Morgunblaðið - 24.10.2019, Side 6

6 FRÉTTIRInnlent
MORGUNBLAÐIÐ FIMMTUDAGUR 24. OKTÓBER 2019
Fulltrúar Barnaheilla, Save the
Children, afhentu í gærmorgun
Guðlaugi Þór Þórðarsyni utanríkis-
ráðherra áskorun um að stöðva
stríð gegn börnum. Var þess farið á
leit við ráðherrann að hann beiti
sér fyrir því á alþjóðavísu að stöðva
stríð gegn börnum og að Ísland
verði í fararbroddi þegar kemur að
þeirri vinnu.
„Við skorum á íslensk stjórnvöld
að tryggja börnum vernd gegn
drápum, limlestingum og hvers
kyns ofbeldi,“ segir meðal annars í
áskorun Barnaheilla til utanríkis-
ráðherra. Þá segir einnig í tilkynn-
ingu frá hópnum að barnsgrátur sé
eina alþjóðlega tungumálið í heim-
inum. „Við heyrum grátinn og mun-
um ekki sitja aðgerðalaus.“
Utanríkisráðherra afhent áskorun um að stöðva stríð gegn börnum
Morgunblaðið/Hari
Ísland beiti
sér í þágu
barna
Höskuldur Daði Magnússon
hdm@mbl.is
„Ég held að enginn landshluti myndi
segja nei við því að eiga til staðar
þyrluviðbragð við alvarlegum slys-
um og veikindum. Þetta er bara
spurning um forgangsröðun á fjár-
munum,“ segir Sigurður Einar Sig-
urðsson, framkvæmdastjóri lækn-
inga á Sjúkrahúsinu á Akureyri, en
miðstöð sjúkraflugs er á Akureyri og
heyrir undir sjúkrahúsið.
Grein tveggja sveitarstjórnarfull-
trúa á landsbyggðinni í Morgun-
blaðinu í gær þar sem fullyrt var að
staða sjúkraflugs væri óviðunandi
vakti nokkra athygli. Þær Hafdís
Gunnarsdóttir, formaður bæjarráðs
Ísafjarðarbæjar, og Hildur Sólveig
Sigurðardóttir, oddviti Sjálfstæðis-
flokksins í Vestmannaeyjum, röktu í
greininni að viðbragðstími vegna
sjúkraflutninga til Vestfjarða og
Vestmannaeyja hefði aukist í kjölfar
þess að sjúkraflugið var flutt til
Akureyrar og gæti það skipt sköpum
í sumum tilfellum. Miðað er við að
viðbragðstími sé ekki lengri en 35
mínútur í bráðatilfellum en geti
lengst í allt að 105 mínútur ef sjúkra-
flugvélin er að sinna öðru verkefni.
Benda þær á að sérútbúin sjúkra-
þyrla með staðarvakt sem staðsett
væri á Suðurlandi hefði margvíslega
kosti í för með sér. Mögulegt væri að
staðsetja björgunarþyrlur Land-
helgisgæslunnar víðar um landið, til
að mynda á Vestfjörðum.
Sigurður segir að þessum hug-
myndum hafi verið velt upp í skýrslu
starfshóps sem í fyrra skoðaði mögu-
lega aukna aðkomu Gæslunnar að
sjúkraflugi. Í kjölfarið hafi Svandís
Svavarsdóttir heilbrigðisráðherra í
byrjun þessa mánaðar skipað starfs-
hóp um stefnumótun í sjúkraflutn-
ingum til ársins 2030. Gert er ráð
fyrir að hópurinn skili drögum að
stefnu í sjúkraflutningum ásamt að-
gerðaáætlun eigi síðar en 15. desem-
ber næstkomandi.
„Þetta er ekkert óraunhæft, þann-
ig séð. Það þurfa að koma úrræði til
að bæta sjúkraflutninga á Suður-
landi,“ segir Sigurður þegar hann er
beðinn að leggja mat á hugmyndir
þeirra Hafdísar og Hildar. Hann
bendir hins vegar á að eigi þyrla að
vera til taks allan sólarhringinn á
Suðurlandi dugi ekki ein vakt; þar
þurfi hóp af sérhæfðu starfsfólki.
„Ég hef talið að hagkvæmasta lausn-
in væri að gera þyrlu Landhelgis-
gæslunnar að sjúkraþyrlu fyrst og
fremst. Ef menn telja sig eiga fjár-
muni í að halda úti tveimur þyrlu-
sveitum er ekkert því til fyrirstöðu.“
Vill leita til Gæslunnar
 Staða sjúkraflugs sögð óviðunandi  Stjórnandi á Sjúkrahúsinu á Akureyri
telur hagkvæmast að þyrla Gæslunnar fái aukið hlutverk  Starfshópur skipaður
Morgunblaðið/Kristinn Magnússon
Sjúkraflug Þyrla Landhelgisgæsl-
unnar við bráðamóttökuna nýverið.
