Fréttablaðið - 21.08.2019, Síða 15

MARKAÐURINN
ÚTGÁFUFÉLAG Torg., Kalkofnsvegur 2, 101 Reykjavík, sími 550 5000
Netfang rit stjorn@markadurinn.is | Sími 550 5051
Ritstjóri Hörður Ægisson hordur@frettabladid.is
Ábyrgðarmaður Kristín Þorsteinsdóttir
Netfang auglýsingadeildar auglys ing ar@frettabladid.is Veffang frettabladid.is
Ferðaþjónustufyrirtækið Allra­handa GL, sem rekur Gray Line og Airport Express, tapaði 517
milljónum á síðast ári. Fyrirtækið
á í viðræðum við viðskiptabanka
sinn um endurskipulagningu lána.
Þetta kemur fram í nýbirtum
ársreikningi félagsins. Tap Allra­
handa jókst verulega á milli ára en
það nam 195 milljónum árið 2017.
Tekjur námu 3 milljörðum króna
og drógust saman um 19 prósent.
Rekstrargjöld námu hins vegar 3,4
milljörðum og drógust saman um
tæp 14 prósent. Eignir félagsins
námu 2,5 milljörðum króna í árs­
lok 2018 og eigið féð 473 milljónum.
Stærsti hluthafi Allrahanda með
49 prósenta hlut er fjárfestingar­
félagið Akur og eru helstu hluthafar
þess lífeyrissjóðir. Stofn end urnir
Þórir Garðars son og Sig ur dór Sig­
urðsson eiga hvor 25 prósenta hlut.
Í ársreikningi kemur fram að
skammtímaskuldir hafi verið hærri
en veltufjármunir í lok síðasta árs
en um mitt árið fóru stjórnendur
félagsins í endurskipulagningu á
rekstrinum til að jafna rekstrarhall­
ann. „Sú vinna heldur áfram 2019 og
mun koma til með að skila hagstæð­
ari afkomu,“ segir í reikningnum.
Þá kemur fram að á þessu ári
hafi hluthafar félagsins komið með
aukið fjármagn og að samningar við
viðskiptabanka félagsins um endur­
skipulagningu lána séu í vinnslu.
„Það er mat stjórnenda þegar litið
er til þeirra þátta sem áunnist hafa
á árinu 2019 að framtíðarhorfur
félagsins eru jákvæðar.“
Allrahanda og Reykjavík Sight­
seeing Invest tilkynntu í júlí að
félögin hefðu sent Samkeppniseftir­
litinu greinargerð um fyrirhugaða
sameiningu. – þfh
Allrahanda tapaði hálfum milljarði
Bandaríska sjóðastýringar­fyrirtækið Baron Capital Management, sem var stofnað
af milljarðamæringnum Ron Baron,
keypti um hálfs prósents eignarhlut
í Marel í hlutafjárútboði félagsins
sem lauk í júní. Þetta má lesa út úr
nýju árshlutauppgjöri bandaríska
félagsins en í lok júní átti sjóðurinn
Baron Growth Fund, sem er stýrt
af Ron Baron, rúmlega 4,1 milljón
hluta í Marel og er markaðsvirði
þess eignahlutar í dag um 2,4 millj­
arðar íslenskra króna.
Í fréttabréfi til sjóðsfélaga Baron
Capital er sérstaklega vikið að
fjárfestingu sjóðsins í Marel og
þeim tækifærum sem sjóðsstjórar
telja að Marel standi frammi fyrir.
Þannig búast þeir við því að EBIT­
framlegð fyrirtækisins muni halda
áfram að aukast samhliða sterkum
tekjuvexti. Á það er bent að hlutfall
EBIT­framlegðar af sölu á búnaði
sem er notaður til vinnslu á kjúkl­
ingi sé nú um tuttugu prósent á
meðan hlutfallið sé um tíu
prósent í öðru kjöti
og fiski. Vænta þeir
þess að framlegðin
í kjúklingi muni
batna enn frekar
og að af koman
í kjöti verði að
lokum sambærileg
og í kjúklingi.
Baron Capital er
með eignir í stýringu að
jafnvirði um þrjá­
tíu milljarða
B a n d a ­
r í k j a ­
dala.
Í
ný a f ­
stöðnu
hlutafjárútboði Marels, sem var
efnt til samhliða skráningu félags­
ins í kauphöllina í Amsterdam í
júní, voru 100 milljónir nýrra hluta
seldar á genginu 3,7 evrur á hlut,
jafnvirði um 51 milljarðs króna á
núverandi gengi. Frá skráningu
á markað í Hollandi hefur hluta­
bréfaverð Marels hækkað um
liðlega fjórtán prósent og er
markaðsvirði félagsins í dag
um 443 milljarðar króna.
Fjöldi alþjóðlegra f jár­
festa í hluthafahópi Marels
hefur margfaldast frá því í
ársbyrjun 2018. Samanlagður
eignarhlutur þeirra í félaginu
hefur þannig aukist
á tímabilinu
úr þremur
p r ó s e n t­
um í um
þ r j á t í u
prósent.
– hae
Baron með yfir tveggja
milljarða hlut í Marel
Fulltrúi Bankasýslu ríkis­ins í stjórn Arion banka gerði engar athugasemd­ir við þær breytingar sem gerðar voru á ráðningar­samning i Höskuldar
Ólafssonar, þáverandi bankastjóra,
um mitt ár 2017 og samþykktar af
stjórn bankans. Þær breytingar,
sem tengdust annars vegar upp­
sagnarfresti og hins vegar samningi
um starfslok, þýddu að bankinn
þurfti að gjaldfæra hjá sér samtals
150 milljóna króna kostnað vegna
launa og launatengdra gjalda þegar
Höskuldur lét af störfum í apríl á
þessu ári.
