Skessuhorn - 01.08.2018, Blaðsíða 14

MIÐVIKUDAGUR 1. ÁGúSt 201814
Norsk harmonikkuhljómsveit
heldur tónleika í Reykholtskirkju
á morgun, fimmtudaginn 2. ágúst.
Sveitin er skipuð tíu harmonikku-
leikurum auk bassaleikara og gítar-
leikara. Hún hefur á undanförnum
árum komið fram á hinum ýmsu
harmonikkumótum á Norður-
löndum og unnið til margra verð-
launa fyrir sérlega vandaðan flutn-
ing. „Hljómsveitin er hér á veg-
um Félags harmonikkuunnenda í
Reykjavík og mun koma fram á ár-
legu harmonikkumóti félagsins um
verslunarmannahelgina að Borg
í Grímsnesi,“ segir í tilkynningu.
„Áður en að því kemur mun hljóm-
sveitin fara í skoðunarferðir um
landið og halda í leiðinni tónleika í
kirkjunni í Reykholti, en staðurinn
er mörgum Norðmönnum hug-
leikinn, enda saga Noregskonunga
rituð á staðnum.“
Stjórnandi hljómsveitarinnar er
Oddbhjørn Kvalholm Nikolaisen
og eru m.a. á tónleikaskránni lög
eftir Karl Grønstedt, Asmund Bjør-
ken og Leif Göras. tónleikarnir
hefjast kl. 20.00, fimmtudaginn 2.
ágúst og aðgangur er ókeypis.
kgk/ Ljósm. úr safni.
Einar Örn Einarsson, vélvirki hjá
Vegagerðinni í Borgarnesi, var á
leið norður á Hvammstanga að
morgni föstudags, 27. júlí, þegar
hann mætti fremur leiðinlegri sjón
á Holtavörðuheiði. „Á heiðinni var
blindaþoka og úði en ég verð þess
áskynja að það er eitthvað á veg-
inum og ég legg bílnum í afleggj-
ar til að skoða svæðið. Um leið og
ég stíg út úr bílnum finn ég megna
gor lykt,“ segir Einar Örn sem sá
þá hræ af kind og tveimur lömb-
um í vegöxlinni með innyflin út um
allt. Á heimleið sinni kom hann aft-
ur við og tók meðfylgjandi mynd.
„Það er greinilegt að flutninga-
bíll hafi keyrt á kindina og lömbin
því á svæðinu voru engin bremsu-
för, ekkert brotið plast eða gler sem
yrði eftir ef fólksbíll eða jeppling-
ur hefðu ollið þessu,“ segir Einar
Örn. „Þetta sýnir að umferðahrað-
inn sé orðinn gífurlegur á þjóðveg-
um landsins því þarna hefur aug-
ljóslega verið bíll á miklum hraða.
Það var ekki búið að láta bóndann
vita en ég hringdi í mág minn sem
vissi hver ætti kindina,“ segir Ein-
ar Örn.
Vert er að minna á að á þessum
tíma árs er sauðfé gjarnan á beit við
vegi landsins og því mikilvægt að
ökumenn séu vel vakandi og keyri
í takt við aðstæður. Ef ökumenn
verða fyrir því óhappi að aka á bú-
fénað er mikilvægt að stöðva og
láta eiganda vita eða lögregluna. Í
sumum tilfellum drepast dýrin ekki
strax og geta því gengið í gegnum
miklar kvalir eftir áreksturinn auk
þess sem af þeim gæti stafað slysa-
hætta fyrir aðra ökumenn.
arg
Eins og flestum mun kunnugt eru í
ár liðin 100 ár frá því að Ísland varð
fullvalda ríki. Af því tilefni, sem og
804 ára afmælis sagnaritarans Sturlu
Þórðarsonar, blés Sturlunefnd, í sam-
vinnu við Dalabyggð, til Sturluhátíð-
ar síðastliðinn sunnudag í tjarnar-
lundi í Saurbæ í Dölum. Ragnheið-
ur Pálsdóttir, varaoddviti Dalabyggð-
ar, bauð gesti velkomna í héraðið þar
sem sagan væri allt um kring og tæki-
færin fyrir samfélagið eftir því. Þá
setti Einar Kristinn Guðfinnsson,
formaður Sturlunefndar, hátíðina og
sagði meðal annars frá hugmynd-
um um stofnun Sturlufélags. til-
gangur félagsins yrði að gera minn-
ingu Sturlu enn hærra undir höfði en
til þessa hafi verið gert, þessa merka
manns sem ritaði og færði okkur
þekkingu og innsýn í samtíma hans,
íslenskt samfélag á þrettándu öld.
