Skessuhorn - 02.08.2017, Blaðsíða 4

MIÐVIKUDAGUR 2. áGúst 20174
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Björn Þór Björnsson bjorn@skessuhorn.is
Auglýsingar og dreifing:
Emilía Ottesen emilia@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Gott er í sólinni að gleðja sig
Ég er þeim eiginleikum gæddur að ég á tiltölulega auðvelt með að taka
lit. tel mig að minnsta kosti eiga það. Jú, ég verð auðveldlega brúnn
þegar geislar sólar leika um húð mína. Mjög tan. Þess vegna blikna
ég hvorki né blána þegar sólin rís á himni hátt og bakar mannfólkið.
Nánast sama hvar ég er staddur á jarðkúlunni. Þessa minnist ég í hvert
sinn sem við fáum nokkra góða sólardaga í röð, tala nú ekki um ef sól-
in hangir í heila viku. Við slíkar aðstæður bregð ég mér stundum í sól-
bað eða fækka fötum við minnsta tilefni. Iðulega í góðum félagsskap.
Þá heyri ég stundum mælt: „Jæja, ætli það sé ekki rétt að bera á sig sól-
arvörn?“ Þau ummæli eru ætluð mér, rétt eins og þeim sem þau mæl-
ir. svipað og þegar „jæja, það er bara kominn matur“ heyrist á skrif-
stofunni. En allavega. á meðan vinir mínir, kunningjar og fólk sem ég
þekki ekki neitt makar á sig hvítu kremi allt í kringum mig, kremi sem
merkt er tölum allt upp í fjörtíu eða fimmtíu, þá hlæ ég inni í mér, missi
jafnvel út úr mér eitt „hah!“. Fer því næst inn á bað eða í skugga og sæki
olíuna, sólarolíuna. Í hallærum hef ég meira að segja gripið sjálfan mig
við að maka líkama minn ólífuolíu. Filippo Berio.
Gegnblautur af olíu, eins og gallabuxur af bifvélavirkja, vippa ég mér
hróðugur út fyrir hússins dyr eða úr skugganum og hlæ upp í opið geð-
ið á geislum sólar.
svo brenn ég.
„Nei, þú hefur brunnið. Varstu ekki með sólarvörn?“ kann einhver að
segja við mig þegar allt er yfirstaðið. „Nei, þetta er nú bara smá roði,“
svara ég en hef varla sleppt orðinu þegar orðin „þú“ og „ert“ og „eld-
rauður“ mynda hvert á fætur öðru næstu setningu viðmælandans. „Það
er allt í lagi,“ segi ég. „Því bruninn breytist í brúnku. Það vita allir.“
Næst er mér ráðlagt bera eitthvað á brunann (sem breytist í brúnku).
Aloe vera eða eitthvað krem sem lagar húðina. Þeim ráðleggingum
fylgja iðulega frekari tilmæli; „Þú verður að bera eitthvað á þetta og svo
vera inni eða klæða af þér sólina svo þú flagnir ekki.“ Þeim tilmælum
hlýði ég í engu.
svo flagna ég.
Náhvítur rís ég úr rekkju. Kaffibrúna húðin hrunin af mér. Ég horfi
á nábleikt nef mitt í speglinum á meðan ég bursta tennur sem eru jafn
hvítar og húðin á fingrunum sem heldur um burstann. Ég sé engan
mun á mér og veggnum á bakvið mig, nema þá helst að veggurinn er
ekki hálfviti sem gerir sömu mistökin á hverju sumri.
Eftir fyrsta kaffibolla dagsins er mér slétt sama. Það er svo notalegt
að hanga í sólinni og mig langar aftur út. Ég fer út. Ég er nefnilega
þeim eiginleikum gæddur að ég á tiltölulega auðvelt með að taka lit.
tel mig að minnsta kosti eiga það. Jú, ég verð mjög auðveldlega brúnn
þegar geislar sólar leika um húð mína. Mjög tan.
Þakkir til þín lesandi góður fyrir að endast alla leið hingað við lestur-
inn. Mér þykir leitt að segja þér að það sem á undan er ritað á ekkert
endilega við um mig, þó það geri það ef til vill.
