Hlynur - 15.12.1956, Blaðsíða 16
Árshátíð SÍS
með nýju sniði
Arshátíð Sambandsins var haldin að
Hótel Borg 17. nóvember s.l. Var þar
fjölmenni samankomið, enda árshátíðin
hin vinsælasta skemmtun. Að þessu
sinni var margt með nýjum hætti, sem
kom sumum nokkuð spánskt fyrir sjón-
ir í fyrstu, en flestir sættu sig vel við
og telja má líklegt að festa muni ræt-
ur. Má þar fyrst telja, að hin hefð-
bundnu langborð voru horfin, en í
þeirra stað sátu menn við smáborð og
var það mun frjálslegra og þægilegra.
I>á var matseðillinn mjög frábrugðin
því, sem verið hefir á fyrri árum.
Stuðluðu báðar þessar breytingar að
styttra borðhaldi, en lengri dansi og
var það vel.
Oskar H. Gunnarsson, hinn nýkjörni
formaður Starfsmannafélagsins, setti
skemmtunina. Ræddi hann um hin
giftudrjúgu störf frumkvöðla samvinnu-
hreyfingarinnar og kvað mikinn vanda
lagðan á okkar herðar að halda ekki
einungis í horfinu, heldur sækja fram
á við til bættra lífskjara fyrir land og
þjóð. Hvatti hann til þess að stcirfsfólk
ið stæði vel saman um félag sitt, ylti
þar á miklu fyrir alla aðilja. Þá tók til
máls Skúli Guðmundsson, alþingismað-
ur. Var hann léttur í máli og líkti
Sambandinu við stórbýli, en dótturfyr-
irtækjunum við sel og hjáleigur. Kvað
hann þá „Sölvhólsbændur" vera bú-
menn góða. Þessu næst söng Kristinn
Hallsson,, óperusöngvari, en svo tók
Jón Rafn Guðmundsson til máls. Tal-
aði hann um samvinnufélögin og starfs-
menn þeirra. Kvað hann samvinnu-
menn hafa miklu hlutverki að gegna,
og það vera undirstöðu alls, að góður
skilningur ríkti milli forráðamanna og
starfsfólks á hverjum tíma. Karl Guð-
mundsson, gamanleikari, flutti að síð-
ustu gamanþátt, en síðan var stiginn
dans fram eftir nóttu. Var þetta hin
glæsilegasta hátíð, Sambandinu og
starfsfólkinu til hins mesta sóma. Með-
fylgjandi myndasíða er frá hátíðinni.
*
Draumur dótturinnar.
16