Skessuhorn - 01.02.2017, Blaðsíða 4

MIÐVIKUDAGUR 1. FEBRÚAR 20174
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Auglýsingar og dreifing:
Emilía Ottesen emilia@skessuhorn.is
Lísbet Sigurðardóttir lisbet@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Má ekki einungis vera
farandverkafólk
Óhætt er að segja að það skiptist á skin og skúrir í hinum ýmsu atvinnu-
greinum um þessar mundir. Komið hefur í ljós að tilraun sem gerð var
fyrir nokkrum árum á Grundartanga við endurvinnslu málms í fyrirtæk-
inu GMR gekk ekki upp. Sautján starfsmönnum var sagt upp störfum
fyrir helgi. Þá má segja að kjaramál sjómanna séu komin í mjög alvar-
lega stöðu því nú þegar hefur verkfall staðið lengur en nokkur vinnu-
stöðvun í þessari annars arðsömu frumatvinnugrein landsmanna. Hætt
er við að treglega muni ganga að endurvinna markaði og þá teygja áhrif
verkfallsins sig til ýmissa annarra stétta sem ekki eru í verkfalli og fólks
sem ýmist vinnur fisk úr sjó, flytur afurðir eða þjónar atvinnugrein-
inni á annan hátt. Nú síðast bárust fréttir af verkefnaskorti og jafnvel
uppsögnum fólks sem starfar við prentun fiskumbúða. Þrátt fyrir yfir-
lýsingar um annað, tel ég einungis tímaspursmál hvenær Alþingi mun
grípa inn í deiluna.
Óhætt er að segja að ljósið í myrkri atvinnugreina hér á landi um
þessar mundir sé staða og horfur í ferðaþjónustu. Ekkert bendir til
annars en eftirspurn eftir ferðum til landsins verði stöðugt vaxandi. Á
undanförnum vikum og misserum höfum við á Skessuhorni flutt fréttir
af stækkun ferðaþjónustufyrirtækja og vexti í atvinnugreininni. Sterkar
vísbendingar eru auk þess um að Vesturland eigi stærstu sóknarfærin í
samanburði við aðra landshluta. Afar ánægjulegt er að ekkert lát virð-
ist vera á slíkum fréttum og raunar er biðlisti hjá okkur á fámennri rit-
stjórninni að ná að heimsækja alla sem eru að koma í framkvæmd álit-
legum viðskiptahugmyndum. Af handahófi get ég nefnt að nú í vik-
unni segjum við frá framkvæmdum fyrir 1,3 milljarð króna á Fosshótel
Reykholti og nýjum veitingastað sem er í byggingu nokkru ofar í sveit-
inni, við Hraunfossa. Þá eru hugmyndir um byggingu stórra hótela í
Stykkishólmi, Snæfellsbæ og Borgarnesi, endurbygging gamals hús-
mæðraskóla, fyrirtækjum í afþreyingu og fólksflutningum er að fjölga
og áfram mætti telja.
Vöxtur í ferðaþjónustu er raunar svo mikill að nú er farið að bera á
húsnæðisskorti fyrir þá sem ráða þarf til starfa í þessum nýju og vaxandi
ferðaþjónustufyrirtækjum. Þá kemur glöggt í ljós vandamál sem felst
í því að enn er fasteignaverð íbúðarhúsnæðis á landsbyggðinni undir
byggingarkostnaði og því halda menn að sér höndum. Sókn iðnaðar-
manna verður áfram í að byggja á höfuðborgarsvæðinu þar sem eftir-
spurnin er mest og fasteignaverðið (ennþá) hæst. Engu að síður er það
svo að auðveldara er að fá fjármögnun fyrir sjálft atvinnuhúsnæðið, hót-
el eða veitingastaði, þar sem hægt er að áætla arðsemi og nýtingarhlut-
fall út frá líkönum sem bankafólk og fjárfestar þekkja. Þó er engu líkara
en að inn í arðsemisútreikninga hótela og annarra ferðaþjónustufyrir-
tækja vanti að reikna kostnað við íbúðarhúsnæði og uppihald starfsfólks.
