Fréttablaðið - 23.12.2002, Blaðsíða 16

16 23. desember 2002 MÁNUDAGUR
BORÐSPIL „Allir fá þá eitthvað
fallegt, í það minnsta kerti og
spil,“ segir í jólasöngnum sígilda.
Og það eru orð að sönnu, í það
minnsta hvað spilin varðar sem
munu verða í mörgum jólapakk-
anum. Samkeppni á borðspila-
markaði hefur aldrei verið meiri
en einmitt núna.
„Við seldum fimm þúsund
Viltu vinna milljón? spil í fyrra.
Þá voru bara tvö spil að keppa á
markaðinum. Ég hef ekki töluna
á titlunum núna og svo virðist
sem margir ætli að freista þess
að leika sama leikinn nú fyrir
þessi jól,“ segir Haraldur Jóns-
son, framkvæmdastjóri verslun-
arsviðs Skífunnar.
Haraldur segir að þeir hefðu
getað selt miklu meira því spilið
seldist upp. Viltu vinna milljón?
er nú komið aftur á markaðinn
auk nýrrar útgáfu sem er sér-
hönnuð fyrir börn og unglinga.
Þegar einni beljunni
er mál...
Trausti Hafsteinsson hjá út-
gáfufyrirtækinu Veruleika, sem
hefur helgað sig borðspilaútgáfu,
var í slagnum í fyrra með Gettu
betur spilið og enn í ár með Séð
og heyrt spilið. Hann segir lands-
lagið allt annað núna. „Það var
svakalega gaman í fyrra og lík-
lega má rekja þetta mikla fram-
boð í ár til þess að vel gekk að
selja borðspil þá. Þegar einni
beljunni er mál... og allt það,“
segir Trausti. Hann segir sam-
keppnina á þessum markaði
aldrei hafa verið meiri og erfitt
að segja til um hvort eitthvert
spil muni skera sig úr. „Við njót-
um sérstöðu og erum með al-
íslenskt spil. Hin spilin, eins og
Viltu vinna milljón?, unglingaspil
og Hringadróttinsspilið, eru er-
lend spil, þýdd og staðfærð.“
Í fyrra var mikill urgur meðal
smærri söluaðila en þá keypti
Hagkaup upplagið allt af Trausta
og félögum. „Við höfum átt fínt
samstarf við
Hagkaupsmenn
og kvörtum nátt-
úrulega ekki.
Gettu betur var
söluhæst í fyrra
og fór í rúmlega
sex þúsund ein-
tök. Kom okkur
á óvart hversu
dýrt og flókið
ferli er að gera
spil en jafnframt
mjög gaman. Nú erum við að
leggja drög að barna- og ung-
lingaútgáfu af Gettu betur. Stefn-
um eðlilega að heimsyfirráðum
og erum voða kátir.“
Höfundar Séð og heyrt eru
Trausti Hafsteinsson og Gunnar
Sturla Hervarsson auk spurn-
ingahöfunda sem unnu spurning-
ar upp úr þremur árgöngum sam-
nefnds tímarits sem fjallar um
ríka og fræga fólkið. Trausti
heldur því fram að leikurinn og
virknin í honum svínvirki. „Þetta
er ekkert annað en einskær
skemmtun og þægilegur spila-
tími. Það skiptir máli hvernig þú
klæðir þig, hvernig gemsa þú ert
með, þú þarft að koma sjálfur
með kjaftasögu og svo framveg-
is,“ segir Trausti, sem hafnar því
alfarið að verið sé að gera grín að
hinu íslenska þotuliði með tiltæk-
inu.
Barátta við hið illa
„Ég vil náttúrulega ekki undir
neinum kringumstæðum tala illa
um helstu samkeppnisaðilana. En
er ekki Séð og heyrt það spil sem
enginn getur verið þekktur fyrir
að vinna?“ spyr Björn Thoraren-
sen grallaralegur. Björn hefur um-
sjón með Hringadróttinsspilinu
sem Fjölvi gefur út. „Jújú, það er
mikil samkeppni en okkar spil er
aðalspilið. Hringadróttinsspilið
fellur náttúrulega eins og flís við
rass í tengslum við kynningu á bíó-
myndinni og
bókunum en þær
eru nú að renna
út önnur jólin í
röð. Allt hjálpar
þetta hvert öðru.“
Hringadrótt-
inssspilið er afar
vandað spil og
margir nefna það
sem líklegt ofar-
lega á sölulistum
þegar jólin verða gerð upp. Einnig
er Cata – landnemaspilið nefnt en
bæði þessi spil eru frá þýska fyrir-
tækinu Kosmos í Þýskalandi.
Hringadróttinsspilið er þýtt og
staðfært af Birni og föður hans
Þorsteini Thorarensen sem jafn-
framt þýddi Hringadróttinssögu.
„Okkar spil er sérstakt að því leyti
að það byggir á þessari frábæru
sögu og er samvinnuspil sem nýtt.
