Fréttablaðið - 07.12.2015, Blaðsíða 2

SKREYTUM HÚS
45% AFSLÁTTUR
SÁ ALLRA VINSÆLASTI
TIL JÓLA
Soffía Dögg hjá Skreytum
hús valdi litinn
Fæst einungis í Slippfélaginu
Borgartúni 22 Rvk. Dugguvogi 4 Rvk.
Gleráreyrum 2 Ak. Dalshrauni 11 Hfj.
S ími : 5 8 8 8000
s l ipp fe l ag id . i s
FRÍAR
LITAPRUFUR
Það er engin tilviljun að
Skreytum hús liturinn okkar
er einn sá allra vinsælasti.
SamfélagSmál Kvenkyns fórnarlömb
mansals eiga kost á öruggri neyðar-
dvöl á vegum velferðarráðuneytisins í
Kvennaathvarfinu, segir Eygló Harðar-
dóttir, félags- og húsnæðismálaráð-
herra. Engin sérútbúin úrræði eru hins
vegar til fyrir karlmenn og börn.
Þurfi karl á húsnæðisúrræði að
halda er leyst úr því með dvöl á gisti-
heimili sem félagsþjónusta sveitarfé-
lags sér um eða með öðrum tryggum
hætti í samráði við lögregluyfirvöld.
Þetta kemur fram í svari Eyglóar á
Alþingi við fyrirspurn frá Jóhönnu
Maríu Sigmundsdóttur, þingmanni
Framsóknarflokks, um eftirfylgni áætl-
unar um aðgerðir gegn mansali.
Í áætlun ríkisstjórnarinnar um
aðgerðir gegn mansali 2013-2016 er
velferðarráðuneytið skráð fyrir þrem-
ur þáttum. Í fyrsta lagi að tryggja að
öllum fórnarlömbum mansals standi
til boða líkamleg, félagsleg og sálræn
aðstoð. Í öðru lagi að tryggja öruggt
húsnæði fyrir öll fórnarlömb mansals
og í þriðja lagi að skoða möguleika á að
þróa úrræði til að bæta félagslega færni
og andlega líðan þeirra.
Eygló segir dæmi um að fórnar-
lömb mansals hafi leitað til heilsu-
gæslustöðva og Landspítalans þar sem
þau hafi eftir atvikum notið þjónustu
neyðarmóttöku, geðsviðs og fæðingar-
deildar, en þau eigi aðeins rétt á heil-
brigðisþjónustu í neyðartilvikum.
Þá segir Eygló ráðuneytið endur-
greiða félagslega ráðgjöf og fjárhagsað-
stoð fyrir brýnustu nauðsynjum.
Á vegum velferðarráðuneytis starfa
tvö teymi sem vinna í samræmi við
framangreindar þrjár aðgerðir. Annað
teymið er samráðs- og samhæfingar-
teymi, en hitt er framkvæmdateymi
sem tekur einstök mál til meðferðar.
Síðustu tvö ár hefur verið lögð
áhersla á fræðslu um mansal vegna
þess að ekkert fjármagn fylgdi
aðgerðaáætlun ríkisstjórnar gegn
mansali. Í skýrslu bandaríska utan-
ríkisráðuneytisins frá því í sumar er
aðgerðaleysi stjórnvalda gagnrýnt.
Sigþrúður Guðmundsdóttir,
fræðslu- og framkvæmdastýra
Kvennaathvarfsins, segir ekki koma
til greina hjá athvarfinu að taka á móti
karlmönnum eða börnum. Mæður
geta þó dvalið með börnum sínum í
athvarfinu en þá eru börnin á ábyrgð
mæðra sinna.
„Við getum ekki tekið ábyrgð á börn-
um, við höfum ekki til þess leyfi og það
samræmist ekki okkar starfsemi. Það
vantar góð úrræði fyrir karla og börn.“
Aðeins ein kona hefur dvalið í
Kvennaathvarfinu á vegum velferðar-
ráðuneytisins síðan það gerði sam-
starfssamning við Kvennaathvarfið.
„Árinu áður dvöldu hér margar konur
sem voru grunuð mansalsfórnarlömb
og þurftu margar á mikilli þjónustu að
halda.“
Sigþrúður segir margt óljóst þótt
nú hafi verið ákveðið að þegar grun-
ur vakni um mansal sé sett af stað
neyðar teymi sem hugi að þörfum
fórnarlambsins. „Það eru engir skýrir
verkferlar til. Það er ekki hægt að
útskýra fyrir grunuðu fórnarlambi
mansals hvað bíður þess ákveði það
að segja sögu sína,“ segir hún og segir
með því hvatann til að greina frá man-
sali lítinn. kristjanabjorg@frettabladid.is
Bara eitt fórnarlamb í
athvarfinu síðustu 2 ár
Eygló Harðardóttir félagsmálaráðherra segir velferðarráðuneytið veita kven-
kyns fórnarlömbum mansals örugga neyðardvöl í Kvennaathvarfinu. Fyrir karla
og börn sem eru fórnarlömb mansals eru engin úrræði.
