Skessuhorn - 30.08.2017, Blaðsíða 17

MIÐVIKUDAGUR 30. ÁGúST 2017 17
Hvalfjarðardagar voru haldnir há-
tíðlegir um liðna helgi. Að sögn
Ásu Líndal Hinriksdóttur, umsjón-
araðila Hvalfjarðardaga, heppnaðist
hátíðin mjög vel. „Flestir viðburðir
voru vel sóttir, til að mynda var fullt
út að dyrum hjá ferðaþjónustunni á
Laxárbakka á föstudagskvöldinu þar
sem boðið var upp á grillað lamba-
kjöt og Heiðmar trúbador hélt uppi
góðri stemningu. BMX-BRÓS voru
með flotta sýningu á hjólunum og
eftir sýninguna settu þeir upp hjóla-
braut sem krakkarnir fengu að prófa
og það fannst þeim mjög gaman.
Það voru grillaðar pylsur og svo
skelltu krakkarnir sér í sundlaugarp-
artý og nutu sín vel í lauginni með
ýmislegt dót.“
Laugardagsmorguninn byrjaði
með gönguferð úr Grafardal um
Síldarmannagötur niður í Hval-
fjörð og heppnaðist gangan að sögn
Ásu vel þrátt fyrir rigningu. Fjöl-
breytt dagskrá var á Þórisstöðum á
laugardeginum. „Fjölmargir tóku
þátt í sveitamarkaðinum á Þóris-
stöðum og var margt fólk sem leit
við, enda fjölbreytt og skemmti-
leg dagskrá á svæðinu. Opið var í
Kaffi Koti og fullt út að dyrum og
myndaðist oft löng röð. Leikhópur-
inn Lotta var með sýningu og vakti
hún mikla gleði meðal barna,“ segir
Ása og bætti því við að margir létu
reyna á hæfileika sína við traktora-
akstur. „Við settum upp traktora-
þrautabraut og var fjölbreyttur hóp-
ur sem skráði sig til leiks á öllum
aldri.“ Sammi trúbador var á svæð-
inu og tók nokkur lög. Áður en dag-
skránni að Þórisstöðum lauk setti
slökkviliðið upp froðurennibraut
fyrir börnin. „Óhætt er að segja að
það hafi heppnast vel og var gleðin
mikil meðal barnanna,“ segir Ása.
„Slæðingur var af fólki allan laug-
ardaginn að Steinsholti þar sem
fólki var boðið að koma og skoð-
að aðstæður og látið teyma undir
börnunum,“ segir Ása. Dagskránni
á laugardeginum lauk með tón-
leikum í Hallgrímskirkju í Saurbæ.
„Á sunnudeginum var líf og fjör í
Vatnaskógi þar sem fleiri komu í ár
en í fyrra og var bara gott rennirí
af fólki allan daginn. Opið hús var
í Álfholtsskógi, þar var tekið vel á
móti fólki og sagt frá sögu staðarins
og gengið um skóginn. Hátíðinni
lauk svo með flottum stofutónleik-
um í Skipanesi, þar sem Ásta Marý
Stefánsdóttir söng og með henni var
Jónína Erna Arnardóttir sem sá um
undirleik,“ bætir Ása við.
Fyrir Hvalfjarðardaga voru íbú-
ar hvattir til að skreyta heimreið-
ar og póstkassa auk þess sem ljós-
myndakeppni, með þemanu: Gleði
og náttúra í Hvalfjarðarsveit, stóð
yfir alla helgina. „Dómnefnd fyr-
ir skreytingarnar komst að þeirri
niðurstöðu að Miðfell væri með
best skreyttu heimreiðina en þar
búa þau Sigurður Þór Runólfsson
og Helga Jóna Björgvinsdóttir, en
dóttir þeirra Sigríður Elín sá um
skreytingarnar. úrslit úr ljósmynda-
samkeppninni liggja ekki enn fyrir,“
segir Ása að lokum ánægð með vel
heppnaða Hvalfjarðardaga. arg
Vel heppnaðir Hvalfjarðardagar um liðna helgi
Mikil gleði var meðal barnanna þegar slökkviliðið setti upp froðurennibraut á Þórisstöðum.
Þeir Halldór Már Jónsson, Guðmundur Guðlaugsson og Davíð Þór Vilhjálmsson
fengu verðlaun fyrir þrjú efstu sætin í traktoraþrautabrautinni.
Ljósm. Ása Líndal Hinriksdóttir.
BMX-BRÓS voru með sýningu og leyfðu krökkunum að prófa hjólin og brautirnar.
Ljósm. Ása Líndal Hinriksdóttir.
Traktoraþrautabrautin vakti mikla lukku. Hér er Jón Eyjólfsson á Kópareykjum í
brautinni. Ljósm. Ása Líndal Hinriksdóttir.
Boðið var upp á grillaðar pylsur fyrir þá sem komu á sýningu hjá BMX-BRÓS.
Ljósm. Ása Líndal Hinriksdóttir.
Börnin voru ánægð með að fá að sulla í froðunni.
Ljósm. Ása Líndal Hinriksdóttir
Þau Helga Jóna Björgvinsdóttir og Sigurður Þór Runólfsson
voru valin með best skreyttu heimreiðina.
Ljósm. Ása Líndal Hinriksdóttir.
Heiðmar trúbador hélt uppi góðri stemningu á Laxárbakka.
Ljósm. Ása Líndal Hinriksdóttir.
Anna Katrín Guðráðsdóttir á hestbaki í Steinsholti.
Ljósm. Ása Líndal Hinriksdóttir.
Þau Jón Brandsson, Bergný Sófusdóttir, Petrína Helga
Ottesen og Klara Berglind Gunnarsdóttir mættu í göngu
snemma á laugardagsmorgni og gengu úr Grafardal um
Síldarmannagötur niður í Hvalfjörð.
Ljósm. Ása Líndal Hinriksdóttir.