Fréttablaðið - 04.01.2012, Síða 17

MIÐVIKUDAGUR 4. janúar 2012 17
Af netinu
forsetakosningar, fylgið og peningarnir
Á Íslandi er aðeins ein umferð í forsetakosningum. Ef fjöldi frambjóðenda
verður mikill er hugsanlegt að forseti verði kosinn með býsna litlu atkvæða-
magni – það má minna á að Ólafur Ragnar fékk aðeins 40 prósent atkvæða
þegar hann var fyrst kjörinn forseti og Vigdís Finnbogadóttir ennþá minna.
Er hugsanlegt nú að einhver geti orðið forseti með aðeins fjórðung atkvæða á
bak við sig?
Fjármálin eru svo annar þáttur sem sem þarf að pæla í. Framboð Ólafs
Ragnars var stórskuldugt eftir kosningarnar 1996. Svona kosningabarátta
kostar peninga, ekki síst ef frambjóðendur fara að auglýsa í fjölmiðlum.
Slíkir peningar verða ekki tíndir upp af götunni – hvaðan koma þeir þá?
http://silfuregils.eyjan.is/
egill Helgason
Íþrótta- og tómstundaráð Reykja-víkur (ÍTR) átti aldarfjórðungs-
afmæli á nýliðnu ári. Þótt lítið hafi
farið fyrir hátíðarhöldum vegna
afmælisins, er ekki úr vegi að líta
um öxl í lok afmælisárs og meta
hvernig ráðið hefur sinnt hlut-
verki sínu í gegnum tíðina í þágu
íþrótta-, tómstunda- og æskulýðs-
mála í Reykjavík.
Íþrótta- og tómstundaráð varð
til við sameiningu Íþróttaráðs og
Æskulýðsráðs Reykjavíkur árið
1986. Þessi ráð höfðu hvort á sínu
sviði unnið gott starf í þágu Reyk-
víkinga um áratuga skeið og voru
skoðanir vissulega skiptar um það
hvort rétt væri að sameina þau.
Borgaryfirvöld ákváðu að sameina
krafta þessara ráða í því skyni að
efla enn frekar starf í þágu barna
og ungmenna, hvort sem það væri
unnið á vegum borgarinnar eða
frjálsra félaga og samtaka.
Tíminn hefur leitt í ljós að það
var rétt ákvörðun að sameina
rekstur íþrótta-, æskulýðs- og
tómstundamála með þeim hætti
sem gert var árið 1986. Miklar
framfarir hafa orðið í þessum
málaflokkum enda hefur stöðugt
verið unnið að þróun þeirra undir
merkjum ÍTR. Langflest börn og
unglingar í borginni taka nú þátt
í skipulögðu íþrótta- og æskulýðs-
starfi með einhverjum hætti.
Íþróttir fyrir alla
Ljóst er að allar aðstæður til
íþróttaiðkunar hafa stórbatnað í
Reykjavík á undanförnum áratug-
um. Mörg íþróttahús hafa verið
reist í tengslum við skólabygging-
ar eða íþróttafélög og hafa flest
þeirra fyllst jafnóðum af börnum
og unglingum eða fullorðnu fólki,
sem stundar þar íþróttaæfingar.
Við byggingu og rekstur íþrótta-
mannvirkja hefur Reykjavíkur-
borg lagt áherslu á að nýta krafta
íþróttafélaganna í borginni enda
þekkja þau best aðstæður í við-
komandi hverfi eða íþróttagrein.
Fyrir hönd borgarinnar hefur ÍTR
annast samskiptin við íþrótta-
hreyfinguna og hefur það sam-
starf verið afar farsælt. Borgin
hefur sjálf annast rekstur nokk-
urra íþróttamiðstöðva en á síð-
asta kjörtímabili var ákveðið að
kanna möguleika á að hverfis-
íþróttafélög kæmu í auknum mæli
að rekstri þeirra. Þannig hefur ÍR
nú t.d. tekið að sér rekstur íþrótta-
húsanna við Seljaskóla og Austur-
berg í Breiðholti, Fjölnir í Grafar-
vogi sér um rekstur íþróttahússins
við Dalhús, Ármann og Þróttur
reka íþrótta- og félagsmannvirki
sem þjóna félögunum í Laugardal
og Fylkir rekur fimleikahúsið í
Norðlingaholti.