Sögurnar verkfæri í
sjálfstæðisbaráttunni
Katrín Jakobsdóttir forsætisráð-
herra ávarpaði samkomuna og
fjallaði meðal annars um hliðstæð-
ur milli boðleiða nútímans og í
þá daga sem Sturla Þórðarson var
uppi. „Eitt af því sem efldi sjálfs-
traust Íslendinga á nítjándu öld
voru sögurnar, menningararfurinn
sem naut virðingar út fyrir land-
steinana,“ sagði Katrín um leiðina
að sjálfstæði Íslendinga og Sturlu
sem ritara síns samtíma. til stend-
ur að setja upp fjögur söguskilti í
Dölunum á næstunni og verður
eitt þeirra um Sturlu Þórðarson.
Mjólkursamsalan styrkir það verk-
efni ásamt fleirum. Ari Edwald, for-
stjóri MS, kynnti skiltin en fyrir-
tækið styrkti jafnframt greinagóða
fornminjaskráningu sem fór fram á
Staðarhóli sl. haust, þar sem Sturla
bjó lengst af. Guðrún Alda Gísla-
dóttir fornleifafræðingur sagði frá
helstu niðurstöðum þeirrar skrán-
ingar og sagði Staðarhól hafa ver-
ið stórbýli í gegnum tíðina. Þar
hafi verið nokkuð um kotbýli og
hjáleigur sem sjáist vel móta fyr-
ir enn þann dag í dag og að stað-
urinn væri greinileg þungamiðja á
Sturlungaöld. Þá kynnti Guðrún
Ása Grímsdóttir, rannsóknarpró-
fessor hjá Árnastofnun, tilvonandi
útgáfu Hins íslenska fornritafélags
á Sturlunga sögu í þremur bindum
en hennar má vænta á næsta ári.
Á milli erinda söng Hanna Dóra
Sturludóttir við undirleik Snorra
Sigfússonar Birgissonar nokkur vel
valin lög við góðar undirtektir.
Hluti af „Gullna
söguhringnum“
Að lokinni formlegri dagskrá
héldu áhugasamir að Staðarhóli
þar sem Guðrún Alda sagði betur
frá þeim fornminjum sem mætti
sjá þar í dag. Einnig hver möguleg
næstu skref gætu verið til að rann-
saka staðinn betur og varpa ljósi á
hvernig lífi fólk lifði þar í gegnum
tíðina. Þá viðraði Svavar Gestsson
hugmyndir um Sturlusetur sem ef
til vill væri þó betur geymt í fjar-
lægð frá Staðarhóli í ljósi þeirra
minja sem þar væru. Svavar er einn
þeirra sem hafa unnið óeigingjarnt
starf í Sturlunefnd en hann lítur
á þetta verkefni sem hluta af hin-
um „Gullna söguhring” sem hann
sér fyrir sér í Dölunum. Yrði hann
til þess fallinn að styrkja atvinnu-
lífið á svæðinu í formi menningar-
tengdar ferðaþjónustu. „Hátíðin
var mjög vel heppnuð og gott ef
þetta var ekki fjölsóttasti viðburð-
urinn í tilefni af fullveldisafmælinu
hingað til. Vonandi mun svo koma
til stofnunar Sturlufélags innan
skamms,“ segir Svavar eftir hátíð-
ina.
sla
Harmonikkutónleikar í
Reykholtskirkju á morgun
Kom að dauðri kind og tveimur lömbum með innyflin út um allt. Ljósm. Einar Örn
Einarsson.
Ljót aðkoma að dauðri kind og
tveimur lömbum
Stefnt að stofnun Sturlufélags
Sturluhátíð var haldin á sunnudag
Húsfyllir var í félagsheimilinu Tjarnarlundi þegar fæðingardegi Sturlu Þórðar-
sonar frá Staðarhóli og 100 ára fullveldi Íslands var fagnað.
Katrín Jakobsdóttir forsætisráðherra, Einar Kristinn Guðfinnsson formaður
Sturlunefndar, Vigdís Finnbogadóttir heiðursgestur hátíðarinnar og Ragnheiður
Pálsdóttir varaoddviti Dalabyggðar.
Á Staðarhóli var sagt frá fornleifaskráningu sem fór þar fram í fyrra og hug-
myndum um Sturlusetur.
Svavar Gestsson ritari Sturlunefndar, Ari Edwald forstjóri Mjólkursamsölunnar og
Guðrún Alda Gísladóttir fornleifafræðingur skoða næstu skref á Staðarhóli.