Morgunblaðið - 06.09.2019, Qupperneq 34

34 ÍÞRÓTTIR
MORGUNBLAÐIÐ FÖSTUDAGUR 6. SEPTEMBER 2019
KNATTSPYRNA
Undankeppni EM U21 karla:
Víkingsv.: Ísland – Lúxemborg................ 17
Úrvalsdeild kvenna, Pepsi Max-deildin:
Kórinn: HK/Víkingur – Breiðablik ..... 19.15
1. deild karla, Inkasso-deildin:
Eimskipsvöllur: Þróttur R. – Fram......... 20
3. deild karla:
KR-völlur: KV – KH ................................. 19
1. deild kvenna, Inkasso-deildin:
Eimskipsvöllur: Þróttur R. – FH............. 17
Hertz-völlur: ÍR – Grindavík............... 17.30
Ásvellir: Haukar – Fjölnir ................... 19.15
Kópavogsvöllur: Augnablik – ÍA ............. 20
HANDKNATTLEIKUR
EHF-bikar kvenna, fyrri leikur:
Origo-höllin: Skuru – Valur ................. 19.30
Í KVÖLD!
 Halldóri Jóhanni Sigfússyni hefur
verið sagt upp störfum hjá handknatt-
leikssambandi Barein en hann þjálfaði
þar 21-árs og 19 ára landslið þjóð-
arinnar, og var aðstoðarþjálfari hjá
Aroni Kristjánssyni, þjálfara A-
landsliðsins. Halldór sagði við Vísi í
gær að Bareinar hefðu verið ósáttir við
að hann hefði nýtt sér fjögurra vikna
frí sem samið hafði verið um og vildu
stytta það niður í tíu daga. Sér hefði
síðan verið sagt upp með WhatsApp-
skilaboðum.
 Arnar Freyr Arnarsson, línumaður
GOG í Danmörku og íslenska lands-
liðsins í handknattleik, fer til þýska fé-
lagsins Melsungen næsta sumar, sam-
kvæmt frétt TV2 í Danmörku í gær.
Félag hans vildi ekki ræða málið við
TV2 en Arnar kom til GOG frá Kristi-
anstad í Svíþjóð í sumar og myndi þá
aðeins staldra við þar í eitt ár ef frétt-
in er á rökum reist.
 Birgir Leifur Hafþórsson og Guð-
mundur Ágúst Kristjánsson léku báð-
ir á 67 höggum, þremur höggum undir
pari vallarins, á fyrsta hring Opna de
Bretagne-mótinu í golfi í Frakklandi í
gær en mótið er liður í Áskor-
endamótaröðinni. Þeir eru jafnir í öðru
sæti, einu höggi á eftir Englend-
ingnum Robert Dinwiddie.
 Þeir Axel Bóasson og Aron Bergs-
son féllu í gær úr leik á SM Match-
mótinu í golfi í Svíþjóð þegar þeir töp-
uðu fyrir sænskum keppendum í 32
manna úrslitum í holukeppni. Axel
tapaði fyrir Adam Eineving og Aron
tapaði fyrir Christian Sahlström.
 Frjálsíþróttakonan María Rún
Gunnlaugsdóttir úr FH varð efst í sjö-
þraut á danska meistaramótinu í fjöl-
þrautum sem fram fór í Kaupmanna-
höfn um síðustu helgi. Danski
meistarinn fékk 5.151 stig en María
hlaut 5.285 stig og
vann tvær greinar af
sjö, hástökk og 200
m hlaup. Besti árang-
ur hennar er
5.562 stig,
sem hún
náði fyrr í
sumar og
María er í
fjórða sæti á af-
rekalista grein-
arinnar hér-
lendis frá
upphafi. Í móts-
lok kom í ljós að
María væri með
sprungu í öðrum
fótleggnum en
hún segir frá
því í viðtali á
mbl.is/sport.