Vonandi er ekki verið að reikna með að atvinnugreinin eigi eingöngu
að byggjast upp á farandverkafólki og erlendu starfsfólki til langframa,
sem gerir litlar kröfur um gæði eða rými eigin húsakosts. Kannski er
ástæðan þó einkum sú að iðnaðarmenn skortir til að sinna einnig þess-
ari uppbyggingu. Hér er hins vegar þensluvandamál sem vonandi næst
að leysa með skynsamlegum hætti.
Magnús Magnússon
Leiðari
Tíu umsækjendur voru um stöðu
sviðsstjóra velferðarsviðs Reykja-
víkurborgar, en frestur til að sækja
um starfið rann út 23. janúar sl.
Nöfn umsækjenda voru á mánudag-
inn birt á vef Reykjavíkurborgar og
vakti athygli að í hópi umsækjenda
er Regína Ásvaldsdóttir bæjarstjóri
á Akranesi. „Já, ég get staðfest að
ég sótti um starf sviðsstjóra velferð-
arsviðs Reykjavíkurborgar. Ástæð-
an er fyrst og fremst áhugi minn á
starfinu sem ég er að sækja um. Ég
var ekki í atvinnuleit enda hefur
mér líkað afar vel í starfi bæjarstjóra
hér á Akranesi. Ég hafði þó hugsað
mér að söðla um við lok þessa kjör-
tímabils, vorið 2018, og helgast það
af mínum fjölskylduhögum,“ seg-
ir Regína í samtali við Skessuhorn.
Hún vill þó ekki tjá sig frekar um
umsóknina enda segir hún marga
hæfa umsækjendur um starfið og
því ótímabært að fara nánar út í um-
sókn hennar.
Auk Regínu sóttu um stöðu vel-
ferðarsviðs: Andreas Örn Aðal-
steinsson þjónustufulltrúi, Auður
Herdís Sigurðardóttir félagsmála-
stjóri, Elly A Þorsteinsdóttir skrif-
stofustjóri á velferðarsviði Reykja-
víkurborgar, Guðjón Sigurbjartsson
viðskiptafræðingur, Hulda Dóra
Styrmisdóttir ráðgjafi, Kristján
Sturluson félagsráðgjafi og sálfræð-
ingur, Matthildur Ásmundardótt-
ir framkvæmdastjóri, Sigurbjörg
Sigurgeirsdóttir dósent í opinberri
stjórnsýslu við Háskóla Íslands og
Valgerður Bjarnadóttir fv. alþingis-
maður. mm
Bæjarstjóri meðal umsækjanda um
starf hjá Reykjavíkurborg
Nýjasta skip fiskveiðiflotans, Engey
RE, var í hádeginu á fimmtudaginn
siglt inn á Hvalfjörð. Skipið kom til
landsins morguninn áður frá Tyrk-
landi eftir tæplega 4000 sjómílna
siglingu. Framkvæmdar voru tog-
prófanir í Hvalfirði en eftir þær
haldið á Akranes þar sem vinnslu-
búnaður frá Skaganum3X verð-
ur settur niður. Í lok mars er áætl-
að að skipið verði til sýnis fyrir al-
menning en eftir það siglt til veiða.
Engey er fyrsta af þremur ísfisktog-
urum sem raðsmíðaðir eru í Tyrk-
landi fyrir HB Granda.
mm
Engey fór í togprófanir á
Hvalfirði en komin á Skagann
Á fullu stími inn Hvalfjörð þar sem togprófanir voru gerðar. Ljósm. gó.
Skipið er nú komið á Akranes þar sem
vinnslubúnaður verður settur um
borð. Hið óvenjulega perulaga stefni
vekur athygli, en er sagt hafa ýmsa
kosti. Ljósm. jf.