Eygló Harðardóttir greinir frá því að vel-
ferðarráðuneytið endurgreiði kostnað
sveitarfélaga af nauðsynlegri þjónustu til
fórnarlamba mansals. Fréttablaðið/Ernir
Við getum ekki
tekið ábyrgð á
börnum, við höfum ekki til
þess leyfi og það
samræmist ekki
okkar starf-
semi. Það
vantar góð
úrræði fyrir
karla og börn.
Sigþrúður Guðmundsdóttir, fræðslu- og
framkvæmdastýra Kvennaathvarfsins
Vaxandi austanátt, fyrst sunnan til á landinu.
Mjög hvasst og fer að snjóa sunnanlands
síðdegis. Annað kvöld er spáð ofsaveðri eða
fárviðri víða á landinu og þá er best að halda
sig innandyra! Óveðrinu fylgir snjókoma,
en talsverð slydda eða rigning á Suður- og
Suðausturlandi. Sjá Síðu 20
Veður Lognið á undan storminum
Í gær lögðu margir leið sína í Ártúnsbrekku í Reykjavík til að nýta snjóinn í skíðaiðkun. Jafnt ungir sem aldnir höfðu gaman af hreyfingunni eins og sjá
má þrátt fyrir að kuldinn færi niður í sjö gráðu frost. Hlíðarfjalli var hins vegar lokað í gær og voru margir ósáttir við þá ákvörðun. Fréttablaðið/VilHElm
finnland Finnska ríkisstjórnin legg-
ur um þessar mundir drög að innleið-
ingu grunnframfærslu sem nemur 800
evrum, jafnvirði 113 þúsu"nd íslenskra
króna, skattfrjálst til allra í hverjum
mánuði. Í staðinn verða allar bætur
lagðar niður.
Samkvæmt könnun sem gerð var
af finnsku félagstryggingastofnuninni
sem fer með málið studdu 69 prósent
tillöguna. Samkvæmt Bloomberg
nemur kostnaðurinn af þessu á ári
52,2 milljörðum evra, jafnvirði 7.400
milljarða íslenskra króna. Lokatil-
laga verður ekki kynnt fyrir finnska
þinginu fyrr en í nóvember á næsta ári.
Hér hafa þingmenn Pírata lagt
fram þingsályktunartillögu um borg-
aralaun, eða skilyrðislausa grunn-
framfærslu. Hugmyndin er að leysa
almannatryggingakerfið að langmestu
af hólmi. Lagt var til að félagsmálaráð-
herra yrði falið að skipa starfshóp til
að kortleggja leiðir til að tryggja öllum
borgurum landsins skilyrðislausa
grunnframfærslu með það að mark-
miði að styrkja efnahagsleg og félags-
leg réttindi fólks og útrýma fátækt. – sg
Finnar
leggja til
laun fyrir
borgarana
RúSSland Kirsan Iljúmtsjínov,
forseti Alþjóðaskáksambandsins
(FIDE), hefur ákveðið að stíga tíma-
bundið til hliðar. Georgios Makro-
poulos gegnir embættinu á meðan.
Ástæðan er refsiaðgerðir Banda-
ríkjanna gagnvart Iljúmtsjínov.
Tengsl hans við Sýrland eru afar náin
en honum er gefið að sök að hafa
aðstoðað Assad Sýrlandsforseta og
Seðlabanka Sýrlands við að flytja fjár-
magn til og frá Sýrlandi.
Iljúmtsjínov á sér skrautlega fortíð,
en hann naut áhrifa í gegn um KGB,
leyniþjónustu Sovétríkjanna, var góð-
vinur Muammars Gaddafi, fyrrverandi
leiðtoga Líbíu, og trúir staðfastlega á
tilvist geimvera og telur sig hafa verið
numinn á brott af þeim árið 1997. – srs
Forseti FIDE
stígur til hliðar
BRetland Yfir þúsund manns hafa
þurft að yfirgefa heimili sín á Bret-
landi vegna stormsins Desmond
síðustu daga. Mikið hvassviðri með
úrkomu hefur gengið yfir England
norðvestanvert og austurströnd
Skotlands.
Flóð vegna veðursins eru sögð
þau mestu í manna minnum. Í gær
voru um 55 þúsund heimili án raf-
magns. Breski herinn aðstoðar íbúa.
Tilkynnt hefur verið um eitt dauðs-
fall af völdum flóðanna. – gló
Þúsund þurft að
flýja heimili sín
7 . d e S e m B e R 2 0 1 5 m á n u d a g u R2 f R é t t i R ∙ f R é t t a B l a ð i ð