Á síðasta kjörtímabili var Frí-
stundakortinu svokallaða komið á
fót og voru þá einnig undirritaðir
sérstakir þjónustusamningar milli
íþróttafélaganna og Reykjavíkur-
borgar þar sem m.a. er kveðið á
um að félögin annist ákveðna þjón-
ustu í mannvirkjum í skilgreind-
um hverfum eða íþróttagrein og
fái á móti fjárframlag frá borg-
inni. Hafa fyrrgreind atriði stuðl-
að að því að á fáum árum hefur
orðið gífurleg fjölgun í barna-
og unglingastarfi reykvískra
íþróttafélaga. Þá hefur iðkend-
um í almenningsíþróttum einnig
fjölgað verulega. Miðað við stærð
Reykjavíkur er með ólíkindum hve
margar íþróttagreinar eru stund-
aðar í borginni innan vébanda sjö-
tíu sjálfstæðra íþróttafélaga, sem
borgin á samstarf við með einum
eða öðrum hætti.
Sæluríkar sundlaugar
ÍTR annast rekstur sjö almenn-
ingssundlauga auk ylstrandar í
Nauthólsvík, sem tugþúsundir
Reykvíkinga sækja sér til heilsu-
bótar og hressingar. Hefur sund-
gestum fjölgað ár frá ári og er
talið að aðsóknin hafi farið yfir
tvær milljónir á árinu 2011. Í reyk-
vískum sundlaugum birtist vel sá
þáttur í menningu borgarbúa, sem
fólginn er í nýtingu heita vatnsins
en með sundferð er á einstakan
hátt hægt að sameina holla hreyf-
ingu, vellíðan og góðan félags-
skap. Sundlaugarnar í Reykjavík
njóta mikillar hylli ferðamanna
og hafa hvað eftir annað vakið
athygli í erlendum fjölmiðlum
og þá er þjónusta við sjósund-
kappa vaxandi þáttur í starfsemi
Ylstrandarinnar.
Í seinni grein verður fjallað
nánar um æskulýðs- og frístund-
astarfið og þá uppskiptingu, sem
gerð var á ÍTR á afmælisárinu.
Íþrótta- og tómstundaráð
25 ár í fararbroddi
Nú þegar enn ein breyting hefur orðið á ríkisstjórn
Íslands er eðlilegt að horfa fram
á veginn og huga að þeim starfs-
háttum sem nauðsynlegt er að
hafa í heiðri og láta fram ganga.
Þeir sem veljast til forystu á
þessu sviði vilja án efa láta
gott af sér leiða og ná árangri.
Stjórnmál eru í eðli sínu sam-
starfsmál, þar eru margir
kvaddir til, bæði þeir sem hafa
atvinnu af stjórnmálum, einnig
áhugafólk og aðilar ákveðinna
hagsmuna.
Þarna er kjörinn vettvangur
til að þróa samræður þar sem
leitað er lausna. Til að slíkt
lukkist þurfa markmið að vera
skýr og vinnuferli sem allir
samþykkja. Um leið og verksvið
ráðherra færist út og þeir hafa
fleiri svið undir höndum þurfa
þeir að endurskoða vinnulag
og laga það að víðfeðmu starfs-
sviði. Þeir munu ekki geta náð
yfir málefnin nema með nánu
samstarfi þeirra ráðuneyta sem
hver og einn hafði áður.
Um leið dregur vonandi úr
hagsmunagæslu samtaka, enda
hafa samtök í landbúnaði og
sjávarútvegi varað við þeirri
sameiningu ráðuneyta sem nú
er að komast í framkvæmd.
Stærri einingar kalla á faglegri
vinnubrögð en verið hafa. Æski-
legt er að þróunin geti orðið sú
að landið verði eitt kjördæmi,
ekkert svæði landsins verði
afskipt og þingmenn líti á sig
sem fulltrúa alls landsins en
ekki ákveðinna svæða.
Við þurfum að komast af stigi
persónustjórnmála og á stig
samstöðustjórnmála. Með hug-
takinu persónustjórnmál á ég
við að hver og einn sem fengið
hefur ábyrgðarhlutverk í stjórn-
málum vinnur að þeim og metur
frá sínum sjónarhóli. Sjónar-
hólarnir eru nefnilega margir
og hinir ábyrgu þyrftu að geta
komist á þá sem flesta. Þegar
þátttakendur sjá að þeirra
stefna nær ekki öll að ganga
fram þar sem þeir starfa með
öðrum flokki verða þeir að láta
samstöðustjórnmál taka við.
Þegar svo verður hætta menn
að litast um eingöngu innan
síns flokks og átta sig á að nýtt
afl verður til með samstöðu
flokka sem telja sig geta tekist
á við verkefni með nýjum hætti,
betur en hver flokkur fyrir sig
hefur í stefnuskrá sinni. Með
slíkri samstöðu verður til holl-
usta sem aldrei kemur fram í
persónustjórnmálum.
