harvester ehf. í Borgarnesi,
1,5 milljón króna hvor.
Meðfylgjandi er listi yfir þau
verkefni sem hlutu styrki úr Up-
pbyggingarsjóði Vesturlands að
þessu sinni, ásamt styrkupphæð.
kgk
Hópurinn sem hlaut styrk úr Uppbyggingarsjóði til nýsköpunar í atvinnulífi síðastliðinn miðvikudag, ásamt fulltrúum SSV.
Úthlutað úr Uppbyggingarsjóði
Vesturlands
Á Degi nýsköpunar sem haldinn var
í Landnámssetrinu í Borgarnesi síð-
astliðinn miðvikudag voru veitt Ný-
sköpunarverðlaun Samtaka sveit-
arfélaga á Vesturlandi. Verðlaunin
eru, eins og nafnið gefur til kynna,
veitt af SSV en um árabil var það
hluti af starfi samtakanna að halda
nýsköpunardag og veita nýsköpun-
arverðlaun. Sú hefð hefur nú ver-
ið endurvakin. Verðlaunahafinn var
valinn af atvinnuráðgjöf SSV eftir
að leitað hafði verið til ýmissa aðila.
Eina skilyrðið til að eiga möguleika
á verðlaununum var að hugmyndin
eða verkefnið hafi komið til fram-
kvæmdar á árinu 2016. Niðurstaða
atvinnuráðgjafar SSV var sú að Ný-
sköpunarverðlaun Vesturlands 2016
fengi The Cave - Víðgelmir í Fljóts-
tungu.
Í rökstuðningi með tilnefning-
unni segir: „Eigendur Fljótstungu
hafa gert Víðgelmi að vinsælum
ferðamannastað þar sem öll aðstaða
er til fyrirmyndar. Fyrri eigendur
Fljótstungu höfðu boðið upp á ferð-
ir niður í hellinn, en sú breyting sem
nýir eigendur hafa gert gerir Víð-
gelmi aðgengilegan fyrir flesta. Búið
er að koma fyrir góðum tréstiga og
þar sem urð gerði gestum erfitt fyr-
ir er búið að leggja göngupalla, auk
þess sem búið er að koma fyrir lýs-
ingu í hluta hellisins. Auk þess að
gera Víðgelmi aðgengilegan verja
göngupallarnir hellisgólfið fyrir um-
ferð gangandi fólks. Fyrir utan Víð-
gelmi hefur verið komið upp 120 fm
aðstöðuhúsi þar sem gestir geta far-
ið á salerni og keypt kaffi og með-
læti. Leiðsögumenn fylgja gestum
ofan í hellinn og er leiðsögn þeirra
til fyrirmyndar. Frá því að Viðgelm-
ir var opnaður í lok maí 2016 hafa
um 8 þúsund gestir heimsótt hell-
inn. Rekstaraðilar hafa átt í góðu
samstarfi við aðra ferðaþjónustuað-
ila á svæðinu og er Víðgelmir orð-
inn enn ein perlan í þeirri miklu
uppbyggingu í ferðaþjónustu sem á
sér stað í uppsveitum Borgarfjarðar.
Eigendur Víðgelmis hafa sýnt mik-
inn metnaði við uppbyggingu á að-
stöðu og fagmennsku í leiðsögn og
rekstri og eru því að okkar mati vel
að þessum verðlaunum komin.“
Tókst að skapa neðan-
jarðarævintýri
Stefán Stefánsson í Fljótstungu veitti
verðlaununum viðtöku fyrir hönd
The Cave. Kristín Björg Árnadóttir,
formaður stjórnar SSV afhenti hon-
um verðlaunagripinn, styttu sem
hönnuð var af Dýrfinnu Torfadótt-
ur, gullsmiði og skartgripahönnuði á
Akranesi. Stefán hélt stutta tölu þar
sem hann þakkaði fyrir verðlaunin
og sagði að þau féllu til allra þeirra
sem hefðu komið að uppbyggingu
í Fljótstungu. Hann greindi frá því
að núverandi eigendur, sem keyptu
jörðina fyrir tveimur árum, hafi á síð-
asta ári ákveðið að hefja vinnu við að
gera hellinn Víðgelmi aðgengileg-
an. „Ásetningur okkar var að búa til
neðanjarðarævintýri og það tókst,“
sagði Stefán ánægður. Hann bætti
því við að til að svo mætti verða hafi
verið lagðir inn í hellinn 14,7 kíló-
metrar af timbri og einn kílómetri
af rafmagnsköplum. „Á liðnu sumri
tókum við á móti nokkur þúsund
gestum og á næsta ári eigum við von
á að verði sprenging í heimsóknum,
því við höfum ekkert auglýst okkur.
Nú eru starfandi hjá okkur átta leið-
sögumenn og við gerum ráð fyrir
að þeir verði 14 næsta sumar, í fullu
starfi,“ sagði hann. „Þegar ráðast á í
svona verkefni er númer eitt, tvö og
þrjú að vera ákveðinn og hafa gott
fólk með sér. Fólkið í uppsveitum
Borgarfjarðar hefur tekið vel á móti
okkur og veitt okkur stuðning, sem
og SSV og fleiri,“ sagði Stefán að
lokum og þakkaði fyrir sig.
kgk
Nýsköpunarverðlaun
SSV 2016 komu í
hlut Víðgelmis
Bætt aðgengi með stíga- og pallagerð, lýsing og aðstöðuhús eru meðal nýjunga við
hinn magnaða Víðgelmi í Hallmundarhrauni.
Stefán Stefánsson veitti verðlaununum viðtöku fyrir hönd The Cave - Víðgelmir í
Fljótstungu.