Morgunblaðið - 30.10.2019, Blaðsíða 12

12 FRÉTTIRErlent
MORGUNBLAÐIÐ MIÐVIKUDAGUR 30. OKTÓBER 2019
VILTU TAKAVIÐ
GREIÐSLUMÁNETINU?
KORTA býður uppá fjölbreytta þjónustu sem hentar
bæði minni og stærri fyrirtækjum. Kannaðu málið.
Suðurlandsbraut 30, 108 Reykjavík, 558 8000 / korta@korta.is / korta.is
Þúsundir slökkviliðsmanna börðust
við gróðurelda á tveimur svæðum í
Kaliforníu í gær. Um 180.000 manns
hefur verið sagt að forða sér af heim-
ilum sínum í hluta borgarinnar Santa
Rosa og á stóru svæði í Sonoma-sýslu
norðan við San Francisco vegna svo-
nefnds Kincade-elds sem kviknaði á
miðvikudaginn var. Tugir þúsunda
manna þurftu að flýja heimili sín
vegna annars elds sem kviknaði í
grennd við Brentwood-hverfið í Los
Angeles þar sem um 10.000 hús voru
talin í hættu í gær, m.a. stór og glæsi-
leg einbýlishús. Á meðal þeirra sem
hafa þurft að forða sér af heimilum
sínum eru leikarinn og stjórnmála-
maðurinn Arnold Schwarzenegger
og körfuboltastjarnan LeBron
James. Eldurinn kviknaði nálægt
Getty-miðstöðinni í Brentwood og
hafði í gær logað á um 240 hektara
svæði.
Kincade-eldurinn hafði í gær geis-
að á 260 ferkílómetra svæði og gert
var ráð fyrir að ekki yrði hægt að
slökkva hann fyrr en 7. nóvember.
Um 80.000 hús voru talin í hættu í
Sonoma-sýslu, að sögn almanna-
varnayfirvalda í Kaliforníu.
Ríkisstjóri Kaliforníu hefur lýst yf-
ir neyðarástandi í ríkinu vegna
gróðureldanna.
Hundruð þúsunda
heimila án rafmagns
Eldarnir urðu til þess að stærsta
raforkufyrirtæki Kaliforníu, Pacific
Gas & Electric Co, lokaði fyrir raf-
magn til hundraða þúsunda heimila
og fyrirtækja eftir að skýrt var frá
því að ein af háspennulínum fyrir-
tækisins kynni að hafa valdið Kin-
cade-eldinum. Samskonar háspennu-
lína olli mannskæðasta gróðureldi í
sögu Kaliforníu á síðasta ári þegar 86
manns létu lífið. Fyrirtækinu hefur
verið kennt um nokkra aðra gróður-
elda á síðustu árum og það óskaði eft-
ir greiðslustöðvun fyrr á árinu.
Eftirlitsstofnun í Kaliforníu kvaðst
í fyrradag hafa hafið rannsókn á því
hvort raforkufyrirtæki hefðu brotið
reglur með því að loka fyrir rafmagn
til um 2,5 milljóna manna vegna eld-
anna. Pacific Gas & Electric Co
kvaðst í gær þurfa að loka fyrir raf-
magn til 1,5 milljóna manna til við-
bótar til að koma í veg fyrir að
skemmdar háspennulínur valdi fleiri
eldum. bogi@mbl.is
Í ljósum logum Hús brennur í bænum Windsor í Sonoma-sýslu þar sem gróðureldur hefur geisað síðustu daga.
Tugir þúsunda manna
flýja skæða gróðurelda
 Neyðarástand vegna elda á tveimur svæðum í Kaliforníu
BANDA-
RÍKIN
KYRRAHAF
Los Angeles
Tijuana
KAL IFORNÍA
San Francisco
Brentwood
Gróðureldar
í Kaliforníu
Heimildir: Firms, Modis, Nasa Eosdis, almannavarnayfirvöld
50 km
Rýmingar-
svæði
Sonoma-
sýsla
Eldar í gær og fyrradag
KAL I FORN ÍA
KYRRAHAF
Santa
Rosa
San Francisco
Berkeley
Oakland
Sonoma
Kincade-
eldurinn
AFP
Bogi Þór Arason
bogi@mbl.is
Neðri deild breska þingsins samþykkti
í gærkvöldi frumvarp Boris Johnsons,
forsætisráðherra Bretlands, um að
efnt yrði til þingkosninga 12. desem-
ber. Áður hafði þingdeildin hafnað
breytingartillögu Jeremys Corbyns,
leiðtoga Verkamannaflokksins, um að
kosningarnar færu fram þremur dög-
um fyrr.
