Skessuhorn - 01.08.2018, Blaðsíða 4

MIÐVIKUDAGUR 1. ÁGúSt 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Ingunn Valdís Baldursdóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Mörg íslensk þorp og bæir eiga það margir sameiginlegt að iðnaðar-
hverfi eru það fyrsta sem tekur á mót vegfarendum þegar ekið er inn
í þau. Skipulagsyfirvöld hafa nefnilega mjög víða ákveðið að iðnað-
arhverfi sé heppilegast að staðsetja í útjaðri bæja. Ég skil það sjón-
armið mjög vel. Þannig má draga úr þungaflutningum innanbæj-
ar og fleira í þeim dúr. En einn er galli á gjöf Njarðar. Þau eru ljót
(á þessum tímapunkti er rétt að taka fram að skoðanir sem hér eru
settar fram eru mínar eigin og þurfa ekki að endurspegla mat þjóð-
arinnar).
Ég átti nýlega samtal við mann um fagurfræði iðnaðarhverfa. Hún
er engin. Iðnaðarhverfi samtímans samanstanda oftast af hvítum og
gráum bárujárnsskemmum. Bílastæðin, sem að sjálfsögðu eru helst
notuð til að geyma drasl, eru undantekningarlaust fyrir framan hús-
in. Svo allir geti séð.
Steypa
Öðru máli gegnir hins vegar um gamlar verksmiðjur og aðrar aldur-
hnignar byggingar í þeim dúr. Ég er mjög svag fyrir gömlum verk-
smiðjum. Fallegast þykir mér ef þær eru í töluverðri niðurníðslu.
Yfirleitt eru þetta miklar, steyptar byggingar. Mér finnst steypan
yfirleitt mjög falleg í þessu samhengi. Það er ákveðin fegurð í göml-
um og illa förnum steinsteyptum verksmiðjum. Það sama gildir um
eyðibýli úr steini. Ef maður gefur sér tíma til að staldra við, skoða
húsin og jafnvel líta inn er manni einhvern veginn kippt inn í ann-
an tíma. Maður er staddur inni í húsi sem á sér ekki lengur stað og
stund. Það þykir mér ákaflega og sjarmerandi.
Dulúð og ímyndun
Nú kannt þú, lesandi góður, að vera algerlega á öndverðum meiði
og hafa frussað út úr þér kaffinu við lestur þessa leiðara hingað til.
Það varðar mig ekkert um. Mig langar að velta því fyrir mér hverju
mér þykir grá og drungaleg steinsteypuhús sem eiga sér ekki leng-
ur samastað undir festingunni svona fögur. Kannski er það einmitt
þess vegna. Það sem passar ekki inn í fangar strax athyglina, er óhjá-
kvæmilega sveipað dulúð og hálf rómantískum drunga.
Ævi hrörlegra steinsteypugrárra húsa er að renna sitt skeið á enda,
en húsið á sér einhverja sögu sem það getur ekki sagt manni. Hvers
vegna ekki? Af því það er hús. Það eina sem það getur er að vera
og maður getur ekki vitað meira en hvernig það er. Það sem sá sem
skoðar veit ekki verður hann að ímynda sér. Og það er skemmtilegt,
því þá getur allt hafa gerst.
Alveg eins og skip sem hefur verið strandað uppi í fjöru, þar sem
það bíður þess að ryðga eða fúna í sundur, eru hús sem eru að deyja
drottni sínum í senn vitnisburður um fegurðina og dauðann. Allt
voða póetískt og sjarmerandi.
Þökk fyrir lesturinn,
Kristján Gauti Karlsson.
