Skessuhorn - 05.07.2017, Blaðsíða 10

MIÐVIKUDAGUR 5. júLí 201710
Skessuhorn greindi frá því í síðustu
viku að Akraneskaupstaður ætlar að
innrita leikskólabörn oftar á ári en
hingað til hefur aðeins verið innrit-
að í leikskóla í ágúst. Skortur hefur
verið á plássi hjá bæði dagforeldr-
um og leikskólum að undanförnu
og sagði Þórður Guðjónsson, for-
maður skóla- og frístundarráðs,
í samtali við Skessuhorn í síðustu
viku, að sveitarfélagið þyrfti bæði
að leita að skamm- og langtíma-
lausnum til að greiða úr vanda-
málinu.
Skóla- og frístundarráð Akra-
neskaupstaðar fundaði í vikunni
sem leið þar sem ráðið fól sviðs-
stjórum skipulags- og umhverfis-
sviðs og stjórnsýslu- og fjármála-
sviðs að taka saman upplýsingar og
gögn um húsnæði sem gæti nýst til
bráðabirgða til þess að mæta auk-
inni eftirspurn um leikskólapláss.
Þórði Guðjónssyni var falið að
koma með tillögur að lausnum á
því vandamáli sem uppi er á fund
ráðsins 25. júlí næstkomandi og
er þessi skoðun á aukningu á leik-
skólaplássi hluti af þeirri vinnu.
„Það er stór árgangur að byrja hjá
okkur á leikskóla, 124 börn sem er
öllu meira en við erum vön. Á sama
tíma þurfum við að vera með frá-
tekið pláss fyrir börn á leikskóla-
aldri sem flytja í sveitarfélagið.
Ungt fólk með börn á leikskóla-
aldri er í auknum mæli að flytja til
Akraness svo búast má við töluverði
aukningu á leikskólum bæjarins á
næsta ári. Við þurfum að bregðast
við með bæði skamm- og langtíma-
lausnum. Ein af þeim skammtíma-
lausnum sem við horfum til núna
er að auka leikskólapláss. Á þessum
tímapunkti hefur ekki verið tekin
ákvörðun um hvernig það verður
gert en við skoðum alla möguleika
t.d. hvort nýta megi eitthvað hús-
næði sem fyrir er á Akranesi,“ segir
Þórður.
„Það er ágætt að taka það fram að
þrátt fyrir að við séum að leita leiða
til að auka leikskólpláss þá stendur
ekki til eins og er að ungbarnaleik-
skóli taki til starfa á Akranesi. Við
erum byrjuð að vinna að langtíma-
markmiðum og erum að ganga frá
nýjum þríhliða samningi milli bæj-
arins, dagforeldra og foreldra en
áður var aðeins tvíhliðasamningur
dagforeldra og foreldra. Með því
erum við að tengja bæinn betur við
starfsemi dagforeldra. Við erum á
fullu að vinna í þessum málum og
þau skýrast betur í næsta mánuði,“
segir Þórður að endingu.
bþb
Þrír fjárfestar sem eru landeig-
endur að Hraunsási II í Hálsasveit
í Borgarfirði hyggjast hefja inn-
heimtu aðstöðugjalds á bílastæðum
við Hraunfossa. Gjaldtökuna ætl-
uðu þeir að hefja síðastliðinn laug-
ardag, 1. júlí, en urðu að fresta því
í ljósi þess að slík innheimta er al-
mennt talin brjóti í bága við nátt-
úrverndarlög þar sem segir að slík
gjaldtaka inn á friðlýst svæði krefj-
ist leyfis hlutaðeigandi stofnunar,
sem er Umhverfisstofnun. Hyggjast
landeigendur, með fyrirtækið Berg-
risa sem framkvæmdaaðila, inn-
heimta 1000-2000 króna aðstöðu-
gjald af smábílum sem lagt er við
fossana, en hlutfallslega mun það
gjald hækka fyrir jepplinga, jeppa
og hópferðabíla, upp í 6000 krónur
fyrir rútur. Markmiðið með gjald-
tökunni er að sögn landeigenda að
bæta aðstöðu á bílastæðum. Eig-
endur jarðarhlutans Hrausáss II eru
þrír þekktir fjárfestar sem víða hafa
komið við í viðskiptalífinu á liðnum
árum. Þetta eru þeir Lárus Blöndal
hrl. og forseti íSí, Guðmundur A
Birgisson sem kenndur er við Núpa
í Ölfusi ásamt Aðalsteini Karlssyni.
