Morgunblaðið - 24.10.2019, Síða 13

FRÉTTIR 13Erlent
MORGUNBLAÐIÐ FIMMTUDAGUR 24. OKTÓBER 2019
Söngskólinn íReykjavík
Annað 7 vikna námskeið vetrarins
hefst 28. október og lýkur 10. desember með söngumsögn og tónleikum
Félagar í kórum innan LBK geta sótt um styrk til LBK
Einnig er hægt að fá einkatíma í söng - fjöldi tíma samkomulag
SÖNGNÁMSKEIÐ
Nánari upplýsingar
www.songskolinn.is /  552-7366
Allir geta fundið eitthvað fræðandi og skemmtilegt við sitt hæfi!
• Fyrir fólk á öllum aldri:
Sem undirbúningur fyrir frekara söngnám
eða tómstundagaman fyrir söngáhugafólk
• Kennslutímar:Morguntímar / Síðdegistímar / Kvöldtímar
• Söngtækni:Raddbeiting / Túlkun / Einsöngur / Raddaður söngur
• Tónmennt:Tónfræði / Tónheyrnarþjálfun / Nótnalestur
Bogi Þór Arason
bogi@mbl.is
Donald Trump Bandaríkjaforseti
setti það skilyrði fyrir aðstoð við
Úkraínu að andvirði nær 400 millj-
óna dala að forseti landsins fyrirskip-
aði rannsóknir á pólitískum and-
stæðingi Trumps og meintum
afskiptum Úkraínumanna af forseta-
kosningunum í Bandaríkjunum 2016.
Þetta segir staðgengill sendiherra
Bandaríkjanna í Kænugarði, Bill
Taylor, í skriflegum vitnisburði fyrir
rannsóknarnefnd fulltrúadeildar
þingsins í Washington. Rannsókn
nefndarinnar gæti orðið til þess að
Trump yrði ákærður til embættis-
missis fyrir að misnota völd sín,
brjóta kosningalög og hindra rann-
sókn fulltrúadeildarinnar með ólög-
legum hætti.
Órökstuddar ásakanir
George W. Bush, þáverandi forseti
Bandaríkjanna, skipaði Taylor
sendiherra í Úkraínu árið 2006 og
gegndi hann embættinu í tæp fjögur
ár. Hann varð sendifulltrúi í Kænu-
garði og staðgengill sendiherrans í
júní að beiðni Mike Pompeo utan-
ríkisráðherra eftir að Marie Yovano-
vitch var tekin úr embættinu og köll-
uð heim til Bandaríkjanna. Ástæðan
var sú að hún hafði grafið undan til-
raunum Trumps til að fá stjórnvöld í
Úkraínu til að fyrirskipa rannsókn á
Joe Biden, fyrrverandi varaforseta,
sem sækist nú eftir því að verða for-
setaefni demókrata í kosningunum á
næsta ári.
The Wall Street Journal segir að
Trump og aðstoðarmenn hans hafi
ekki rökstutt þá ásökun að Biden
hafi beitt sér fyrir því að þáverandi
ríkissaksóknara Úkraínu yrði vikið
frá árið 2016 í því skyni að koma í veg
fyrir rannsókn á jarðgasfyrirtækinu
Burisma vegna ásakana um spill-
ingu. Þeir segja að markmiðið hafi
verið að vernda son varaforsetans
fyrrverandi, Hunter, sem var þá í
stjórn fyrirtækisins. Ekkert hefur
komið fram sem bendir til þess að
fullyrðingar Trumps um Biden séu
réttar og var ástæða þess að varafor-
setinn fyrrverandi og fleiri em-
bættismenn vestrænna ríkja beittu
sér fyrir brottvikningunni sú að
ríkissaksóknarinn hafði hindrað sak-
sóknir í spillingarmálum.
