Skessuhorn - 01.08.2018, Blaðsíða 10

MIÐVIKUDAGUR 1. ÁGúSt 201810
Á bæjarhátíðinni Heim í Búðar-
dal, sem haldin var um miðjan júlí,
voru íbúum í Dölum veittar um-
hverfisviðurkenningar í þremur
flokkum; snyrtilegasta bændabýlið,
snyrtilegasta fyrirtækið og snyrti-
legasti garðurinn. Skúli Hreinn
Guðbjartsson, formaður byggðar-
ráðs Dalabyggðar, greindi frá nið-
urstöðum dómnefndar og veitti
viðurkenningarnar.
Viðurkenningu fyrir snyrtileg-
asta býlið hlutu Sigurbjörn Sig-
urðarson og Melkorka Benedikts-
dóttir á Vígholtsstöðum í Laxár-
dal. Horfði dómnefnd til þess að
þar væri öllum byggingum einkar
vel við haldið og bæjarmyndin
snyrtileg í heild. Garðurinn væri
glæsilegur og hefði komið til álita
sem snyrtilegasti garðurinn líka.
Rjómabúið Erpsstöðum var
útnefnt snyrtilegasta fyrirtæk-
ið. tóku Helga Elínborg Guð-
mundsdóttir og Þorgrímur Einar
Guðbjartsson við viðurkenningu
þess efnis fyrir hönd fyrirtækis-
ins. „Rjómabúið á Erpsstöðum
hefur verið í mikilli endurnýjun á
gestaaðstöðu bæði úti við og inni
í gestastofunni og er aðkoman að
fyrirtækinu og ásýndin öll mjög
glæsileg,“ segir í rökstuðningi
dómnefndar.
Guðrún Ingvarsdóttir og Jón
Benediktsson að Lækjarhvammi
2 í Búðardal hlutu viðurkenningu
fyrir snyrtilegasta garðinn. Í rök-
stuðningi dómnefndar segir að
garður þeirra sé mjög ræktarlegur
og fallegur. Mikill metnaður hafi
verið lagður í bæði skrautplöntur
og nytjaræktun og heildaryfir-
bragð garðsins sé fallegt.
Að endingu var lagt til að þeir
sem hlutu umhverfisviðurkenn-
ingar að þessu sinni taki sæti í
dómnefnd á næsta ári, enda greini-
lega mikið smekkfólk.
Ljósmyndasamkeppni
hátíðarinnar
Við sama tækifæri voru veittar við-
urkenningar vegna ljósmyndasam-
keppni sem haldin var í tilefni bæj-
arhátíðarinnar. Keppt var í þremur
flokkum; dýralíf í Dölum, mannlíf í
Dölum og landslag í Dölum.
Ágústa Rut Haraldsdóttir varð
hlutskörpust í dýralífsflokknum,
fyrir mynd sem hún tók af hestum
að hlaupa yfir veg.
Í mannlífsflokknum þótti best
friðsæl mynd af dreng að eiga við
fax á hesti. Þá mynd tók Rebecca
Catherine Kaad Ostenfeld.
Í landslagsflokknum fékk Jón
trausti Markússon viðurkenningu
fyrir kyrrláta fjörumynd úr Búðar-
dal.
Verðlaunamyndirnar má skoða í
myndasafni á vefsíðu Dalabyggðar,
www.dalir.is. kgk/ Ljósm. sm.
Dalamenn verðlaunaðir fyrir snyrtimennsku
Garðurinn við Lækjarhvamm 2 í Búðardal var valinn snyrtilegasti garðurinn.
Viðurkenningin fyrir snyrtilegasta fyrirtækið kom í hlut Rjómabúsins að Erpsstöðum. Víholtsstaðir í Laxárdal voru valdir snyrtilegasta bændabaýlið.
