Morgunblaðið - Sunnudagur - 08.12.2019, Blaðsíða 29

auðvelt verði að sauma kápu úr
þessu klæðinu. Strax í fyrsta þætti
kemur þó í ljós að ekki er allt sem
sýnist og eftir nokkrar tilfærslur,
þar sem James þykist meðal annars
vera sonurinn, Paul Allen Brown, er
hann kominn í steininn, grunaður
um aðild að morði á ungri stúlku.
Og er þá sagan komin alllangt frá
handritinu sem aumingja James
lagði upp með á knæpunni.
Perpetual Grace, LTD er í svo-
kölluðum „neo-noir“-stíl og af fyrsta
þættinum að dæma getum við búið
okkur undir gallsúra þeysireið í
anda meistara David Lynch. Í því
sambandi má nefna samskipti
James við fimmtán ára gamlan
dreng sem vinnur hjá veðlánara á
staðnum. Ekki eru mörg hús í
plássinu en eitt af þeim hýsir vita-
skuld slíka starfsemi. Öll þau sam-
skipti eru eins og klippt út úr Twin
Peaks. Drengurinn er sonur eigand-
ans og harður í viðskiptum, þrátt
fyrir ungan aldur. Af einhverjum
ástæðum er hann klæddur í lúðra-
sveitarbúning enda þótt hann sé alls
ekki í lúðrasveit. Til að gera langa
sögu stutta þá þarf James að rota
drenginn til að stela aftur hálsfesti
sem hann þurfti að pantsetja í þágu
svikamyllunnar miklu og allur sá
aðdragandi og eftirmál benda til
þess að hann búi þrátt fyrir allt að
samvisku.
Eftir verknaðinn heimsækir hann
drenginn í búðina, sem þá liggur á
bekk bak við afgreiðsluborðið að
læknisráði, og biður hann eftir mikl-
um krókaleiðum afsökunar á því að
hafa rotað hann.
Hver er Green Leaf?
Höfundar Perpetual Grace, LTD
eru Steven Conrad og Bruce Terris
og leikstýrir sá fyrrnefndi einnig
þáttunum ásamt James Whitaker. Í
helstu hlutverkum eru stórleikarinn
Sir Ben Kingsley, sem fer afar vel
af stað sem Pa, Jimmi Simpson,
sem leikur hinn lánlausa James, Da-
mon Herriman, sem fer með hlut-
verk Paul Allen Brown, Luis Guzm-
án sem túlkar Mexíkanann Hector
Contreras, sem þvælist inn í málið,
og Jacki Weaver sem leikur Ma. Þá
fer Chris Conrad, bróðir leikstjór-
ans, með hlutverk Green Leaf nokk-
urs, sem er fyrir í klefanum hans
James í tukthúsinu með nafnið Paul
Allen Brown húðflúrað yfir brjóstið.
Án efa mergjuð saga þar í uppsigl-
ingu.
Þið vitið sumsé hvar þið eigið að
vera næsta sunnudagskvöld!
Þrátt fyrir meinleysislegt
yfirbragð kalla Ma og Pa
ekki allt ömmu sína.
Epix
8.12. 2019 MORGUNBLAÐIÐ SUNNUDAGUR 29
Gildir á alla viðburði í húsinu
Nánar á harpa.is/gjafakort
Gjafakort
Hörpu
hljómar
vel um
jólin
KVEÐJA Það var tilfinningaþrung-
in stund þegar þrassgoðin í Slayer
kvöddu aðdáendur sína í hinsta
sinn eftir lokatónleika sem fram
fóru í Los Angeles um liðna helgi.
Tom Araya söngvari, sem alla jafna
er ekki maður margra orða á tón-
leikum, ávarpaði lýðinn og þakkaði
fyrir samfylgdina gegnum tíðina.
„Ég mun sakna ykkar og langar
helst af öllu að þakka ykkur fyrir
að vera partur af lífi mínu. Kærar
þakkir. Farið vel með ykkur!“ sagði
Araya áður en hann yfirgaf sviðið.
Farið vel með ykkur!
Araya kvaddi sitt fólk með virktum.
AFP
BÓKSALA 25. NÓV. –1. DES.
