Fréttablaðið - 23.12.2002, Page 2

2 23. desember 2002 MÁNUDAGUR
LÖGREGLUFRÉTTIR
Guðlaugur Þór Þórðarson borgarfulltrúi hefur haft í
frammi harða gagnrýni á Alfreð Þorsteinsson fyrir
störf hans sem stjórnarformaður Orkuveitu
Reykjavíkur.
Þetta er ágætis spurning. Ég ætla ekki að
svara neinum svona spurningum núna.
SPURNING DAGSINS
Langar þig í meirihluta með
Alfreð? Veður um hátíðarnar:
Útséð um hvít jól
VEÐURFAR Útséð er um að lands-
menn fái hvít jól í ár, en Veður-
stofan spáir hlýindum fram yfir
jól. Í dag gæti þó snjóað örlítið á
Norðvesturlandi og Norðurlandi,
en veður hlýnar þegar líður á
kvöldið og búist er við rigningu
um land allt í kvöld. Á aðfangadag
verður hiti yfir frostmarki á öllu
landinu og víða rigning, þó síst á
Norðurlandi þar sem verður þurrt
en úrkomulaust. Á jóladag er gert
ráð fyrir bjartviðri fyrir norðan
og heldur kólnandi, en á annan í
jólum hlýnar á ný og hlýindin
haldast að minnsta kosti fram á
laugardag.
Veðurfræðingum ber saman
um að þetta sé ákaflega óvenju-
legt árferði, en að sögn Eiríks Sig-
urðssonar veðurfræðings hefur
oft staðið í járnum með suðvestur-
hornið hvort yrði snjór eða ekki
snjór. „En það óvenjulega er að
þetta mun trúlega eiga við um allt
landið í ár.“ Eiríkur var ekki með
upplýsingar um hvenær síðast
voru rauð jól á öllu landinu, en
sagði áhugavert að skoða það eft-
ir hátíðarnar. Þór Jakobsson veð-
urfræðingur tók undir með Eiríki
og sagði líka athyglisvert að hafís
hefði ekki verið minni um þetta
leyti árs í hálfa öld. Aðspurður
hvort veðurfræðingar fengju
skömm í hattinn fyrir veðrið kvað
Þór það stundum gerast. „Sendi-
boðinn er stundum skotinn,“ sagði
Þór og segir einn kollega sinna
hafa sagt að hvorki væri hægt að
tala um hvít eða rauð jól í ár held-
ur græn. ■
Álver Alcoa í Reyðarfirði:
Alcoa áritar samninga í dag
STÓRIÐJA Íslenskir viðsemjendur
bandaríska álfyrirtækisins Alcoa
hafa áritað alla meginsamninga
vegna álvers á Reyðarfirði. Lög-
fræðingar hafa nú lokið við að yf-
irfara samningstexta og hafa
þeir verið sendir til Bandaríkj-
anna. Búist er við að stjórnendur
Alcoa áriti samningana í dag.
Samningarnir verða lagðir fyrir
stjórnir Alcoa og Landsvirkjunar
í byrjuna næsta árs til endanlegr-
ar staðfestingar. Þá mun iðnaðar-
ráðherra leggja fram heimildar-
frumvarp þegar Alþingi kemur
saman að loknu jólaleyfi.
Tilkynnt var í síðustu viku að
samninganefndir Alcoa og
Landsvirkjunar hefðu lokið gerð
raforkusamnings vegna bygg-
ingar fyrirhugaðs álvers við
Reyðarfjörð. Jafnframt að lokið
hafi verið vinnu við þrjá aðra
samninga milli Alcoa, ríkisins og
Fjarðabyggðar og hafnarsjóð
Fjarðabyggðar um fjárfestingu,
lóð undir álverið og hafnarað-
stöðu. ■
Var ásakaður
um spillingu
Tore Tönne, fyrrverandi heilbrigðisráðherra, svipti sig lífi. Hann lá
undir ámælum um að hafa þegið biðlaun á sama tíma og hann fékk há
ráðgjafarlaun. Hann fannst látinn í bíl sínum síðdegis á laugardag.
NOREGUR Fyrrverandi heilbrigðis-
ráðherra Noregs, Tore Tönne,
fannst látinn í bíl sínum á laugar-
dag. Flest bendir til þess að hann
hafi svipt sig lífi. Mikil umræða
hafði verið um tengsl hans við
Kjell Inge Rökke, einn af ríkustu
mönnum Noregs. Tönne var ásak-
aður um að þiggja
biðlaun sem ráð-
herra á sama tíma
og hann fékk
drjúgar þóknanir
sem ráðgjafi
Rökke.
Tönne hvarf frá
heimili sínu á
föstudag og var
lýst eftir honum.
Hann hafði þá fengið upplýsingar
um innihald skýrslu efnahags-
brotadeildar um málið.
