Skátablaðið - 15.10.2007, Blaðsíða 5

Efnisyfirlit
Ávarp skátahöfðingja
Alheimsmót skáta
Mesta ævintýri sem nokkur skáti
getur hugsað sér.....................6
Jamboree-ið mitt.....................8
Forseti (slands í heimsókn . . ....10
Ferðin á Brownsea ey|u.............11
Á Víkingaslóð
Landsmót skáta 2008 .............. 12
Á Uifljótsvatni er hopp og hí......13
Alvehkreptuhr
Geysir 2007 ...................... 14
Hvað er Roverway ..................16
Félagsútilega Hraunbúa ............18
Myndir frá afmælismóti 2007 ....... 19
Skátar leiðtogar framtíðarinnar
Ný skátadagskrá ...................19
Sólrisa 1. ágúst upphaf nýrrar skátaaidar
1 00 ára afmæli skátastarfs .......20
Skátaskyrtan og peysan
Stjórn BIS hefu ákveðið að til að byrja með verði
skátaskyrtan áfram eins og hún hefur verið síðustu
ár - litur og útlit. Lögð verði áhersla á að skyrtan
sem slík verði meiri foringja- og eldri skátabúning-
ur. I stað dökk bláu peysanna verði fengnar dökk-
bláar Pólo-skyrtur. Því miður gerðist það síðan að
saumastofan sem saumað hefur skátaskyrturnar
fyrir BIS í 20 ár hætti störfum nú í sumar. Verið er að
leita að aðila til að sauma skyrturnar og getur það
þýtt að við verðum uppskroppa með einhverjar
stærðir framan af vetri. Þá er ekki von á Póló-skyrt-
unum fyrr en undir áramót en fram að því verða
bláu skátapeysurnar til.
100 ára almælisháhð
3. nóvember
Fyrirhugað er að halda upp á 100 ára afmæli
skátastarfs í heiminum með því að boða til veglegr-
ar afmælishátíðar 3. nóvember næst komandi.
Reiknað er með að hátíðin verði í íþróttahúsinu
Fífan í Kópavogi og verði á mjilli kl. 14:00-18:00.
Boðið verði upp á skátaíþróttir, þar með klifur í klif-
urturni, kassaklifur, fjölmargar skátaþrautir og hefð-
bundnar íþróttir, hoppikastala, sí-gangandi skáta-
söngvadagskrá og margt fleira. Og auðvitað Ijúk-
um við dagskránni með hefðbundinni flugeldasýn-
ingu. Skátafélög úti á landi eru hvött til að skreppa
í helgarútilegu á höfuðborgarsvæðið og reiknað er
með að skátafélögin þar taki vel á móti skátasyst-
kinum sínum af landsbyggðinni og veiti þeim húsa-
skjól í skátaheimilum sínum.
Tökum til eftir okkur!
Sumarið var frábært, var það ekki? Ég skemmti mér að
minnsta kosti vel á Landnemamóti og Afmælismóti þar
sem gleðin fór ekki framhjá nokkrum manni eða sá
ásetningur skátanna að skemmta sér og öðrum um leið
og við bætum heiminn sem við öll lifum í.
Heimsókn mín á Jamboree, Alheimsmót skáta í Eng-
landi í sumar stendur þó uppúr. Það var æðislegt að sjá
tugþúsundir ungmenna hvaðanæva að úr heiminum
starfa saman að skátaverkefnum í sátt og samlyndi, óháð
uppruna. Sérstaklega var ég stolt af íslensku þátttakendunum 430 sem stóu sig frábær-
lega og voru landi og þjóð til mikils sóma. Einnig vil ég þakka forseta Islands, Hr. Olafi
Ragnari Grímssyni og frú Dorrit Moussaieff fyrir þann áhuga og heiður sem þau sýndu
íslenskum skátum og skátahreyfingunni í heild með því að heimsækja mótið.
Nú er hávær umræða í þjóðfélaginu um umgengni , sérstaklega í tengslum við
skemmtanir. Hér er verðugt verkefni fyrir skáta til að ganga á undan með góðu for-
dæmi. Það er hreint út sagt forkastanlegt að sjá fólk henda tómun umbúðum beint á
götuna án þess að blikna. Það var ótrúlegt að upplifa á Alheimsmóti skáta þar sem 40
þúsund ungmenni dvöldu í 12 daga að hvergi sást rusl á víðavangi - hreint ótrúlegt!
Skátar sýnum nú gott fordæmi á komandi vetri og tökum til í kringum okkur, sýnum
fram á að það er einfalt mál að ganga vel um og bendum fólki á næstu ruslatunnu.
Með þessu verður allt okkar umhverfi hreinna og skemmtilegra.
Framundan er Landsmótsár og því nauðsynlegt að undirbúningur skáta og skátafé-
laga hefjist nú í byrjun vetrarstarfsins til þess að allir komi vel undirbúnir á Landsmót
skáta á Hömrum í júlí 2008.
Góða skátun,
Margrét Tómasdóttir
Skátahöfðingi
Nokkur orð frá ritstjóra
Þetta er síðasta tölublaðið í bili undir minni ritstjórn. Ég hef látið af
störfum sem fræðslustjóri BIS og er þessa dagana að hefja nám í Hol-
landi. Ég vill nota þetta tækifæri til að þakka öllum þeim sem ég hef
unnið með síðustu árin fyrir frábært samstarf og án efa mun ég koma
afturtil starfa fyrir skátahreyfinguna í framtíðinni.
Þegar ég dvaldi á Alheimsmóti skáta (WSJ) nú í sumar varð mér að enn og aftur
Ijóst hversu frábær þessi hreyfing er. Það er sama til hvaða lands þú kemur allstaðar
starfa skátar og þeir sameinast undir einu skátaheiti, lofa að gera eitthvað fyrir sig,
aðra og samfélagið.
I þessu blaði er að finna lýsingar á Alheimsmótinu, upplýsingar um landsmót og
Roverway. Nýja skátadagská og félagsútilegu Vogabúa síðasta haust. Haldið áfram
að senda inn efni í skátablaðið, það er það sem gerir það lifandi og skemmtilegt
aflestar, ykkar greinar.
Með skátakveðju,
Jón Ingvar Bragason
SKÁTABLAÐIÐ
5