Hlynur - 15.12.1984, Blaðsíða 21

Göngum ekki á
„dönskum“ skóm
Eins og áður hefur verið greint frá
hér í blaðinu var ætlunin að starfs-
maður LÍS, Guðmundur Logi Lár-
usson ferðaðist um landið nú í
haust og heimsækti starfsmannafé-
lögin. HLYNUR hafði því samband
við hann og spurði frétta af ferðum
hans.
- „Ég fór fyrst til Vestfjarða,
flaug til ísafjarðar 25. september
og ók þaðan suður firði til Flateyrar,
Þingeyrar og Patreksfjarðar. Næst
hélt ég til Vopnafjarðar og var þar
8. október. Þaðan fór ég til Þórs-
hafnar, Kópaskers og Húsavíkur.
Austfirðir urðu næstir f röðinni. Ég
fór til Egilsstaða 17. október og
heimsótti síðan félög á Eskifirði,
Neskaupstað, Fáskrúðsfirði,
Stöðvarfirði, Djúpavogi og Höfn.
Einnig kom ég við á Reyðarfirði og
á Breiðdaisvík. Ég sat stjórnarfundi
í öllum framangreindum starfs-
mannafélögum og rakti þar starf
LÍS og KPA op gerði grein fyrir
hugmyndum LIS um samvinnu-
vörukynningu. Á flestum þessum
stöðum ræddi ég einnig við kaupfé-
lagsstjórana um sömu mál og víða
spjallaði ég við verslunarstjóra og
á nokkrum stöðum við starfsfólk í
verslunum. Flestir eru sammála
um ágæti þess og nauðsyn að
samvinnustarfsmenn gangi fram
og vekji athygli á framleiðsluvörum
hreyfingarinnar og allstaðar er
áhugi á að gera eitthvað til að
kynna samvinnuvörur. Á nokkrum
stöðum er áhugi á að halda fjöl-
skyldusamkomur eða „opið hús“
með kynningum, tískusýningu,
skemmtiefni og fleiru. Annarsstað-
ar hefur fólk hug á að standa fyrir
kynningum í verslunum og á nokkr-
um stöðum munu fréttabréf kaupfé-
laga birta greinar um samvinnuvör-
ur og gildi þess að kaupa þær.“
- En hvað með starfið í félögun-
um?
- „Það er mjög mismunandi.
Sum eru nærri dauð en önnur eru
vel frísk og starfa mikið. Hins
vegar virðist það sama vera uppi á
teningnum víða, að lítll kjarni
stendur fyrir flestu því sem gert er,
en þorri félagsmanna er óvirkur.
Víðast eru þó haldnar árshátíðir
og flestar hafa verið vel sóttar. Þó
nokkur félög hafa haldið sumar-
hátíðir eða farið í sumarferðir.
Þátttaka hefur verið misjöfn en allt
virðist hafa tekist vel og þáttakend-
ur ánægðir. Orlofshúsin voru vel
nýtt í sumar og víða er áhugi á að
koma upp húsum. Nokkur félög
hafa sýnt hug á að reisa orlofshús
að Breiðumýri og eins eru félög
sem vilja skifta á húsum við aðra
um tíma. Á næstu árum verður það
eflaust vaxandi verkefni hjá LÍS að
hafa milligöngu um slík skifti."
- Hvernig hefur þér verið tekið
á þessum ferðum þínum?
- „Frábærlega vel alls staðar.
Víða hefur fólk fórnað heilu dögun-
um í að sýna mér staðinn sinn og
atvinnulífið þar. Matur og gisting
hefur víða staðið til boða og ég
stend í mikilli þakkarskuld við alla
þá sem greitt hafa götu mína.“
- En víkjum aftur að samvinnu-
vörukynningunni. Hvað erá döfinni
á næstunni?
- „Hér á Akureyri erum við að
undirbúa kynningu dagana 24. og
25. nóvember. I Félagsborg, sam-
komusal verksmiðjanna, kynnum
við ýmsar framleiðsluvörur sam-
vinnuverksmiðjanna á Akureyri.
Þar verða deildir frá Kjötiðnaðar-
stöð KEA, Mjólkursamlagi KEA,
Brauðgerð KEA, Efnagerðinni
Guðmundur Logi Lárusson.
Flóru, Efnaverksmiðjunni Sjöfn,
Ullar- og Skinnaiðnaði Iðnaðar-
deildar og Fata- og Skóiðnaði Versl-
unardeildar. Samvinnutryggingar
og Húsnæðissamvinnufélagið
Búseti vekja líka athygli á sinni
starfsemi. Þarnaverðaeinnigýms-
ar uppákomur svo sem tískusýn-
ingar, leikþættir, skemmtiþættir og
söngur. Þannig ætla starfsmenn
að vekja athygli á framleiðsluvör-
um sínum og kanna um leið hvort
hægt er að setja upp svipaðar
kynningar víða um landið.“
- Hvaða vinning ætiið þið að
hafa af öllum þessum fyrirgangi?
- „Samvinnustarfsmenn vilja
sýna að þeim er annt um sín
fyrirtæki og vilja vöxt og viðgang
þeirra sem mestan til að tryggja
atvinnu þeirra sem þar starfa nú og
skapa atvinnu handa fleirum. Ein-
hver kallaði atvinnuleysið hér á
landi „heimatilbúin móðuharðindi"
og ég er honum sammála. Eitt
dæmi því til suðnings. Að meðaltali
kaupir hver Islendingur þrjú pör af
skóm árlega, en hann velursérskó
framleidda hér heima aðeins fjórða
hvert ár og þá aðeins eitt par.
Svipað er ástandið í sölu og fram-
leiðslu á buxum. Meirhlutinn er
innfluttur. Ábyrgur maður trúði mér
fyrir því á dögunum að ef hver
íslendingur keypti sér einar ís-
lenzkar buxur og eina íslenska skó
á ári sköpuðust tvöhundruð til tvö-
hundruð og fimmtíu ný störf í
þessum iðngreinum og sama er
uppi á teningnum á öðrum sviðum.
Hér er því þarft mál á ferðinni og ef
árangur næst verður það okkur
öllum til góðs.“
HLYMUR
2I