Fréttablaðið - 30.10.2018, Blaðsíða 47

SÍMAR AUGLÝSINGADEILDIR – AUGLÝSINGASTJÓRI: Jóhanna Helga Viðardóttir johannahelga@frettabladid.is ALMENNAR AUGLÝSINGAR: SÍMI 512-5401:
Gústaf Bjarnason gustaf@frettabladid.is, Hjördís Zoëga hjordis@frettabladid.is, Sigfús Örn Einarsson sigfus@frettabladid.is, Valdimar Birgisson valdimar@frettabladid.is
Örn Geirsson orn.geirsson@frettabladid.is FÓLK/SÉRBLÖÐ SÍMI 512-5402: Atli Bergmann atli@frettabladid.is, Arnar Magnússon arnarm@frettabladid.is, Jón Ívar
Vilhelmsson jonivar@frettabladid.is, Ruth Bergsdóttir ruth@frettabladid.is. FÓLK OG SÉRBLÖÐ EFNI: Elín Albertsdóttir elin@frettabladid.is og Ragnheiður Tryggvadóttir
heida@frettabladid.is RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@frettabladid.is, Viðar Ingi Pétursson vip@frettabladid.is
ÞJÓNUSTUAUGLÝSINGAR SÍMI 512-5407: Arna Rut Kristinsdóttir arnarut@frettabladid.is, Guðrún Inga Grétarsdóttir gudruninga@frettabladid.is
VIÐ SJÁUM UM BRÚÐKAUPIÐ
ÞÚ ÞARFT BARA AÐ SEGJA JÁ!
Við leigjum og seljum
Tjöld, borð og stóla, uppblásna sófa, hljóðkerfi, ljósakerfi,
skjávarpa og sýningartjöld, confetti sprengjur.
Sláðu á þráðinn ef eitthvað af þessu er að vefjast fyrir þér.
Það eina sem þú þarft að gera er að skemmta þér.
www.exton.is
EXTON AKUREYRI
S: 575-4660
AKUREYRI@EXTON.IS
EXTON REYKJAVÍK
S: 575-4600
EXTON@EXTON.IS
s. 511 1100 | www.rymi.is
gRa afm ns akkatj r
Ky ga ve ð:nnin r r
8 897 k . m/v2 2. r sk
B jórmenningin á Íslandi er að blómstra og ný brugghús sífellt að bætast í flóruna. Kex Brewing nefnist eitt þeirra en þar hyggja
menn á innrás á innlendan markað
auk þess sem dreifing beggja vegna
Atlantshafsins er í kortunum.
KEX Brewing er brugghús sem
varð til á KEX hosteli árið 2017 í
framhaldi af bjórhátíðinni sem
þar hefur verið haldin síðustu
árin. Aðaleigendur þess eru Ólafur
Ágústsson, Hinrik Carl Ellertsson
og Kristinn Vilbergsson. Hinrik og
Ólafur eru báðir matreiðslumenn
og segir Ólafur að það liti bjórana
þeirra ansi mikið.
„Við gerum bjór út frá því sem við
þekkjum sem kokkar – við gerum
auðvitað ekki bjór sem gengur ekki
upp hvað bragðið snertir.“
Á bjórhátíðinni hafa þeir verið
með hjá sér mörg af eftirsóttustu
brugghúsum heims – á síðasta
ári mættu fulltrúar 50 brugghúsa
á hátíðina. Reynsla þeirra félaga
bæði af hátíðinni sem og barnum
Mikkeller & Friends, sem þeir
opnuðu árið 2015, var slík að það
lá algjörlega beint við að fara út í að
brugga eigin bjór næst.
„Við höfum alltaf hugsað þetta
svona vegna þess að við þekkjum
þennan heim frekar vel og höfum
verið í þessu umhverfi nokkuð
lengi – við höfum verið með bjór-
festivalið okkar núna í sjö ár og
þekkjum þennan bransa því mjög
vel. Við ákváðum því að stofna
brugghús og gera það almennilega,“
segir Ólafur þegar blaðamaður nær
í hann. Hann er nú staddur á bjór-
festivalinu MASH Beer Festival í
Barcelona en þeir fara reglulega til
útlanda til að kynna sig og kynn-
ast öðrum. Ólafur og Kristinn eru
staddir í Barcelona og Hinrik er á
sama tíma í sömu erindagjörðum
í Kína, en þar í landi eru menn
gríðarlega spenntir fyrir norrænum
bjórum.
„Fyrir okkur snýst þetta um að
gera góðan bjór og kynnast góðum
bjór heima á Íslandi, sýna okkar
fólki hvað er hægt að gera. Að sama
skapi viljum við líka kynna okkur
úti í hinum stóra heimi, ekki vera
með neina minnimáttarkennd
heldur bara gera þetta, fara út og
kynnast því sem þar er í gangi.“
KEX Brewing hefur verið að selja
bjór á 20 staði í Reykjavík en planið
er að setja bjór í dósir sem verða
komnar í Vínbúðina um jólin.
„Við erum á fullri ferð með það.
Þetta verða þrír bjórar: það er port-
er, svona massamjúkur og þægi-
legur bjór, fullt af laktósa og súkku-
laðimalti. Svo erum við með súran
bjór sem er með mandarínum –
það er pælingin að það verði hægt
að taka þennan súra bjór og blanda
honum við porterinn og það verði
dálítið eins og malt og appelsín.
Svo verðum við með Kexmas Sess-
ion IPA, sem verður jólaútgáfan af
okkar mest selda bjór, Thunder
Ale.“
Ólafur segir þetta lið í því að
þeir séu að fara í smá sókn inn á
íslenska markaðinn. En hann segir
þá horfa lengra en bara til Íslands
– þeir eru að flytja bjór nú þegar til
Danmerkur, Svíþjóðar og Sviss og
hyggja á frekari dreifingu.
„Planið er að framleiða okkar
bjóra hér á Spáni og dreifa þeim
á markaði í Evrópu. Og við erum
líka að semja við aðila í Portland,
Oregon, þar sem við myndum líka
fá dreifingu á bjórunum um Banda-
ríkin.“ stefanthor@frettabladid.is
Íslenskur bjór beggja
vegna Atlantshafs
Ólafur Ágústsson er ásamt Hinriki Carl Ellertssyni og Kristni Vilbergssyni einn aðaleigandi KEX Brewing sem hefur
starfað síðan 2017. Von er á bjórum í Vínbúðina fyrir jól og svo er næsta skref útrás. MYND/LILJA JÓNSDÓTTIR
KEX Brewing er
brugghús stofnað af
mönnum sem hafa
lifað og hrærst í bjór-
senunni hér á landi
síðustu sjö árin og
eru nú loksins farnir
að brugga eigin bjór.
Bjórar frá þeim lenda
í Vínbúðinni fyrir jól
og aðrir fá dreifingu
í Evrópu og Ameríku.
ÞAÐ ER PÆLINGIN AÐ
ÞAÐ VERÐI HÆGT AÐ
TAKA ÞENNAN SÚRA BJÓR OG
BLANDA HONUM VIÐ PORTER-
INN OG ÞAÐ VERÐI DÁLÍTIÐ
EINS OG MALT OG
APPELSÍN.
3 0 . O K T Ó B E R 2 0 1 8 Þ R I Ð J U D A G U R30 L Í F I Ð ∙ F R É T T A B L A Ð I Ð