Jens Stoltenberg, leiðtogi
norskra jafnaðarmanna, lýsti
djúpri sorg yfir fréttunum. Stolt-
enberg fékk Tönne til að gegna
starfi heilbrigðisráðherra í ríkis-
stjórn sinni.
Það var Dagbladet í Noregi
sem upplýsti að Tönne hefði þegið
18 milljónir íslenskra króna frá
Rökke fyrir aðstoð við samein-
ingu fyrirtækjanna Aker Maritem
og Kværner. Aker Maritem er í
eigu Rökke. Hann hefði á sama
tíma þegið biðlaun ráðherra frá
ríkinu. Ráðgjafarstörfunum sinnti
hann á sama tíma og hann var á
biðlaununum. Launin frá Rökke
fékk hann síðar, þar sem þau voru
árangurstengd. Síðar var dregið
fram í dagsljósið að hann hafði
einnig fengið 35 milljónir að láni
frá fyrirtæki Rökke. Rökke hefur
allan tímann sagt Tönne heiðurs-
mann og að málið sé stormur í
vatnsglasi. Norskir fjölmiðlar
gera því hins vegar skóna að
Tönne hafi verið kunnugt um það
á föstudag að gefin yrði út ákæra
gegn honum. Efnahagsbrotadeild
lögreglunnar sendi í gær út til-
kynningu sem frestað var um
sólahring. Þar kemur fram að
Tönne er ákærður um brot á
þremur greinum hegningarlaga.
Norskir stjórnmálaleiðtogar
hafa lýst harmi sínum yfir enda-
lokum Tönne. Honum er almennt
lýst sem miklum umbótamanni í
starfi sínu sem heilbrigðisráð-
herra. Hann var bæði menntaður í
lögfræði og hagfræði og þótti afar
traustur og hæfileikaríkur. Eftir
dauða hans hafa vaknað spurning-
ar um hvort fjölmiðlar hafi geng-
ið of hart fram. „Ég tel að menn
hljóti að spyrja sig þess hvernig
farið er með landsins besta fólk.
Tönne var í þeirra hópi,“ er haft
eftir nánum vini Tore Tönne. ■
FLUGFÉLAG ÍSLANDS
Mikið annríki hefur verið í innanlandsflugi
undanfarna daga, en veður og færð hafa
verið með miklum ágætum.
Innanlandsflug :
Umferð þétt
og góð
SAMGÖNGUR Innanlandsflug hefur
gengið sérstaklega vel fyrir þessi
jól og margir þættir sem koma þar
til að sögn Ara Fossdal, vaktstjóra
hjá Flugfélagi Íslands. „Traffík hef-
ur verið þétt og góð og miklu dreifð-
ari en undanfarin ár. Þetta fylgir oft
fríum í skólunum, en fimmtudagur
og föstudagur fyrir helgina voru vel
nýttir og greinilega margir komnir í
jólafrí.“
Ari segir að flogið verði til allra
staða nema á Höfn á aðfangadag og
frá Akureyri í Grímsey, á Þórshöfn
og Vopnafjörð. „Það hafa yfirleitt
komið tveir, þrír dagar fyrir jól þar
sem allt er smekkfullt, en þannig er
það ekki í ár. Það hafa hins vegar
alltaf allir komist til sín heima þessi
tólf ár sem ég hef verið hjá Flugfé-
laginu,“ segir Ari.
Þá er líka líflegt í pakkaflutning-
um, en lykilatriðið að því hversu vel
allt gengur segir Ari vera veðrið,
sem hefur leikið við landsmenn í
desember. ■
Leiðtogi Frjálslyndra í
Norðvesturkjördæmi:
Jólakorta-
kóngur
ársins
JÓLAKORT „Þetta eru einhver þús-
und, fer á hvert heimili í kjör-
dæminu. Ég vona að pósturinn
hafi komið þessu öllu til skila,“
sagði Guðjón Arnar Kristjánsson,
alþingismaður og leiðtogi Frjáls-
lynda flokksins í Norðvesturkjör-
dæmi.
Fyrir þessi jól sendir hann jóla-
kort á hvert einasta heimili í kjör-
dæmi sínu, um eða yfir 10 þúsund
kort.
„Þetta kostar sitt og ég borga
þetta sjálfur. Myndirnar voru
mismunandi og textinn sömuleið-
is. Ég lét prenta þetta, ef ég hefði
átt að skrifa sjálfur hefði þurft að
fresta jólunum og til þess hef ég
ekki vald,“ sagði Guðjón Arnar
kristjánsson. ■
ÁREKSTUR Á AKUREYRI Tveir
bílar rákust saman á gatnamót-
um Þingvallavegar og Mýrar-
vegar á Akureyri um tíuleytið á
laugardagskvöld. Þrír voru
fluttir á slysadeild Fjórðungs-
sjúkrahússins á Akureyri, en
munu hafa hlotið minniháttar
meiðsl og fengu að fara heim að
lokinni skoðun. Annar bílanna
er gjörónýtur. ■
Magnús Þór
Hafsteinsson:
Ég fer fram
FRAMBOÐ „Ég fer fram fyrir Frjáls-
lynda flokkinn, það er klárt. Það
liggur þó ekki fyrir á þessari
stundu hvort ég gef kost á mér í
Suðurkjördæmi eða Norðvestur-
kjördæmi,“ sagði Magnús Þór
Hafsteinsson, fréttamaður og
fiskifræðingur.
