Velferð - 01.06.2019, Qupperneq 4

4 Málgagn Hjartaheilla
Velferð er 30 ára. Blaðið sem geymir sögur okkar, fræði,
vangaveltur og stiklur liðins tíma. Líf okkar mannanna er
ofi ð úr sögum. Á hverju andartaki bætist nýr þráður við þær
sögur og smám saman dragast þeir allir í ákveðna mynd og
oft birtast þær í Velferð úr félagsstarfi nu. Það er saga okkar,
um félagslífi ð og starf sem Hjartaheill hefur haldið utan um.
Þegar við horfum á þræðina tvinnast saman og þekkjum
svip okkar sem þar er íofi nn koma í ljós myndir liðins tíma.
Já, jafnvel ógrynni mynda sem segja sögur. Sögur sem geyma
gleðilegt atvik og hressileg. Aðrar sögur eru um sorg og ri a
upp daprar stundir í lífi okkar, en fl estar geyma sögurnar
atvik úr litskrúðugum hversdeginum sem er vettvangur okk-
ar. Líðandi stund í önnum dagsins er hin mikla sögusmiðja
og þar verða til sögur sem fela í sér markmið, vonir okkar
og þrár. Sögur sem fl eyta áfram metnaði okkar, samúð og
samkennd með þeim sem minna mega sín. Samtökin okkur
leggja sig fram og allt frá stofnun hafa þau beitt sér fyrir
fræðslu og forvörnum varðandi hjartasjúkdóma, veitt aðstoð
og ráðgjöf og staðið fyrir margvíslegum umbótum í þágu
hjartasjúklinga og sinnt jafningjafræðslu.
Hjartaheill eru samtök sem vilja láta gott af sér leiða í nær-
samfélagi sem og víðar. Við viljum skapa tækifæri fyrir
hjartasjúklinga og þá sem vilja bæta heilsuhag sinn. Lífs-
hættir nútímafólks einkennast mjög af vanþjálfun eða hreyf-
ingarleysi, ofnæringu og streitu. Mikið verk ef fyrir höndum
og nauðsynlegt að ná fram breytingum á óheppilegum lífs-
háttum.
Safnast hefur á einn stað  öldi upplýsinga sem má nota til að
læra af. Velferð hefur í gegnum tíðina birt  ölda greina um
hjarta-og æðasjúkdóma eftir leika og lærða. Við eigum að
horfa til framtíðar, nestuð af reynslu fortíðar með það mark-
mið að læra af reynslunni.
Sá mikli auður sem samtökin hefur safnað sér í gegnum tíð-
ina er fólkið sem hefur unnið án endurgjalds fyrir samtökin,
þ.e. sjálfboðaliðarnir.
Fólk fer í sjálfboðaliðastörf af ýmsum ástæðum. Mörgum
fi nnst starfi ð áhugavert og gefandi, aðrir vilja láta gott leiða
af sér. Sjálfboðaliðastarf getur nefnilega verið lærdómsríkt
og þroskandi.
Hjartaheill hefur treyst á sjálfboðaliða í sínum röðum frá
stofnun samtakanna. Við höfum í því sambandi verið hepp-
in að hafa fengið í raðir okkar virka þátttakendur sem hafa
mótað umhverfi sitt og samfélagið okkar. Því ber að þakka.
Að sýna þakklæti er afar mikilvægt í mannlegum samskipt-
um og felur í sér jákvæðan hug til þeirra sem þakklætið
beinist að. Almennt þarf ekki mikið til. Nóg er að segja orðin
„takk fyrir“, það er að minnsta kosti ágæt byrjun.
Þakklæti er innri upplifun og ytri tjáning. Innra þakklæti
lýtur að því sem við erum, eigum, höfum og því sem við
verðum ekki fyrir, t.d. áföllum og fáum að halda heilsu.
Þakklæti felst í því að kunna að bera kennsl á það sem virðist
sjálfsagt og læra að meta það mikils.
Fyrir hönd samtaka okkar vil ég nota tækifærið og þakka
öllum þeim einstaklingum sem hafa lagt fram sinn skerf að
móta sögu okkur frá liðnum tíma og gert allt það sem við
höfum framkvæmt, mögulegt.
Það fer vel á því að vitna til Melody Beattie þegar hún segir;
„Þakklæti fær okkur til að skilja það liðna, færir okkur gleði
og frið í dag og skapar bjarta sýn fyrir morgundaginn.“
Með afmæliskveðju
Sveinn Guðmundsson,
formaður Hjartaheilla og SÍBS
Velferð geymir sögu okkar
Frá formanni