Það er bara búið að vera svo fokking næs veður síðustu daga að mig
langaði að skrifa um það. Það er léttara yfir öllu og öllum þegar sólin
skín.
Kristján Gauti Karlsson
Leiðari
skóla- og frístundaráð Akranes-
kaupstaðar samþykkt á síðasta
fundi sínum að frá og með hausti
2017 muni sveitarfélagið leggja
öllum grunnskólanemendum á
Akranesi til ritföng og stílabæk-
ur, foreldrum að kostnaðarlausu.
Ráðið áætlar að árlegur kostnað-
ur yrði fjórar milljónir, eða 4000
krónur á hvern nemanda. Í fundar-
gerð skóla- og frístundaráðs segir:
„Með ákvörðun sinni vill skóla- og
frístundaráð tryggja öllum börn-
um á grunnskólaaldri á Akranesi,
grunnmenntun án endurgjalds og
stuðla þannig að jafnræði í námi.“
Ráðið vísar tillögunni til bæjar-
ráðs með beiðni um viðbótarfjár-
magn að tveimur milljónum króna
vegna haustannar 2017. útgjöld-
um að fjárhæð fjórum milljónum
vegna námsgagnakaupa á árinu
2018 verður vísað til komandi fjár-
hagsáætlunar.
Bæjarráð tók málið til umfjöll-
unar á fundi síðastliðinn fimmtu-
dag. Ráðið samþykkti að veita avið-
bótarfjármagn til grunnskólanna á
Akranesi að fjárhæð tvær milljónir
króna til að mæta útgjöldum vegna
námsgagnakaupa á haustönn næst-
komandi. „ákvörðunin felur í
sér að þessi þáttur í skólastarfinu
verður gjaldsfrjáls og tekið verður
mið af því í vinnslu fjárhagsáætl-
unar vegna ársins 2018,“ segir í
fundargerð bæjarráðs.
bþb
Ókeypis ritföng í grunnskóla á Akranesi
á hverju vori setja starfsmenn Vega-
gerðarinnar upp skilti sitt hvoru
megin við Rif á snæfellsnesi til að
minna vegfarendur á að taka tillit
til kríuvarpsins. Í sumar hefur hins
vegar verið ekið á óvenju margar
kríur og kríuunga. Hefur sveitar-
félagið snæfellsbær því látið koma
fyrir keilum við efri Rifsafleggjara
til að reyna að draga úr umferðar-
hraða um svæðið. Vonir standa til
að þetta verði til þess að dragi úr
kríudrápi. Frá þessu er greint á Fa-
cebook-síðu snæfellsbæjar.
Keilurnar verða á sínum stað við
Rifsafleggjara þar til kríurnar fljúga
suður á bóginn til heitari landa í
ágústmánuði. „Viljum við fara fram
á það við ökumenn og vegfarendur
að taka tillit til þeirra, og jafnframt
taka tillit til kríanna og ófleygra
unganna sem vafra oft og tíðum út
á veginn,“ segir á Facebook-síðu
snæfellsbæjar. kgk
Hægja á umferð til varnar kríunni
Kría á flugi við Rif og skilti sem minnir ökumenn á að þar sé ekið í gegnum varp-
land fugla. Ljósm. fengin af Facebook-síðu Snæfellsbæjar.
Kirkjufell og Kirkjufellsfoss eru ansi
vinsælir viðkomustaðir ferðamanna
sem fara um snæfellsnes og það líð-
ur ekki sú stund að ekki sé bílar eða
ferðamenn við fossinn fagra. Búið
er að bæta aðstöðuna töluvert frá
því sem áður var og eru fyrirmynd-
ar göngustígar um svæðið. Einn
galli er þó á gjöf Njarðar, því þeg-
ar stórstreymt er þá flæðir yfir allt
svæðið og því ófært fyrir ferðamenn
að fossinum eftir göngustígunum.
Þá ganga þeir meðfram þjóðvegin-
um til að komast að fossinum með
tilheyrandi hættu fyrir sig og aðra
vegfarendur. Hvort að þetta hafi
verið tekið með í reikninginn þegar
framkvæmdin var áætluð skal ósagt
látið en þegar að þannig hittist á er
ástandið ekki gott.
tfk
Flæðir yfir stíginn á stórstreymi