Fegurðin og dauðinn
Leiðari
Verslunarmannahelgin er handan
við hornið og þá leggja landsmenn
gjarnan land undir fót og sækja
hátíðir víða um land. Eru eflaust
margir sem taka stefnuna á fjöl-
skylduhátíðina Sæludaga sem hald-
in verður í Vatnaskógi sem Skóg-
armenn KFUM ásamt KFUM og
KFUK á Íslandi standa fyrir. Sælu-
dagar eru vímulaus hátíð þar sem
allir í fjölskyldunni skemmta sér
saman. Dagskráin hefst á morgun,
fimmtudaginn 2. ágúst og er venju
samkvæmt fjölbreytt og höfðar
vel til ungra sem aldna. Þá verður
t.d. hægt að fá lánaða báta og farið
verður í útileiki sem allir geta tekið
þátt í. Á föstudaginn verður einnig
nóg að gera og má sem dæmi nefna
skógarbrall fyrir alla fjölskylduna,
klemmustríðið mikla og kvöldvöku.
Á laugardag verður boðið upp á
vatnafjör, fjölskyldubingó, stór-
tónleika með þeim Friðriki Óm-
ari og Regínu Ósk, Svínadalsball-
ið þar sem DJ Ljómi þeytir skífum
og fleira. Á sunnudag verður kassa-
bílarallý, söng- og hæfileikasýning,
Vatnaskógarvaka og varðeldur og
brekkusöngur. Alla dagana verður
boðið upp á morgunverðahlaðborð
og bænastundir.
arg
Sæludagar er vímulaus hátíð fyrir alla fjölskylduna.
Ljósm. fengin af Facebook-síðu Sæludaga.
Sæludagar í Vatnaskógi
um verslunarmannahelgina
Umsóknir um nám við Háskólann á
Akureyri fyrir skólaárið 2018-2019
eru fleiri en nokkru sinni fyrr. End-
anlegur fjöldi umsókna var 2083, að
því er fram kemur í tilkynningu frá
skólanum. „Þann 3. júlí síðastliðinn
var búið að samþykkja 1531 umsókn
en 552 umsækjendum hefur ver-
ið synjað eða þeir ekki sent inn full-
nægjandi gögn með umsóknum sín-
um. Það eru því einungis 74% um-
sækjenda sem fá boð um skólapláss.
Í þessu felst mikil stefnubreyting
frá fyrri árum og ljóst að stjórnvöld
þurfa að gefa skýr skilaboð um það
hvernig takast eigi á við umfram-
eftirspurn eftir námi við Háskólann
á Akureyri,“ segir í tilkynningu. Af
þeim 552 umsóknum sem ekki hafa
verið samþykktar var 286 skilað inn
án fullnægjandi gagna en öðrum hef-
ur verið hafnað þar sem viðkomandi
umsækjendur uppfylltu ekki kröf-
ur um einingafjölda frá framhalds-
skólum, úr verknámi eða öðru námi
á framhaldsskólastigi. „Að gefnu til-
efni vill Háskólinn á Akureyri koma
því á framfæri að aðfararnám að há-
skólanámi sem rekið er af háskólan-
um veitir ekki sjálfkrafa inngöngu í
nám við Háskólann á Akureyri nema
að uppfylltum skilyrðum um heildar-
fjölda eininga á framhaldsskólastigi,“
segir í tilkynningunni.
Seinni greiðslufrestur nemenda sem
hafa fengið boð um skólavist rennur
út 10. ágúst næstkomandi. Endanleg
tala um fjölda nemenda sem hefja nám
við skólann í haust verður því ekki ljós
fyrr en um miðjan mánuðinn. kgk
Aldrei fleiri umsóknir um nám við HA
Opnaði útskurðarsýningu á Akranesi
Í tilefni af 80 ára afmæli sínu þá hef-
ur Ásgeir Samúelsson sett upp sýn-
ingu á tréútskurði sínum á Bóka-
safni Akraness að Dalbraut. Sýning-
in stendur gestum til boða út ágúst-
mánuð á opnunartíma safnsins. Sér-
stakt opnunarteiti fór fram í gær þar
sem gestum var boðið upp á kaffi og
kleinur á meðan þeir skoðuðu grip-
ina. Verk Ásgeirs eru ýmist frá því
sem hann hefur gert í gegnum tíðina
og einnig á þeim tíma sem hann hef-
ur verið að kenna útskurð.
glh
Ásgeir Samúelsson hefur stundað tréútskurð síðan 2007.
Verk eftir Ásgeir verða til sýnis á Bókasafni Akraness út ágústmánuð.