Morgunblaðið - 16.12.2019, Side 10

10 FRÉTTIRInnlent
MORGUNBLAÐIÐ MÁNUDAGUR 16. DESEMBER 2019
Sigurður Bogi Sævarsson
sbs@mbl.is
„Tónlistarhefðin hér í uppsveitum
Árnessýslu er sterk, margir taka þátt
í kórstarfi og hér eins og víða úti á
landi er kirkjan stór þáttur í félags-
legu starfi,“ segir Jón Bjarnason org-
anisti í Skálholtskirkju. Hann er
raunar gott betur því hann sér um
tónlistarstarf í tíu af tólf kirkjum
Skálholtsprestakalls sem nær yfir
Biskupstungur, Grímsnes og Laug-
ardal og Þingvallasveit.
Jólalögin tær og hrein
Í flestum kirknanna þar verður
helgihald nú um hátíðarnar og engin
er messan án organleiks og söngs.
Kórarnir í prestakallinu eru tveir,
Skálholtskórinn og Söngkór Miðdals-
kirkju. Strax í október er byrjað að
æfa jólalögin sem sungin verða tær
og hrein.
Að leika á hljóðfærið við um það bil
20 athafnir um jól og áramót, á til
þess að gera fáum dögum, kallar á
góðan undirbúning og skipulag. „Við
sr. Egill Hallgrímsson sóknarprestur
vinnum þetta vel saman,“ segir Jón.
„Sumt í þessu er reyndar alveg fastir
liðir, svo sem að alltaf eru tvær mess-
ur í Skálholti á aðfangadagskvöld, í
Miðdal við Laugarvatn á jóladag, á
öðrum degi í Bræðratungu í Biskups-
tungum og í Úthlíð á hinum þriðja
degi. Á nýársdag er svo alltaf messa í
Torfastaðakirkju í Biskupstungum.
Þá eru ótaldar ýmsar samkomur í
kirkjunum á aðventunni; svo sem
jólatónleikar sunnlenskra kirkjukóra
í Skálholti næstkomandi miðviku-
dagskvöld kl. 20.“
Tónlistin í blóðinu
Jón Bjarnason, sem stendur á fer-
tugu, er Skagfirðingur að uppruna;
frá bænum Víðilundi á Höfðaströnd.
Byrjaði sjö ára í píanónámi en var
fjögurra ára farinn að slá nótna-
borðið og ná laglínum eftir eyranu.
„Tónlistin var alltaf í blóðinu, for-
eldrar mínir voru í kirkjukórnum og
Anna Kristín Jónsdóttir móðursystir
mín var organisti á Hofsósi og drif-
fjöður í tónlistarstarfinu þar,“ segir
Jón. „Fyrir norðan tók ég átta stig á
píanó en fór þá suður í Tónskóla þjóð-
kirkjunnar. Já, orgelið er í raun heill
heimur með mikið raddsvið. Tónarnir
koma úr pípunum og maður spilar
bæði með höndum og fótum, ef svo
má segja. Við píanóið er kúnstin hins
vegar sú að leika á nótnaborðið sem
leiðir í hamra, þeir svo slá á strengi
og laða fram laglínuna. Hljómmynd-
unin er hvor með sínu lagi.“
Kirkjan ómar öll
Fyrr á árum var Jón organisti við
Seljakirkju í Reykjavík. Þau Berg-
þóra Ragnarsdóttir kona hans fluttu
svo austur fyrir áratug og búa á
Laugarvatni. „Mér finnst eina vitið
að búa úti á landi. Rætur mínar
liggja í því umhverfi,“ nefnir Jón,
sem jafnhliða störfum í kirkjunum
er undirleikari Karlakórs Selfoss.
Það er því í nægu að snúast. „Tón-
listarhefðin í dreifbýlinu er sterk.
Mér finnst gaman að í litlu sveita-
kirkjunum er ekki neinn formlegur
kór heldur bara almennur safn-
aðarsöngur sem hver tekur undir
með sínu nefi og miklum ágætum.
Margir kirkjugesta hafa reyndar
einhverja reynslu úr kór og geta þá
leitt sönginn í fallegum sálmum; eins
og Sjá himins opnast hlið, Í Betle-
hem er barn oss fætt og Kirkjan óm-
ar öll, svo ég nefni nokkra sem flestir
ættu að kannast við. Það er gaman
þegar allir taka undir og syngja í
kirkjunni.“
Ljósmynd/Guðmundur Karl
Tónlist Orgelið er heill heimur með mikið raddsvið, segir Jón Bjarnason.
Organisti í tíu kirkjum
 Jón við hljóðfærið í Skálholtsprestakalli  Tuttugu at-
hafnir  Sterk tónlistarhefð  Safnaðarsöngur í stað kórs
Söngur Auk starfa í kirkjum er Jón undirleikari Karlakórs Selfoss sem hélt
aðventutónleika í Skálholti í síðustu viku þegar þessi mynd var tekin.
Sigurður Bogi Sævarsson
sbs@mbl.is
„Verktakar eiga fullt í fangi með að
byggja íbúðarhúsnæði í samræmi við
aðstreymi fólks í bæinn. Eftirspurn-
in er mikil og hér hefur verið selj-
endamarkaður í
langan tíma,“
segir Þorsteinn
Magnússon, fast-
eignasali hjá Ár-
borgum á Sel-
fossi. Því var
sérstaklega hald-
ið til haga á dög-
unum að íbúar í
Sveitarfélaginu
Árborg eru nú
orðnir 10.000.
