Skessuhorn - 01.02.2017, Blaðsíða 20

MIÐVIKUDAGUR 1. FEBRÚAR 201720
WEST ICELAND
Travel
Ferðast um Vesturland 2017-2018
Fr
ee

Co
pyPublished by Skessuhorn - www.skessuhorn.is
Kynning á ferðablaðinu
Travel West Iceland 2017-2018
Útgáfuþjónusta Skessuhorns mun vorið 2017 gefa út
árlegt Ferðablað um Vesturland. Blaðið verður á ensku og
íslensku og ber nafnið Travel West Iceland 2017-2018.
Ljósmyndir og kort af einstökum svæðum og þéttbýlis-
stöðum á Vesturlandi prýða blaðið og auglýsendur
verða númeraðir inn á kortin. Lögð verður áhersla á að
auglýsendur noti alþjóðleg ferðaþjónustumerki í auglýs-
ingum.
Dreifing og form
Blaðið verður gefið út í 50.000 eintökum. Helstu dreif-
ingarstaðir nú verða á höfuðborgarsvæðinu, upplýsinga-
miðstöðvum um land allt, aðkomuleiðum ferðamanna í
landshlutann og síðast en ekki síst helstu áningar- og ferða-
mannastaðir á Vesturlandi sjálfu. Dreifing blaðsins verður
efld enn frekar frá síðustu árum með áherslu á allt árið
enda er ferðaþjónusta orðin heilsárs atvinnugrein. Lager af
blaðinu verður ætíð til dreifingar hjá Markaðsstofu Vestur-
lands í Borgarnesi. Loks verður blaðið í aðgengilegu formi á
www.skessuhorn.is þaðan sem ferðaþjónustuaðilar geta
hvenær sem er sótt það og sent viðskiptavinum sínum.
Blaðið verður litprentað í A5 broti og 120-160 blaðsíður.
Efnistök
Vesturland er „Land tækifæranna“ árið 2017-2018. Einstök
fyrirtæki og landshlutinn í heild hafa hlotið viðurkenningar
að undanförnu og nefna má að Vesturland var af ferða-
bókaútgefandanum Lonely Planet útnefnt annað áhuga-
verðasta svæði í heimi 2016 og í upphafi þessa árs eitt af
sautján áhugaverðustu svæðum í heimi af CNN-Travel.
Í blaðinu má m.a. lesa almennan kafla um Vesturland,
áhugaverðar héraðslýsingar fyrir Akranes, Hvalfjörð og
Kjós, Borgarfjörð, Snæfellsnes, Dali og Reykhóla á ensku
og íslensku auk ábendinga um markverða viðkomustaði,
náttúruundur og Vesturland að vetri. Loks verður við-
burðaskrá og sérstök þjónustuskrá fyrirtækja í ferðatengdri
starfsemi sem kynna sig og auglýsa í blaðinu.
Auglýsingasala og þjónustuskráning
Panta þarf auglýsingapláss og þjónustuskráningar tíman-
lega eða í síðasta lagi fyrir 10. mars 2017. Auglýsinga-
verð eru óbreytt frá árinu 2016. Um sölu auglýsinga og
skráningu þjónustuskrár sér Emilía Ottesen á netfanginu
auglysingar@skessuhorn.is og í síma 433-5500.
Auglýsendum standa til boða fjölbreyttir kostir:
Heilsíðuauglýsing: Stærð: 128x190 mm.
Verð kr. 231.000 en með vsk. kr. 286.440.
Hálfsíðuauglýsing: Stærð: 128x93 mm eða 61.8x190 mm.
Verð kr. 123.200 en með vsk. kr. 152.768.
1/4 síða: Stærð: 61.8x93 mm.
Verð kr. 66.000, en með vsk. kr. 81.840.
1/8 síða: Stærð: 61.8x45 mm.
Verð kr. 35.200, en með vsk. kr. 43.648.