Þremenningarnir keyptu Hrauns-
ás II fyrir nokkrum árum og liggur
þessi hluti jarðarinnar að fossunum
og nær m.a. yfir um 90% af núver-
andi bílastæðum. Nokkur bílastæði
eru í eigu annarra og leigð af nú-
verandi veitingaaðilum við fossana.
Fjárfestarnir og eigendur
Hraunsáss II hafa ekki lagt neina
fjármuni í uppbyggingu ferðaþjón-
ustu við Hraunfossa; bílastæði né
vegagerð. Landið við Hraunfossa
er friðlýst og í umsjón Umhverf-
isstofnunar sem samkvæmt nátt-
úruverndarlögum þarf að heimila
ef taka á upp gjaldtöku. Bílastæðin
eru í eigu og umsjón Vegagerðar-
innar. Fyrirhuguð gjaldtaka er sam-
kvæmt heimildum Skessuhorns í
mikilli andstöðu við forsvarsmenn
Umhverfisstofnunar, Vegagerðar
og sveitarfélagsins Borgarbyggð-
ar og þjónustuaðila á svæðinu sem
nýverið lögðu í tugmilljóna fjár-
festingu við uppbyggingu veitinga-
staðar. Gjaldtaka inn á bílastæði við
fossana þýddi forsendurbrest fyrir
þá. Umhverfisstofnun er heimilt að
beita dagssektum kjósi landeigend-
ur að hefja innheimtu bílastæða-
gjalda án heimildar.
„Í andstöðu við okkur“
„Að gefnu tilefni viljum við rekstr-
araðilar veitingastaðarins við
Hraunfossa taka fram að við kom-
um engan veginn að þessari gjald-
töku og erum andsnúin henni,“
segir í tilkynningu sem send var
út á föstudagsmorgun í framhaldi
fréttar um málið. Snorri jóhann-
esson, sem ásamt fjölskyldu sinni
stendur að veitingastaðnum við
Hraunfossa og hefur auk þess ver-
ið landvörður á svæðinu undanfar-
in ár, segir í samtali við Skessuhorn
að fjölskylda hans hafi farið af stað
í þessa fjárfestingu á síðasta ári í
góðri trú um að vera þarna í skjóli
Umhverfisstofnunar og ríkisins
sem hefur umsjón með friðlýstum
svæðum. „Okkar uppbygging hér
er og hefur verið í góðu samstarfi
við sveitarfélagið og hlutaðeigandi
stofnanir ríkisins,“ segir Snorri.
„Fyrir okkur lítur þetta þannig út
að landeigendur sem keyptu spildu
úr landi Hraunsáss fyrir nokkrum
árum ætla sér að hagnast á land-
inu. Ég óttast að ef af þessu verður
sé um forsendubrest fyrir okkur að
ræða,“ segir Snorri.
Styrk haldið í gíslingu
Framkvæmdasjóður ferðamanna-
staða úthlutaði á þessu ári 22
milljónum króna til endurbóta og
stækkunar á bílastæðum við Hraun-
fossa til að mæta vaxandi fjölda
gesta sem þangað koma. Ekki hef-
ur verið ráðist í framkvæmdir fyr-
ir þann styrk og samkvæmt heim-
ildum Skessuhorns er væntanleg-
um styrk nú haldið í gíslingu land-
eigenda og framkvæmdaaðila sem
segjast í fréttatilkynningu ekki hafa
sótt um umræddan styrk né ætla
að þiggja hann. 22 milljóna króna
styrkur er því í andstöðu land-
eigenda að Hraunsási II sem ætla
sjálfir að kosta stækkun bílastæða,
þrif, hálkuvarnir og annað, en hefja
strax gjaldtöku til að kosta fram-
kvæmdir.