Fjölgunin á einu ári er um 1.000 íbú-
ar og að undanförnu hafa um 60
manns á mánuði komið inn nýir á
íbúaskrá. Af þessu leiðir að fast-
eignamarkaðurinn á svæðinu er líf-
legur.
Sérbýlishefðin er sterk
Á síðustu tveimur árum hafa verið
byggðar 200-300 nýjar íbúðir á Sel-
fossi og er þetta blanda af eignum í
einbýli, rað-, par- og fjölbýlishúsum.
Í Sveitarfélaginu Árborg eru nú
rúmlega 3.700 íbúðir af ýmsum
stærðum og gerðum, það er á Eyr-
arbakka, Stokkseyri, í dreifbýli og á
Selfossi en þar hefur fólki fjölgað
mjög á síðustu árum.
„Sérbýlishefðin er mjög sterk hér
á Selfossi og hér hefur mikið verið
byggt af einbýlis-, par- og raðhúsum,
en í síðastnefnda flokknum eru þetta
íbúðir sem gjarnan eru öðru hvoru
megin við 100 fermetra að flatarmáli.
Í svonefndu Hagalandi, sem er syðst
og vestast á Selfossi, og Dísastaða-
landi austast í bænum hefur talsvert
verið byggt af einbýlishúsum að und-
anförnu og þau eru einnig eftirsótt,“
segir Þorsteinn.
Samfélag iðnaðarmanna
Á Selfossi er talsvert um að verk-
takar selji frá sér íbúðir í raðhúsum
ýmist fokheldar eða tilbúnar undir
tréverk. Slíkar eignir, gjarnan um 90
fermetrar að flatarmáli, eru þá seld-
ar fokheldar á 21-22 milljónir króna,
sem að raunvirði er 80-90% hækkun
yfir fimm ára tímabil.
„Hálfgerðar íbúðir henta vel hér,“
segir Þorsteinn. „Selfoss er sam-
félag iðnaðarmanna og þegar ungt
fólk kaupir sína fyrstu eign er al-
gengt að einhver í fjölskyldu viðkom-
andi sé kannski smiður, rafvirki, píp-
ari eða málari. Þá tekur fólk sig
saman og kemur eigninni í stand og
nær með því að halda kostnaði við
fasteignakaupin aðeins niðri.“ Svo
mikið hefur verið byggt á Selfossi að
undanförnu að nú er þar farið að
þrengjast um lóðaframboð. Hagur
ætti þó að vænkast innan tíðar, því
nú á haustdögum hófust fram-
kvæmdir við gatnagerð í svonefndu
Björkurstykki, sem er sunnan við
núverandi byggð á Selfossi.
Alls verða um 650 íbúðir í því
hverfi og í fyrsta áfanganum lóðir
fyrir um 200 íbúðir. Framkvæmdir
við byggingu þeirra hefjast þegar
líður á næsta ár.
Í útjaðar borga
Í Árborg hefur fasteignaverð lengi
verið um 60-70% af því sem algengt
er á höfuðborgarsvæðinu, að teknu
tilliti til þess að verð þar er mismun-
andi milli borgarhluta. „Ég fæ tals-
vert til mín hingað fólk sem er að
losa sig við stórar eignir, til dæmis
einbýlishús, á Reykjavíkursvæðinu.
Selur þá eign fyrir ágætan pening og
kemur svo hingað austur fyrir fjall í
minni eignir,“ segir Þorsteinn og
heldur áfram:
„Einnig eru mörg dæmi þess að
ungt fólk héðan og þaðan af landinu
setji sig niður á Selfossi eða í ná-
grannabyggðum enda bjóðast hér
fasteignir á viðráðanlegu verði.
Raunar er þessi byggðaþróun í sam-
ræmi við það sem gerist hvarvetna á
Vesturlöndum; vegna hækkandi
fasteignaverðs í borgunum leitar
fólk í útjaðra þeirra og byggir þar
sína framtíð.“
Viðráðanlegt íbúðaverð á Selfossi
 Aðstreymi fólks í Árborg  Lífleg fasteignasala  Fjórðungi lægra verð en á höfuðborgarsvæðinu
Morgunblaðið/Hari
Uppgangur Mikið líf er nú á Selfossi og víða má sjá hús þar í byggingu.
Þorsteinn
Magnússon
Fjöldi fólks nýtti tækifærið og
renndi sér á skíðum og snjóbrettum
í Bláfjöllum um helgina, er skíða-
svæðið var opnað í fyrsta sinn þenn-
an veturinn. Níu gráða frost og
nokkur vindur hrellti skíðagarpa á
laugardag en á sunnudag var veðr-
ið töluvert skaplegra; logn og fimm
gráða frost.
„Þetta gerist ekki mikið betra,“
segir Einar Bjarnason, rekstrar-
stjóri Bláfjalla. Álíka margir gestir
heimsóttu skíðasvæðið á laugardag
og sunnudag, eða um 800 hvorn
daginn, en Einar segir að vegna
veðurs hafi fólk dvalið lengur í
fjallinu á sunnudag.
Opnunin nú, um miðjan desem-
ber, er í fyrra fallinu miðað við síð-
ustu ár, en Einar segir útlit fyrir að
hægt verði að halda svæðinu opnu
næstu vikur, fram yfir jólahátíðina
sem er oftar en ekki annasamasti
tími skíðasvæðanna. Opið verður
frá klukkan 14 til 21 næstu daga, en
10 til 17 um helgar. agunnar@mbl.is
Morgunblaðið/Sigurður Unnar
Skíðafjör Um 1.600 manns renndu sér í brekkunum í Bláfjöllum.
Fjöldi fólks fór í
Bláfjöll um helgina