„Ljóst er að undirbúningur fyrir
aukna aðkomu þyrlu að sjúkra-
flutningum tekur að minnsta
kosti eitt ár og árlegur kostn-
aður yrði frá 250 milljónum kr.
að 1.000 milljónum kr.,“ segir í
skýrslu starfshóps um mögu-
lega aukna aðkomu LHG að
sjúkraflugi. Tvær leiðir eru helst
taldar koma til greina. Sú fyrri
er að styrkja viðbragð LHG með
fleiri áhöfnum en sú seinni að
stofnsetja sérstaka sjúkraþyrlu
með stuttum útkallstíma og
sérhæfðum mannskap.
Fyrri tillagan gæti kostað
400-700 milljónir á árs-
grundvelli eftir því hvort staðar-
vakt væri hálfan eða allan sólar-
hringinn. Síðari tillagan gæti
kostað um 700 milljónir eftir
þyrlu og fjölda flugmanna.
Hundruð
milljóna á ári
TILLÖGUR STARFSHÓPS
DIMMALIMM
Laugavegi 53 | Sími 552 3737 | Opið mán.-fös. 10-18, lau. 10-17
Skoðið úrvalið á facebook
DimmalimmReykjavik
Úlpur verð frá 16.995,-
Ullarfóðraðr lúffur 2.695,-
Snjóbuxur 8.295,-
er rá 15.595,-
Vinsælu útigallarnir frá
Fleiri litir á facebook
Talsverða athygli vakti þegar fimm
útkallsbílum lögreglu var lagt á
göngusvæði á Lækjartorgi, utan við
inngang Héraðsdóms Reykjavíkur, í
gærmorgun. „Óheppilegt“ svaraði
lögreglumaður sem Morgunblaðið
ræddi við þegar sá var spurður út í
lagningu neyðarbílanna.
Líkt og fram kom á mbl.is í gær
fjölmenntu einkennisklæddir lög-
reglumenn í dómsal héraðsdóms til
að hlýða á dómsuppkvaðningu í máli
lögreglumanns sem ákærður var fyr-
ir að hafa ekki gætt lögmætra að-
ferða við eftirför í fyrra. Á meðan
biðu lögreglubílarnir fimm fyrir utan
Héraðsdóm Reykjavíkur.
Um 30-40 lögreglumenn mættu
Um þrjátíu til fjörutíu lögreglu-
menn, flestir einkennisklæddir og
margir úr starfsliði lögreglunnar á
höfuðborgarsvæðinu, mættu í dóm-
salinn.
Sigríður Björk Guðjónsdóttir, lög-
reglustjóri á höfuðborgarsvæðinu,
segir marga þeirra hafa verið á vakt á
sama tíma. Þá segir hún lögreglu-
menn á vakt bera talstöðvar á sér og
sé því alltaf hægt að ná í þá ef þarf.
„Af myndum að dæma virðist mér
þetta bara vera fólk sem vinnur hvort
eð er hér á Hverfisgötunni,“ segir
hún í samtali við Morgunblaðið, en
engar athugasemdir voru gerðar við
mætinguna. „Á meðan þú ert með tal-
stöðina og ert ekki að vanrækja
skyldur þínar,“ segir Sigríður Björk
og bendir á að dómsuppsögur taki
vanalega ekki langan tíma.
Til að komast fljótt af stað
Sigríður Björk segist halda að lög-
reglubílunum hafi verið lagt með
þessum hætti til að hægt yrði að
bregðast við hugsanlegum útköllum.
„Við gerum auðvitað kröfur til þess
að ef menn eru við þessar aðstæður
þá séu þeir fljótir í útkall.“
Þá sagðist Sigríður Björk ekki
geta útilokað að einhverjir þessara
lögreglumanna hafi verið á frívakt.
Aðspurð segir hún þó almennt ekki
ætlast til þess að lögreglumenn klæð-
ist einkennisfatnaði sínum á frívakt.
Hún vissi þó ekki til þess að nokkur
hefði verið að brjóta þá reglu.
teitur@mbl.is
„Óheppileg“ lagning
fimm lögreglubifreiða
 Lögreglumenn á vakt fjölmenntu í dómsal í gærmorgun
Ljósmynd/Aðsend
Óvenjulegt Fimm útkallsbílum lögreglu var lagt á göngusvæði utan við
Héraðsdóm Reykjavíkur í gær. Inni í húsinu voru um 30-40 lögreglumenn.