Skaginn 3X hefur skrifað und-
ir samning um heildarlausn í nýja
verksmiðju sem fyrirtækið Len-
in Kolkhoz er að byggja í Petro-
pavlosk á Kamtsjatka-skaganum í
Austur-Rússlandi. Skrifað var und-
ir við hátíðlega athöfn í íslenska
sendiráðinu í Moskvu á miðviku-
dag, 25. júlí.
Kælismiðjan Frost mun sjá um
allt kælikerfi verksmiðjunnar.
Verður það að fullkomnustu gerð
og mun standast allar nútímakröfur
um orkunýtingu og umhverfismál.
Verksmiðjan verður meðal ann-
ars búin sjálfvirkum plötufrystum
Skagans 3X. Auk þess mun fyrir-
tækið afhenda nýja tegund sjálf-
virkra frysta sem ætlaðir eru í sög-
unarverksmiðjur og þurfa að stan-
dast strangar kröfur um lögun og
fleira. Þar að auki verður verk-
smiðjan búin lausfrystum sem geta
tekið ýmiss konar afurðir, allt frá
smáum smokkfisk upp í heila laxa.
Gert er ráð fyrir því að verksmiðjan
geti fryst yfir 500 tonn á sólarhring
með möguleika á að auka afköstin
seinna.
Markmiðið að
auka verðmæti
Ingólfur Árnason, forstjóri Skagans
3X, bindur miklar vonir við nýju
verksmiðjuna. „Það er jákvætt fyrir
okkur að taka þátt í að koma vinnslu
upp á annað og hærra stig þarna
heilsteyptri kerfislausn. En aðalat-
riðið er að viðhalda gæðum fisks og
auka þau verðmæti sem eru sköp-
uð,“ segir Ingólfur. Forstjóri Lenin
Kolkhoz segir fyrirætlanir fyrirtæk-
isins einmitt vera að bæta nýtingu
og auka verðmæti. „Við erum stolt
af því að innleiða íslenska tækni í
nýju verksmiðjuna. Með þekkingu
og venjum um vinnslu í Austur-
Rússlandi í bland við framleiðslu-
tækni frá Íslandi verður til fram-
úrskarandi leið til að auka nýtingu
og verðmæti auðlindarinnar,“ seg-
ir hann.
Styrkir stöðu
fyrirtækisins
Jón Birgir Gunnarsson, markaðs-
og sölustjóri Skagans 3X, segir
samninginn styrkja stöðu fyrirtæk-
isins á mikilvægum markaði. „Verk-
efnið er mikilvægt skref fyrir okk-
ur og tækifæri til að sanna enn frek-
ar getu okkar í Rússlandi, nánar
til tekið í Austur-Rússlandi en þar
er annars konar vinnsla en tíðkast
Evrópumegin,“ segir hann. „Við
erum nú þegar á fullu í öðru stóru
verkefni fyrir Gidrostroy þannig að
við erum virkilega að ná fótfestu á
þessum markaði,“ bætir Jón Birg-
ir við.
Knarr Rus, sem er endursöluaðili
fyrir íslensk tæknifyrirtæki á Rúss-
landsmarkaði, gegnir mikilvægu
hlutverki í þessu samhengi. „Knarr
Rus hefur í raun virkað eins og brú
fyrir okkur inn á þennan markað,
þar er fólk sem skilur tungumál og
menningu beggja landa. Það væri í
raun ómögulegt að vinna sér sess
þarna inn án þeirra aðkomu,“ segir
Guðmundur Hannesson, sölustjóri
Frosts.
kgkTeikning af verksmiðjunni sem Lenin Kolkhoz er að byggja í Petropavlosk í Austur-
Rússlandi.
Skaginn 3X gerir tímamótasamning í Rússlandi
Frá undirritun samninganna í sendiráðinu í Moskvu. Sitjandi fyrir framan eru Sergey Borisovich Tarusov, forstjóra Lenin
Kolkhoz og Ingólfur Árnason, forstjóri Skagans 3X.