Morgunblaðið - 28.12.2019, Síða 24

24 FRÉTTIRErlent
MORGUNBLAÐIÐ LAUGARDAGUR 28. DESEMBER 2019
Bíldshöfða 16, 110 Reykjavík 414 84 00 www.martex.is
Góð þjónusta
byrjar með
flottum fatnaði.
Fatnaður fyrir fagfólk
Fjöldi Indverja mótmælti í gær umdeildri lög-
gjöf er varðar hælisleitendur, sem þykir mis-
muna múslimum. 27 manns hafa látist í mótmæl-
unum, sem hafa að hluta til þróast út í almenn
mótmæli gegn ríkisstjórn Indlands sem er undir
stjórn forsætisráðherrans Narendra Modi.
Ólgan vegna löggjafarinnar er líklega helsta
áskorun í embættistíð Modi síðan hann varð for-
sætisráðherra árið 2014.
AFP
Fjölmenn mótmæli í Mumbai og víðar á Indlandi
Veronika S. Magnúsdóttir
veronika@mbl.is
Í það minnsta 12 eru látnir og yfir 50
særðir eftir brotlendingu vélar lág-
gjaldaflugfélagsins Bek Air nálægt
Almaty-flugvelli í Kasakstan í gær-
morgun. Frá þessu greindi fréttaveit-
an AFP.
Hvarf af ratsjám stuttu
eftir flugtak
Hin 23 ára Fokker 100-vél lagði af
stað frá Amlaty-flugvelli í gærmorg-
un, á leið til borgarinnar Nur-Sultan.
Hún hvarf af ratsjám stuttu eftir flug-
tak, með 95 farþega um borð auk
fimm starfsmanna, en flugstjórinn
var meðal látinna. Athygli vekur þó
hve margir lifðu slysið af, án þess að
hljóta líkamlegan skaða af.
Vélin brotlenti á mannlausri bygg-
ingu sem féll að hluta til við árekst-
urinn, en vélin liðaðist í sundur við
brotlendinguna og hlutu farþegar
sem sátu fremst mestan skaða.
Tíu af 53 særðust alvarlega og voru
níu hinna særðu börn. Flestir farþeg-
ar vélarinnar voru heimamenn en
særðir voru einnig frá Kína, Kirgist-
an og Úkraínu.
Kyrrsetja Fokker 100-vélar
Á blaðamannafundi sagði varafor-
sætisráðherra Kasakstans, Roman
Sklyar, sagði að afturendi flugvélar-
innar hefði tvisvar snert flugbrautina
við flugtak. AFP hefur eftir honum:
„Annaðhvort eru þetta mistök flug-
mannsins eða tæknileg mistök.“
Forseti landsins, Kassym-Jomart
Tokayev, sagði að refsing biði þeirra
sem bæru ábyrgð á slysinu. Þá sagði
hann að nefnd hefði verið sett á lagg-
irnar til að rannsaka tildrög slyssins.
Vélin var framleidd 1996 en stóðst
þó öryggisathugun í maí síðastliðn-
um. Í yfirlýsingu frá iðnaðarráðu-
neyti Kasakstans segir að vélar í
landinu af gerðinni Fokker 100 verði
kyrrsettar þar til tildrög slyssins
skýrast nánar.
Í mars 2016 nauðlenti Fokker 100-
vél frá Bek Air í borginni Nur-Sultan
með 116 farþega vegna bilunar en
engum varð meint af.
Flúði út um neyðarútgang
Á vef BBC er birt frásögn eins eft-
irlifenda slyssins, Aslans Nazaral-
iyevs, sem er þekktur frumkvöðull í
Kasakstan. Í samtali við BBC lýsir
hann slysinu:
„Vélin byrjaði fyrst að vagga eins
og bátur. Síðan byrjaði fremri hluti
hennar að titra. Engin fyrirmæli bár-
ust frá flugteyminu til farþega heldur
heyrðust einungis öskur fólks í óða-
goti. Ég sat við neyðarútgang við
væng vélarinnar og flúði út um hann.
Því næst hjálpuðust eftirlifendur að
við að koma fólki úr vélinni, vegna
talsverðrar eldhættu.“
Meðal látinna var einnig 35 ára
blaðakona fréttastofunnar Inform-
buro, Dana Kruglova, auk Rustams
Kaidarovs, 79 ára herforingja sem
kominn var á eftirlaun.
Átta manns létust samstundis eftir
brotlendinguna, tveir við aðhlynningu
á flugvellinum og tveir á spítala. Þjóð-
arleiðtogar Kasakstans lýstu í gær yf-
ir þjóðarsorg í landinu.
Margir lifðu af flug-
slys í Kasakstan
 12 létust þegar 100 farþega vél brotlenti skömmu eftir flugtak
AFP
Slys Hin 23 ára Fokker 100-vél brotlenti á mannlausu húsi í gærmorgun.
Kanna tildrög slyssins
» 12 létust í flugslysi við
Almaty-flugvöll í Kasakstan.
» 53 særðust, þar af 10 alvar-
lega.
» Flugvélin var 23 ára og af
gerðinni Fokker 10.
» Stóðst öryggismat í maí
síðastliðnum.
» Iðnaðarráðuneytið í Kas-
akstan hefur fyrirskipað að
Fokker 100-vélar í landinu skuli
kyrrsettar þar til tildrög slyss-
ins skýrast.
Benjamín Net-
anyahu, forsætis-
ráðherra Ísraels,
hlaut afgerandi
meirihluta at-
kvæða í for-
mannskjöri Lik-
ud-flokksins í
gær, líkt og búist
var við.
Netanyahu
hlaut 72,5% atkvæða og tryggði sér
þar með formennsku í Likud-
flokknum hægrisinnaða í lands-
kosningum sem fram fara í mars
næstkomandi.
Mótframbjóðandi hans, Gideon
Saar, hlaut 27,5% atkvæða. Net-
anyahu hefur verið forsætisráð-
herra landsins frá árinu 2009.
ÍSRAEL
Netanyahu sigraði
með yfirburðum
Benjamin
Netanyahu
Kanadíska sjónvarpsstöðin CBC
segir að atriði Donalds Trumps
Bandaríkjaforseta í sígildu jóla-
myndinni Home Alone 2: Lost in
New York hafi verið klippt út til að
rúma auglýsingatíma.
Tilefni skýringanna er gagnrýni
sem sjónvarpsstöðin hlaut í kjölfar-
ið á sýningu myndarinnar nú um
jólin. Talsmaður CBC, Chuck
Thompson, bætir við að myndin
hafi verið stytt árið 2014, áður en
Trump hlaut forsetakjör.
KANADA
Svara fyrir klippingu
Trumps úr jólamynd