Trump hefur einnig krafist þess að
stjórnvöld í Kænugarði fyrirskipi
rannsókn á netþjóni landsnefndar
Demókrataflokksins og haldið því
fram að hann sé núna í Úkraínu. Sú
krafa byggist á þeirri kenningu
stuðningsmanna Trumps að það hafi
verið Úkraínumenn en ekki Rússar
sem hafi brotist inn í tölvukerfi
landsnefndar Demókrataflokksins til
að leka tölvupóstum í fjölmiðla í því
skyni að skaða forsetaefni flokksins,
Hillary Clinton. The Wall Street
Journal segir að ekkert hafi komið
fram sem bendi til þess að netþjónn-
inn sé eða hafi verið í Úkraínu og
kenningin stangist á við niðurstöðu
leyniþjónustustofnana Bandaríkj-
anna sem segja að stjórnvöld í Rúss-
landi hafi staðið fyrir innbrotunum
með það að markmiði að hafa áhrif á
forsetakosningarnar árið 2016.
„Brjálæði“ að tengja
aðstoðina við rannsóknir
Taylor sagði í vitnisburðinum að
Trump hefði sagt embættismönnum
sínum að hann vildi að Volodimír
Zelenskí, forseti Úkraínu, tilkynnti
opinberlega að rannsókn yrði hafin á
Biden og meintum afskiptum
Úkraínumanna af kosningunum í
Bandaríkjunum. Á þessum tíma
hefðu Rudy Giuliani, lögmaður
Trumps, og nokkrir bandarískir
embættismenn haft óformleg sam-
skipti við stjórnvöld í Kænugarði og
þau hefðu grafið undan tengslum
Bandaríkjanna og Úkraínu og sam-
starfi þeirra í öryggismálum. Á með-
al embættismannanna sem störfuðu
með Giuliani voru Kurt Volker, sér-
legur sendifulltrúi Bandaríkjastjórn-
ar í viðræðum um Úkraínu, Gordon
Sondland, sendiherra Bandaríkj-
anna hjá Evrópusambandinu, og
Rick Perry orkumálaráðherra.
Trump hafði lofað að bjóða Zel-
enskí í heimsókn til Washington en
Taylor sagði að um miðjan júlímánuð
hefði verið ljóst að Trump setti það
skilyrði fyrir heimsókninni að úkra-
ínsk yfirvöld hæfu rannsóknir á
Biden og meintum afskiptum Úkra-
ínumanna af kosningunum. Taylor
kvaðst seinna, eða í september, hafa
talið ljóst að Trump hefði einnig sett
rannsóknirnar sem skilyrði fyrir að-
stoð Bandaríkjanna við Úkraínu að
andvirði 390 milljóna dala, jafnvirði
49 milljarða króna, vegna hernaðar
Rússa í austurhéruðum landsins.
Bandaríkjaþing hafði samþykkt
aðstoðina en Trump lét fresta henni
viku áður en hann ræddi í síma við
Zelenskí 25. júlí þegar hann óskaði
eftir rannsókninni á Biden.
Taylor kvaðst hafa sent banda-
ríska sendiherranum hjá Evrópu-
sambandinu skilaboð um að hann
teldi það vera „brjálæði“ að fresta
fjárhagsaðstoðinni til að knýja fram
hjálp í kosningabaráttu í Bandaríkj-
unum. „Ég taldi það þá og tel það
enn,“ sagði hann í vitnisburðinum.
Þessi ummæli virðast ekki vera í
samræmi við vitnisburð Sondlands
sendiherra, sem sagði rannsóknar-
nefndinni fyrr í mánuðinum að hann
hefði ekki rætt við neina embættis-
menn utanríkisráðuneytisins eða
Hvíta hússins um kröfu forsetans um
rannsókn á Biden.
Ekkert endurgjald?
Taylor ræddi málið við Sondland
8. september, viku eftir að sá síðar-
nefndi hafði rætt það við Trump.