Tekið saman af Félagi íslenskra bókaútgefenda
1 Tregasteinn Arnaldur Indriðason
2 Leikskólalögin okkar Jón Ólafsson o.fl.
3 Þögn Yrsa Sigurðardóttir
4
Orri óstöðvandi
– hefnd glæponanna
Bjarni Fritzson
5 Þinn eigin tölvuleikur Ævar Þór Benediktsson
6 Um tímann og vatnið Andri Snær Magnason
7 Gamlárskvöld með Láru Birgitta Haukdal
8
Útkall – tifandi
tímasprengja
Óttar Sveinsson
9 Hvítidauði Ragnar Jónasson
10 Innflytjandinn Ólafur Jóhann Ólafsson
11 Lára fer í sveitina Birgitta Haukdal
12
Ekkert að fela – á slóð
Samherja í Afríku
Helgi Seljan
13 Tilfinningabyltingin Auður Jónsdóttir
14 Draumaþjófurinn Gunnar Helgason
15 Kindasögur Guðjón Ragnar Jónasson
16
Vigdís – bókin um fyrsta
konuforsetann
Rán Flygenring
17 Aðventa Stefán Máni
18 Jólaföndur – unga ástin mín
19
Dagbók Kidda klaufa 11
– allt á hvolfi
Jeff Kinney
20 Síldarárin 1867-1969 Páll Baldvin Baldvinsson
Allar bækur
Bestu og áhrifaríkustu bækurnar
sem ég hef lesið síðustu daga eru
Um tímann og vatnið eftir Andra
Snæ Magnason og norska bókin
Mamma er trygda
eftir Mími Krist-
jánsson. Þær eru
báðar persónulegar
og fjalla um fjöl-
skyldu þess sem
skrifar ásamt því að
vera gagnrýni á
samfélagið. Andra
Snæ þarf ekki að kynna en Mímir
er norskur í móðurætt en á ís-
lenskan pabba. Ég var svo heppin
að detta um bókina á flugvellinum
í Ósló á leið-
inni heim ný-
lega og las
hana í einum
rykk. Veit ekki
hvort hún
mundi gera sig
í þýðingu því
ádeilan í henni
er á norska velferðarkerfið en
sumt mundi fólk eflaust kannast
við.
Eiginlega er ég alæta á bækur
en les trúlega mest af fantasíum
og spennusögum. Er þó farin að
linast við spennusögurnar, þær
mega ekki vera of grafískar í lýs-
ingum á pyntingum og morð-
aðferðum. Aðeins of mikið fyrir
síðmiðaldra konu.
Búin að renna yfir helstu ís-
lensku spennusög-
urnar, Arnald, Lilju,
Ragnar og Yrsu. Er
bara nokkuð ánægð
en þótti Lilja
skemmtilegust. Og
svo er Hnífurinn
hans Jo Nesbø
glettilega góð – og endirinn kom á
óvart. Ég er nefnilega yfirleitt ansi
góð í að finna út „plottið“ en náði
því engan veginn þarna.
Svo renndi ég yfir bókina Stúfur
hættir að vera jólasveinn eftir Evu
Rún Þorgeirsdóttur í
vinnunni í vikunni og
skemmti mér kon-
unglega. Ég reyni af
fremsta megni að
krækja í barna- og
unglingabækurnar
þegar þær detta inn
á safnið.
Í augnablikinu er ég að lesa þrí-
leik eftir Söru Blædel, Bedemand-
ens datter, Ilkas arv og Den tredje
søster, sem vinkona mín færði
mér nýverið eftir Danmerkurferð.
Fyrsta bókin varð til þess að ég
gerði ekkert nema að lesa síðasta
sunnudag. Ekkert bakað hér!
Þær bækur sem ég hef hug á að
lesa á næstunni
(þ.e. um jólin) eru
Öræfahjörðin
hennar Unnar
Birnu Karlsdóttur
og bók Árna
Snævars um Paul
Gaimard. Svo
þarf ég að nálgast bókina The
Hare with Amber Eyes eftir Ed-
mund de Waal sem ég byrjaði á
þar sem ég var í heimsókn í Ósló í
nóvember. Ætli það endi ekki
með að ég nái í hana á kindilinn
þó mig langi frekar að lesa hana á
bók.
Já og ekki má gleyma ljóðabók-
unum sem liggja á stofuborðinu,
Sigurður Ingólfsson, Sigurlín Her-
mannsdóttir og Steinunn Ás-
mundsdóttir eru mínar uppáhalds
þennan veturinn.
JÓHANNA HAFLIÐADÓTTIR ER AÐ LESA
Góð í að finna út plottið
Jóhanna
Hafliðadóttir
er forstöðu-
maður
Bókasafns
Héraðsbúa.