Eitt
ogannað
EM 2020
Víðir Sigurðsson
vs@mbl.is
Þegar árangur karlalandsliðs Mold-
óvu í knattspyrnu er skoðaður er
skiljanlegt að flestir geri ráð fyrir ís-
lenskum sigri í viðureign þjóðanna í
undankeppni EM á Laugardalsvell-
inum síðdegis á morgun.
Landslið Moldóvu er í 135. sæti
heimslista FIFA og einu sigurleikir
liðsins undanfarin fimm ár eru gegn
Andorra og San Marínó. Moldóvum
hefur m.a. ekki tekist að vinna
Lúxemborg eða Liechtenstein í fimm
leikjum gegn þessum þjóðum á þess-
um fimm árum.
Liðið vann tvo leiki af sex í D-deild
Þjóðadeildar UEFA síðasta haust,
báða gegn San Marínó, 2:0 heima og
1:0 úti. Þar fékk liðið m.a. 4:0 skell í
útileiknum gegn Lúxemborg.
Í þeim fjórum umferðum sem bún-
ar eru í undankeppni EM hefur Mol-
dóva tapað 1:4 fyrir Frakklandi á
heimavelli, 0:4 fyrir Tyrklandi á úti-
velli og 0:2 fyrir Albaníu á útivelli en
unnið heimasigur gegn Andorra, 1:0,
þar sem Igor Armas, reyndasti varn-
armaður liðsins, skoraði sigur-
markið.
Ísland og Moldóva hafa aldrei áður
mæst í A-landsleik, en Moldóvar
fengu sjálfstæði árið 1991 þegar Sov-
étríkin liðuðust í sundur. Um leið var
hið gamla nafn sovétlýðveldisins,
Moldavía, lagt niður og landið hefur
frá þeim tíma borið nafnið Moldóva.
Moldóvar hafa frá 1994 leikið 120
leiki í undankeppnum EM og HM og
aðeins unnið 17 þeirra en tapað 82.
Sá nýi er 73 ára gamall
Í kjölfarið á slæmu gengi í undan-
keppninni til þessa var landsliðsþjálf-
arinn Alexandru Spiridon látinn taka
pokann sinn í sumar, eftir 2:0 ósig-
urinn í Albaníu, og í stað hans var
ráðinn Semen Altman, 73 ára gamall
Úkraínumaður sem hefur þjálfað fé-
lagslið í Úkraínu, Rússlandi og Mol-
dóvu og verið aðstoðarþjálfari úkra-
ínska landsliðsins.
Altman hefur gert talsverðar
breytingar á leikmannahópnum frá
leikjunum í júní en sumar þeirra
þurfti hann að gera vegna meiðsla.
Leikjahæsti landsliðsmaður Mold-
óvu, Alexandru Epureanu, leikmaður
Istanbul Basaksehir í Tyrklandi, er
meiddur. Sama er að segja um Vitalie
Damascan, efnilegasta leikmann liðs-
ins, sem spilar með Fortuna Sittard í
Hollandi, og Alexandru Antoniuc,
sem er reyndur miðjumaður. Þeir
Damascan og Antoniuc þurftu báðir
að draga sig út úr hópnum eftir að
hann kom saman til æfinga fyrir leik-
ina tvo, en Moldóvar taka á móti
Tyrkjum næsta þriðjudag, og þá eru
tveir leikmenn frá Sheriff Tiraspol
sem hafa verið í hópnum að und-
anförnu ekki leikfærir vegna meiðsla.
Lykilmaður frá
Cagliari á miðjunni
Þrír leikmenn í hópi Moldóva spila
með liðum í vesturhluta Evrópu.
Þeirra öflugastur er miðjumaðurinn
Artur Ionita, sem hefur leikið 93 leiki
með Cagliari í ítölsku A-deildinni
undanfarin þrjú ár. Oleg Reabciuk er
21 árs gamall bakvörður hjá Pacos de
Ferreira í Portúgal, en hann hefur
leikið með varaliði Porto undanfarin
tvö ár, og Alexei Koselev er aðal-
markvörður Fortuna Sittard í hol-
lensku úrvalsdeildinni.