Nýlega var kynnt tillaga Viðskipta-
ráðs þess efnis að ríkissjóður selji
fjölda fasteigna í sinni eigu, eða rétt
innan við þúsund eignir. Það hús-
næði sem ríkissjóður á er afar fjöl-
breytt. Þyngst vegur húsnæði sem
hýsir starfsemi mennta- og heil-
brigðiskerfisins, en í eignasafni
ríkissjóðs eru fleiri tegundir hús-
næðis veigamiklar, til dæmis skrif-
stofuhúsnæði, íbúðarhúsnæði, sér-
hæft atvinnuhúsnæði, sögufræg hús
og geymslur. Þá má einnig finna
smærri flokka húsnæðis, líkt og fast-
eignir sem tengjast flugvöllum, lög-
reglustöðvum, fangelsum, kirkjum
og innviðum og eru þá nefndir vit-
ar og raforkutengd mannvirki.
Í tillögum Viðskiptaráðs er lagt
til að 22 kirkjur, sem allar eru á
landsbyggðinni, verði seldar og
bent á það sem möguleika í hag-
ræðingu á rekstri ríkissjóð að þjóð-
kirkjan taki yfir eignirnar sam-
kvæmt sérstöku samkomulagi þar
um. Kirkjubyggingar þessar fari
því ekki í almenna sölu heldur taki
þjóðkirkjan þær yfir gegn lítilli
eða engri greiðslu en taki um leið
yfir viðhald og rekstur mannvirkj-
anna. Af þessum 22 kirkjum eru sex
þeirra á vestanverðu landinu. Það
eru Álftártungukirkja á Mýrum,
Gufudalskirkja og Reykhólakirkja í
Reykhólasveit, Hvanneyrarkirkja í
Borgarfirði og Staðarhraunskirkja
á Mýrum.
mm
Lagt til að Þjóðkirkjan taki við 22 kirkjum
Staðarhraunskirkja á Mýrum er ein
af sex kirkjum á vestanverðu landinu
sem eru í eigu ríkissjóðs.
Póst- og fjarskiptastofnun hefur birt
ákvörðun sína að samþykkja beiðni
Íslandspósts um 11% hækkun gjald-
skrár fyrir bréf innan einkaréttar (0
- 50 gr.). Ákvörðunin er rökstudd
með að tveir þættir hafa mest áhrif
til hækkunar á gjaldskrá innan einka-
réttar. Annars vegar hefur verið mik-
il og stöðug fækkun bréfasendinga en
hins vegar hefur launakostnaður Ís-
landspósts aukist vegna kjarasamn-
inga. Eftir hækkunina nú fer póst-
burðargjald fyrir bréf sem eru 50 gr.
eða léttari í 195 krónur í stað 175
króna fyrir A póst, en í 180 krónur í
stað 160 króna fyrir B póst. A-magn-
póstur verður hækkaður í 150 krónur
í stað 135 króna og B-magnpóstur í
126 krónur í stað 114 króna.
Bréfum innan einkaréttar hefur
fækkað um helming á tíu ára tíma-
bili frá 2006 til 2016, voru ríflega 50
milljón bréf árið 2006 en um 25 millj-
ón bréf tíu árum síðar. Í niðurstöðu
Póst- og fjarskiptastofnunar segir að
nú sé sendingarkostnaður hérlendis
á bréfum sem falla innan einkaréttar
með því hæsta sem gerist í Evrópu.
„Því verður að telja ósennilegt að þær
sendingar geti staðið til lengdar und-
ir óbreyttu alþjónustustigi ef bréfum
heldur áfram að fækka og verð að
hækka af þeim sökum, eins og þróun-
in hefur verið á undanförnum árum.“
mm
Íslandspósti heimilað að hækka
gjaldskrá um ellefu prósent