Hann hefur undanfarnar vikur
velt fyrir sér framboði til Alþingis
og nú liggur ákvörðun hans fyrir.
Þó togast á tveir kostir í hans
huga. Upphaflega var við það mið-
að að hann tæki 2. sætið í Norð-
vesturkjördæmi þar sem Guðjón
Arnar Kristjánsson leiðir lista
Frjálslynda flokksins en nú er
hann alvarlega að velta fyrir sér 1.
sætinu í Suðurkjördæmi. Þar hef-
ur Grétar Mar Jónsson sjómaður
sóst eftir toppsætinu.
„Ég hef ekki gert þetta upp við
mig enn. Áhættan er meiri með
því að fara fram í Suðurkjördæm-
inu en verkefnið yrði mjög
skemmtilegt. Það skýrist fyrir
áramót og þá fer ég í baráttuna af
fullum krafti,“ sagði Magnús Þór
Hafsteinsson. ■
Ölvaður maður á Ísafirði:
Ók á hús
og bíl
ÖLVUNARAKSTUR Bifreið var ekið á
hús við Fjarðarstræti á Ísafirði.
Þegar að var komið leyndi sér ekki
að ökumaðurinn var ekki allsgáð-
ur. Hann var fluttur á sjúkrahúsið
á Ísafirði þar sem gert var að
áverkum í andliti.
Maðurinn er grunaður um að
hafa skömmu fyrir atvikið ekið
utan í mannlausa bifreið.
Í bifreið mannsins fundust
áhöld til neyslu kannabisefna. Bif-
reiðin er mjög mikið skemmd ef
ekki ónýt. Þá varð nokkuð tjón á
húsinu og mannlausa bifreiðin sem
varð á vegi ökumannsins er óöku-
fær eftir áreksturinn. Manninum
hefur verið sleppt úr haldi. ■
Neyðarlending
á Keflavíkurflugvelli:
Var með
áfengiseitrun
LÖGREGLA Boeing-757 farþegaþota
frá rússneska flugfélaginu Aero-
flot lenti í Keflavík vegna veikinda
farþega. Það blæddi úr vitum sex
farþega og fékk vélin, sem var á
leið frá Moskvu til New York með
174 farþega, leyfi til lendingar.
Nokkrir sjúkrabílar voru hafðir til
taks til að flytja farþegana á
sjúkrahús ef nauðsyn krefði. Ís-
lenskir læknar fóru um borð í vél-
ina til að athuga líðan farþeganna. Í
ljós kom að um tungumálamis-
skilning var að ræða og aðeins einn
maður um borð veikur. Hann
reyndist vera með áfengiseitrun og
var fluttur á Heilsugæslu Suður-
nesja og þaðan á Landspítala – Há-
skólasjúkrahús í Fossvogi. Flugi
var haldið áfram. ■
GRÆN JÓL?
Þór Jakobsson veðurfræðingur segir ár-
ferðið harla óvenjulegt og jafnvel sé hægt
að tala um græn jól.
HARMLEIKUR Í NOREGI
Kjell Magne Bondevik, forsætisráðherra Noregs, er einn fjölmargra stjórnmálamanna sem
hafa lýst djúpum harmi yfir örlögum Tore Tönne, fyrrverandi heilbrigðisráðherra Noregs.
„Ég tel að
menn hljóti
að spyrja sig
þess hvernig
farið er með
landsins besta
fólk.“
UMFERÐ
FYRIRHUGAÐ ÁLVER ALCOA
Stóriðja Austfirðinga að Hrauni í Reyðar-
firði færist nær með hverjum deginum
sem líður. Nú hafa Íslendingar áritað alla
meginsamninga og er búist við að Alcoa
áriti skjölin í dag.
BÚÐAHNUPL Lögreglan í
Reykjavík átti í hefðbundnum
önnum um helgina og segir
nokkuð hafa verið um ölvun og
pústra. Þá hefur verið gríðarleg
umferð, sem hefur þó gengið
vel með örfáum undantekning-
um. Talsvert var tilkynnt um
þjófnaði úr bílum svo og um
búðahnupl.
JEPPI FAUK Jeppi með yfir-
byggða kerru fauk út af vegin-
um við Búlandshöfða á Snæ-
fellsnesi á laugardag. Þrennt
var í bílnum og slapp fólkið án
meiðsla. Bifreiðin er óskemmd
en mikið tjón varð á kerrunni.
Hvassviðri var þegar slysið
varð.