Eftir hrun hafa margir vonað
að nýr hugsunarháttur í stjórn-
málum taki við. Svo hefur ekki
orðið og myndin af Alþingi í
hugum fólks er eins og hún
getur döprust orðið. Það ætti að
vera áramótaheit þingmanna að
taka upp ný vinnubrögð, vinna
að málefnum til að leysa þvert
á flokka ef eðli málanna kallar
á það. Það hefur örlað á þessu í
vetur. Getur ekki vinna að nýrri
stjórnarskrá orðið nýtt upphaf?
Ekki geta þingmenn unað því
að tíundi hver landi sé ánægður
með starf þingmanna.
Eðli stjórnmálanna
Prófasvindl nemenda er þekkt fyrirbrigði. Það hins vegar að
skólar svindli stundum á nemend-
um hefur líklega ekki verið rætt
opinberlega áður og því kominn
tími til að vekja athygli á þeirri
staðreynd.
Já, það er nefnilega staðreynd
að slík dæmi eru aldeilis ekki
óþekkt og reyndar svo algeng að
furðu sætir að aldrei skuli hafa
skapast um það opinber umræða.
Yfirleitt er um hrein mistök kenn-
ara (eða aðstoðarkennara) að ræða
við útreikning prófa, eitthvað sem
verður að skrifast á það að vinnu-
lag við yfirferð og einkunnabirt-
ingar sé ekki í lagi. Sumir kennar-
ar velja prófaframkvæmd að eigin
geðþótta þannig að þeir skapa sér
draumaland geðþóttans þannig að
ekkert er hægt að sannreyna um
frammistöðu nemanda og ekkert
heldur hægt að sanna um réttmæti
niðurstöðu kennara við prófadæm-
ingu. En með slíku vali á próf-
aframkvæmd tekur kennari jafn-
framt af nemanda réttindi sem
ættu að vera sjálfsögð mannrétt-
indi, svo sem rétt á prófsýningu,
rökstuðningi og kæruheimild í
tilfelli fellingar.
Það að kennari skuli láta sér
detta í hug slíka prófaframkvæmd
og skóli skrifa upp á hana segir í
raun allt sem segja þarf um málið.
Enda eru til skuggalegar sögur um
geðþóttadæmingar prófa í háskól-
um. Það eru til sögur um það að
þrátt fyrir dulkóðun prófa hafi
kennarar afkóðað próf og leitað
uppi ákveðna einstaklinga áður en
þeir gáfu einkunn. Til eru sögur
um að nemendur hafi verið felld-
ir vegna þess að útlit þeirra og
klæðaburður hafi ekki þótt við
hæfi … og sennilega ekki ætterni
heldur. Ljótar sögur en sjaldan er
reykur án elds.
250 orð um prófasvindl
Menntamál
Heimir Laxdal
Jóhannsson
háskólanemi o.fl.
Stjórnmál
Haukur
Sigurðsson
sagnfræðingur
Það ætti að vera áramótaheit þingmanna
að taka upp ný vinnubrögð, vinna að mál-
efnum til að leysa þvert á flokka ef eðli
málanna kallar á það. Það hefur örlað á þessu í vetur.
Íþrótta- og
æskulýðsstarf
Kjartan
Magnússon
borgarfulltrúi og fv.
formaður ÍTR
Fyrri grein
// KYNNINGARFUNDIR
Mánudaginn 22. ágúst
Kl. 19 fyrir 10-15 ára
Kl. 20 fyrir 16-25 ára
// NÁMSKEIÐ FYRIR 10-12 ÁRA
23. september - föstudagar kl. 16-19
// NÁMSKEIÐ FYRIR 13-15 ÁRA
12. september - mánudagar kl. 17-21
Akureyri - nánar auglýst síðar.
// NÁMSKEIÐ FYRIR 16-20 ÁRA
13. september - þriðjudagar kl. 18-22
Akureyri - nánar auglýst síðar.
// NÁMSKEIÐ FYRIR 21-25 ÁRA
14. september - miðvikudagar kl. 18-22
NÁMSKEIÐIN
2011 ERU AÐ
HEFJAST!
// KYNNINGARFUNDIR
Fimmtudaginn 5.janúar
Kl. 19 fyrir 13 - 15 ára
Kl. 20 fyrir 16 - 25 ára
// ÁMSKEIÐ FYRIR 10 - RA
7.febrúar - þriðjudagar kl. 16-19
// NÁMSKEIÐ FYRIR 13 - 15 ÁRA
17. janúar - þriðjudagar kl. 17-21
/ NÁMSKEIÐ FYRI 16-20 ÁRA
16. janúar - mánudagar kl. 18-22
16 .febrúar - fimmtudagar kl.18-22

// NÁMSKEIÐ FYRIR 21-25 ÁRA
18. janúar - miðvikudagar kl. 18-22
// dale.is
Kíktu á dale.is og sjáðu hvað aðrir
þátttakendur höfðu að segja um þjálfunina.
2