Skráning í þjónustuskrá blaðsins kostar 18.000 kr. en
með vsk. kr. 22.320. Athugið að líkt og undanfarin ár verða
einungis skráðar upplýsingar í þjónustuskrá blaðsins um
þau fyrirtæki sem þess óska og greiða fyrir. Í skráningunni
kemur fram nafn fyrirtækis, heimili, sími, netfang og vef-
fang auk helstu þjónustuþátta. Þeir sem kaupa 1/4 auglýs-
ingu í blaðinu eða stærri, fá fría skráningu í þjónustuskrá
sem kaupauka. Hægt er að kaupa umfjallanir að hluta eða
öllu leyti í stað auglýsinga. Panta þarf slíkt tímanlega.
Við hlökkum til góðs samstarfs sem fyrr við ferðaþjónustu-
fyrirtæki og aðra samstarfsaðila á Vesturlandi.
Starfsfólk Skessuhorns
1/1
1/2 1/4
1/8
Karen Jónsdóttir, sem á og rekur
verslanir Matarbúrs Kaju og kaffihús-
ið Café Kaja, hóf nýverið framleiðslu
á lífrænum hrákökum. Eru kökurn-
ar nú komnar í dreifingu og fáanleg-
ar í þremur verslunum Hagkaupa,
Ljómalind í Borgarnesi, Fisk komp-
aníinu á Akureyri og á kaffihúsinu
Yogafood, sem Þorbjörg Hafsteins-
dóttir á og rekur í JL húsinu í Reykja-
vík. „Tegundirnar eru átta talsins og
sex þeirra eru komnar í framleiðslu.
Ég er enn að bíða eftir formum til að
halda áfram og bæta hinum tveimur
tegundunum við,“ segir Karen í sam-
tali við Skessuhorn. En hvernig kom
það til að hún ákvað að hefja fram-
leiðslu á hrákökunum? „Þegar ég
opnaði kaffihúsið í sumar ákvað ég
að bjóða upp á þessar kökur. Kaffi-
húsahugmyndin er reyndar búin að
vera í kollinum á mér í 15 ár. Ég vildi
fara þá leið að sem minnst matarsó-
un yrði við framleiðsluna. Hrákökur
eru í eðli sínu þannig að þær geym-
ast vel, til dæmis í frysti. Með þessari
aðferð get ég boðið upp á kökur sem
eru í senn mjög bragðgóðar, lífræn-
ar og hollar og á sama tíma minnkað
matarsóun,“ segir Karen.
Hver kaka er handverk
Lykilhráefnin í hrákökurnar eru
fræ, hnetur og hollari sykur. „Ég
nota ekki reyrsykur. Samsetningin
er þannig að til séu hráefni í þær og
að þær séu hollari en hefðbundnar
kökur,“ segir Karen sem hefur lengi
búið til hrákökur. „Ég þekki hráefn-
in mjög vel og sé strax hvort mér líst
á uppskriftina eða ekki.“ Hver kaka
er handverk, búin til frá grunni á
Akranesi og mótuð í höndum, lag
fyrir lag. Til að geta með góðu móti
sinnt framleiðslunni þurfti Karen
að stækka húsnæði Matarbúrsins að
Kirkjubraut 54, þar sem kökurnar
eru framleiddar. „Ég hafði einfald-
lega of lítið pláss til að búa til kök-
urnar áður,“ segir Karen. Því voru
settir upp tveir veggir seinni part
síðustu viku og þegar hefur nýja eld-
húsið verið tekið í notkun og teyg-
ir sig yfir í rýmið þar sem Gallerí
Urmull var áður til húsa. Matarbúr
Kaju og Café Kaja er nú eina starf-
semin sem eftir í húsnæðinu. „Ég
hef fengið leyfi til að nýta rýmið
þar sem Urmull var á meðan eng-
inn tekur það á leigu. Norðurljósa-
myndir Sollu í Móum prýða veggina
þessa dagana og munu gera næsta
mánuðinn. Síðan er stefnan að halda
fleiri ljósmyndasýningar. Kristjana
Halldórsdóttir mun til dæmis setja
upp sýningu á húsaljósmyndum sín-
um, en hún hefur tekið fjölmargar
myndir af húsum hér á Akranesi,“
segir Karen og bætir því við að hún
hvetji listamenn til að nýta sér að-
stöðuna í framtíðinni.
