Skessuhorn - 01.08.2018, Blaðsíða 8
MIÐVIKUDAGUR 1. ÁGúSt 20188
Eurovision í
nýju ljósi
BORGARBYGGÐ: Næstkom-
andi föstudagskvöld, 3. ágúst,
munu Rakel Pálsdóttir söng-
kona og Birgir Þórisson píanó-
leikari halda tónleika í Brúar-
ási í Borgarfirði. Á tónleikunum
munu þau flytja þekkt Eurovisi-
onlög í nýjum búningi, í bland
við gullkorn úr íslensku undan-
keppninni. tónleikarnir hefjast
kl. 21:00 og aðgangseyrir er kr.
2.000.
-kgk
Lag tileinkað
Grundarfirði
GRUNDARFJ: Bæjarráð
Grundarfjarðarbæjar tók fyrir
erindi frá Bakkastofu, Culture
centre, á síðasta fundi sínum. Í
erindinu var óskað eftir því að
Grundarfjarðarbær tæki þátt í
kostnaði við upptöku á lagi Val-
geirs Guðjónssonar, en lagið er
tileinkað Grundarfirði. Bæjarráð
samþykkti samhljóða að veita
umbeðinn styrk, 120 þús. króna
auk virðisaukaskatts. Styrkurinn
tekur mið af því að höfundur
komi til Grundarfjarðar og flytji
lagið opinberlega, til dæmis á
Rökkurdögum, að því er fram
kemur í fundargerð.
-kgk
Sveitamarkaður var haldinn í Nesi
í Reykholtsdal síðastliðinn laugar-
dag 28. júlí. Markaðurinn var vel
sóttur enda fjölbreytt og gott úr-
val vara til kaups. Sem dæmi var
hægt að næla sér í tælenskan mat,
Laufeyjarís, ýmsa skrautmuni, kjöt
og margt fleira auk þess sem gest-
ir gátu fengið sér nýbakaðar vöfflur
með rjóma og kaffi.
arg
Vel sóttur
sveita-
markaður
Margt var um
manninn á
sveitamarkaði í
Nesi. Ljósm. bhs
Í dag, miðvikudaginn 1. ágúst milli
kl. 17:00 og 18:00 verður starfsfólk
umhverfis- og skipulagssviðs Borg-
arbyggðar með opið hús í Ráðhúsi
Borgarbyggðar. Þar verður breyt-
ingartillaga að deiliskipulagi Frí-
stundabyggðar í landi Urriðaár
kynnt sérstaklega þeim sem þess
óska.
Frístundabyggð í landi Urriða-
ár var skipulögð árið 2000. Síð-
an þá hafa kröfur og væntingar til
frístundahúsa breyst. Breyting-
in á deiliskipulaginu nær aðeins
til byggingarskilmála í kaflanum
„Húsagerð“, í greinagerð skipu-
lagsins. Skipulagsuppdrátturinn er
aftur á móti óbreyttur.
Gögn tillögunnar liggja frammi
í Ráðhúsi Borgarbyggðar sem og
á heimasíðu sveitarfélagsins til 7.
september. Hverjum þeim sem telja
sig eiga hagsmuna að gæta er gef-
inn kostur á að gera athugasemdir
við breytingartillöguna. Athuga-
semdirnar skulu vera skriflegar og
berast til Ráðhúss Borgarbyggðar í
síðasta lagi 7. september. Einnig er
hægt að skila athugasemdum á net-
fangið borgarbyggd@borgarbyggd.
is.
kgk
Kynning á tillögu að breyttu deiliskipulagi
Opið hús í Ráðhúsi Borgarbyggðar í dag
Sala eigna Dalabyggðar að Laug-
um í Sælingsdal var til umræðu á
síðasta fundi sveitarstjórnar Dala-
byggðar. Eins og áður hefur verið
greint frá lagði Arnarlón ehf. fram
tillögu að lausn til að klára kaup
félagsins á eignunum af sveitar-
félaginu Dalabyggð 13. maí síð-
astliðinn. Fólu þær tillögur í sér
að kaupverð fasteigna að Laug-
um ásamt lóðarréttindum, jörðin
Laugar (50%) ásamt sumarhúsa-
lóðum og skólalóðin ásamt jarð-
hitaréttindum og hitaveitu séu
405 milljónir króna. Við undir-
ritun kaupsamnings yrðu greiddar
205 milljónir, með reiðufé og út-
greiðslu láns Byggðastofnunar á
1. veðrétti. Eftirstöðvarnar verði
annars vegar greiddar í árslok
2019, 50 milljónir, og með veð-
skuldabréfi að upphæð 150 millj-
ónir á 2. veðrétti með gjalddaga
í lok árs 2022. Þá var einnig far-
ið fram á kauprétt á hluta af jörð-
inni Sælingsdalstungu, til loka árs
2028 fyrir 55 milljónir. Kauprétt-
urinn fæli í sér að Dalabyggð gerði
landskipti á jörðinni fyrir neðan
tungumúla og hið selda land væri
„neðri hluti“ Sælingsdalstungu,
um 370 hektarar að stærð.
Fyrri sveitarstjórn taldi á sín-
um tíma að tillaga Arnarlóns væri
vel til þess fallin að ljúka sölunni.
Hins vegar var ákveðið að fresta
afgreiðslu málsins og vísa til nýrr-
ar sveitarstjórnar, sem kjörin var í
lok maí. „Sveitarsjórn telur tillögu
Arnarlóns ehf. vera nýtt tilboð í
eignir að Laugum og Sælingsdals-
tungu en síðasta sveitarstjórn sleit
viðræðum um fyrra tilboð á fundi
17. apríl sl. Í ljósi undirskrifta sem
afhentar voru sveitarstjórn 24. maí
sl. þar sem 213 íbúar sveitarfélags-
ins mótmæla því að Dalabyggð
veiti seljendalán hafnar sveitar-
stjórn tillögu Arnarlóns ehf,“ seg-
ir í tillögu sem samþykkt var með
fimm atkvæðum á síðasta fundi
sveitarstjórnar.
tveir sveitarstjórnarfulltrú-
ar voru á móti. Lögðu þeir fram
bókun þar sem þeir lýstu andstöðu
og vonbrigðum með þá ákvörðun
meirihluta sveitarstjórnar að slíta
viðræðum við Arnarlón ehf. um
sölu á Laugum og hluta Sælings-
dalstungu. „Með þessari ákvörðun
er verið að taka gríðarlega áhættu
með mikil verðmæti sem geta
mótað framtíðarmöguleika Dala-
byggðar um ókomin ár,“ segir í
bókun þeirra.
kgk
Líta á tillöguna sem nýtt
tilboð og hafna því
Sveitarstjórn Dalabyggðar fjallaði um sölu eigna að Laugum í Sælingsdal