Miðjumennirnir Catalin Carp og
Radu Ginsari spila í rússnesku úr-
valsdeildinni, með Ufa og Krilia Sov-
etov, en aðrir leika með liðum í Mold-
óvu, Rúmeníu og Aserbaídsjan.
Moldóvskur fótbolti er annars best
þekktur í Evrópu fyrir frammistöðu
Sheriff Tiraspol í Evrópumótunum.
Liðið lék einmitt hér á landi í fyrra og
sló þá Val naumlega út. Sheriff hefur
fjórum sinnum á síðustu tíu árum
komist í riðlakeppni Evrópudeild-
arinnar og oft náð góðum úrslitum
gegn sterkum liðum.
Moldóvar mæta með nýj-
an þjálfara í Laugardalinn
 Miklar breytingar á liðinu  Moldóva hefur unnið fáa leiki undanfarin ár
Ljósmynd/Knattspyrnusamband Moldóvu
Moldóva Byrjunarliðið sem vann Andorra 1:0 í undankeppni EM 8. júní. Aftari röð frá vinstri: Ionita, Koselev,
Carp, Armas, Efros og Ginsari. Fremri röð: Damascan, Jardan, Reabciuk, Suvorov og Antoniuc.
Leiknir úr Reykjavík styrkti stöðu sína í baráttunni um
sæti í úrvalsdeild karla í fótbolta verulega í gærkvöld
með því að vinna Keflvíkinga 1:0 í Breiðholtinu. Sólon
Breki Leifsson skoraði sigurmarkið á lokamínútum
leiksins.
Þar með skutust Leiknismenn upp í þriðja sætið og
settu aukna pressu á Fjölni og Gróttu sem eru tveimur
og einu stigi ofar en eiga leik til góða. Leiknir á eftir að
mæta Fjölni í næstsíðustu umferð deildarinnar og þar
gæti mikið verið undir.
Kristófer Dan Þórðarson skoraði þrennu og lagði
upp eitt mark þegar Haukar unnu Njarðvík 4:0 í mikl-
um fallslag á Ásvöllum. Þar með eiga nú Haukar alla
möguleika á að bjarga sér frá falli en ljóst er að Njarð-
víkingar verða að vinna bæði Gróttu og Víking frá
Ólafsvík til að eiga möguleika á að forðast fall.
Morgunblaðið/Kristinn Magnússon
Toppbarátta Leiknismaðurinn Ernir Bjarnason með boltann í leiknum gegn Keflvíkingum í gær.
Leiknir setur pressu á toppliðin
Eva Björk Dav-
íðsdóttir, lands-
liðskona í hand-
knattleik, verður
í þeirri sérstöku
stöðu að vera
mótherji Vals
þegar sænska lið-
ið Skuru heim-
sækir Hlíð-
arendaliðið í 1.
umferð EHF-
bikarsins. Liðin mætast á Hlíð-
arenda í kvöld klukkan 19.30 og aft-
ur á sunnudagskvöldið en félögin
sömdu um að báðir leikir þeirra
færu fram hér á landi. Sigurliðið
mætir Zevzda Zvenigorod frá Rúss-
landi í 2. umferð.
Eva gekk til liðs við Skuru í sum-
ar, eftir að hafa leikið með Ajax í
Danmörku, en liðið varð sænskur
deildarmeistari síðasta vetur og tap-
aði úrslitaeinvígi um meistaratit-
ilinn.
Eva telur að Skuru sé með sterk-
ara lið en Valur. „Ég myndi segja
það. Þetta er samt fyrsta ár mitt í
sænsku deildinni þannig að það er
erfitt að meta það almennilega, en
mér finnst við vera með sterkt lið og
ég tel möguleika okkar vera góða,“
sagði Eva Björk í gær en viðtalið við
hana í heild er að finna á mbl.is/
sport/handbolti.
Eva Björk
mætir Val á
Hlíðarenda
Eva Björk
Davíðsdóttir