Eina lífræna kaffihúsið
Auk þeirra verslana sem taldar voru
upp hér í upphafi eru hrákökurn-
ar að sjálfsögðu fáanlegar í versl-
unum Matarbúrsins á Akranesi og í
Reykjavík og á Café Kaju á Akranesi,
en kaffihúsið er einmitt eina lífræna
kaffihús landsins. Þar er einnig boð-
ið upp á kaffi, þeytinga og frækex. „Í
sumar ætla ég að auka úrvalið og verð
þá líka með lífrænt brauðmeti. Eini
þröskuldurinn hjá mér er að passa
að allt sé lífrænt því að lífræni mark-
aðurinn á Íslandi er aftarlega á mer-
inni,“ segir hún og bætir við að hér sé
til að mynda hvorki framleitt lífrænt
smjör né álegg. „Ég ætla að flytja sjálf
inn brauðin. Ég er í samskiptum við
franskt bakarí sem er með lífræn ba-
quettebrauð og rúnstykki.“
Að sögn Karenar er mest af líf-
rænu hráefni sem fáanlegt er hér á
landi erlend framleiðsla. „En ég hef
haft þá reglu að ef það er til íslenskt
lífrænt, þá flyt ég það ekki inn. Hér
er til dæmis hægt að fá mjög gott
lífrænt bygg frá Móður Jörð og því
flyt ég ekki inn bygg,“ segir hún.
Eftirspurnina eftir lífrænum vörum
segir hún vera töluverða og telur að
hún eigi eingöngu eftir að aukast.
„Það eru sífellt fleiri sem fara út í
hreinan mat. Oft þegar fólk veik-
ist fer það að hugsa um mataræði
og fólk er að verða meðvitaðra um
mataræði. Það eru fleiri og fleiri
sem vilja lífrænt eða hreinan mat,
sem er náttúrulega það sama og
amma okkar og afi borðuðu,“ segir
Karen.
Hún leggur ríka áherslu á að
fólk viti hvað það lætur ofan í sig
og telur fæsta nægilega meðvitaða
um eigið mataræði eða barna sinna.
„Foreldrar eru til dæmis ekki nógu
vakandi. Barn á leikskólaaldri fær
60% af fæðunni sinni á leikskóla.
Þegar þau eru komin á grunnskóla-
aldur er hlutfallið aðeins minna en
engu að síður er fæðan sem boðið
er upp á í skólanum uppistaða fæð-
unnar sem börnin fá. En hvað eru
börnin að borða? Að mínum dómi
er þetta að hluta til metnaðar- og
viljaleysi hjá yfirvöldum að bjóða
börnum ekki upp á betri fæðu en
gert er. Því er stundum borið við
að þau þurfi að fá prótein úr kjöti
og að það sé dýrt en það má fá jafn
mikið prótein úr baunum og það er
mun ódýrara,“ segir hún. „Hægt
væri að elda frá grunni á fleiri stöð-
um en gert er. Margir af einkarekn-
um leikskólum í Reykjavík eru í
gömlum húsum og þar eru oft lítil
eldhús. Þar er engu að síður eldað
frá grunni og ef það er hægt þar,
þá ætti það að vera hægt í þessum
stærri eldhúsum í skólum á fleiri
stöðum,“ segir Karen Jónsdóttir að
lokum. grþ/kgk
„Bragðgóðar, lífrænar og hollar“
- segir Karen Jónsdóttir um hrákökurnar sínar
Karen Jónsdóttir. Húsnæði Matarbúrs Kaju og Café Kaja eftir breytingarnar. Ljósm. Matarbúr Kaju.