Fréttablaðið - 30.10.2018, Blaðsíða 25
Við venjulegt heimilishald fellur ýmislegt til sem hægt er að nota aftur og aftur og aftur.
● Best er að kaupa alltaf sem
stærstar umbúðir af mat sem
geymist vel, eins og þurrvöru
og drykkjarföngum en hafirðu
einhvern tíma keypt litla djús-
flösku eða hálfan lítra af gosi
er hún mjög vel endurnýtanleg
sem vatnsflaska eða undir önnur
drykkjarföng í gönguferð, skóla-
nesti eða útilegu. Mun betri en að
kaupa nýjan plastbrúsa.
● Plastbox undan salati og
hummus til að mynda eru líka
miklu umhverfisvænni nestisbox í
skóla eða ferðalög en þegar keypt
eru glæný plastbox.
● Glerkrukkur gera bæði gagn og
geta verið til ánægju. Þær eru afar
notadrjúgar sem geymsla undir
þurrvöru sem keypt hefur verið í
stórum pakkningum og matarleif-
ar í ísskápinn. Þá er einnig hægt
að mála þær, nota sem fallegar
skálar og undir allt dótið sem til
fellur á heimilinu. Glerkrukkur
má einnig nýta þegar verslað er
við umbúðalausar verslanir.
● Allt of mikið af plasti kemur inn á
hvert heimili í formi poka, plast-
filmu utan af mat og ýmissa poka
og smáumbúða. Þetta má þó flest
nýta aftur nokkrum sinnum og
heimilin ættu að vera löngu hætt
að kaupa litla nestispoka eða
plastfilmurúllur þegar feikinóg
kemur af plasti inn á heimilið í
hverri viku. Þá er plastpokinn úr
búðinni margnota og hægt að
fara með sama pokann nokkrum
sinnum til að versla.
● Gömul handklæði og rúmföt er
hægt að klippa niður og nota í
tuskur sem virka að minnsta kosti
jafnvel og flestar hreingerninga-
tuskur eða borðklútar sem fást til
kaups.
● Gamlir tannburstar virka vel til
að skrúbba alla staðina sem erfitt
er að ná til með venjulegri tusku
og duga einkar vel þegar pússa á
silfur.
● Gamlir lúnir kaffibollar og
tekönnur geta orðið einkar fal-
legir blómapottar.
● Notið dagblaðapappír í staðinn
fyrir gjafapappír, nú er til dæmis
lag að byrja að safna opnum með
fallegu jólaefni til að nota utan
um jólagjafirnar.
● Endurnýtið gjafapappír. Ef varlega
er farið með gjafapappír er ekkert
mál að endurnýta hann aftur og
aftur. Gjafapappír er yfirleitt ekki
hægt að endurvinna og hann
endar því alltaf á ruslahaugunum.
Endurvinnsla er gríðarlega
mikilvæg en endurnýting er enn
betri fyrir umhverfið. Virðing fyrir
hráefnunum sem verða á vegi okkar
á hverjum degi er lykilatriði til þess
að viðhalda sjálfbæru lífi til fram-
tíðar.
Endurvinnslan hefst heima
Jarðarbúar gera sér smátt og smátt grein fyrir því að auðlindir jarðar eru ekki óþrjótandi og að ein-
nota er ekki lengur í boði ef ætlunin er að halda áfram að búa og lifa á jörðinni. Endurvinnsla byrj-
ar heima og best er að nýta það sem til fellur á heimilinu aftur frekar en að kaupa stöðugt nýtt.
Krukkur eru
til ýmissa
hluta nyt-
samlegar,
hér má til
dæmis líta
girnilegt,
lagskipt há-
degisnesti.
Brynhildur
Björnsdóttir
brynhildur@frettabladid.is
Allir tannburstarnir sem ganga úr
sér eru kjörnir til að þrífa öll litlu
skúmaskotin sem erfitt er að komast
að með tusku.
4 KYNNINGARBLAÐ 3 0 . O K TÓ B E R 2 0 1 8 Þ R I ÐJ U DAG U RENDURVINNSLA
Upplýsingar í síma 535 2550
Nú flokkum við!
Ecodepo flokkunarbarirnir eru ódýrir og endingargóðir pokastandar þar sem mismunandi litir eru
notaðir til að greina sundur úrgang og koma honum í réttan farveg. Þeim er víða hægt að koma
fyrir og þeir fara vel í flestu umhverfi. Ecodepo hefur fengið fjölda verðlauna bæði fyrir hönnun og
hve auðveldir þeir eru í allri umhirðu.
Litrík, létt og lífleg lausn!
43
0.
09
4/
10
.1
8
Hringhella 6 • 221 Hafnarfjörður • Sími: 535 2550 • info@hafnarbakki.is • www.hafnarbakki.is