Taylor hafði eftir Sondland að forset-
inn hefði lagt áherslu á að Zelenskí
þyrfti að tilkynna rannsóknirnar
opinberlega en sagt að í því fælist
ekki quid pro quo, eða endurgjald.
„Sondland sendiherra kvaðst hafa
rætt við Zelenskí forseta og Yermak
[ráðgjafa hans] og sagt þeim að þótt
þetta væri ekki quid pro quo kæmi
upp pattstaða ef Zelenskí tæki ekki
af skarið opinberlega. Ég skildi orðið
„pattstöðu“ þannig að Úkraína
myndi ekki fá þá aðstoð sem landið
hafði svo mikla þörf fyrir,“ sagði
Taylor.
Hann hafði einnig eftir Sondland
að „allt“ – m.a. aðstoðin og heimsókn
í Hvíta húsið – væri háð því skilyrði
að forseti Úkraínu tilkynnti að hann
myndi fyrirskipa rannsóknirnar.
Aðstoðin sögð skilyrt rannsóknum
 Staðgengill sendiherra Bandaríkjanna í Kænugarði sagði í vitnisburði að Trump hefði sett það skilyrði
fyrir aðstoð við Úkraínu að þarlend stjórnvöld fyrirskipuðu rannsókn á pólitískum andstæðingi forsetans
AFP
Ákærður til embættismissis? Donald Trump hefur lýst rannsókn full-
trúadeildar þingsins sem „nornaveiðum“ og rógsherferð á hendur sér.
Lögreglan í Bretlandi hóf í gær viða-
mikla morðrannsókn eftir að 39 lík
fundust í kæligámi vöruflutningabif-
reiðar í iðngarði í Grays, austan við
London. Breskir stjórnmálamenn,
þeirra á meðal Boris Johnson for-
sætisráðherra, sögðu að málið væri
hörmuleg áminning um nauðsyn
þess að grípa til aðgerða gegn smygli
á farandmönnum og hafa hendur í
hári glæpamanna sem stefndu lífi
fólks í hættu í ágóðaskyni.
Lögreglan í Essex sagði að hún
legði núna áherslu á að bera kennsl á
líkin og rannsaka hvaðan fólkið kom.
Bílstjóri vöruflutningabifreiðarinn-
ar, 25 ára karlmaður frá Norður-Ír-
landi, var handtekinn og á yfir höfði
sér ákæru fyrir manndráp.
Líkin fundust í læstum gámi sem
hægt er að kæla í allt að 25 stiga
frost. Framkvæmdastjóri samtaka
breskra landflutningafyrirtækja
sagði að aðstæður fólks sem dveldi í
slíkum gámum væru „hryllilegar“.
Lögreglan sagði að vöruflutninga-
bifreiðin hefði komið með lest frá
belgíska hafnarbænum Zeebrugge
og siglingin hefði tekið níu til tólf
klukkustundir. Flutningabifreiðin
hefði verið skráð í Búlgaríu.
Forsætisráðherra Búlgaríu stað-
festi að bifreiðin hefði verið skráð
þar árið 2017 en sagði að hún hefði
aldrei komið þangað síðan þá. Utan-
ríkisráðuneyti Búlgaríu sagði að
fyrirtæki í eigu írsks ríkisborgara
hefði verið skráð fyrir bifreiðinni og
búlgarska lögreglan teldi mjög ólík-
legt að Búlgarar hefðu verið í henni.
Glæparannsóknastofnun Bret-
lands, sem stjórnar baráttunni gegn
skipulagðri glæpastarfsemi, sagði að
smygl á fólki með gámum og vöru-
flutningabílum til Bretlands hefði
aukist á síðustu mánuðum.
AFP
Morðrannsókn Tæknimenn bresku lögreglunnar rannsaka vöruflutninga-
bifreið eftir að 39 lík fundust í gámi hennar í iðngarði í fyrrinótt.
39 lík fundust í
læstum kæligámi
 Hvatt til aðgerða gegn smygli á fólki