„Stýra umferð til að
hámarka nýtingu“
Þrír fulltrúar landeigenda að
Hraunsási II hittu rekstraraðila
að veitingasölu á fundi nýverið. í
minnisblaði eftir þann fund skrifa
þeir Kristján Elvar Guðlaugsson,
Guðlaugur Magnússon og Heiðar
Sigurðsson, fulltrúar landeigenda
og tengdir fyrirtækinu Bergrisa,
að þeir ætli; „að starta því að taka
þjónustugjald af bílum og ferða-
þjónustu aðilum á svæðinu í sam-
ráði við landeigendur að Hrauns-
ási 2. Við munum verða með land-
verði á staðnum sem eru merktir
og munu aðstoða bílstjóra við að
leggja svo við hámörkum fjöldann
hverju sinni. Það sem við sjáum
fyrir okkur [að] gera og hafa um-
sjón með er: Stýra umferð til að
hámarka nýtingu á svæðinu, sjá um
að moka, sanda og salta á svæðinu,
sjá um allt rusl á svæðinu og kom-
um upp ruslafötum á svæðið sem
vantar núna. Við ætlum líka að laga
bílsastæðin núna strax svo þetta
verði bjóðandi bílum sérstaklega
í innkeyrslunni. Einnig að hefja
undirbúning að stækka bílastæðin
en við teljum það ekki ráðlegt akk-
úrat núna í sumar, fara frekar í það
í vetur þ.e. fyrir áramótin.“
Munu funda um málið
Eftir að fréttir voru fluttar um mál-
ið í ýmsum fjölmiðlum síðastliðinn
föstudag, daginn fyrir fyrirhugaða
gjaldtöku á bílastæðunum, ákváðu
landeigendur Hraunfossa og fram-
kvæmdaaðilar í umboði þeirra að
fresta því um nokkra daga að hefja
gjaldtöku. „Áætlað var að hefja
gjaldtökuna klukkan 08.00 á laug-
ardag en vegna vegna mótstöðu
Vegagerðarinnar, Umhverfisstofn-
unar og veitingamanns á svæð-
inu verður það ekki gert að svo
stöddu, eða þar til óvissu um rétt-
inn til tökunnar hefur verið eytt,“
segir í fréttatilkynningu sem Hödd
Vilhjálmsdóttir almannatengill
hjá Kvis sendi út í umboði fram-
kvæmdaaðila og landeigenda á tí-
unda tímanum síðastliðinn laugar-
dagsmorgun. Þá skrifar Hödd einn-
ig: „Framkvæmdaaðilar verkefnis-
ins vilja koma á framfæri að mik-
il þörf er á að bæta bílastæðið og
umhverfið við fossana. Ársskýrslur
Umhverfisstofnunar um ástand
friðlýstra svæða styðja það álit og
segir til dæmis í skýrslu stofnun-
arinnar frá árinu 2013: „Bílastæði
eru orðin afskaplega illa farin og
subbuleg.“ í lok yfirlýsingar land-
eigenda segir: „Strax eftir helgi
ætla framkvæmdaaðilar og landeig-
endur að óska eftir fundi með Um-
hverfisstofnun til að ræða ástandið
við Hraunfossa og vonandi finnst
lausn svo hægt verði að gera svæðið
öruggara og fallegra fyrir þá ferða-
menn sem þangað koma.“
mm
útlit er fyrir að berjaspretta verði
mjög góð um vestanvert landið nú
í sumar. Meðfylgjandi mynd var
tekin af bláberjalyngi í uppsveit-
um Borgarfjarðar um helgina og
sýnir að bláber eru byrjuð að taka
á sig lit. Veður hefur verið hagstætt
fyrir allan gróður í vor og það sem
af er sumri, fremur hlýtt en einn-
ig næg rekja. Einkum var veðráttan
í apríl og maí hagstæð og byrjuðu
sætukoppar að blómstra snemma í
júní. Ef veðrið verður hagstætt fyrir
berjalyng og gróður almennt næstu
vikur má fastlega gera ráð fyrir að
hægt verði að kíkja til berja fyr-
ir mánaðamót. Það er tveimur til
þremur vikum fyrr en í meðalári.
mm/ Ljósm. gó
Landeigendur hyggjast hefja gjaldtöku á bílastæðum
Bílastæði við Hraunfossa í Borgarfirði.
Líkur á afar
góðu berjasumri
Auka leikskólapláss á Akranesi