Fyrr í gær skýrði Corbyn frá því að
hann hefði ákveðið að styðja þingkosn-
ingar í desember vegna þess að ekki
væri lengur hætta á að Bretland gengi
úr Evrópusambandinu án samnings
um mánaðamótin eftir að ESB-ríkin
samþykktu beiðni breska þingsins um
að fresta útgöngunni um þrjá mánuði.
Þetta er í fyrsta skipti frá árinu 1923
sem Bretar ganga til þingkosninga í
desember og mjög sjaldgæft er að kos-
ið sé til breska þingsins að vetri til.
Þingkosningarnar hafa oftast farið
fram að vori til þar sem valdhafarnir
hafa talið sig eiga mesta möguleika á
að ná endurkjöri þegar vorhugur er
kominn í kjósendur, að því er fram
kemur í fréttaskýringu The Tele-
graph.
Breyting á kosningaaldri
ekki borin undir atkvæði
Forsætisráðherrar Bretlands gátu
boðað til kosninga áður en fimm ára
kjörtímabili þingsins lauk og valið
kjördaginn þar til sett voru lög árið
2011 sem kveða á um að minnst tveir
þriðju allra þingmannanna þurfi að
samþykkja tillögu forsætisráðherrans
um að flýta kosningum. Boris Johnson
reyndi þrisvar að fá þingið til að sam-
þykkja kosningar í desember á grund-
velli þessara laga en tillögur hans voru
felldar. Hann ákvað þá að leggja fram
sérstakt frumvarp um að kosningar
færu fram 12. desember nk. og það
þurfti aðeins að fá meirihluta at-
kvæðanna til að verða að lögum.
Stjórnarandstaðan gat lagt fram tillög-
ur um breytingar á frumvarpinu og
lagt var til að lágmarkskosningaaldur-
inn yrði lækkaður úr 18 árum í 16 og að
ríkisborgarar annarra ESB-landa,
sem dvelja í Bretlandi, fengju að kjósa.
Varaforseti þingdeildarinnar, sem
stjórnaði afgreiðslu málsins, heimilaði
ekki að þær tillögur yrðu bornar undir
atkvæði. Áður hafði breska stjórnin
sagt að hún myndi draga frumvarpið
til baka ef þessar breytingartillögur
yrðu samþykktar. Varaforsetinn heim-
ilaði hins vegar atkvæðagreiðslu um þá
tillögu að kosið yrði 9. desember.
Fær enginn meirihluta?
Skoðanakannanir benda til þess að
Íhaldsflokkurinn sé með verulegt for-
skot á Verkamannaflokkinn en Brexit-
flokkurinn og Frjálslyndir demókrat-
ar, sem eru andvígir brexit, hafa aukið
fylgi sitt. Fyrir síðustu kosningar
mældist Íhaldsflokkurinn með tíu pró-
sentustiga forskot á Verkamanna-
flokkinn í könnunum en missti síðan
meirihluta sinn á þinginu.
John Curtice, stjórnmálafræðingur
við Strathclyde-háskóla í Glasgow, tel-
ur að eins og staðan er núna eigi
Íhaldsflokkurinn góða möguleika á að
ná því markmiði sínu að fá meirihluta
þingsætanna en svo geti þó farið að
engum flokkanna takist það. Fái
Íhaldsflokkurinn ekki meirihluta geti
það orðið til þess að mynduð verði
samsteypustjórn undir forystu Verka-
mannaflokksins og efnt verði til nýrrar
þjóðaratkvæðagreiðslu um brexit.
Bretar kjósa
nýtt þing
12. desember
 Fyrstu bresku þingkosningarnar
í desembermánuði frá árinu 1923
AFP
Fullreynt þá fernt er Boris Johnson
forsætisráðherra á þinginu í gær.
Þriðju kosningarnar
frá 2015
» Frumvarpið um að gengið
yrði til kosninga 12. desember
var samþykkt með 438 at-
kvæðum gegn 20.
» 295 þingmenn greiddu at-
kvæði með breytingartillögu
um að kosið yrði 9. desember
en 315 á móti.
» Þingkosningar hafa farið
fram tvisvar í Bretlandi á síð-
ustu fjórum árum, 2015 og
2017.