Spilamenn eru ekki í keppni hver
við annan sem reyndar hefur ekki
þótt spennandi hingað til. Við af-
sönnum þá kenningu. Það er ein-
faldlega svakaleg spenna í barátt-
unni við Sauron og hið illa.“
Hringadróttinsspilið er fram-
leitt í 5000 eintökum og Björn
bindur vonir við að upplagið muni
klárast og nefnir að Bónus hafi
þegar keypt stóra sendingu.
jakob@frettabladid.is
Brjáluð samkeppni á borðspilamarkaði:
Margir róa á sömu mið
Topplisti Magna
Magni Magnússon er einn af
spilakóngum Íslands og rekur
sérverslun með spil á Laugaveg-
inum. „Viltu ekki bara kalla mig
Jókerinn?“ spyr Magni. Hann er
búinn að vera í þessum bransa í
40 ár og geri aðrir betur. „Ég
byrjaði í Frímerkjamiðstöðinni
árið 1964 og var síðan frá 1980
hér við Laugaveg 15 eða í Litlu
hryllingsbúðinni eins og mín
góða kona segir stundum þegar
brjálað er að gera hjá okkur.“
Fréttablaðið fékk hann til að
nefna sér 10 bestu spilin frá upp-
hafi. Ef einhver er fær um að út-
nefna sígild spil er það hann.
Magni sagði reyndar eitt atriði
setja strik í reikninginn því þetta
væri ákaflega aldursskipt. 15 ára
og yngri vilja önnur spil en þeir
sem eldri eru. „Þó þau hafi ekki
komist á lista verð ég að fá að
nefna Púkk og Myllu einnig.“
1. Skák
2. Monopoly
3. Scrabble
4. Trivial Pursuit
5. Mastermind
6. Backgammon
7. Pictionary
8. Lúdó
9. Dómínó
10. Mikado
TRAUSTI HAFSTEINSSON:
Í Séð og heyrt spilinu skiptir máli hvernig gemsa þú átt, hvernig þú ert klæddur
og hversu góður þú ert í kjaftasögum.
BJÖRN THORARENSEN:
„Hringadróttinsspilið er samvinnuspil, sem hingað til hefur ekki þótt spennandi
hugmynd, en við sýnum fram á annað.“
Sölulisti Hagkaupa
Sigríður Gröndal, yfirmaður sér-
vöru Hagkaupa, segir, líkt og all-
ir viðmælendur Fréttablaðsins,
að aldrei hafi verið fleiri spil á
markaði en núna og því dreifist
salan meira en var í fyrra þegar í
raun voru ekki nema tvö spil.
Árið þar áður voru engin. Hún
talar um góð og vönduð spil og
mikla sölu. Á sölulista Hagkaupa
skera tvö spil sig úr: Séð og heyrt
spilið nálgast að hafa selst í 1.500
eintökum og Viltu vinna milljón –
unglingaspil nálgast 1.000. Önnur
hafa selst minna. Sigríður gerir
ráð fyrir því að þessar tölur muni
rjúka upp nú um helgina og fleiri
spil blanda sér í baráttuna.
1. Séð og heyrt spilið
2. Viltu vinna milljón ungl.spil
3. Party og Co
4. Viltu vinna milljón?
5. Trivial Pursuit - Genus
6. Snakes & ladders Jumbo
7. Skák Brio
8. Hringadróttinsspilið
9. Snákaspil Brio
10. Spil Operation
MAGNI MAGNÚSSON:
Segist vera Jókerinn í spilinu og velur
topplista bestu spila frá upphafi.
SÉÐ OG HEYRT SPILIÐ:
Trónir nú um stundir efst á
sölulista Hagkaupa.
fiorláksmessuskatan
í Rúgbrau›sger›inni
Borgartúni 6.
Þorláksmessuveislan er frá 11-16.
Í boði eru þrjár tegundir skata:
amlóði / miðsterk / fullsterk
Einnig er í boði:
Saltfiskur / plokkfiskur / síld
Ver›: 2.600,-
s. 561 64444 - borgaris@itn.is
BONO
Samdi lagið ásamt Dave Stewart úr
Eurythmics og Joe Strummer í The Clash
heitinni.
Nýtt lag eftir Bono:
Til heiðurs
Mandela
TÓNLIST Írski söngvarinn Bono hefur
ásamt Dave Stewart úr Eurythmics
og Joe Strummer úr Clash samið lag
til heiðurs Nelson Mandela, fyrr-
verandi forseta Suður-Afríku. Lagið
nefnist 48864, sem er sama tala og
fanganúmer Mandela í þau 27 ár
sem hann sat í fangelsi fyrir stjórn-
málaskoðanir sínar. Þá verður lagið
flutt í lok tónleikahátíðar 2. febrúar
næstkomandi til styrktar rannsókna
og umræðu um HIV-veiruna og
eyðni. Tónleikarnir eru haldnir inn-
an veggja fyrrverandi fangelsis á
eyjunni Robben þar sem Mandela
dvaldi í 18 ár. Fangelsið er nú sögu-
safn. Á meðal annars tónlistarfólks
sem treður upp á tónleikunum má
nefna Íslandsvinina í Coldplay,
Queen og Macy Gray. ■