Skessuhorn - 25.01.2017, Blaðsíða 8

MIÐVIKUDAGUR 25. JANÚAR 20178
Aflatölur
fyrir Vesturland
dagana 14. - 20. janúar
Tölur (í kílóum)
frá Fiskistofu:
Akranes 5 bátar.
Heildarlöndun: 19.584 kg.
Mestur afli: Eskey ÓF:
7.356 kg í tveimur róðrum.
Arnarstapi: Engar landanir
voru á tímabilinu.
Grundarfjörður 2 bátar.
Heildarlöndun: 6.220 kg.
Mestur afli: Vinur SH:
3.974 kg í einni löndun.
Ólafsvík 14 bátar.
Heildarlöndun: 165.454 kg.
Mestur afli: Kristinn SH:
36.007 kg í þremur löndun-
um.
Rif 5 bátar.
Heildarlöndun: 91.012 kg.
Mestur afli: Særif SH: 44.467
kg í fjórum löndunum.
Stykkishólmur 4 bátar.
Heildarlöndun: 27.895 kg.
Mestur afli: Fjóla SH:
16.590 kg í fimm löndunum.
Topp fimm landanir á
tímabilinu:
1. Særif SH - RIF:
16.730 kg. 19. janúar.
2. Kristinn SH - ÓLA:
14.641 kg. 19. janúar.
3. Bíldsey SH - RIF:
13.383 kg. 19. janúar.
4. Særif SH - RIF:
12.403 kg. 14. janúar.
5. Kristinn SH - ÓLA:
10.901 kg. 20. janúar.
-grþ
Ein umfangsmesta leitaraðgerð síðari
tíma fór fram á suðvesturhorni lands-
ins um liðna helgi. Þá tóku björgun-
arsveitir víðs vegar af landinu, þyrla
Landhelgisgæslunnar, lögregla og
fleiri viðbragðsaðilar þátt í leit á landi
að Birnu Brjánsdóttur, tvítugri stúlku
úr Reykjavík, sem saknað hafði verið
frá því laugardaginn 14. janúar. Leit-
in bar loks árangur á sunnudag þeg-
ar þyrla Landhelgisgæslunnar, með
sérhæft leitarfólk innanborðs, fann
lík Birnu í fjörunni skammt fá Sel-
vogsvita á sunnanverðu Reykjanesi.
Að sögn Gríms Grímssonar yfirlög-
regluþjóns, sem stýrt hefur rannsókn
málsins frá upphafi, eru yfirgnæfandi
líkur á að Birnu hafi verið ráðinn
bani. Tveir grænlenskir sjómenn eru
í gæsluvarðhaldi en þeir eru grunað-
ir um að hafa orðið Birnu að bana.
Báðir hafa þeir neitað sök. Lögreglan
segir rannsókn málsins hvergi nærri
lokið þrátt fyrir líkfundinn.
Um sexhundruð manns tóku á
laugardaginn þátt í leitinni að Birnu í
vætusömu veðri og við fremur erfið-
ar aðstæður. Lætarsvæðið var í fyrstu
allt norður í Borgarfjörð og austur
um Suðurland. Skilgreint svæði var
innan við 300 kílómetra aksturs-
leið bílaleigubíls sem meintir morð-
ingjar höfðu á leigu þegar verknað-
urinn var framinn. Á laugardag var
leitarsvæðið minnkað þar sem úti-
lokað þótti að bílnum hafi verið ekið
í gegnum Hvalfjarðargöng. Hátt í
sami fjöldi björgunarsveitarfólks hélt
síðan áfram leit í birtingu á sunnu-
daginn þar sem engar vísbendingar
fundust á laugardeginum sem varpað
gátu ljósi á málið. Alls tóku hátt í 800
björgunarsveitarmenn þátt í leitinni
um helgina. Notuðu þeir bíla, fjór-
hjól, dróna og leitarhunda auk þess
sem þyrlu Landhelgisgæslunnar var
flogið yfir fjölmörg svæði. Leituð
voru svæði meðfram vegaslóðum,
fjörur gengnar og leitað á hugsanleg-
um stöðum sem hinir meintu morð-
ingjar hefðu getað komist að akandi.
Eftir líkfundinn á sunnudaginn var
fækkað í leitarhópi björgunarsveit-
anna en um 300 fengnir til að leita
vísbendinga um mannaferðir í ná-
lægð við Selvoginn.
Óhætt er að segja að ekkert
mannshvarf á síðari árum hafi vakið
jafn mikla athygli og sett að fólki jafn
mikinn óhug og hvarf Birnu Brjáns-
dóttur. Þjóðin lýsti með ýmsum hætti
samhug með fjölskyldu og vinum
þess sem saknað var. Þáttur fjölmiðla
og samfélagsmiðla var auk þess stór
í málinu og óvenjulegt hversu mik-
ið samráð lögregla kaus að hafa við
þjóðina jafn harðan og ástæða þótti
til.
Meðfylgjandi myndir tók Sigurður
Ólafur Sigurðsson ljósmyndari fyrir
Slysavarnafélagið Landsbjörg um
liðna helgi. Skessuhorn fékk góðfús-
legt leyfi til að birta þær. Auk þess
fylgir mynd, skjáskot af fréttamanna-
fundi síðdegis á sunnudaginn, þeg-
ar lögregla tilkynnti að búið væri að
finna lík Birnu í fjörunni skammt frá
Selvogsvita.
Sjá einnig bls. 29.
mm/ Ljósm. SÓS-Landsbjörg.
Umfangsmesta
leit frá upphafi