Höskuldur hefur neitað því að
hann hafi verið rekinn heldur hafi
hann sagt starfi sínu lausu.
Samkvæmt heimildum Markað­
arins voru fyrrnefndar breytingar
á ráðningarsamningi Höskuldar
samþykktar samhljóða af öllum
stjórnarmönnum bankans. Full­
trúi Bankasýslunnar í stjórn Arion
banka á þessum tíma var Kirstín
Þ. Flygenring en stofnunin hélt
þá utan um þrettán prósenta hlut
ríkisins í bankanum. Sá hlutur var
síðan seldur til Kaupþings, sem þá
var stærsti hluthafi bankans, í árs­
byrjun 2018 fyrir um 23,4 milljarða
króna.
Bjarni Benediktsson, fjármála­ og
efnahagsráðherra, lét hafa það eftir
sér í fjölmiðlum í lok síðustu viku,
spurður um starfslokasamning
Höskuldar, að fyrir honum liti þetta
út „sem ótrúlegt bruðl“.
Í svari til Markaðarins segir Arion
banki að breyting á ráðningarsamn­
ingi Höskuldar hafi verið gerð þegar
alþjóðlegt hlutafjárútboð og skrán­
ing bankans á markað á Íslandi og
í Svíþjóð var í undirbúningi. Þetta
hafi verið gert í kjölfar þess að
þáverandi stjórnarformaður bank­
ans, Monica Caneman, hafi stigið
til hliðar.
„Markmiðið var að tryggja að
bankinn nyti starfskrafta Höskuld­
ar fram að hlutafjárútboði og skrán­
ingu og í framhaldi af henni. Fyrir
lá að það hefði einfaldlega skaðað
og tafið útboðs­ og skráningarferli
bankans ef mannabreytingar yrðu
bæði á stöðu stjórnarformanns
og bankastjóra svo skömmu fyrir
fyrirhugaða skráningu. Miklir hags­
munir voru í húfi og mat sú stjórn
sem þá sat það afar mikilvægt að
tryggja nauðsynlegan stöðugleika
með því að gera breytingar á ráðn­
ingarsamningi bankastjóra,“ segir í
svari Arion.
Starfslok Höskuldar hafi verið að
fullu í samræmi við þann samning
sem gerður var við hann árið 2017
og samanstóð af uppsagnarfresti
og samningi um starfslok. Bankinn
viðurkennir að kjörin hafi „vissu­
lega [verið] óvenjuleg en aðstæður
voru óvenjulegar í ljósi skráningar
bankans á markað og mikilvægis
þess að stöðugleiki ríkti í þessum
æðstu stjórnunarstöðum bankans
á þeim tíma.“
Ekkert varð hins vegar af fyrir­
huguðum áformum um útboð og
skráningu Arion banka haustið
2017 þegar ríkisstjórnarsamstarfi
Sjálfstæðisf lokks, Viðreisnar og
Bjartrar framtíðar var slitið um
miðjan september. Bankinn var að
lokum skráður á hlutabréfamarkað
í kauphöllunum á Íslandi og í Sví­
þjóð í júní ári síðar.
Laun Höskuldar á árinu 2018
námu samtals 67,5 milljónum króna
auk árangurstengdra greiðslna að
fjárhæð 7,2 milljónir. Þær greiðslur
komu hins vegar til vegna rekstrar­
árangurs á árinu 2017. Hagnaður
bankans á síðasta ári dróst saman
um nærri helming og nam tæp­
lega 7,8 milljörðum. Arðsemi Arion
banka á eigið fé var aðeins 3,7 pró­
sent. hordur@frettabladid.is
Bankasýslan blessaði
150 milljóna starfslok
Höskuldur Ólafsson lét af störfum sem bankastjóri Arion banka í apríl síðastliðnum. FRÉTTABLAÐIÐ/SIGTRYGGUR ARI
Fulltrúi Bankasýslunn-
ar í stjórn Arion banka
gerði engar athuga-
semdir við breytingar
á ráðningarsamningi
þáverandi bankastjóra
sumarið 2017. Var sam-
þykkt samhljóða af
stjórn bankans. Kostaði
bankann 150 milljónir
í starfslokagreiðslur til
Höskuldar Ólafssonar.
13%
var eignarhlutur ríkisins í
Arion banka þegar samn-
ingur um starfslok banka-
stjórans var samþykktur í
stjórn bankans.
Ronald Baron,
stofnandi og
framkvæmda-
stjóri Baron
Capital.
Þórir Kjartans-
son, stjórnarfor-
maður Allra-
handa.
“Doktor.is er ætlað að auðvelda aðgengi
almennings að upplýsingum og ráðgjöf
um heilsu, lífsstíl og forvarnir.,,
Teitur Guðmundsson, læknir og ritstjóri doktor.is
Ráðgjöf Fræðsla Forvarnir
443
milljarðar króna er mark-
aðsvirði Marels í dag.
Hlutabréfaverð félagsins
hefur hækkað um liðlega 55
prósent frá áramótum.
2 1 . Á G Ú S T 2 0 1 9 M I Ð V I K U D A G U R2 MARKAÐURINN