Fréttablaðið - 12.01.2016, Blaðsíða 1

— M e s t l e s n a dag b l a ð á Í s l a n d i * —9 . t ö l u b l a ð 1 6 . á r g a n g u r Þ r i ð J u d a g u r 1 2 . J a n ú a r 2 0 1 6
Fréttablaðið í dag
skoðun Þröstur Ólafsson skrifar
um einhæfni auðlinda og virðis­
keðjuna. 14-16
sport Hverjir fara á EM?18
Menning Franska kvikmynda­
hátíðin hefst bæði í Reykjavík og
á Akureyri í vikunni. 26-28
lÍfið Glamúr og glæsileiki á
Gullhnettinum. 32-34
plús 2 sérblöð l fólk l  bÍlar
*Samkvæmt prentmiðlakönnun Gallup apríl-júní 2015
dóMsMál „Henni finnst að lögregl­
an eigi ekki að geta komist upp með
svona án þess að neinn viti af því,“
segir Oddgeir Einarsson, lögmaður
ungrar stúlku sem hefur stefnt
íslenska ríkinu vegna handtöku á
Vesturlandi í ágúst síðastliðnum.
Stúlkan, sem var sextán ára þegar
atvikið átti sér stað, var farþegi í bíl
á leið frá Ólafsvík til Reykjavíkur
ásamt öðrum ungmennum þegar
lögregla stöðvar bílinn. Ungmenn­
in voru öll handtekin og færð á lög­
reglustöðina á Akranesi.
Stúlkan ber að þegar þangað hafi
verið komið hafi hún verið lokuð
inni í fangaklefa ásamt annarri
stúlku sem jafnframt var undir
lögaldri.
Í klefanum framkvæmdi lög­
regluþjónn líkamsleit á stúlkunni
að hinni viðstaddri og var henni
skipað að klæða sig úr öllum fötum.
Stúlkan hlýddi því og stóð nakin í
fangaklefanum.
Því næst var hún beðin að beygja
sig fram og lögregluþjónn skoðaði
kynfæri hennar og rass, án snert­
ingar.
Áður en þetta átti sér stað var
hvorki haft samband við foreldra
stúlkunnar, né barnavernd.
Lögmaður stúlkunnar hafði í
kjölfarið samband við lögreglu til
að fá upplýsingar um það hvers
vegna stúlkan mátti þola þessa
meðferð. Þegar óskað var eftir
gögnum málsins kom í ljós að lög­
regluskýrsla var ekki skrifuð um
atvikið fyrr en eftir að lögmaður
hafði hringt og spurst fyrir um
málið, eða 22 dögum eftir atvikið.
Í lögregluskýrslunni kemur fram
að nafnlaus ábending hafi borist
lögreglu um að fíkniefni kynnu að
vera í bílnum og að ökumaður væri
undir áhrifum þeirra.
Þá segir að stúlkan hafi ekki verið
beðin um að afklæðast heldur hafi
aðeins verið „kíkt ofan í nærbuxur“
hennar. Stúlkan mótmælir því og
kveðst ekki hafa verið í nærbuxum
þetta kvöld. Engin fíkniefni fundust
í bílnum eða á ungmennunum.
„Við erum að fara í þetta mál því
þetta lá mjög þungt á henni. Hún
verður fyrir andlegu tjóni og vill fá
staðfestingu á því að þetta hafi ekki
verið rétt gert,“ segir Oddgeir.
„En alveg sama þó maður taki
allt sem þeir segja, þá stenst þetta
engan veginn og er alveg út í hött.
Það er umdeilt hvort það hafi verið
kíkt ofan í nærbuxur eða hún látin
afklæðast algjörlega. Hvort fyrir sig
er náttúrulega alls ekki rétt aðferð.“
Engin svör fengust frá lögregl­
unni á Vesturlandi vegna málsins.
– snæ
Létu 16 ára stúlku afklæðast
Nafnlaus ábending um fíkniefnavörslu varð til þess að ungmenni voru handtekin á Vesturlandi. Leitað var
innanklæða á 16 ára stúlku. Hvorki var haft samband við foreldra stúlkunnar né barnaverndaryfirvöld.
Það er umdeilt
hvort það hafi verið
kíkt ofan í nærbuxur eða
hún látin afklæðast algjör-
lega.
Oddgeir Einarsson
lögmaður stúlkunnar
Engin fíkniefni fundust
við leit lögreglu.
Búið um brákaðan úlnlið í gær Mikil hálka var í höfuðborginni í gær og leituðu tugir manna á bráðamóttöku Landspítalans í Fossvogi vegna hálku-
slysa, margir brotnir, til að mynda á ökkla eða úlnlið. Annir vegna hálkuslysanna voru slíkar að ekki var ráðrúm til að taka saman hversu margir
hefðu leitað á sjúkrahúsið vegna þeirra. Í tilkynningu sem Landspítalinn sendi frá sér í gær er brýnt fyrir fólki að fara varlega. Fréttablaðið/Ernir