Skessuhorn - 30.11.2016, Síða 21

MIÐVIKUDAGUR 30. NÓVEMBER 2016 21
Fyrsti sunnudagur í aðventu var
um helgina. Víðast hvar í sveitar-
félögum á Vesturlandi var helgin
notuð til að tendra ljós á jólatrjám
sveitarfélaganna, en þó er það gert
síðar m.a. í Dölum og Stykkis-
hólmi.
Aðventan
gengin í
garð
Margt var um manninn á Akratorgi á Akranesi síðdegis á laugardaginn þegar
ljósin voru tendruð á jólatrénu við hátíðlega athöfn. Skólakór Grundaskóla hóf
athöfnina með flutningi á nokkrum jólasöngvum undir stjórn Valgerðar Jóns-
dóttur. Eftir að ljósin á trénu voru kveikt, birtust nokkrir þrælvilltir jólasveinar
sem virtust ekki alveg átta sig á því að þeirra tími væri ekki kominn. Þeir létu það
ekki á sig fá og tóku nokkur lög með mannfjöldanum og áður en þeir hurfu á
braut laumuðu þeir mandarínum í lófa barnanna. Ljósm. gh.
Sigríður Indriðadóttir, forseti bæjarstjórnar Akraneskaupstaðar, sagði frá uppruna
jólatrésins á Akratorgi og aðstoðaði systkinin Wiktoriu Fiszer 8 ára og Przemyslaw
Fiszer 12 ára við að kveikja ljósin á trénu. Jólatréð sem prýðir torgið í ár var gróður-
sett um 1980 í landi Stóru-Fellsaxlar norðan við Akrafjall. Ljósm. gh
Mikil hátíðarstund var í Ólafsvík þegar ljósin á jólatrénu voru tendruð á sunnu-
daginn. Þrátt fyrir að fremur hryssingslegt verður voru fjölmargir viðstaddir.
Lena og Hlöðver spiluðu jólalög fyrir viðstadda og gengið var í kring um jólatréð.
Ljósm. af.
Að sjálfsögðu létu jólasveinarnir sig ekki vanta í Ólafsvík og þyrptust börn og ungmenni að þeim. Útdeildu þeir nammi við
mikinn fögnuð. Ljósm. af.
Nú þegar aðventan er gengin í garð
eru margir að huga að jóla- og að-
ventuskreytingum fyrir heimilið.
Fjölmargir eru byrjaðir að skreyta
á meðan aðrir eru seinni í gang
og eiga jafnvel allt eftir. Skessu-
horn spjallaði við Kirstínu Bene-
diktsdóttur hjá Dekurblómum á
Akranesi um stefnur og strauma í
skreytingum fyrir jólin 2016. Hún
segir hvítt og silfur áfram vera vin-
sælast, líkt og síðustu tvö ár, en þó
megi finna nýja fleti á skreyting-
unum. „Allt náttúrlegt er að koma
sterkt inn með, svo sem mosi, alls-
konar grænar greinar, könglar og í
raun allt mögulegt sem hægt er að
taka upp af jörðinni. Þetta er not-
að með þessu hvíta en líka eitthvað
með rauðu,“ segir Kirstín. Hún
segir ýmislegt lifandi og náttúru-
legt einnig vera að koma inn í að-
ventukrönsunum. „Það er til dæm-
is rosalega vinsælt að setja þykk-
blöðunga í kransana núna. Það er
þá nóg að setja bara mosa í kring-
um þá og halda honum rökum.
Allt sem er lifandi og náttúrulegt
er að koma inn núna, svo sem lif-
andi bergfléttur, þykkblöðungar
og fleira.“
Gyllt á næsta ári
Aðspurð hvort aðventuskreyting-
ar eða aðventukransar séu meira
áberandi í ár segir hún að hvo rt
tveggja sé vinsælt. „Það eru allt-
af einhverjir sem vilja hafa þetta
einfalt og geta bara raðað á bakka.
En kransar eru mikið notaðir líka,
þeir eru að koma aftur,“ segir
hún. Kirstín segir töluverða tísku-
strauma vera í jólaskreytingum al-
mennt og að margir fylgi þeim
straumum. „Það er búið að vera
rosalega mikið í tísku undanfarin
ár að vera með bakka og raða ein-
hverju á hann. Það er kannski að-
eins á undanhaldi núna og þetta
hefðbundna að koma til baka. Svo
er þetta gyllta aðeins að ryðja sér
til rúms aftur, sem nánast enginn
vildi um tíma. Ég hugsa að það
verði meira um það á næsta ári.
Maður sér það ef maður skoðar
síður frá öðrum Norðurlöndum að
þetta gyllta er mikið komið inn en
við erum alltaf aðeins á eftir hérna
á Íslandi.“ Einnig segir hún hrein-
dýra- og bambatískuna vera á und-
anhaldi. „Það er aðeins að minnka.
Þetta var náttúrulega eitthvað æði
sem gekk yfir fyrir svona tveimur
árum en ég held að það sé að draga
úr því.“
Túlípanar eru
jólablómin
Af þeim plöntum sem fólk skreyt-
ir með fyrir jólin segir Kirstín að
sýprus sé alltaf mikið tekinn og
sem og einir. „Þeir eru til í nokkr-
um stærðum. Svo er jóladís svolít-
ið að koma inn núna, Ardesia heit-
ir hún og hún á að geta lifað úti
í beði ár eftir ár, ef henni er val-
inn skjólgóður staður.“ Þá eru
jólastjörnurnar klassískar, sem og
hýasintur. Af afskornum blómum
segir Kirstín að riddarastjarnan
sé alltaf falleg og viðeigandi fyrir
jólin. Hún er bæði til sem afskor-
ið blóm og í pottum og er oft sett
í skreytingar. Hún segir þó túlíp-
anana vera hefðbundnu jólablóm-
in. Hún hefur góð ráð handa þeim
sem vilja láta þá standa sem lengst.
„Að skera af þeim þegar þeir eru
nýir og skera þá beint, en ekki á
ská. Setja þá svo í kalt vatn og setja
þá í kulda á nóttunni. Þeir þola al-
veg niður í tvær gráður og end-
ast best ef þeir eru settir í kulda á
nóttunni.“
grþ
Náttúrleg efni vinsæl í jólaskreytingunum í ár
Náttúrulegir litir njóta sín vel með þessu hvíta, svarta og silfraða, líkt og sést á
þessum fallega hurðarkransi hjá Kirstínu í Dekurblómum.
Rauði liturinn er að koma aftur og gyllt skraut líklegt til að verða vinsælt á Íslandi
á næsta ári.
Þykkblöðungar sjást gjarnan í aðventu-
krönsum núorðið.
Að sögn Kirstínar eru alltaf einhverjir
sem vilja hafa hlutina einfalda og kjósa
frekar aðventuskreytingu en krans.
Skraut úr náttúrunni er mikið notað
í ár.