Skessuhorn - 11.07.2018, Blaðsíða 15
MIÐVIKUDAGUR 11. JÚLÍ 2018 15
Áslaug Rafnsdóttir starfaði sem
lögfræðingur í yfir 20 ár en er nú
hætt á vinnumarkaðinum. Þrátt
fyrir skrifstofuvinnu um ævina er
henni margt fleira til lista lagt. Hún
hefur undanfarin ár varið miklum
tíma í föndur og útbýr allskonar fí-
gúrur úr ull þessa dagana og kveðst
hafa gaman af. Blaðamaður Skessu-
horns kíkti til Áslaugar um síðustu
helgi þegar Írskir dagar voru haldn-
ir hátíðlegir á Akranesi, en þar tók
hún þátt í markaðsstemningunni
við Akratorg þar sem ullarfígúrur
hennar í öllum stærðum og gerðum
voru til sölu.
Kulnun í starfi
Áslaug er ættuð frá Bíldudal í Vest-
ur - Barðastrandarsýslu og flutti til
Akraness 16 ára gömul til eldri syst-
ur sinnar til að fara í gagnfræða-
skóla. Ekki varð úr frekara námi um
sinn, en árið 1980 byrjaði hún í öld-
ungadeild við Fjölbrautaskóla Vest-
urlands á Akranesi og sótti kvöld-
skóla til ársins 1984 þegar hún lauk
stúdentsprófi. Næst lá leiðin í Há-
skóla Íslands. „Ég vissi ekki alveg
hvað ég vildi læra í HÍ. Vinur minn
hvatti mig til að fara í lögfræði sem
ég svo gerði,“ segir Áslaug sem
brosir og heldur áfram að útskýra:
„Það var nú ekki bara út af vini
mínum að ég fór í lögfræðina. Hin
ástæðan er hálf skondin, en það var
þannig að allt tengt lögfræðinni var
kennt á sama stað og því afskaplega
hentugt,“ segir hún og hlær.
Áslaug kláraði lögfræðina árið
1989 og hóf störf sem fulltrúi hjá
sýslumanninum á Akranesi ári
seinna. Mikil streita getur fylgt
starfi sem slíku og með árunum
fór álagið hægt og rólega að segja
til sín. „Þetta gerist mjög lúmskt,“
byrjar Áslaug sem varð fyrir því
að upplifa kulnun í starfi fyrir
nokkrum árum. „Mér þótti alltaf
gaman í vinnunni, en í þessu um-
hverfi er mikið álag og ekki mikið
um gleðimál. Stöður voru einn-
ig undirmannaðar þannig að oft-
ar en ekki fór maður með vinn-
una heim með sér.“ Árið 2011
fór Áslaug í veikindaleyfi en snéri
aftur ári seinna, þá í hálft starf.
„Ég hætti svo alveg að vinna árið
2013,“ segir Áslaug.
Lunkin í höndunum
Eftir að hafa hætt störfum réri Ás-
laug á önnur mið og byrjaði að
prófa eitt og annað í höndunum.
„Ég gerði tilraunir með origami,
föndraði kort og málaði myndir
áður en ég datt inn í ullina,“ seg-
ir hún en hún hafði aldrei fengið
formlega leiðsögn hvernig ætti að
vinna með ullarkembu. “Ég kenndi
sjálfri mér, annars vegar með því
að horfa á myndbönd á YouTube
og hins vegar með því að skoða
Pinterest.“ Báðir þessir miðlar hýsa
hafsjó af upplýsingum og kennslu-
myndböndum um allt mögulegt
og er öllum aðgengilegir sem geta
tengst Internetinu á einhvern hátt.
„Ég nýtti mér þessar upplýsinga-
veitur í fyrstu en því meira sem ég
komst upp á lagið með tæknina því
minna notaði ég þær og fór meira
í tilraunarstarfsemi og prófaði að
búa til allskonar sem mér sjálfri
datt í hug.“ Ullina kaupir Áslaug í
Álafossi, þar fær hún ullarflóka sem
hún svo mótar með nálum í alls-
konar verur og nær á skemmtilegan
hátt að framleiða heillandi fígúrur
sem margar skarta einstökum smá-
atriðum.
Gaman að vinna
með ullina
Áslaug er ennþá að greiða úr af-
leiðingum sem fylgja kulnun í starfi
og segir það hjálpa að hafa eitt-
hvað fyrir stafni. „Ég fer til dæm-
is í sund á hverjum morgni og fer
í langa göngutúra. Svo föndra ég
mikið með ullina, það er afskaplega
gaman og oft gleymir maður stað
og stund,“ segir hún glöð. „Það
var aldrei planað hjá mér að selja
brúðurnar mínar, mér þykir þetta
fyrst og fremst gaman. Ég prófaði
að selja nokkrar brúður um síðustu
jól og þá seldist svona svakalega vel.
Það er betra að þær fái heimili ann-
arsstaðar heldur en að safnast upp
heima hjá mér,“ segir hún og hlær.
Hægt er að nálgast fígúrurnar
hennar Áslaugar í Litlu hönnun-
arbúðinni í Hafnarfirði og í Gall-
erí Snotru á Akranesi. Einnig getur
fólk komið heim til hennar að Ein-
igrund 30, Akranesi, ef áhugi er á
að kíkja á hnoðrana eins og Áslaug
kallar þá. glh
Náttúrubarnahátíð á Ströndum var
haldin í fyrsta skipti síðasta sum-
ar. Nú verður hún endurtekin og
haldin óvenjuleg útihátíð helgina
13.-15. júlí. „Á hátíðinni fá all-
ir gestir, bæði börn og fullorðn-
ir, kjörið tækifæri til að finna eða
rækta sitt innra náttúrubarn. Það er
Náttúrubarnaskólinn sem stendur
fyrir hátíðinni en hann hefur ver-
ið starfræktur fjögur sumur, síðan
2015. Náttúrubarnaskólinn stend-
ur fyrir fjölbreyttum námskeiðum
yfir sumartímann fyrir náttúrubörn
á öllum aldri þar sem þau læra um
náttúruna með því að sjá, snerta og
upplifa,“ segir í tilkynningu.
Náttúrubarnaskólinn er starf-
ræktur innan vébanda Sauðfjárset-
ursins í Sævangi rétt sunnan við
Hólmavík, og þar verður hátíð-
in haldin. Dagrún Ósk Jónsdótt-
ir þjóðfræðingur hefur starfsheitið
yfirnáttúrubarn og sér um skipu-
lagningu hátíðarinnar. „Undirbún-
ingurinn gengur mjög vel, þetta er
allt að smella saman og við erum
mjög spennt,“ segir Dagrún Ósk.
„Helsta markmið hátíðarinnar er
að auka þekkingu á náttúrunni og
sýna hvað allir hlutir í kringum
okkur eru í raun og veru merkileg-
ir. Einnig hvernig má nýta náttúr-
una á skapandi á skemmtilegan hátt
en jafnframt hvernig á að vernda
hana, og svo auðvitað að skemmta
sér saman, börn og fullorðnir“ bæt-
ir Dagrún við.
Hátíðin hefst á föstudegi með
gönguferð og síðan setningarathöfn
og veðurgaldri. „Mér sýnist ekki
veita af að kenna fólki veðurgaldur-
inn. Hann hefur reynst okkur mjög
vel í Náttúrubarnaskólanum og
þegar fólk hefur lært hann er ekk-
ert mál að framkvæma hann heima
hjá sér þegar á þarf að halda“ segir
Dagrún og hlær.
„Um helgina verða svo marg-
ir fjölbreyttir viðburðir sem flétta
saman skemmtun og fróðleik, til
dæmis verður Hundur í óskilum
með tónleika á laugardagskvöldinu,
við fáum góða gesti úr Latabæ á
sunnudeginum og svo verður nátt-
úrubarnakviss og vöffluhlaðborð á
föstudeginum. Einnig verða smiðjur
um fugla, veðrið og útieldun, hægt
að fara í fjallgöngur, gönguferðir, á
hestbak og í náttúrujóga. Það verða
drauga- og tröllasögur í Sagnahús-
inu, brúðuleikhúsið Handbendi,
víkingafélagið Víðförull kemur
í heimsókn og margt fleira. Að-
gangseyrir að hátíðinni í heild verð-
ur 3000 kr. en hægt er að kaupa sig
inn á staka daga fyrir 1500 kr. Frítt
verður fyrir hátíðargesti að tjalda á
Ferðaþjónustunni Kirkjuból sem er
beint á móti Sauðfjársetrinu.
Ég hvet sem flesta til að kynna sér
dagskrána og koma og njóta með
okkur. Ég held að þegar fólk læri að
þekkja náttúruna, aukist ósjálfrátt
sú virðing sem það ber fyrir henni.
Náttúran er svo mikilvæg“ seg-
ir Dagrún að lokum en hægt er að
kynna sér hátíðina á Facebook síðu
Náttúrubarnaskólans.
mm
Áslaug mótar ullarflókann með nálum þannig að úr verða skemmtilegar brúður.
Hannar heillandi fígúrur úr ullarflóka
Áslaug Rafnsdóttir hannar allskonar brúður úr ull.Brúðurnar skarta skemmtilegum svip.
Hægt er að finna fígúrur í öllum stærðum og gerðum.
Náttúrubarnahátíð á Ströndum um helgina